Skip to main content

Posts

Showing posts from April, 2009

Champhai Tualchhung Chanchinthar

TLEIRAWL 8 DUNGTLANG POLICE IN CHHANCHHUAK :  Bangladesh-a Rohingya raltlan hmunpui atanga ruk chhuaha Myanmar lama hruai chhoh tur ni a rin Rohingya Muslim, kum 15 leh 16 bawr vela upa, hmeichhe 8 chu niminpiah khan Police te'n Champhai district-a Dungtlang khuaah an chhanchhuak. DIG (Northern Range) Lalbiakthanga Khiangte sawi danin he'ng an tleirawl chhanchhuahte hian Hindi leh tawng dang pawh an thiam lo va. Bangladesh atanga rawn ruk chhuah ngei an nih rin a ni a,-Saikhumphai kaltlanga Myanmar rama luhpui tum an ni a, anmahni hruaitu tur hi Saikhumphai-ah a awm nia hriat a ni. Mizorama luh phalna nei lo he'ng hmeichhe 8-te hi nimin khan Champhai district Chief Judicial Magistrate hmaah hruai an ni a. Hmeichhe enkawlna Home lama dah rih an nih rin a ni.  Rohingya Muslim te hi Myanmar ram Rakhine State a cheng, tihduhdahna an tawrh avang leh helna avanga Bangladesh-a raltlan an ni hlawm a. India rama an luh hian thawnkir nghal zel turin Ministry of Home Affairs chuan s…

Buatsaihtute Khawthlir

Mimal Zalenna
“Ka zalenna chu ka ta a ni a, tumahin an sawisel thiang lo. Ka inchei dan leh ka khawsa zia paw Emo emaw Goth pawh nise. Ka zalenna a ni a, ka thu thu!” he thu hi thangtharte thukhaw-changah chuan tunlaia a lar ber pawl a ni hial ang.
A huhova awm khawm hi kan peih ta lo emaw ni, thang leh thar kan chhuak zel a, mahni chungnung bera inngaihna kan dah lian tual tual a. Hei hian khawtlang nunah nghawng pawi tak a la nei mawlh ang. Mimal tin hian kan duhdana awm turin zalenna kan nei theuh a, chu chu kan vawnghim tur pawh a ni. Mahse kan zalenna hman danah hian mahni chiah kan inngaihtuah ta niin a lang. Hetia mahni tan chauhva kan zalenna theuh kan hmang dawn a nih chuan khawtlang nunhona hi a chhia ang a, mahni leh kan thil thlakhleh zawng chauh mamawha kan inhriat hunah phei chuan YMA hi kan la umbo ta ve ang.
Chuvang chuan kan zalenna kan hman danah kan fimkhur a tul. Kan zalenna chuan midang hnawksak a ti tur a ni lova, mahni chauh a indah chungnung tur a ni hek lo. Mi…

Champhai Vengthlang {YMA Palai}

Central Co-ordination committee vawi 59-na nei
Vengthlang,26th April (Pathianni) : 8th April,2009 khan Central YMA Hall, Tuikhuahtlang Aizawl-ah Central Co-ordination committee vawi 59-na neih a ni. An thurelte chu:-
1. YMA khawih: a)Mizo nunze mawi uar zawka inzirtir nise tih CCC hmasa-in CEC-in inkaihhruaina siam se a tih chu bawihzuiin CEC in hemi chungchanga kaihhruainate lo siam turin Committee a din a, CEC-ah thlirho anih hnuah, kaihhruaina chu YMA Sub-Hqrs/Group Conference neihna hmunahte thupui pakhat atan hmangin inzirtir thin a ni. Heng bakah hian CCC hmasain in alo rel angin kumin chhunga YMA Thupui 'Khawtlang nun siam that' chu kaihhruaina siam a ni. b)YMA Danpui a siam that ngaite en-nawn ni rawh se tih chu bawhzuiin, YMA Sub-Hqrs,Group leh Branch-ah te lehkha thawnin, YMA Danpui siamthat rawtna nei te tan 15 March 2009 pek a nih chu May thla aia lovah pawhsei a ni a. YMA Danpui siam that rawtna te thlifim a, ruahmanna lo siam turin Sub-Committee siam a ni.
2. Sorkar…

