Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Vengsang YMA (Vengsang)

HSLC RESULT CHHUAK
The Vengsang 29th March 2009:
Ni 27.3.2009 khan Mizoram Board of School Education chuan HSLC 2008-09 academic year, 3-13th (16-18, Practical)February, 2009 a exam neih result a tichhuak. Mizoram pumah he exam beitu Mipa - 6433 leh Hmeichhia - 6617 an vai in mi 13050 an awm a ni. Heng zingah hian mi 7687 in an pass a, mi 505 an supplement in mi 4522 an fail a, Pass percentage chu 60.46% a ni. Mi 236 exam lo/exam kim lo an awm bawk a ni. Mizoram huapin Pass awm miah lohna school - 20 awmin Champhai District bikah School - 3 an awm a ni.
He exam ah hian Distinction - 306 awmin First Division - 1328, Second Division - 2344 leh Third Division - 3709 ah te an awm a ni.
Champhai District bikah B.C.Lalthlamuana English Academy chu ti tha ber an ni in an pass kim vek a. Tin heng school 5 - PCMS Zotlang, Bethel Mission School, King Solomon School, Pine Hill Academy leh Springdale te hian an pass kim vek bawk.
Heng mite hi kan veng atanga pass kan hriat theih ang chin te a ni :-
B.C.Lalthlamuana English Academy
R.Hmingthanzauva S/o R.Lalzarliana V.Sec. Distinction
(Letter in Mizo, Maths, Science, S.S)
Freddy Lalrinpuia S/o Rohnuna V.Sec. Distinction
(Letter in English, Mizo, Science, Maths)
T.L.Thahmingthangi D/o T.Lalhmingmawia T.Sec. Distinction
(Letter in Eng, SS, Sc.)
J.H.Lalmuanpuii D/o P.J.Enga T.Sec. Ist Division (Letter in Mizo, S.S)
K.V.L.Hmangaihzuali D/o K.Zodinsanga K.Sec. II
TBC Lalhrilkungi D/o TBC Lalngaihthanga N.Sec. II
J.Lalmuanzuala S/o J.Malsawma N.Sec. II
Samuel Lalhruaizela S/o Lalthanzuala Pautu K.Sec. II
Gideon Lalawmpuia S/o B.Ramluahpuia V.Sec. III
G.M.H.S.S
Jenny Lalchhanhimi D/o TH Sanghmingthanga V.Sec. II
Lalawmpuia S/o ST Lalchuangliana T.Sec. II
Lalrinkimi D/o J.Zadinga K.Sec. III
Lalhrechianga S/o Joseph Paua N.Sec. III
Vengsang High School
Andrew Zoremtluanga S/o Zothanmawia V.Sec. II
K.Lalremruata S/o K.Lalbiaksanga N.Sec. III
Ramfangzauvi D/o Siliana N.Sec. III
Vanlalruatkima S/o T.Laihnuna N.Sec. III - Einstein Boarding School
Vanlalhruaizela S/o H.Lalkima T.Sec. II- Saizahawla Boarding School (Azl)
(Kan veng mi leh sa mahni kawnga hlawtlinna hmu thar te hi kan lawmpui tak zet zet in an kal leh zelna turah duhsakna kan hlan a ni. Kan theihtawp kan chhuah chungin pass tharte kan hre kim thei lo a pawi kan ti hle, kan chhuah hmaih palhte in mi hriatthiamna kan ngen a, hmaih palhte min rawn hriattir theih chuan kan lawm hle ang. Ed. & Staff)

Lawmthu:
Ni 25-26 chhunga Sub-Hqtrs YMA Champhai in Inter-Branch YMA sport a buatsaihna ah Vengsang Branch YMA aiawh a infiammi tel zawng zawng leh nu leh pa, phal taka an fate Veng tana rawn kaltir tu te zawng zawngte, an veivahna atana lirthei rawn thawh tu te, thingpui in na atana pawisa min petu Dr. Lalnundanga chungahte Vengsang Branch YMA chuan lawmthu a sawi mawlh mawlh a ni. In inpekna azarah Vengsang hian hma a sawn phah ngei a ring tlat bawk a ni.
Jersey :
Inter Branch YMA sport neih taka Jersey hawntu zawng zawng te’n tun kar lo awm tur chhung hian Pu V.Lalduhzuala (YMA Hall hnuai) hnenah theh luh vek tur a ni.

