Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

YMA Palai

SUB-HEADQUARTERS YMA CHAMPHAI INFIAMNA NEIH A NI
Vengthlang,29th March (Pathianni) : Ni 25-26 .3.2009 atanga tan Sub Headquarters YMA Champhai sports chu zawh fel a ni ta. He infiamnaah hian Vengthar Branch YMA chuan Gold-3, Silver - 3 leh Bronze 1 lain lawmman pakhatna lain No mawi tak an hawn a ni.
Infiamna hi chi hrang hrangah neih niin kan veng pawn in Relay Race, Volleyball leh Long Jump ah te Gold Medal lain meter 100 intlansiakah pathumna kan ni bawk a ni.
Kan veng tihming tha tute :
Volleyball : Tv. PC Lalnienga, K-Sec
Pu Lalfakzuala, N-Sec
Tv. Lalrosiama (Pasiama), K-Sec
Tv. RC Laltanpuia, K-Sec
Tv. Rama Varte, K-Sec
Tv. Lalrawngbawla, K-Sec
Relay Race : David Lalthansanga, K-Sec
Lalrinawma, T-Sec
Isaac Lalrinngheta, N-Sec
Lalfakzuala, K-Sec
Long Jump : Isaac Lalrinngheta, N-Sec (G)
David Lalthansanga, K-Sec (S)
100 meters : Lalfakzuala, K-Sec (B)


-----------------------------------------------

Famchang
Ni 27.3.09 (Zirtawpni) zing Dar 1:30 khan Pu Zaihnuna, N-Sec a mi chu Cancer natna avangin a boral a. A ruang hi Zirtawpni vek khan Vengthlang thlanmualah vuiliam a ni. Tin, Ni 27.3.09 (Zirtawpni) zan dar 5:30 khan Tv. Lalram- nghaka, T-Sec chu an mahni chenna Inah a boral a. A ruang hi tlaivarpui a nih hnuin nimin khan Vengthlang thlanmualah vuiliam a ni. Khawhar lusun chhungte kan tuarpui takzet a ni.

Keimahni
Hun rei tak phone line a that loh avanga kan Website kan Update theih loh hnuah tun tum chhuak atang chuan www.ymapalai.blogspot.com chu hniang hnar taka buatsaih tum a ni leh ta. Kan thiante leh kan naute pawh i han hrilh darh leh tak tak teng aw........

Bengchheng Leh Ta
Tunlai hian Pu Sangchia Dawr kawtah IB Veng tleirawl leh Dawr Veng tleirawl thenkhat ten bengchheng an siam nasa thei hle. Heng tleirawl ho hian khawlai kal lo au nawmnahin a changin an lo tibuai thin a ni tih thu Palai-in kan dawng. Security ten hma an la lo a nih chuan Police hnenah report hial an duh thu an sawi lang tel bawk.

Malsawm Ruah Sur
Thla nga lai ruah a sur tawh loh hnuah kar hmasa Ningani tlai khan ruah a rawn sur ve ta. Hei hian Champhai boruak a ti vawt thar leh hle.

Khelkawm Intihsiakna
Ni 31 March - 3 April chhung hian Hmeichhe khelkawm intihsiakna Mizoram pum huap chu Chhangphut Field-ah neih a ni dawn. He intihsiaknaah hian Mizoram hmun hrang hrang atangin infiammi an rawn kal khawm dawn a, kan veng pawhin Lunglei Team kan thleng leh dawn a ni. Tlawmngaia Leitlangpui nula te lo thleng theuh thei turin chhungtinte i in buatsaih ang u.

-------------------------------------------------

Champion Lawm
MFA Cup khelh zawh taka Chakber nihna lallukhum khumta Khawzawl Zone chuan ni 25.3.09 (Ningani) khan khawtlangin ruai nen ropui taka lawm a ni.