Sermon

Ringtute Hi Khawvel Eng Kan Ni
Chang thlan : Matthaia 5 : 14 - 16
Eng tel lo chuan khawvela nunna neite hi an dam khawchhuak thei lo. Eng hmanga chaw siam thei chauh vek an ni. Thil, a nihna ang taka kan hmuh fiah theihnan pawh eng a ngai a, eng awm lohna ah chuan kan chetvelna pawh a buai zo vek a nih hi. Thimah chuan kawng kan hmu thei lo va, hlauhawm leh hlauhawm lo kan thliar thei lo va, kan mit kan chhawr tangkai thei hek lo. Eng tel lo chuan kan khawsa thei lo a ni
Khawvel Eng - Isua : Isua hi khawvel eng a nih thu Johana 1:9, 8:12 ah te kan hmu. Isua tel lova khawvela nun kan hman chhung chuan thimah kan cheng tihna a ni. Nuamsa takin awm mah ila, Kawng leh Thutak leh Nunna Isua kan neih loh chuan kawngbo kan ni tho. Kan hlawhtlinna te, ropuina leh hmingthatna te pawhin kan damchhung bak a daih lo. Tin, kan nunna atana tha leh tha lo pawh kan finna atangin kan teh ang a, a dik zik tluak chuang lo . Kan hlimna leh lawmna pawh hian tawp chin a nei a, lungngaihn…

Vengthlang Kohhran {Kohhran Aw}

PRESBYTERIAN KOHHRAN : CHAMPHAI VENGTHLANG
UPA BIAL THENNA : 2009

BIAL 1 - NA Bialtu : T/Upa Dr. Thangsailova
Finance : Pu R. Zamawia Ramthar : Pu Rohlira Colney
B.S.I : Pu Zoramlawma Mashihi Sangati : Tv. R. Lalropuia
Bial chin : Pu R.L Thangluia In atanga kan Kohhran In, kawng chung leh kawng thlang lama chho zar zar in Pu C.L Khawchhana leh Pu Kapmawia te In thleng.

BIAL 2 - NA Bialtu : Upa Lalthlamuana
Finance : Pu Lalzidinga Ramthar : Tv. F. Lalthantluanga
B.S.I : Nl. C. Darthangpuii Mashihi Sangati : Pi H. Lalzawmliani
Bial chin : Bethel ramri, B.S.I In leh Pu C. Thangzama In atanga lo chhovin, Electric leh Venglai ramri alo
chho zelin, ding lamah Pu Kalkhama leh Pu Rochhuaka te In thleng.

BIAL 3 - NA Bialtu : Upa Hrangvelthanga
Finance : Pu P.C. Zohlira Ramthar : Pu TC. Lalrizapa
B.S.I : Pi Lalnuntluangi Mashihi Sangati : Tv. Zarzokima Hrahsel
Bial chin : Pu J. Laltlansanga In atanga chhukin Venglai ramri ah Pi C. Lalengi leh Pu K. Rokunga te inah pheiin,…

Vengthlang North Kohhran {Kohhran Aw}

DAM MAN AWM LO
(Thuhriltu 12:1, I John 2:17)
- T/Upa Pu. R. Rosiamliana

Duh ang ang kan ei a. Duh chen chen kan mu a. Duh apiang kan thawk a. Natna te, hrehawmnate tawk turah kan inngai lo. Thuhriltu kan tih Bu ziaktu hi Solomona-nia ngaih a ni. Pathianin finna a pe a, chu bakah hausakna leh roupuina a pe tel bawk. Bung 5:20ah chuan ‘Pathianin hlim theihna min pek avang hian kan dam chhung tawizia kan lungkham lem thin lo’ a ti. Mihring nun a sawifiah dan hi chhui tham a awm.
Kan Pathian hi keini Kristian, Amah atanga chhuak Thlarau Thianghlima a chhinchhiahte erawh chuan Pathian nung, Engkim Lal anih kan hria a. Mahse, khawvelah hian misual tam tak, kan Pathian hre lo an la awm a. Keini aia hlim, hausa, nuam tizawk an tam. Min awt lem lo. Chu kan Pathian chuan, min hmangaih a. Kan boral loh nan kan tan a inpe a. A inpek dan pawh keimahni anga lo awmin kan thih ai a thi a, a tho leh a. Mi zawng zawng ro relsak turin a lo kal leh dawn. Heng thu hi Bible thu pakhat a ni ma…