VESREC :
Vawiin chawhnu inkhawm ban hian kan venga NGO hrang hrang - YMA, MUP, MHIP, Sporting Club te leh Kohhran hrang hrang aiawh ten YMA Hall ah VESREC kal zel dantur an sawi ho dawn.


Sub-Headquarters
Nimin chawhnu dar 1 khan Ob te leh Sub-Headquarter Zaipawl Sub-CommitteeOB ten Office ah meeting an nei. Hetah hian Sub-Committee leh Zaipawl kal zel dan tur an sawiho va Chanchinbu buatsaih lai hian an rorel kan hre hman lo.
Vawiin tlai dar 3:00 hian OB te leh Sport Sub-Committee OB te’n President Pu C.Lalawmpuia te inah Inter Branch YMA sport thlirletna leh CYMA in sport a buatsaihna a kal dan tur an rel ho dawn.


VENGSANG SPORTING CLUB

Ni 26.3.2009 zan khan Vengsang Sporting Club Committee neih a ni a, chute an rorel tlangpuite chu :
Sikul naupang 1st term exam zawh hian Local Tournament buatsaih ni se an ti a, he tournament ah hian Football (men, under 12 and 16), Volleyball (m&w) leh Hockey (m&w) ah te inelna neih tur a ni. Tin, he tournament a tel tur chu member a ni ngei tur a ni. Membership fee hi Rs. 5/- a ni a, heng mite hnenah hian pek theih a ni ang :

V. Sec. : Pu B.Ramluahpuia, Pu V.Lalduhzuala leh Pu H.Remtluanga
T. Sec. : Tv. Hmingthansanga leh Tv. P.C Lianmawia (Keihfanglang)
K. Sec. : Pu Mantawna leh Tv. Lalhlimpuia
N. Sec. : Pu Vanlaltluanga leh Pu R.Lalchhuanawma.

He tournament a chhuah tumte chuan OB te hnenah hriattir tur a ni ang.
Tin property Sub-Committee an din nghal a, Member te chu :

Chairman : Pu TBC Lalrinawma
Member : Tv. Lalropuia V.Sec., Tv. Zodinpuia T.Sec., Tv.Lalruatsanga K.Sec., Tv. Lalchhantluanga N.Sec., Tv. Lalramruatthara N.Sec.
O.B incharge : Pu B.Ramluahpuia.
An ni thu lo hi chuan Sporting Club buangrua reng reng khawih chet phal a ni lo a ni.

ENGLO HUANG

J Bethel Vengah chuan JAMES ka in ti tawps. Kei Rulngan Pa hi.
- Lalrova Ratea Veng
J M.F.A Cup kha ka hmanthiam ber awm e, in hrIat loh lai khan ka...
- Didini K Sec.
J Min call tlang theih lohna chhan chu kan Nu in ka Cell phone a zunkhum vang a ni!
- Pu Lawmkima N Sec.
J Tunah chuan malpui 4 nen ka mu ta ut mai.. Dilkawn Nula deuh ut..
- Terova K Sec.
J Fa neih mah buaithlakin a thum nen Pastor venga mi khi ka rut mai teng! - M.Ka (Miril) T Sec.
J Paihte nuthlawi tlawngawl ram riahpui duh tan englai pawhin biak rawn theih reng ka ni.
- Zoted Br. Secy. N Sec.

Section News

KHUANGCHERA:
Ninga ni 26.3.2009 zan khan khan Section Leader Pu H. Vanlalmawia inah Section Committee an nei a, hetah hian Section budget leh suam tuak dan turte an thilr ho. Section Kudam sak hnatlang chu zingtin sak chhunzawm tura rel a ni a, hetah hian memberte kudam sa a hnatlang theuh tura ngen in ni e. A bikin mistiri te phei chu thawk chhuak ngei tura ngen bik in ni e.

TAITESENA:
Electrict bill khawn tuten mahni bial theuhte arang lama khawn a tifel leh turin Section hruaituten an ngen a che u.

