Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Champhai Vengthlang {YMA Palai}

Central Co-ordination committee vawi 59-na nei
Vengthlang,26th April (Pathianni) : 8th April,2009 khan Central YMA Hall, Tuikhuahtlang Aizawl-ah Central Co-ordination committee vawi 59-na neih a ni. An thurelte chu:-
1. YMA khawih: a)Mizo nunze mawi uar zawka inzirtir nise tih CCC hmasa-in CEC-in inkaihhruaina siam se a tih chu bawihzuiin CEC in hemi chungchanga kaihhruainate lo siam turin Committee a din a, CEC-ah thlirho anih hnuah, kaihhruaina chu YMA Sub-Hqrs/Group Conference neihna hmunahte thupui pakhat atan hmangin inzirtir thin a ni. Heng bakah hian CCC hmasain in alo rel angin kumin chhunga YMA Thupui 'Khawtlang nun siam that' chu kaihhruaina siam a ni. b)YMA Danpui a siam that ngaite en-nawn ni rawh se tih chu bawhzuiin, YMA Sub-Hqrs,Group leh Branch-ah te lehkha thawnin, YMA Danpui siamthat rawtna nei te tan 15 March 2009 pek a nih chu May thla aia lovah pawhsei a ni a. YMA Danpui siam that rawtna te thlifim a, ruahmanna lo siam turin Sub-Committee siam a ni.
2. Sorkar khawih:a)Mizoram Sorkar hna lak thinah hian a tling leh tlakte chauh lak an nih theih nan Sorkar-ah thlken nise tih chu bawhzuiin ruahmanna siam tur Committe din a ni a. Chief MInister sawipui tur leh a kaihhnawih Deptt. a lehkha siam turin hengte hi hmalak dan turah an chhawp chhuak.
1)Mizoram sokar hian mahni thu nei(Autonomous/Independent body) staff election Board-Group C hnalak/kaisanna buaipui tur din tura thlen nise.
2)Mizoram Sorkar hnalak reng rengah Mizo tawng,Middle school Standard chin thiante chauh lakna dan awmsa hi khauh tak a kaeng kawh tur a thlen nise.
3)Mizoram SOrkar Employment Exchange-ah hian dan ang taka registration ti thin tur leh registration awmsa pawh uluk leh fel fai tak a en fiah tur a thlen nise.
4)Mizoram Employment Exchange kaltlang lo chuan hna reng reng la lo tur a Sokar hnen a thlen nise.
5)Zirtirna hnalak turah teh fung pakhat National Eligibility Test(NET) a awm ang hian, State Level Eligibility(SLET) siam hmangve tura thlen nise.
b)Saitluk ramah Airport siam anih thuai theih nan Mizoram sorkarah ngen ni rawh se tih chu bawihzuiin Chief Minister, Mizoram chu CYMA O/B ten a Office chamberah hmuin an sawipui a, ngenna lehkha teh lut nghal ni in, Airport authority of India-in a hmun a verify turin Mizoram sorkarin a ngenna a lo siam tawh chu April 2009 chhunga rawn verify an tum thu dawn a ni.
3.General Conference 2009 inbuatsaihna te thlirin Chalfilh Group YMA in Darlawn a thlen tur in buatsaihna te ngaihthlak a ni a, CEC in a hun Ni 20-22.10.2009 a lo ruat chu CCC chuan lungrual takin a pawmpui a ni.
4.Mizoram Chief Minister leh NGO lian Pathum YMA, MHIP leh MUP te Ni 19th March 2009 khan inkawm hoin Mizoram Sokar in IAY, BPL leh NREGS(Job Card) List felfai tak siam a nih theih nan Political party tel lova List hi siam fel tih a ni. Felfai taka kalpui anih theih nan YMA pawh tel ve ngei nise, Level tinah YMA aiawh tel theih nan rawtna thlen nise.

-------------------------------------------

Thlan sawnna tur siam
Branch Executive Committee-in a lo rel tawh angin Vengthlang Branch YMA Hall sakna tur atana Vengthlang Thlanmual hlui (Salvation Biak In bul) a thlan lung sawnna tur chu tuna Thlanmual kan hman mek, Thalaite inphumna kawng anah lung rema siam a ni a. Felfai taka zawh hunah thlan lungte hi a hmun bik siamah hian sawn phei a ni ang.
Player thenkhat kal
Central YMA Sports, Inter Branch Tournament-2009 Aizawla khelh tura kan Branch Volleyball player thenkhatte chu nimin khan Aizawl panin an liam thla ta. Kan player-te hi TNT-ah inkulhin Champion ngei tumin ngawrh zawkin an practice dawn a ni. Player thenkhat mahni hna tul avanga la kal theilo te pawh tunkar chho hian an liam chhuk ve leh bawk ang.

Meeting
Thawhleh zan khan Branch O.B te leh Sports Sub-Committee O.B te YMA Runah inhmukhawmin Central YMA Tournament khelh tur atana hmalak dan tur an sawiho. Tin, Ningani zan khan Branch O.B, Sports Sub-Committee O.B leh kan Branch player turte YMA Runah bawk hian inhmukhawmin an hriattur pawimawh te inhrilhhriatna neiin thu pawimawh tak tak an sawiho.

Hman theih loh
Thlanmuala thlan siam turten Thlanmual Godown-a YMA bungrua reng reng hman theih a ni lo. Thlan siam thenkhat lo hmang lui zauh an awm leh thin a, hengte avang hian thlanmual bungrua bo leh hmuh zui tak loh kan nei leh thin.

