Skip to main content

Champhai - Tualchhung Chanchinthar ni 22.5.2018 (thawhlehni)

C. VANLALNGHAKA (VLa) NIGHT CUM ELITE LEAGUE TIP OFF :
Zanin dar 8 ah hian C. Vanlalnghaka Night cum Elite League Tip Off chu Vengsang YMA Hall ah neih a ni dawn.
He hun hi Malsawmtluanga, MBBA President chuan khuallian niin a hmanpui ang a. T. Ramthanmawii, Miss Mizoram 2018  chu khual zahawm niin a hmanpui bawk ang. C. Vanlalnghaka (fam) zahna leh a puala hun hman a ni ang a. PC Ramnunsiama, Secy, Elite Board hnen atangin thusawi ngaihthlak a ni bawk ang. Lalhriatpuii Fanai kaihhruainain CLub tin te Jersey phochhuahna hun hman a ni ang a, (www.champhai.net) T. Ramthanmawii hnen atanga thusawi ngiahthlak ni bawkin Malsawmtluanga kaihhruaiin Tip Off hun hman ani ang. Champhai District Basketball Association buatsaih a Samsung Mary` Elite League 2018 ah hian CLub 5, Kahrawtians BC, Venglai Tribal Sonic, Vengsang Boars, Bethel Minikins leh Vengthlang Fredys Memorial te an tel dawn a ni.
Nilai zan dar 7 atangin Samsung Marys Elite League 2018 hi khelh tan ani ang a, match hnih awmin Match h…

Bethel YMA {BYMA}

BRANCH O.B LEH SECTION O.B COMMITTEE NEIH A NI
Bethel.Tau Thla 26(Sunday) : Ni 20(Thawhtanni) khan Bethel Branch YMA O.B te leh Section O.B ten Committee an nei.
Committee hi President Lalsanglura’n kaihhruaiin mi 12 an kal a, Branch Executive-in a lo rel tawh angin “YMA” chhang chu din thuai ni se, Section tin atangin Convener mipa leh hmeichhia ruat ni se an ti. Kum 2009 chhunga Chhiatni thatni Fund la pe lo zawng zawng te Section hruaituten lo list chhuak se la, Branch Executive-in a ngaihtuah theih tura buatsaih ni se an ti bawk. Central YMA atanga Census nei tura tih chu Section Wise-a neih ni se an ti bawk a ni.
He mi zulzui hian veng chhungah ah Central YMA duhdan in Census tih mek a ni a, chhungkaw tin ten a kan lo in rin tur chu, chungkaw member piani/thla/kum, piana khua, Mizorama luh kum, Khawikhua atanga lolut nge?, Lo luh chhan?, Electortal roll ah a awm em?, EPIC no, Eizawna tih te hi census titu te tana buaina a awmloh theih na i lo inring lawk ang u.

----------------------------------------

COMMITTEE
Neuva Section chuan ni 21(Thawhleh) zan khan YMA Office-ah Executive Committee an nei a, Census chungchang leh thil dang dang an rel a ni.

THEHLUH RAN TUR
Section hrang hrang tena Census kan kalpui mek kha a hmanhmawh thlak deuh avangin a ti zo tawh Section chuan Branch Secretary hnenah thehluh vat tur a ni e.

DIL
Branch YMA zaipawl chuan Music Video siam tumin hma an la zel a, nimahse inthuamna lamah duhthu an la sam loh avangin leh Sum an neih daih loh avangin Branchhnenah T-Shirt lei nan Rs.2000/- an rawn dil.
Hetih lai hian Chawngbawla Section pawn thlanmual No.2-a Chawlhbuk awm lo chu Branch-ah sak an rawn dil bawk a, heng an rawn dil te hi Branch Executive-in a ngaihtuah phawt dawn a ni.

TEL VE
Ni 29.4-16.5.09 atanga U-21 national Football Championship, Goa khelh turah Mizoram U-21 aiawhin kan member Christopher LT Muan S/o H.Zakima chu a tel.

THINGPHEL LEI FEL
Branch-in Thuthleng kan neih tlem deuh tawh avangin Thuthleng siamna tur Thingphel chu lei fel a ni ta a, hun remchang hmasa berah hnatlanga siam tur a ni ang. Tin, mahni In lama YMA thuthleng leh thil dangbungrua kawl kan la awm chuan mahni hnaih ber Godown-ah dah luh vat ni se a tha ang e.