Sorkar Mirawih
Mizorama Sorkar hnathawk, a nghet leh nghet lo awm zawng zawng chu sing 5 sang 6 leh 640 an ni a, heng zingah hian sorkar hna thawk nghet, regular sing 4 sang 6 leh 874 an awm a, Muster Roll (MR) 7,848 leh Work-charged a thawk mi 1,918 an awm bawk.

MPF In Hma La Leh Tan Ta
Mizoram People Forum chuan South Tuipui biala inthlanna thianghlim, muanawm, dik leh fel fai a awm theih nan tunlai hian beihpui an thlak mek a, MPF hruaitu, khaw hrang hrang tlawha zin mekte hi an General Secretary, Upa Lalramthanga’n a hova, he bialah hian MPF Local Forum din a la nih ve loh avangin MPF Local Forum pawh a remchan dan a zirin an din nghal dawn a ni. Hetih lai hian BJP Mizoram Pradesh chuan tun tuma Mizorama Lok Sabha MP thlannaah candidate siam lova hai mai an tum tih an sawi a, an Party mite chu an duh duh vote turin zalen an pe nghal a ni. Hemi chungchanga an thu chhuahah BJP chuan Opposition Party pahnih, MNF leh MPC nen candidate intawm siam turin hma an la ho emaw an tih laiin heng Party pahnihte hian ro hran an nei ta nia sawiin hei hi an ral ban chhan niin an sawi tel bawk a ni.

Result Chhuakta
Zirtawpni khan HSLC result a chhuak a kan member zingah pawm mi engngemaw zatin hlawhtlinna in hmu tih kan hria. Kan lawmpui takzet che u a, in hmingte rawn tarlan chak viau mah ila kan hrekim thei si lo che u a, pawi kan ti takzet a ni. In kal leh zelna turah YMA Palai chuan duhsakna chibai kan buk tak meuh meuh che u a ni.

------------------------------------------------

SUALna NEILO CHUAN DENG RAWH SE
Uncle^Shabby
Tunlai kan Zoram titi tam ber pakhat chu eirukna a inhnamhnawih leh ruihhlo zuarte`n Pathian Ram an thawh ve phal sak tawh lo nise tih a ni. Ngun taka ngaihtuah chuan hei hi thil tha tak eirukna leh ruihhlo do na kawngah pawh chak taka hma min lak tir tu a ni thei hial awm e. Hetiang a hma kan la dawn anih chuan Mizo mipuite hian Pathian Ram thawh thei kan awm dawn a mi le? Mi hrang hrang eizawnna i han thlir ho teh ang :
Sum dawng : An thil zawrh reng reng an lakna ngai chiaha mi hrang hrangte hnenah pe thin chu Commission ho hi a ni awm e. An thil zawrhte kan han lei dawn a, a man man zawka lei kan duh avangin theih tawpin kan han nawr hniam a. Chutah ‘ka lakna ngai chiahin ka pe chu u’ an han ti a, rilru nuam takin kan lei phah thin a. Hetia lakna ngai chiaha hmun hran hrana an zawrh hnu pawh hian chhungkua chu an la chawm thei tho mai hi eirukna sap hovin Corruption an tih hi a ni ve thei tho lo maw.
Dawr kai tam tak pawh hetiang deuh tho hi an ni hlawm tlat. An lakna pawh pha manglo a min leitir hnu pawh hian an chhungkaw khawsak leh nih phung erawh a buai phah chuang lo hi Corruption chikhat chu a ni ve tho lo maw.....
Sawrkar hnathawk : Sawrkar sum eiru lem lo amah erawhchu Sawrkarin hlawh a pek pawh duh tawk lova hnadang thawh san deih pawh hi i huam tel tir ve ta ila. Then khat lah aikal lain Sawrkar hnathawk chung reng si in sum zawng thinte pawh hi eirukna chuan a la huam tel tho mai lawng maw... Doctor ho lahin Clinic hawng lo turin Sawrkarah hming an ziah mai bakah sum tam tak an lak hnuah pawh hmun hrang hrangah Clinic an hawng fer fur te pawh hi eirukna chikhat chu a ni thei tho lo maw.... Chu lovah tlai tak taka kal thin ho hi?
Sawi tur tam tak la awm mahse kan ziahna hmun a zim em avangin kan sawi vek seng lo a ni ber e. Hetiang dinhmun a ding mek Zoram-ah hian tunge thlamuang taka Pathian Ram chu thawh thei ta ang le? Chanchinbu leh thil chi hrang hranga pawr taka sawi thinte pawh kha Sawrkar sum kan eiruk loh leh ruihhlo kan zawrh loh avang ngawtin kan fihlim ngawt chuang lo tih hi i hre nawn leh ang u. Chuvang chuan nitin a kan hna thawhna theuhah rinawm leh dik takin thawk ila, engkim ti thei Pathian chuan kan eikhawp chu min pe ngei ngei ang tih hi i hre tlat ang u. Tichuan rilru nuam takin Pathian Ram kan thawh tawh dawn nia. Kan sel vak vak te sel ngam tur hian SUALna NEILO CHUAN DENG RAWH SE... tih hi kei ka ngaihdan a ni.

