Skip to main content

Champhai

UD&PA DEPARTMENT HMALAKNA KALPUI MEK PUANGZAR :
Nimin chawhma khan UD&PA Department Champhai leh MJA Champhai District Member-te chuan inkawmhona hun DUDO Pisa, CHANEM Building-ah an nei a. UD&PA Department hmalaknate inhrilhhriatna hun an hmang.
He hun hi K. Lalhmuakliana, District Urban Development Officer (DUDO) Champhaiin kaihruaiin UD&PA kaltlanga hnathawh Swachh Bharat Mission (Urban), National Urban Livelihood Mission leh Housing For All hnuaia hmalakna hrang hrangte bakah department-in khawpui tih hmasawnna leh tih changtlunna tur hrang hrang a thawh mekte Chanchinbumite a hrilhfiah a. Department hmalakna hrang hrangte enzui puia, duhkhawplohna awmahte finchhuah zel thin turin a sawm a ni.
SBM (Urban) hnuaiah hian faina kawngah nasa taka hma lak chhoh mek niin, faina in zirtirna thuziak tar te, fai nunpui tura naupangte zirtirte, Short film siam te, Street play leh bawlhhlawh bawm semte kal pui mek a ni a. Kumin   hian   nasa leh zuala inzirtirna tha zawk a kalpui…

Kahrawt YMA {Kahrawtians}

Executive Committee Neih A NI
Dt.24.4.2009 (Zirtawp) zan dar 7:00 khan Kahrawt Branch YMA Executive Committee neih a ni a, an thurel langsar zual kan hriat awm te:
1. Thlan lung hawi zawng chungchang ngaihtuah a ni a, Ngun taka ngaihtuah a nih hnuin a ram awm dan zir chian leh phawt nise tih a niin a lo zir chiang turin Branch OB, Adviser leh Property Sub-Committee te ruat an ni.
Tin, thlan laih chungchangah inkaihhruaina dan kan neih sa ngin thlan kaltluang pangngai tibahlah zawnga thlan hmun thlan phal loh nise tih a ni.
2. Members Meeting neih chungchang ngaihtuah a ni a, Members Meeting hi neih ngei tha kan ti a, a hun atan Dt. 30.4.2009 ah Khuangchera Section leh Vanapa Section neih tur a ni a, Dt.1.4.2009 ah Chawngbawla Section leh Taitesena Section te neih leh tur a ni.
3. Mitthi lumen chungchanga thalaite chetchanna chungchang sawi ho a ni a, Lumen zanah Nula tlangval tlaivarturte tan tanna hun Dar 9:00 ah neih thin tur a ni. Khuangvuak chungchangah Music Sub-Committee ten hma lo la bawkse tih a ni.
4. Zirlai ti tha chawimawina neih nise tih a ni a. Members Meeting hunah hian chawimawina hi hlan mai nise tih a ni.

--------------------------------------

Chhiatni fund
Section hrang hrang atanga chhiatni fund luh dan heng a hnuaia tarlan te hi a ni a. Chhiatni fund hi a khawn tute tana kal nawn fo a harsat avangin ala pe lo te chuan tlawmngaia lo pe turin kan in ngen nghal a ni.
Taitesena Section : Rs 13,300/-
Khuangchera Section : Rs 7,200/-
Vanapa Section : Rs 9,350/-
Chawngbawla Section :Rs 7,650/-

Chhiatni bungrua
Mitthi kuang tur thing phel phek 64 leh Chhiatni a tuah tur thingai 407 trip khat chu a lo thleng thara. Thing ek hian Thawhtan zingkar atangin a ek hnatlang hi neih tur a ni. Memberte lo in ring lawka thahnem ngai taka hnatlang thawk chhuak turin kan in hriattir a ni.

Hnatlang
Nimin khan kan Branch Project pakhat Information siam tha in Branch Executive Member hnatlang neih a ni.

In report ru
HSLC leh HSSLC a First Division a pass te chu Members Meeting ah chawimawi tur an nih avangin Kahrawtians a kan chhuah ho bak kha kan awm anih chuan OB te hnenah Thawhtan ni ral hma ngeiin in report turin kan in ngen e.

Meeting dawn
Vawiin tlai Dar 3:00 hian YMA Hall ah Branch OB, Section Leader theuh te leh Khawtlang nun siamthat Sub-Committee te chuan Meeting pawimawh tak neih tur a ni a, ngaipawimawh a kal theuh turin hriattir kan ni.

Chawngbawla Section
An section huamchhunga name plate la neilo te siam sakin an zo fel ta a, hun remchang hmasaberah section huamchhung thianfaia hnatlang neih thuai an tum. Hnatlang turin Member te lo in ring lawk turin an ngen nghal a ni.