ZAIPAWLAH
Sub Hqrs. YMA Champhai zaipawlah kan Branch atangin mi pathum Tv.Kapthuama V-Sec., Nl.Lallawmzuali T-Sec. leh Nl.PC. Lalthanmawi N-Sec. te chu an tel ve a, tunkar ral ta khan Tlangrawt Sub-Hqrs. Office-ah hla zirin Camp an nei nghal a ni.


INSAWN
Roman Catholic Puithiam Rev. Father Harry C.S.C. ,V-Sec. chu Aizawl Ramhlun ‘S’-ah a insawn a, a hmun ruakah hian Father Sijo chu Khawzawl atangin a rawn awm.

LO THLEN
Kan khawtlang hruaitu VC te chuan Rural Development Director Pu V.Lalhmingthanga hnenah khawtlang hrasatna leh mamawh tur an lo thlen.

KHIANGAWI DAWN
Nl.PC LalchhanhimiD/o Pc.Lalhmingliana chuan thla thar ni 1 khian Venglai Tlangval Chhuanvawr Hrangkunga chu Kohhran dan thianghlimin ‘Tiam Tlat e’ a tipui dawn ta. YMA Certificate mawi tak hlan a ni ang.
Tin Nelson Khiangte S/o K.Thuamluaia V-Sec. leh Lalnunmawii Tlangsam te pawh ni 28.4.08(Thawhleh) hian Presbyterian Kohhran Hall-ah an in suihtha dawn bawk.


TUAK THAR
Joseph Laltangkaia S/o Ramhnehzauva T-Sec. chuan a lungdumtu ngei Zonunpari Tlungvel khua chu YMA Certificate dawng lo chiin a hruai lut rup mai.
Lalremruata S/o Rualkhuma N-Sec. leh Lalthannguri (Kawnpui) te chu ni 23(Ningani) khan IKK Biakin ah an insuihtha.

AWMTHAR
Pu Benedict Thanhlira te chhungkua chu Keifangtlang atangin Chhura Hmun, Pu K.Rinliana te in ah an rawn awm thar.
Pu Zarzoliana te chhungkua pawh Venglai atangin Pu C.Lalpiangthanga te In bulah an rawn awm thar bawk.
Pu J.Hunliana te chhungkua pawh Dawrpui Vengthar atangin an rawn awm thar bawk.
Pu Lalthanga te chhungkua pawh Electric atangin Pu R.Vanhnuaithanga te In chungah an rawn awm thar ve bawk

NAUTE NEI THAR
Pu Lalduhawma Ch-Sec. te chuan Aizawl Damdawiin ah fanu duhawmtak an nei thar.

--------------------------------------

Editorial

He khawvel zet hi zawng a chang chuan a hah thlak thin mang teh e....
Tunge Ram hmangaihtu chu le??? engting nge ram hmangaihtu chu an teh le??? Ram tana a in pekna em ni an teh dawn?? Nge ram tana a thawhna zawk?? Ram tana a nun a hlan em ni zawk?? Nge ram tan a rethei ral thak zawk??.
A eng a pawh chu lo ni se ram tana thawh hi mipangai tan chuan thil harsa a ni lo, kan theih ang tawka he ram tana kan tih hi a theuneu hauh lo tih te hi i hre thar ang u. Mihring hian a duh pawht chuan a thil tihna kawng hrang hrang ah hian a ngaihtuah chian peih phawt chuan ram tana thawh tur a nei zel tih te hi kan in ngaihtuah ngai em? Ngaihtuah chian chuan thil ho te te anga kan ngaihte pawh hi ram tana kan thinlung leh tih tak zeta kan tih theuh chuan 'tui mal far te te, tiauvut hrang awmkawm, tupui lian a tlenin ramnuam alo awm tih ang khan mitin ten ram tana thil tlem te te ti anga kan in hriat te hi a belh khawm chu tam tak a ni si.
Mipakhatin ka ram tan heihi kan ti teh ang tihna chang a hriata, a thinglung leh ngaihtuahna nen a ram tana tha tur leh hmasawnna tur a ngaihte atih chuan kawngro a su khawp ang. Enge ka tih ve theih chu le???
Khawtlang ah enge ka chanvo ve? YMA ah hian enge ka tih ve theih? kan Kohhran ah hian engtin nge hma kan sawn ang... Ka hnathawhna ah hian hei aia tha zawk hian engtin nge ka thawh anga, he ka hna thawh hian ka ram hi a siamtha thei ang em tih te rilru leh tih tak zeta kan ngaihtuah chuan kan tih theih hi tam tak a ni. Mahse heng kan tihna kawng hrang hrang ah hian MAHSE, ANGA tih vel kan ngaihtuah vak vak chuan kan tih tur tam tak kan ti thei lo ngei ang. NIKE ho thupui ang deuhin "Just Do it" zotawng chuan ..."Han ti pawp mai ila" tih hi hmang in he ram tan hian ti pawp zel mai ila a tha ber awm e.
Chuvang chuan kan theihna leh kan ngeihtuahna te seng in he kan ram riangte hi siamtha tur chuan a mitinte hian kan tih tur theuhte hi a te lua pawh awmlo in i ti thar leh ang u. Kan tih theih tawk zel ram tana kan tih hi ram hamangaihna pakhat chu a ni teh meuh mai. Ti peih lovin kan la awm mai mai dawn em ni???