Kahrawt YMA {Kahrawtians}

Executive Committee Neih A NI
Dt.24.4.2009 (Zirtawp) zan dar 7:00 khan Kahrawt Branch YMA Executive Committee neih a ni a, an thurel langsar zual kan hriat awm te:
1. Thlan lung hawi zawng chungchang ngaihtuah a ni a, Ngun taka ngaihtuah a nih hnuin a ram awm dan zir chian leh phawt nise tih a niin a lo zir chiang turin Branch OB, Adviser leh Property Sub-Committee te ruat an ni.
Tin, thlan laih chungchangah inkaihhruaina dan kan neih sa ngin thlan kaltluang pangngai tibahlah zawnga thlan hmun thlan phal loh nise tih a ni.
2. Members Meeting neih chungchang ngaihtuah a ni a, Members Meeting hi neih ngei tha kan ti a, a hun atan Dt. 30.4.2009 ah Khuangchera Section leh Vanapa Section neih tur a ni a, Dt.1.4.2009 ah Chawngbawla Section leh Taitesena Section te neih leh tur a ni.
3. Mitthi lumen chungchanga thalaite chetchanna chungchang sawi ho a ni a, Lumen zanah Nula tlangval tlaivarturte tan tanna hun Dar 9:00 ah neih thin tur a ni. Khuangvuak chungchangah Music Sub-Committee ten hma lo…

Bethel YMA {BYMA}

BRANCH O.B LEH SECTION O.B COMMITTEE NEIH A NI
Bethel.Tau Thla 26(Sunday) : Ni 20(Thawhtanni) khan Bethel Branch YMA O.B te leh Section O.B ten Committee an nei.
Committee hi President Lalsanglura’n kaihhruaiin mi 12 an kal a, Branch Executive-in a lo rel tawh angin “YMA” chhang chu din thuai ni se, Section tin atangin Convener mipa leh hmeichhia ruat ni se an ti. Kum 2009 chhunga Chhiatni thatni Fund la pe lo zawng zawng te Section hruaituten lo list chhuak se la, Branch Executive-in a ngaihtuah theih tura buatsaih ni se an ti bawk. Central YMA atanga Census nei tura tih chu Section Wise-a neih ni se an ti bawk a ni.
He mi zulzui hian veng chhungah ah Central YMA duhdan in Census tih mek a ni a, chhungkaw tin ten a kan lo in rin tur chu, chungkaw member piani/thla/kum, piana khua, Mizorama luh kum, Khawikhua atanga lolut nge?, Lo luh chhan?, Electortal roll ah a awm em?, EPIC no, Eizawna tih te hi census titu te tana buaina a awmloh theih na i lo inring lawk ang u.

------------------…

Buatsaihtute Khawthlir

Thu ziak ve teh
Thu lamah harsatna kan tawk chho tlat, thuziak chhuah tur kan nei mang der tawh lo! Kan huam zim te atangin mi pahnih bawr velin ngawrh takin an ziak a, tunah pawh a nih leh tho hi! ziaktu ngai thuziah chhiar reng ai chuan mi dang hnuhma hmuh ve te pawh a chakawm ta alawm.
Duhdan takah chuan YMA phek hnunglam hi chu article hian luah kar tin thei sela, chhiar a manhla lehzual ang. Mahse Champhaia mihring tamna ber atang hian thuziak hi kuminah pahnih-thum vel bak a rawn la lut miah lo va, a zialo lam deuh chu a ni. Nge, vei nei lem lovin kan nung mawl ve tawp? Kan thil vei zawng hi a common lutuk vangin ziah kan tum lo em ni zawk?
Tumah hi thuziak thiam sa-in an piang lo, a ti mi riau chu an awm ve. Mahse thuziak hi ti mi nih vang ngawta tih chi a ni hauh chuang lo, hrat chhuaha leh sual chhuah chi zawk a ni. Chuvang chuan thuziak rawn ziak ringawt mai rawh!
Thenkhatin khawtlang nun an rawn vei tlur tlur laiin a thenin Science leh Bible hi a inkalh lo reng reng tih ema…