VANAPA
Section huam chhunga tuikhur kawng leh tuikhurte thian faia hnatlang koh tum mek a ni a, memberte hnatlang thei tura ngen lawk in ni. Tin, Electrict bill khawn tu ten mahni bialte khawn leh tawh tawrin an ngen a che u.

CHAMPION (Lawmthu)
Hockey tournament neih zawh takah khan kan veng chu Under-19 ah kan Champion a, Trophy leh certificate bakah Hockey stick set khat kan dawng a ni. He tournament ah hian Mipa, Hmeichhia leh under-19 ah te kan tel a, Mipa hian semi-final an thleng bawk a ni. Player zawng zawngte leh an nu leh pa te chungah Vengsang Sporting Club chuan lawmthu a sawi a ni. A bik takin kan veng senior player kum 50 chuang tawh Pu R.Lalrinsanga leh Pu Rochungnunga te, Pu Ramdinthara leh Pu Zonunthara ten an ho mai piah lamah an la khelh pui peih avangin OB te an chungah an lawm hle.
V.C te’n an harsatna hria a Rs. 1200/- lai mai a an tanpuina avanga tluang taka tournament an khelh theih avangin leh an veivahna a motor thawh tu te D.P Stone Work, Pu R.Lalrinsanga, Pu T.Rochungnunga, Pu Zonunthara leh Pu David Rualthankhuma te chungah Vengsang Sporting Club chuan lawmthu a sawi mawhl mawlh a ni.
Jersey :
Hockey Player Jersey hawntu zawng zawng ten Ni 4.4.2009 (Inrinni) ral hma ngeiin Pu V.Lalduhzuala hnenah thehluh vek tur a ni e.
Hnatlang :
Nimin khan Vengsang Sporting Club chuan Airtel Tower phunna tur (Mualbawkah) hmun lai in inhlawh hnatlang an nei. Member 20 hnatlang hian an thawkchhuak a ni.

WINERY PUITLINNAN CHAK TAKIN HMA LA
Tlangsama Winery chungchangah tunhnai khan Horticultur Secretary lokalin Winery hi a rawn en a. Hmalak tawhna ropui a ti in tihpuitlin thuai a chak tawh thu a sawi. Thawhleh ni khan Mohan Rao Hyderbad lam mi chu lokal in grape sawngbawlna a thil tul- Pum tina tu tih reh nan Enzyme te, Neutral Alcohol leh saidawium lam te a tul zat tur a rawn enfiah a, Kolkata leh UP State atanga lakkhawm a rawn thawn chhoh thuai a tum. Hemi ni vek hian Das Gupta leh Mukhejee, Tanky 14 awm tawhsa bun fel dan tur ngaihtuah turin an lo thleng ve bawk a, April thla chhung ngeia bun fel thei turin hnathawktu rawn tirh chhoh an tum bawk. Grape hersawmna leh thlitfimna pawh lo thleng tawhin Power supply a buai thut pawha hman mai theih turin Generator 20 Kw pawh Rs. 140000/- man lei fel tawh a ni. He hna hi Sawrkar Leh Grape Chingtute tangrualin an thawh a ni. Hmalak chhunzawm nan Rural Bank ah Rs. 100 puk dil leh mek a ni.


Tualchhung
V.C News :
Kum 2008 chhunga kut hnathawktuten mahni Buh thar zat Biltu V/C hnenah naktuk thawhtan aia tlai lovah theh luh tur a ni.
Hetah hian Chhungkaw member zat (Puitling/ Naupang), thlawhhma zau zawng, thlaithar beisei zat, buh thar zat, Zu va vanga hloh zat leh Zu va vanga a riral hlut zawng thehluh tel tur a ni.
Job Card:
Lalthakima tih hminga Ni 100 inhlawhna a in report kan awm chuan pass port photo 3 kengin V/C Secretary Pu Rambuatsaiha Chawnghlut hnenah Job card a lam theih e.

CHHUANAWM
Doordarshan chuan kuthathawktu hlawhtling ah Pu Lalawmpuia N.Sec. te chhung chu puangin zirtawp ni khan kawmna hun an rawn nei. Hetiang mi kan vengin kan nei hi kan chhuang hle.