-------------------------------------

TUNLAI BETHEL

Nitin maiin kan hawi her leh kan sukthlek dan chu a dang zel a, kan mamawh, kan khawsak phung leh nun dan chenin a pui a pangin kan ti Change luai luai zawng bawk a nih hi. Siamtu lah chuan a nuam leh mawi tawkin chhun lamahTurnipui kan chung zawnah min hun a, mahse malsawm dawng zual tan erawh chuan tawrh har a ti deuh a, zan lam pangah pawh hmangaih Biahthu in hlan nuam tawkin a bial tir ko thin bawk a, la duh tak mai lovin a khat tawkin Ruahtui min la pe cheu vei bawk.Chuvang tak chuan a tu a te pawh hi kan lawm tlang tur a ni lawm ni.
Infiamna thei leh tui veng tih takah kan Field neih chhun Chhura Hmun chu Losul haw hun hma atangin a lun thei hle a, an in chan lo thei hle thin avangin naupang thenkhat chuan 'A nu,kan in inkhelh ve na tur Field min lo lei' ti thlengin an tawng chhuak hial a ni.
Kan sawi fo tawh angin mi a nileng lo chuan kumtluana an kawppui tur an thlang chhawt chawt chhun zawm zel a,manhla an tlangin an in chhir lo zel a.Chutih laiin mahnia la tei ruk ruk thin te pawn tun atang chuan a bul atangin tan chhoh an tum ve bawk.Zirlai naupangten First term Exam an zo fel a,nuam an tiin an thawven lai tak a ni.Chumi avang chuan nu leh pate pawn a mawi tawkin kan zalen tir tlang a, nimahsela thlah dan tawk erawh kan thiam tlang a niang chu.
Helai thu hote chhiar thin te chu lungfing rual in ti kan ni a, chuvang chuan khawtlang siamtha theitu kan nih hlawm avangin a khawilai chhiar chu kan tum bawk a niang chu.Tuk dang ai chuan chhiar pawh a nuam hle thin alawm.Min hmuaktu a rim a mawi viau hek le.Thlaihnah hringin hmun tin ram tinah huang a rawn zauh zel a, Khanghu,Maian leh Anhling te chu a langsar pawl an ni.