Khuangchera Section
Nimin khan Blanket su in Tuipuiah hnatlang an nei a, section huamchhunga name plate neilo te zawngchhuakin an siamsak mek bawk. Upron zawrh turin an siam mek a, vengchhung mipuite leisak ngei turin an ngen bawk.

Kahrawtians
Kahrawtians lak man Agent hrang hrangte theh luh dan hetiang hi a ni.Bracket chhung ami hi an chanchinbu sem zat a ni.
Khuangchera Section
1. MS. Dawngzuali (30) Rs 745
2. Saihmingmawii (21) Rs 640
3. Lalfakawmi (27) Rs 265
4. Lalnunnemi (23) Rs 735

Vanapa Section
1. Lalzarliani (26) Rs 775
2. Vanlalruati (23) Rs 430
3. K. Lalnuthangi (28) Rs 1500
4. Lalruatkimi (24) Nil

Taitesena Section
1. Lalhlimpuii (23) Rs 320
2. B. Vanlalpeki (21) Rs 290
3. MS. Dawngzuali (20) Rs 260
4. Lalsangpuii (31) Rs 250
5. Laltlansangi (19) Nil

Chawngbawla Section
1. Lalrinmuani (15) Rs 100
2. Lawmsangi (18) Rs 165
3. Lalpanzela (21) Rs 230
4. Rosangpuia (18) Nil

----------------------------------------------------------

Enkawltute Kamchhuak

Bawlhhlawh
Veng changkang leh changkanglo tehna pakhat chu veng fai leh fai lovah a ni awm e. Veng changkang ni turin enge kan tih ang?
Mi thenkhat chuan khawilai kawr kamah emaw kan bawlh hlawhte han chhung vum thur mai thin a, hetiang tih kan sim hma loh chuan veng changkang nih kan la hlat hle in a rinawm. Bawlhhlawh kan paih dan atang hian kan mizia tam tak a hriat theih awm e.
Thal a lo thleng a, kan bawlhhlawh paihte chu khawlaiah thliin a chhem leng chuai chuai a. Fur a lo thlen leh meuh chuan kan bawlhhlawh paihte chu ruah tuiin tleng fai zo lovin tuihawk kawngbo a tam phah a, leimin leh chhiatna hrang hrang a thleng leh bawk thin.
Chuvangin mintinte kan bawlhhlawh te a paihna hmun tur siamah paih ila, hal ral theih chu halral mai hian vengchhung a lo thianghlim mai dawn a lo ni.


-------------------------------------------------------

Damlo
Pu Lalnuntluanga (Vala) Vanapa Section chu Accident avangin Champhai District Hospitalah enkawl mek a ni. Pu Biakthangliana Taitesena Section chu Lungna avangin hun engemaw chen Aizawla enkawl a nih hnuin tunah hian an chenna inah enkawl mek a ni. An that chhuah leh thuai kan duh tak zet a ni.

Man an ni.
Kahrawt Branch YMA Security te chuan thil ruk hmang Lalthlamuana chu an zawn mek laiin Police lamin an lo man a. Tin, Lalrinzuali, Lalduhkimi Bethel, Vanlalhruaii Vengthlang ami ten an thil ruk Gas Cylinder chu an hralhna atangin lak chhuah sak an ni bawk.

Ngenna
MUP Kahrawt Unit-in MUP In sak a tum a, engmah sum neihsa kan neih loh avangin chhungkaw tin hnenah vehbur kan khawn dawn a. keimahni ta theuh ani tih hria a, tlawmngai taka sum min lo pe turin MUP Kahrawt Unit-hmingin kan ngen takmeuh meuh a ni.

Kawlbawia
President
MUP Kahrawt Unit

Sporting Club
Kahrawt Sporting Club 2009-2010 hruaitu tur thlanna Dt.28.4.2009 hian Kahrawt Branch YMA Hall-ah neih tur a ni a. Sporting Club member-te leh sport lama tuimi zawng zawngte kal theuh tura ngen leh hriattir kan ni. Tin, Pu B. Lalramngheta chuan Jersy a pek avangin a chungah lawmthu an sawi bawk a ni.

Sub-Hqrs. Zaipawl
Sub-Hqrs.YMA zaipawl te chu tunlai hian hla zirin Sub-Hqrs. Office-ah camp an nei mek a. AIR leh DDK-ah tun tha chhungin hla panga ve ve thun turin an in buatsaih a. Kan Branch atangin Nl.C.Vanlalhmangaihi, Nl.K.Zonunsangi leh Tv.KVL. Hmangaihzuala (Valpuia) te Zaipawl member ah an awm mek.

