Skip to main content

Champhai Tualchhung Chanchinthar

THISEN PE TAM BER VENGLAI BRANCH YMA : Kum 2018 chhungin NGO zinga District Hospital Blood Bank a thisen pe hnem ber chu Champhai Venglai Branch YMA te niin Thisen Unit 45 an pe Kohhran hrang hrang Thalai zingah Adventist Youth Federation AYF Champhai te chu a pe tam ber niin thisen hi Unit 105 an pe a, Bethel Bial KTP in dawtin thisen Unit 94, an pe a, Unit 70 petu Kahrawt Bial KTP te chu pathumna an ni. NGO atanga thisen pe tam ber chu Venglai Branch YMA niin thisen Unit 45 an pe a, Bethel Branch YMA in dawtin thisen Unit 36 an pe bawk. Zirna in atanga thisen pe tam ber chu NSS Govt Champhai College niin, Unit 121 an pe a, Unit 60 petu NSS Govt GM HSS chu 2 na niin, Unite 41 petu NSS Khawzawl College chu 3-na an ni a. Heng bakah hian Champhai District-a Veng bil ang a Thisen pe awm chhun leh unit 39 petu chu Chhura Hmun Welfare an ni.
KHAWZAWLIN HMASAWNNA TUR PROJECT SIAM DAWN : Khawzawl Dinthar vengin YMA Day lawmna an neiha hun hmanpuitu C.Lianlunga, Engineer-in-Chief, P&E Dep…

Buatsaihtute Khawthlir

Image and video hosting by TinyPic

I fai teh ang!
To a haw a, thal khaw ro lutuk hnawn turin ruahtui kan hmu leh zauh thin a. Khua a ro laiin kan kawngpui a khu rum rum a. Ruah a rawn sur a, kan kawngpui zawng zawng a kawiin a kawi leh vek a. Chu mai a ni lo, ruah a sur tak tak chuan kawnglaia tuikawkah zial bung, underpant chhia leh hnawmhnawk tinreng hmuh tur a awm. A mak a ni!
Faina chungchangah hian kan changkang tawh viau. Tunlaiin ‘emo’ bal chi kan hmu thin tih lohah chuan kan incheina bakah kan in chhung kan vawng fai tawh a. Mahse kawnglai faina lamah hi chuan kan la hniam deuh niin a lang. Inchei nalh leh changkang tak tak anga lang hian bawlhhlawh paih lamah hnam mawl nihna kan la hauh tlat zel. Bawlhhlawh paihna hian kan mizia a hrilh leh hril loh chu thuran nise, a changkang lo ve thlawt! Sim a tha ang.
Kan khawlai leh vengchhung a fai hma chuan mimal faina hi faina tluantling a la ni thei lo. Khawtlang faina hi a harsa lo, mimalin kan faina kan ngaih pawimawh ang chiah hian kan bawlhhlawh paihna hian midang leh khawtlang tan hnawksak a ni em tih ngaihtuah chuangin kan bawlhhlawh paih danah fimkhur ila, engkim a fel a ni mai.
Faina hian pawnlanga a lan chhuahna chuah a ni a, faina kan ngaih pawimawh leh pawimawh loh hian kan dawngdah leh dawngdah loh a hril a. Kan nun hi kan siam that kan tum te a nih ngai chuan faina ngaih pawimawh hi kawng khat chu a ni thei ang. Faina hi i ngai pawimawh thar teh ang u.

Comments

Anonymous said…
Hei le kan rawn hlui leh ta che u a nia, a chhiar chu nangmahni kutah a awm leh ta.......
Tun tum chu kan zinga la tel ngai lo Emanuel 4 world chanchinbu kan rawn chhawp sak bawk che u.
Chhiartuten a theih hram chuan comment hram i tum ang u.....