-------------------------------------

MAIPAWL
Maipawl hi kan thlai chin te zinga mi a ni a, Damdawi atana thatna tamtak nei a nih avangin kawl reng pawh a tha viau ang.Heng a hnuai ami ah te hian Damdawi
1.Thil eisual :- Thil ei sual reng reng ah maipawl hel ei a tha. Eisual vanga taksa vual leh thakah pawh a tha.
2. Santen :- Maipawl tui in teuh a tha a, a hel a ei a tha mah mah.
3. Rul chuk :- A hnah rawt sawm tuia zut a tha, a hnah a awm loh pawhin a rah pawh chutianga zut nan chuan a tha.
4. Chhul bawlhhlawh :- Maipawl hel leh chithlum ei pawlhin a fai duh.
5. Chhul vung :- Maipawl pum khat, a pil thel faia, chan sawm a, chithlum (chini) 250gm. vel nene chawhpawlh a, bela dah a, a tui lo tling chu in zel tur a ni.Tin, maipawl tuitling in bakah Tetracycline leh Sulpha Triad (MB No.3) ei bawk tur a ni.
6. Tuihri (Cholera) leh Kawthalo (Diarrhoea) :- A par rawt sawma eiin tuihri damdawi a ni. A rah a hel in emaw a chhum hmin in emaw, a tui te nen ei bawrh bawrh mai tur a ni ( Tuihri leh Kawthalo tan a tha ve ve. Tuihri ah chuan a hela ei a tha).
7. Thisen chakna :- A rah antuia siam in emaw, a tuisawr in hi thisen nei tlem tan thisen chakna a ni.Tin, a rah pil thelfai hnuachan sawm a, chini tamtawk pawlh belha dah a, chuta a tui lo tling chu thisen chakna a ni bawk,hawp bawrh bawrh mai tur a ni.
8. Thawpik (asthma) :- A zung phoro rawt sawm tui luma pawlhin in tur a ni a, awmna leh thawpik tan damdawi tha tak a ni.
9. Zunthlum :- Maipawl chhum tui in tama, a tak ei bawk a tha.
10. Pangang hling :- Pangang hling i kai a nih chuan Maipawl chhum lumin dep ang che.
11. Zunin, Kal na, Phungzawl leh rilru kim lo tan te, Rulhut tihtlak nan a tha bawk.
12. Mitthi ruang rimchhe tur ven nan a tha a. Hraw deuh tak taka sah phel phawk phawk a ruang depah chuan dah tur a ni.
FU
1. Awmna :- Fu tui leh sawhthing den pawlh chhuan lum in a tha
2. Chilrial :- Fu tuisawr emaw tuisik (fu atanga siam) a thlum emaw a in a tha. Fu feh mai pawh in a tha.
3. Thinlian/Mitliam :- Fu tamtawk feh a tha.
4. Ha tim :- I theithur eiin i ha a tih tim chuan “Kurtai” (fu tuia siam) ei la a reh mai ang.
5. Khawsik Thluaka lut :- A rah tihsawm tuia chiah a, a tui chuan taksa pumpui zut a tha.
6. Fu zung chhum tui in hian kan thil eikalkawng tluan, ka (mouth) atanga mawngkaw thleng (alimentary tract/canal) tan a tha. A tichakin a ti hrisel a, chhiatna lak atangin a ti hrisel in a veng him.Fu tui hian ek a tinem a, zun kalkawng tan a tha bawk.ha hni tan a tha in a ti hrisel bawk.

--------------------------------------------

Shotgun
M Daniala, Abednego, Mesaka .Sadradraka te chu Meipui-ah an paih lut a.
....Upa Mana V-Sec.
M Kei zawng BYMA-ah chuan he lai column leh ‘Tunlai Bethel’ tih bak ka chhiar ngai meuh lo.
.....Tv.Nunzira V-Sec.
M Tunlai chu Samthang Nula ka rim uluk khawp mai. Kum lam pawn min chaldelh ve ta bawk a, Chhuah ka tum lo khawp mai. .............Kunga Hualngo V-Sec.
M Kan pahnih te a kan awmdun hi chuan pum hnih chengnga kan ang reuh. .........Tv Madika N-Sec.
M Ka nu leh pa te rawn miah lovin kan hruai luh ve tak rup mai hi.Hei ha hui ha.
.............Pu Jo Jo, T-Sec.
M Kan unau hi in duh chuan Pum thum Cheng ngain min rawn lei rawh u. Au Tetei telin.
.....Nl.Bekte-i T-Sec.
M Kei teh lul ka Chhailai D in
hriat duh chuan kan hrilh ang che u. Ooopzs a ni e.
.....Nl.Zaii T-Sec.
M Pi Chawngpuii nen in ang te min lo ti a, a awm e. Kei pawn ka Bessi Friend-ah ka pawm e.
.....Pi Novi(Dawr) Ch-Sec.
M Dawr ah ka buai lutuk a, ka mumangah pawh Aircel, Airtel te nen hian kan lo leng dual dual.
....Nl.Mapuii V-Sec.
M Kan kawt an rawn Metal ve bawk a, tunah chuan rawn len luh a rem ta e, BYMA kaltlangin ka rawn in show e.
.....Nl.Partei Ch-Sec.
M Pi Zawn te ni mai tur Cushion-a han vawm chuan Mark hmuh that a har ngei mai.
.....Tv.Ngaihawma T-Sec.

