Skip to main content

MIPUITE TAN DAMDAWI MANTLAWM

MIPUITE TAN DAMDAWI MANTLAWM : Mipuiten man tlawm zawka Damdawi an lei atheihna tura Sorkar laipuiin ruahmanna a siam, Pradhan Mantri Bhartiya Jan Aushadhi Kendra (PMBJAK) hmanga Champhai District tana Champhai Town Multipurpose Cooperative Society (CTM-PACS)-in Generic Drugs Store a siam chu nimin zing khan Champhai District Senior Medical Officer Dr. R. Lallianmawia'n a hawng. Champhai Vengthlang Pu Chalbawia Building-a CTM-PACS Variety Store sira he Generic Drugs Store hawnna hun hi PACS Chairman HS Vanlalfakzuala'n kaihruaiin, Senior Medical Officer Dr R. Lallianmawia chuan, Sorkar laipui ruahmanna anga Champhai District mipuiten man tlawm zawka Damdawi an lei theihna tura Generic Drugs Store hawn a ni ta chu lawmawm a tih thu a sawi a. 'Nang malsawmna ni ang che' tih thupui a hmangtu Champhai Town Multipurpose Co-operative Society-in hetiang Dawr a hawng hi thil inhmeh tak leh mipui tana vanneihna rahbi thar a ni, a ti. SMO Dr. R.Lallianmawia chuan Generic Drugs S…

Buatsaihtute Khawthlir

Image and video hosting by TinyPic

Zirlaite, in kawngah
Matric result a chhuak a, exam za zela 60 chuangin an hmatiam an hlen a. A la hlen ve chiah lote lam chu dahthain Matric ‘passed’ tharte leh an chhung-kaw tan thuchah a awm e!
Matric atang hian kawng pengthuam pathum zawh tur a awm tawh a- Science, arts leh commerce. Heng pathum zingah hian chhungte chuan science lam hi awm turin min duh ber ziah. A huap zau bakah a tha bik a ni ang e. Kan mark-in a phak vang ringawtin science kawng hi kan zawh tur a ni lo va, arts leh commerce pawh kan pawng lak (?) tur a ni hek lo. Kan thluak a thain lehkha kan thiam thei viau a ni thei. Kan phak tawk ai chuan kan tuina hian mi a vawrh sang zawk a nia. Matric tha taka ‘passed’, Science la a hlawhchham ta tam tak kan awm. Kan hlawhchham chhan hi kan thiam theih loh vang a ni lo, kan tuina emaw kan taimaknain a phak loh vang zawk a ni. Arts hi kan kawng tur a nih chuan eng anga ‘passed’ tha pawh ni ila kawng dang aiah kan thlang zawk tur a ni. ‘Pawl 12 thleng tal’ tih kher pawh a tul lo! Graduate-a Arts emaw lak leh kan tum a nih chuan pawl 11 atang Arts lak nalh tur! Science kan sawi hnawm a ni lo, Science la chi leh chi lo chu Matric atang hian a hriat tawh. Mark a pawimawh lo tihna mai a ni.
Nu leh pa lam pawh, fate’n mark tha tak an hmuh avangin kan tuina leh tha kan tihna zawnah kan nawr vak tur a ni lo. Kan duh dan chu kan hrilh tur a ni, chuta an rilrem zawng a nih chuan engkim a fel thlap. Tuina dang an nei a nih chuan kan tuina avangin kan khap tur a ni lo, an hlawhchham phah thei tih kan hriat a tha ang.

Comments

Anonymous said…
Hei le Champhaia Chawlhni zing tinuamtu kha kan rawn chhawpchhuak leh ta..........
Zaia said…
A va khat pharh pharh ve... han update chur2 teh. Champhai news tenau deuh pawh han ti la, ngaihnawm ve alom le..
sangtea said…
Kan tum a lawm min lo ngaichang teh un....... han rilru leh kan ngaihtuahna te hi in ngaihtuahna tlem tal han pha se chuan hei ai a changtlung hi chu kan chhawp sak che u ka van han chak tak em....