Dahluh tur
YMA bungrua, a enga pawh mahni ina lo la kawl palh emaw, a chin hria kan awm chuan Property Sub-Committee hruaitute emaw, Branch O.B emaw, Section hruaitute a remchang ber hriattir turin kan inngen thar leh e. Tunah hian YMA bung kimlo kan nei nual a, Gas thlengin a chin hriat loh a awm nual.

------------------------------------------

Kan lawm e
Hun engemaw chen chhung YMA comupter hman theih lova chhia chu F.L Compters ten a thlawnin min siamsak a. Anni hian kan veng computer a chhiat apiangin a thlawnin min siamsak thin a, an chungah Branch-in lawmthu a sawi a ni.

Mikhualte Lawmpui
10th MFA Cup for BSNL-2009, Champhaia khelh zawh taka Champion Khawzawl Zone Football Association chuan nimin khan an Champion an lawm a, he hun hmanpui tur hian kan Branch pawh min rawn sawm. MFA Cup khelh chhunga kan mikhual Khawzawl Zone Football Association lawmpui nan hian Branch hmingin Certificate hlan a ni.

Sub-Hrqs. zaipawl an tang
Champhai YMA Sub-Hqrs. zaipawl chuan kar hmasa khan an sum tuakna atana hla record tumin nasa takin an inbuatsaih a. Kar hmasa chhung kha Sub-Hrqs. Office, Tlangrawtah camp-in an tang hle a ni. Nimin tlai khan recording hi neih an tum a, an hla hi music video-ah siamin sum tuak nan an hmang dawn a ni.

Ball Boot Dawng
Vengthlang Sporting Club chuan Football Boot an dawng. Vengthlang Sporting Club hian Thawhlehni atang hian 1st Division a lut tur thlitfimna an nei dawn. 1st Division an inhlan kai ngei kan beisei.

Tleirawl Chhanchhuah Hna Thawk Dawn
Ni 28.4.09 (Thawhlehni) atang hian Vengthlang North Kohhran chuan College Hall-ah R. Lalbiaksanga leh a rawngbawlpuiten hun hmangin Tleirawl chhanchhuah hna an thawk dawn. Vengchhung mipuiten i tawngtaipui ang u.

Kan Lawmpui
Kan vengchhung MJA Member Accredited Journalist ni thar te : DK Lalhruaitluanga, R. Lalfakawma, ZD Dengliana, C. Lalrinsanga leh C. Hualthanzuala. Hetiang member kan nei thin hi keini Palai enkawltute chuan kan lawmpui tak tak a ni.

--------------------------------------------
AK-47
(AK - 47 hi Chawngkhum dantlang huat loh a ni, i lo hua a nih chuan lo ho mai mai rawh )
J Thla chuang fe Hmai cheimawina lam zir a Kolkata a awm mek Tepea pawh tluang takin Champhai a rawn thleng leh ta....... Sena, V-Sec
J Kawl pawnfen sen ka fen hi chuan min rawn hnaih vak suh u...... DK Te-a, V-Sec
J Bialnu ka neih lo lai taka ka bialnu hlui a rawn lang tlat hi chu Pathian remruat dik tak a lo ni. Ramsanga, N-Sec
J Nupui neih rawh in tih in tih chi pawh hi a ni lo, a thar an rawn chhuak a pakhatah kan lo rinawm lo leh thin bawk si.... Ma-Thantea, Ex-Secy
J A hmui sen teng teng tawh phawt chu ka phur kual thei vek ta... Sir Tluanga, Pathlawi Khawhar
J Lung a len lutuk tawp khawkah hi chuan a thei apiang pek dak mawlh mawlh mai hi ka duh tawh..... Dr. Marema, K-Sec
J U Marem, ngatinge MP inthlanah khan Pu TTa hming ka hmu zo miah lo...Pi Hmingtei w/o Pu Marema
J Ngaiha, Zote dai chhunzawm na tur hi i ngaihtuah leh teh ang u.. Sawmpuia, T-Sec
J Tunah chuan Editor satliah ka ni tawh lo, kan DC te nen sawn Sawrkarin min hmuh dan chu kan in ang vek ta..... Huala, Ed. Chhawkhlei

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Sermon

Ringtute Hi Khawvel Eng Kan Ni
Chang thlan : Matthaia 5 : 14 - 16
Eng tel lo chuan khawvela nunna neite hi an dam khawchhuak thei lo. Eng hmanga chaw siam thei chauh vek an ni. Thil, a nihna ang taka kan hmuh fiah theihnan pawh eng a ngai a, eng awm lohna ah chuan kan chetvelna pawh a buai zo vek a nih hi. Thimah chuan kawng kan hmu thei lo va, hlauhawm leh hlauhawm lo kan thliar thei lo va, kan mit kan chhawr tangkai thei hek lo. Eng tel lo chuan kan khawsa thei lo a ni
Khawvel Eng - Isua : Isua hi khawvel eng a nih thu Johana 1:9, 8:12 ah te kan hmu. Isua tel lova khawvela nun kan hman chhung chuan thimah kan cheng tihna a ni. Nuamsa takin awm mah ila, Kawng leh Thutak leh Nunna Isua kan neih loh chuan kawngbo kan ni tho. Kan hlawhtlinna te, ropuina leh hmingthatna te pawhin kan damchhung bak a daih lo. Tin, kan nunna atana tha leh tha lo pawh kan finna atangin kan teh ang a, a dik zik tluak chuang lo . Kan hlimna leh lawmna pawh hian tawp chin a nei a, lungngaihn…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…