Comments

Popular posts from this blog

Champhai - Tualchhung Chanchinthar ni 17.5.2018 (ningani)

VANTLANG SIKUL - CHAWNCHHIM HSS :
Vantlang zirna In, Chawnchhim Higher Secondary School din tura hmalak mekah a tula ngte tihfel thawkhat tawh a ni.
Chawnchhim Higher Secondary School hi Champhai khawpui chhunga Higher Secindary  School indaih lohna avanga khawtlang hruaitu hrang hrangte leh tlawmngaipawl intel khawmin an din a ni a. HIgh School atanga pawl 10 passed chhuak ten Sawrkar sikul a Admission an hmuh vek theih loh avang te, veng chuan hnuai lam tana sikul panna hla lutuk vangte leh khawtlnga zirna boruak nasa zawk a awm theihna tura din a ni, Sikul hi khawtlang mipuiin an din a nih avangin khawtlang hruaitu kal khawm chuan Monthly Fee lak loh nise an ti a. Admission fee erawh Rs. 1000 a ni ang. Admission hi tunah Bethel Br. YMA in ah kalpui mek a ni a, Ziritrtu leh Staff  dang ten admission hi an buapui mek ani. Class tanna tur hmun pawh rei lote ah peih fel thuai a ni dawn a, Bethel veng huam chhungah Class hi tan tur a ni. Subject lak theihte chu ENglish, Mizo, Pol. Science…

Champhai - Tualchhung Chanchinthar ni 22.5.2018 (thawhlehni)

C. VANLALNGHAKA (VLa) NIGHT CUM ELITE LEAGUE TIP OFF :
Zanin dar 8 ah hian C. Vanlalnghaka Night cum Elite League Tip Off chu Vengsang YMA Hall ah neih a ni dawn.
He hun hi Malsawmtluanga, MBBA President chuan khuallian niin a hmanpui ang a. T. Ramthanmawii, Miss Mizoram 2018  chu khual zahawm niin a hmanpui bawk ang. C. Vanlalnghaka (fam) zahna leh a puala hun hman a ni ang a. PC Ramnunsiama, Secy, Elite Board hnen atangin thusawi ngaihthlak a ni bawk ang. Lalhriatpuii Fanai kaihhruainain CLub tin te Jersey phochhuahna hun hman a ni ang a, (www.champhai.net) T. Ramthanmawii hnen atanga thusawi ngiahthlak ni bawkin Malsawmtluanga kaihhruaiin Tip Off hun hman ani ang. Champhai District Basketball Association buatsaih a Samsung Mary` Elite League 2018 ah hian CLub 5, Kahrawtians BC, Venglai Tribal Sonic, Vengsang Boars, Bethel Minikins leh Vengthlang Fredys Memorial te an tel dawn a ni.
Nilai zan dar 7 atangin Samsung Marys Elite League 2018 hi khelh tan ani ang a, match hnih awmin Match h…

Champhai - Tualchhung Chanchinthar ni 21.5.2018 (thawhtanni)

SYMA TEN PALAI HNA THAWK DAWN :
Inrinni chawhma khan Sub-Hqrs. YMA Hall, Tlangrawtah Sub-Hqrs. YMA Executive Committee neih a ni.
Vice President F. Lalrinmuana (www.champhai.net)kaihhruaiah hian ni 16.4.2018 a Khawmawi khua in kang tuarte tanpuina tura thuthmun branch YMA ten tanpuina tura vehbur an khawn tlingkhawm Rs. 3,13,520 chu a hlan dan tur an rel a. He tanpuina sum tlingkhawm hi ni 23.5.2018 (Nilaini) tlai dar 4 ah DC Vanlalngaihsaka hovin Sub-Hqrs. OB te leh SEC Cremchangte leh Disaster Sub-Comt. OB te nen hlan nise an ti a.
Thuthmun Branch huamchhungah ramdang mi leh hnamdang mi sumdawng awmte mahni Branch huamchhung a mite theuh dapchhuaka hemi kawnga hma la tura hriattirna lo chhuah tawh chu tun aia thahnemngai (www.champhai.net)lehzuala ramsang mi leh hnam dang mi sumdawng mahni huamchhung theuhah an awm a nih chuan a zawn chhuah hna thawk a June ni 15 hmaa hma la theuh turin Branch tinte an ngen a ni.
Sub-Hqrs. YMA Library Bulding, BADP hnuaia sak mek, mimal hnna hna chhunza…