Motor thar
Kan Branch Treasurer Pu Lalthantluanga Tochhawng chuan thla hmasa lam atang khan SUMO a nei thar. Champhai to Aizawl a service a, mamawh tan hire theih reng bawk a ni

Pawisa chhar a ni
Pawisa tibo chuan tih bo zat leh pawsa, a nihna ang tak sawiin Pu RC Ramhmingthanga plus 2 quarters ah a rang lama lam vat tur a ni.
(Tun laiah mi thil tihbo a bik takin pawisa chhar te’n an ngawihbo pui tlat thin laia mi rinawm kan veng mi kan nei hi a ropui kan ti in entawn tlak kan ti hle.. Ed.)

Bike ruk sak
Tv. Vanlalchhuanga (VLa) S/o J.Ralkulhtawna N.Sec secretary Bike chu tun nilai zan dar 2 vel khan misualin an ruk sak. Bike hi ngawrh takin zawn zui a ni a, mahse tun thlengin an la hmu lo. VLa hi pawi kan tihpui tak zet a, hetiang ang thil kan vengah thleng tawh lo se kan duh tak meuh a ni.

CHANGE MOVEMENT
- MKa T. Sec.
Hun in her danglam zelah Zoram pawhin Ministry thar kan lo nei leh ta reng mai. Kum 37 zet mahni a ro kan in rel hnu ah kan ministry thar changvawn chu CHANGE tih hi a ni. Keini chauh hi change movement nei kan ni lova, Europe ah pawh Youth movement te, India ramah pawh Civil disobedience movement leh a dang dangte an lo kalpui mup mup tah thin a ni. Mizoram hian change chu kan mamawh tak zet a, mahse chu change thlentir tur chuan mamawh a tam thei hle ang. Kum 11 District Capital kan nih hnu ah tui connection kan buaipui ve laih laih a, kum 37 chhung mahni a budget nei hrang tawhin current kan la in enchhawk a, Heng thil thleng zawng zawng ah hian kan in puh kual theuh a. Mahse a kaikuang ber kan hre thei hauh si lo, thlak danglam chu kan ngai a ni.
Ministry lamin Change thupui hmangin Zoram hi model state ah siam tum viau mahsela, unit level atangte, department level a tangte leh mipui lamin kan zawm loh chuan a lu lam tumna chu engmah lo ah a chhuak ngei ngei dawn a ni. Change thleng tur chuan dan leh thu pek khauh pui pui siama kalpui ai chuan rilru lama change kan neih a tul hmasa berin a rinawm. Hmana kan tih duh thin kha a remchan tak loh avang leh khap a nih tak avanga ti lo ni mai lova, rilru a thlakthleng duhna kan put a pawimawh viau ang.
Tuna kan pachhiatna leh kan tlakbalna zawng zawng hi kan vai mawhphurhna ah al ngam ila, a siamtha tur pawh keimah ka ni tih rilru kan put a hun ta khawp mai. Lehlam party thiltih a nih avanga sawisel chana kan chang leh kan lawmpui thei tlat lo hi party ze chhia dik tak a ni. Khawtlang hruaitu pawh a thar kan lo nei ta a, VC hmasa te’n thil tha an tih chhunzawm a, an tih tha lo lai paih ngam turin ngaihtuahna fim pu se la.
Mipui pawh hian kan rama change thleng tur chuan mawhphurhna kan lak ngam a tul a , a ngai bawk a ni. Mizo zia ah hian mi thil tum in phurpyui leh a hlawhtlinna tura kawng in dap pui ai chuan a lum chin atanga ‘A thei lo ang, a ti tak tak thei chuang lo ang’ tih hi kan in thlir pui dan a ni. He zia hi kan paih a hun tawh a, min an tum tlat chuan rinsak a, a hlawhtlinna tura tanpui duhna rilru kan put a hun tawh hle bawk. Party tin in thil tum hrang hrang an nei a, in sawisel sak mai lova, kan in pawmpui a, kan zavai thatna tura thurawn inpek nachang hriat a tha hle. Mizo Union hun atanga tun hun thleng hian kan in haw haw khum a, mi tih sual leh an chak lohna kan tlangaupui a, kan hun a lo thleng a eng teh ual kan ni lem chuang lova, chu chu kan ram politics zia a ni. Hei hi chu change a ngai tawh tak zet a ni..
Change ngai chu sawi vak ngai lo in a lang. Sawrkar kaltawh tena political appointment an pek zozaite, party worker in building mangkhawng an sak zozaite hi kan change a kan tih ve loh ngam a tul hle ang. Change thleng tur leh thlen tir tur chuan ngan leh kei hi kan pawimawh bawk. A lum chin atangaa ai mai lo in kan zavaia luhchilh hna kan thawh loh chuan kan ram hian a thleng thui ngai lo ang.