YMA Palai

BRANCH EXECUTIVE COMMITTEE VAWI 2-NA NEIH A NI

Vengthlang,19th April (Pathianni) : Ni 14/4/2009 (Thawhlehni) zan khan YMA Run-ah Branch Executive Committee chu Branch President Pu C.Hrangmanthanga kaihhruaiin an thukhawm a. He Committee-ah hian member 19 an kal a, Finance Secretary-in sum dinhmun report a pein Committee hi tan zui a ni a. An thurel tlangpuite chu:
1. Central Sports Chungchang: Ni 5-9.5.2008 chhunga Central YMA Sports 2009 neih turah Branch hmingin Volleyball (Mipa) leh Athletics (Mipa) ah te tel ve ngeo nise. Hemi atana tul awm apiangte buaipui turin Branch O.B te leh Sports Sub-Committee O.B te ruat an ni. Volleyball leh Athletics hi Sub-Hqrs. Qualifying Round-a pakhatna leh pahnihna kan nihna kha a ni a, item dangah chuan tel a rem hmel loh a ni.
2. Hall chungchang: 2.4.2009 (Thawhlehni) zana Vengthlang V.C leh Branch O.B ten Vengthlang Branch YMA Hall chungchang sawihona Joint Meeting an neih chu President-in report a pek hnuah ngaihtuah zui a ni a. Hmalak theih apian…

Vengthlang Kohhran {Kohhran Aw}

Tholeh Lalpa Inlar Chu
Chang thlan : Joh 21: 4-6
Pathian fapa lo lan chhan ber- Diabola hnathawh tiboral tura kan Lalpa he khawvela a len laini khan amah ringtute leh hetih hunlaia sakhaw hnarkaitute khan Pathian fapa inpuanna kha an hrethiam thin lo va. Hei hian rin hriatna mai atang chuan kan Lalpa rilru tawmpui chu sawi loh, kan hriatthiampui phak lohzia hi a va tarlang chiang em! Pa Pathian inpuannate, hmasang kum leh ni zawngte a Thlarau Thianghlim inpuannate chu an hmelhriat thawkhat hle laiin khawvel sual kalpuitu tur, Pathian Beramno nunzia leh a kamchhuakte chu amah lo lawma lo kuangkuahtu tur puithiam sakhaw rawngbawltute khan hlawkpuia, nun nana hman a hnekin an tan thil khaah a chang a, Pathian nung kutah an tluk phah hial a nih kha.( Rom 9:32).

Chunglam thiltihtheihna a kaihthawha a awm hnu chuan mi na zawng hnenah a inlar tawh lo tih hi i ngaihtuah ngai em? Amah lo lawma beiseina nena nghaktute hnenah chauh tholeh Lalpa nun chu a inlar si a. Tholeh Lalpa inlar chu…

Vengthlang North Kohhran {Shalom}

Pathian nena lendun
- Upa L.H. Rohmingliana, Evangelistic Team Speaker
(He Sermon hi Revival Centenary kharna Programme-a Mika 6:8 behchhana a sawi, lakchhawn leh siamrem hret a ni.)

1. Engvangin nge he thu hi Pathian mite hnenah puan a nih?
Pathian mi Israelte khan Pathian biaknaa an tih \hin pangngai inthawinate an hlan mup mup reng a, mahse a hlantute kha Pathian nen an lengdun si lova, thil chu an ti nasa a, a titute nun Lalpan a chang si lova, khawvelin a chang zawk tlat a ni. Pathian kiangah an awm peih si lova, an thinlung ngaihtuahna pawh khawvel thilin a khat si a ni. Chuvang chuan Pathianin ‘Thilpeka tlawn lungawi chi ka ni lo; Bawng no kum khat mi, Berampa sang emaw Hriak lui sing emaw hlan ngawt hi ka lawmna a ni lo, chung zawng zawng chu ka nei vek, ka ta a ni si. A hlantu nangmah ngei kha chan pumhlum che ka duh a, I lengdun teh ang’ a ti a ni. Keini ho pawh hi Pathian tan thil kan ti nasain tih tur tha thar pawh kan hre thei, thil lawmawm tak pawh a ni. Amaherawhchu …