Hmaih palh
Central YMA Chanchinbu la tu zingah Chawngbawla Section huam chhung ami Pi Kamliani chu kan tarlan hmaih palh a, hriatthiamna kan ngen e.

Ngenna
Zirlaite Exam an zo fel thawkhat ta a, Zirlaite he hun thawlah hian veng chhungah hnawk sak zawnga khawsa lo turin kan in ngen a ni.

---------------------------------------
Ngaihdan

## Kan tlawmngaihna kan lanchhuah tirna hun pawimawh ber pakhat lumen zana ei leh in kan in hlui dan hi a hun chhung a rei leh hahthlak dante nen hian a in mil lo deuh ta lo maw? Sawhchiar te hi zing dar 2-3 inkarah te hian han pir leh ni ta se, a awm lo maw? Lumen zan aia pawimawh lo leh hahdam zawk chetlakna dangah puar lah kan tum ai chuan, he hunah hian puar ta lah zawk ila tlawmngai nula leh tlangval tlaivarte an tam phahin an taksa pawn a tuar loh deuh ka va ring ve aw... - 9612521892
## Ka pu Vawma tui anih kha, i dawt ngam leh dawt rawh tih ang deuh khan ruihhlo hi do tawh lovin, a dawt ngam chuan dawt mai se, a seh seh chu seh mai teh se ka ti rum rum thin... Ruihhlo avanga chhungkaw buai thinte chuan YMA an ngai dawn em a sin!!!
- 9862369862

-------------------------------------------

CHRB

** Veng hming thatna tur a nih dawn phawt chuan thlek one two hreh lovin Aizawl tlangah Boxingah ka zu chhuah ve tak kha.
- Thanga (Leader, T. Sec)

** Kan nul siam chu hlawhtling chi pawh kan ni lo. Nupa chauh a han feh chuan thlam hi a lo nuam em a ni. Antam thar lo mah ila Fanu tal kan neih phah hmel e.
- Chhuana (Treasurer)

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai

UD&PA DEPARTMENT HMALAKNA KALPUI MEK PUANGZAR :
Nimin chawhma khan UD&PA Department Champhai leh MJA Champhai District Member-te chuan inkawmhona hun DUDO Pisa, CHANEM Building-ah an nei a. UD&PA Department hmalaknate inhrilhhriatna hun an hmang.
He hun hi K. Lalhmuakliana, District Urban Development Officer (DUDO) Champhaiin kaihruaiin UD&PA kaltlanga hnathawh Swachh Bharat Mission (Urban), National Urban Livelihood Mission leh Housing For All hnuaia hmalakna hrang hrangte bakah department-in khawpui tih hmasawnna leh tih changtlunna tur hrang hrang a thawh mekte Chanchinbumite a hrilhfiah a. Department hmalakna hrang hrangte enzui puia, duhkhawplohna awmahte finchhuah zel thin turin a sawm a ni.
SBM (Urban) hnuaiah hian faina kawngah nasa taka hma lak chhoh mek niin, faina in zirtirna thuziak tar te, fai nunpui tura naupangte zirtirte, Short film siam te, Street play leh bawlhhlawh bawm semte kal pui mek a ni a. Kumin   hian   nasa leh zuala inzirtirna tha zawk a kalpui…

Sermon

Ringtute Hi Khawvel Eng Kan Ni
Chang thlan : Matthaia 5 : 14 - 16
Eng tel lo chuan khawvela nunna neite hi an dam khawchhuak thei lo. Eng hmanga chaw siam thei chauh vek an ni. Thil, a nihna ang taka kan hmuh fiah theihnan pawh eng a ngai a, eng awm lohna ah chuan kan chetvelna pawh a buai zo vek a nih hi. Thimah chuan kawng kan hmu thei lo va, hlauhawm leh hlauhawm lo kan thliar thei lo va, kan mit kan chhawr tangkai thei hek lo. Eng tel lo chuan kan khawsa thei lo a ni
Khawvel Eng - Isua : Isua hi khawvel eng a nih thu Johana 1:9, 8:12 ah te kan hmu. Isua tel lova khawvela nun kan hman chhung chuan thimah kan cheng tihna a ni. Nuamsa takin awm mah ila, Kawng leh Thutak leh Nunna Isua kan neih loh chuan kawngbo kan ni tho. Kan hlawhtlinna te, ropuina leh hmingthatna te pawhin kan damchhung bak a daih lo. Tin, kan nunna atana tha leh tha lo pawh kan finna atangin kan teh ang a, a dik zik tluak chuang lo . Kan hlimna leh lawmna pawh hian tawp chin a nei a, lungngaihn…