Editorial
Kan mawhphurhna a ni
Kan ram, kan khua, kan vengah te hian dan pangai leh tur ve rengah ngai in kan chenga. Mahni pawimawh leh tul ni a kan hrait lam lamah kan vir buai a. He ram a cheng tur hian tih tur leh mawhphurhna kan neih erawh kan ngaihtuah ngai lem lo ni in a lang.
Khawi ram pawh nise a ram chhunga chengte chuan a ram dan zawm leh ram tana mawhphurhna an nei vek a ni. Kan ramah pawh hian chutiang mawhphurhna leh hlen tur dan chu mitin hian kan nei vek a ni. Heng ram dan mai bakah hian khua leh vengin inenkawlna dan hran te te kan nei hrang leh bawk a ni.
Chung dan kan neih zingah chuan khawtlang inenkawlna lam bik hi han thlir ta ila; Khawtlang hruaitu VC lam ten khawtlang that zawkna a nih beisei in ran khuahkhirh chungchangah te, tuikhur chung changah te, mahni in leh a vel vawnfai kawngah te leh thil dang dangah khapna thupek an chuah thin. Chung thupekte chu kan that tlanna tur pawh nise a tuartu nih ai chuan thupek zawm loh mai kan thlang zawk a tih theih awm e. Rilru fim tak nena kan ngaituaha tha zawk ni a kan hriat pawh mahni tha senna tur leh kan thil neihin a tuar dawn chuan khua leh veng ngaihtuah lo lekin mahni hmasial takin hma kan la duh leh mai thin. Hei hian khawtlang anga kan nun hona a tichhe thin a ni.
Mi pamhamte nun zia hi paiha, mihringte hi inngeih tlang taka khawsa ho tur kan nih anga kan awm theih nan kan dan neihte hi zawm tlang theuh ila, mi dangte ngaichang tak chungin nun hmang theuh ila, kan ramin tihtura min phutte hi midang phut kher lovin zawm tlang ila, kan ram hi ram nuam chenna atana itawm tak ni turin i din thar teh ang u.

Comments

burgerstud2005 said…
Vengsang kha chu a han hnu chhawn deuh tlat tawh lo maw khawvel thang mekah hian..:).A vawt bawk si.

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Bethel YMA (BYMA)

BRANCH EXECUTIVE COMMITTEE NEIH A NI
Bethel. March.27Sunday) : Branch Executive Commiittee vawi thumna chu ni 24.3.09(Thawhleh) zanah YMA Office-ah neih a ni.
Branch Executive Committeee hi President Pu Lalsanglura Zote in kaihruaiin member sawm pariat an kal thei a, Pu C.Lalfaka Senior Adviser chuan Committee te tluang taka neih theih nan Pathian hnenah tawngtaina neiin rorel tan a ni.
Rorel I-na Kan Branch Vice President Pu S.Lalruatsanga chawlh dilna chu ngun taka sawi ho a nih hnuin a rawn dilna chu zahawm viau mahse tun atan chuan la pawm sak lo mai ni se an ti.
Rorel II-na Branch-ina a thunun mek Pu Nanghekmanga, Pi Nianglianchini, Pu Thangkhanlanga te ngaihdam dilna chu ngun taka ngaihtuah a nih hnuah an dilna pawm sakin thunun an nihna chu hlih sak a n ni.
Rorel III-na Central YMA atang Branch tina YMA chhang din theih ni se an tih chu kan Branch-ah pawh ngun taka sawi ho a nih hnuin kum 2009 atan kan Branch-ah pawh din ve nise an ti a, Section Wise-a din nise April thla chhunga …