Kahrawt YMA {Kahrawtians}

Corruption Do
HK. Lalkunga. Vengsang
Kum 2005 MUP Gen. Assembly chuan Corruption do tih hi kumpuan atan alo rel tawh a. Hemi bawhzui tur hian Sub-Hqrs, Area, Unit tinah te Kohhran leh Chanchinbu thleng pawhin a tam thei ang bera puangzara tarlang tura tih kan ni a. Corruption hi kan tawng a nilo chungin keimahni tawng ang maia kan hman leh hriat a ni a. Sawifiahna awlsam dan ber chu Hlemhletna, eirukna tih leh thiltih chingpente ti ila a fiah mai awm e.
Kan ram Kristian ram ti a kan chhuan em em chu Corruption avangin kan buai zo ta a nih hi. Sawrkar sum a hman na tur hmuna hman a nih loh thin avangin mirethei kan rehei tual tual a, a then an lian tual tual a, mirethei leh hausa kar a hlain a zau tual tual a. Lal Isua kan rinna leh kan thlarau nun leh Kohhran thleng pawhin min eichhe mek zawng a nih hi. Bible pawhin kut tling lova hausa chu Varung mahni tuilo awmkeu ang mai a ni a, a vanglai takin a hausakna chuan a kalsan anga, a at zia ala lang mai ang a ti a. Hetiang hi kan Pathian t…

Buatsaihtute Khawthlir

I fai teh ang!
To a haw a, thal khaw ro lutuk hnawn turin ruahtui kan hmu leh zauh thin a. Khua a ro laiin kan kawngpui a khu rum rum a. Ruah a rawn sur a, kan kawngpui zawng zawng a kawiin a kawi leh vek a. Chu mai a ni lo, ruah a sur tak tak chuan kawnglaia tuikawkah zial bung, underpant chhia leh hnawmhnawk tinreng hmuh tur a awm. A mak a ni!
Faina chungchangah hian kan changkang tawh viau. Tunlaiin ‘emo’ bal chi kan hmu thin tih lohah chuan kan incheina bakah kan in chhung kan vawng fai tawh a. Mahse kawnglai faina lamah hi chuan kan la hniam deuh niin a lang. Inchei nalh leh changkang tak tak anga lang hian bawlhhlawh paih lamah hnam mawl nihna kan la hauh tlat zel. Bawlhhlawh paihna hian kan mizia a hrilh leh hril loh chu thuran nise, a changkang lo ve thlawt! Sim a tha ang.
Kan khawlai leh vengchhung a fai hma chuan mimal faina hi faina tluantling a la ni thei lo. Khawtlang faina hi a harsa lo, mimalin kan faina kan ngaih pawimawh ang chiah hian kan bawlhhlawh paihna hian midang…

Champhai Vengthlang {YMA Palai}

MIZORAM AIAWH TU TUR MP
KAN THLANG DAWN TA
Vengthlang,12th April (Pathianni) : Tunkar ningani (16.4.2009) hian Mizoram aiawh tur Member of Parlaiment (Lok Shaba) thlanna neih a ni dawn. Mizoram-in seat khat kan neih chhun chu mi pali pute : C.L. Ruala (Congress) Dr. Lallungmuana (MNF+MPC) Rualpawla (Chhinlung Israel People Convention) leh Lalawmpuia Chhangte (Nationalist Congress Party) ten an inchuh dawn a. MP inthlang tur hian Sawrkar pawh a inbuatsaih nasa tawh hle a. Mizoram Lok Sabha inthlan neih turah vote nei Mizoram-ah mi 6,29,385 an awm dawn ta a; voter zinga i 3,18,237 te chu hmeichha ni in, a bak mi 3,1,148 te chu mipa an ni a; voter zingah hian Service Voter 3,097 an tel.

----------------------------------

HSLC Distinction-a Passed Kan Hriat Theih Te :
B.Lalhmingsangi d/o Tluangthanga (L in Ss, Sc)
P.C Lalrinmawii d/o PC Chhuanliana (L in Ss, Sc)
Varthangpuii d/o L. Khuma Varte (L in M, Mz,Eng,Ss, Sc)
Lalthazuali d/o K. Sangkhuma (L in Mz, Ss, sc)
Lalventhangi d/o …