--------------------------------------------------

AK 47

(AK - 47 hi Chawngkhum dantlang
huat loh a ni, i lo hua a nih chuan
lo ho mai mai rawh )
J U David-a te mikhual nu-in min duh theih nana kan tap vel kha chu ka zei ve thlawtin ka in hria......chuan keima ta emaw kan lo intia mi fanu ta lek a lawm ka lo nih Papui-a, News Ed.
J Tawn hriat kan ngah zawh poh leh sawisel tur kan ngah a nih ber mai hi maw.... Zaupuia, V-Sec
JTp, nupui i neih ve hunah chuan tactic thar tha deuh ka hrilh ve dawn che nia..... Sepa, K-Sec
JKa solo laia chil kan lem ri kauh kha chu eng solfa mah hian a mil thei tawh lo reng reng. FK-a, Jt. Ed.
J Kumin chu Bialnu neih hmel deuhin in awm tluan leh mai mai teng....... Liana (KTP Leader), N-Sec
JThianpa Rohlira hi chu kan Ruling loh vang mai mai a lawm Kohhran-ah hian a in hman.. Pu Zohlira, V-Sec
JInrinni hi chuan min rawn be buai tawh lo hram teh u, huanah feh a ngai tlat..... ? Hruaia DK, V-Sec
JLC, kan veng tleirawl ho zinga pakhat ber hi chu min lo sih chhuah ve la........ I U ChL-a, N-Sec
J Tap chungin ka rawn fang leh hmana kan tuanna. Nunhlui zamual liam hnute kha, koh kir leh theih chang se... auh ruai ruai ka nuam mang e ** Mun Mun-i, T-Sec
J Mi inneih ni a tleirawl rual phurh kual hi ka tan chuan hun tha ber chu a ni ta....... Sir Tluanga, Full Vancancy
JNgam loh vang em em pawh niloin In luah tur zawngin Zirtawp zan atanga Pathianni zan thleng pu te laichhuat kan va belh ve leh zan kha..... Pu Bula, Fin. Secy
JRamzau, min kian thei lo a nih chuan Court-ah ka khing dawn che..... Mathantea, Ex-Secy
JNu berte an zin hi chuan zero bulb pawh tih en a ngai lo tlats.... Sir RS-a, N-Sec
JHrangman, vawi khatmah zan reiah i 407 a leng chhuak turin min rawn sawm tawh suh. Nl. Hmingi, Pre. duhlo tu

Comments

burgerstud2005 said…
Uncle Shabby sawi chu a dik hle mai.An lakna aia tlawm a kan lei pawhin anb la hlok tho a nioh hmel a ti raw.

Popular posts from this blog

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…