Skip to main content

Champhai Tualchhung Chanchinthar

LIRTHEI DAN CHUNGCHANGAH INBIAKNA NEI TURIN ZOKHAWTHAR VC LEH NGO TE A IN KAU RENG : Champhai Zokhawthar VC leh All NGO Coordination Committee chuan thuchhuah siamin Champhai Transport Union te chuan Zokhawthar atanga Bungraw phur lirthei ang dan chungchangah dikhlel taka thuchhuah a awm niin an thuchhuahah an tarlang. An thuchhuah a an tarlan danin CTu hian Zokhawthar khawtlang nen inremna an lo nei tawh a. Kum 1997 khan kha tih lai SDO (Civil) hriatpuina in AO ho in inremna an lo siam tawh a. Zokhawthar khawtlangin Special Load Trip khat an lak bakah khawtlang hriatute zinin Petrol man an phut remtih a nih thu an sawi a. Khawtlangin Special Load an lak chu duh loin thla khatah Rs. 10000 in anmahni thuin an bithliah a. Hun engemaw ti hnuah Rs. 8000 ah tihniam leh in pek tawhlo thlengin anmahni thu zelin thil an lakpui tak ah chuan Zokhawthar khawtlangin kawng dang a dap lo thei ta lo a, Zokhawthar Welfare Committee (ZWC) chu November ni 9, 2017 din alo nih thu an sawi. Zokha…

Vengthlang Kohhran (Kohhran Aw)

Editorial : Kohhran Inkhawm-II
Tun tum chu kohhran inkhawm a chanvo neite chungchang i’n sawi teh ang. An dinhmun hi a pawimawh a, inkhawm nawm leh nawm loh bakah a nun leh nun loh thlengin mawhphurhna an nei lian hle.
Hruaituin hi tawngtaia Pathian pawlna nen a hruai a pawimawh hmasa ber. Tawngtai indawt zut te hi pumpelh theih hram a tha. Tantu an din hma si a hruaitu a lo tawngtai hma sak hian tantu a tibahlah thei, tantu an awm loh erawh chuan a tawngtai hi a mawi viau thung. Report pe tur emaw tawngtai tur emaw a mi an sawm dawna lo sawilawk hmasak thin hi a tha khawp mai. Secretary te thupuana tel lo, mipui hriata tul si an sawi a nih chuan a tha a, thuhma neih hrim hrim erawh hi chu a tul ber lo.
Chanvo nei, pha si lo an awm hian inkhawm a tihmelhem thin a, pumpelh a tha hle. Hun bik neia tantu, entirnan, Sunday School tantute hian an chang lunglen zawng pawh telh thovin, Bible chang thlan awmsa hi chhiar mai thin se, a tha zawk mai thei. Hun a thawl chuan rilru a awm han sawi pawh inthlahrung lo ila. Tin, zai hruaitute hi an pawimawh khawp mai. Kan kohhran chu kan vannei a, zai hruaitu pawh tha tak tak kan nei nual a. Solfa hla leh khuang hnih hla kan sak tui ve ve theih avangin kan chawhpawlh thin a, a tha hle. Kal hma lamah tan la hret ila.Nilai zan thupui hawnah pawh hian lo inbuatsaih lawk viau hi a tha, bahlah lova chhiar zar zar hi chuan a ngaihnawm bik a nia.

-------------------------------------------


BIBLE STUDY : ROM LEHKHATHAWN
( Rev. Wiliam Barclay hrilfiahna atanga lakchhawn )
Pathian thawhpui theih loh mihringte : (Rom 1:24-25) : Helai thuah hian thinlung chakzawng(Grik : epithumia) tih hi a khaikhawmtu a ni. Aristotle chuan nuam tihzawng um tiin a sawi a, Stoic-ho chuan chhia leh tha hriatna tibawlhhlawhtu um an ti thung. Epithumia hi thil khap tih chak tlatna a ni.Hei hian mihring hi thil tam tak, zahthlak tak tak min tihtir thin. Zahawmna, nundan tha leh thil mawihnai kan nuna bet hi humhim kan duh chuan heng thil hi chu kan ti lek lo vang. Thinlung chakzawng um mite chuan an rilru he khawvelin a pek theih nawmnaah an nghat a, khawvel siamtu an theihnghilh thin. Pathianin mi a hawisan tih hi a rapthlak viau mai, mahse a hawisanna chhan tur kawng hnih a awm : (1) Pathianin mihring hi duhthlanna zalen min pe a, hei hi Pathian hian min zahsak a ni. Kan duhthlanna zalenah hian Pathian a inrawlh ngai lo. Ephesi 4:19 ah chuan thil bawlhhlawh tinreng duham taka ti tura hurna a inpumpek te chanchin a sawi. Hosea 4:17 ah chuan “ Ephraim chuan milem a zawmpui ta a, a awm awmin awm rawh se” tih kan hmu bawk. Mihring hian duhthlanna zalen kan nei. Duhthlanna tel lovin thatna te hmangaihna te a awm thei lo.Pathianin a fapa Isua Krista khawvela a rawn tirh tawh hnu pawha Pathian kan hnungchhawn luih tlat chuan, engmah tih theih a nei tawh bik lo. Paula mihringte bawlhlawh tih phala a hawisan thu a sawi hian thinrimna rilru emaw, thiamloh chantirna leh rorelna thurem ang emaw a tel lo. Hmangaihtuin a hmangaih chunga a theihtawp a chhuah hnua awmzia a awm chuan loh avanga hreawm ti em ema pawitihna rilru a pu ang a ni ber mai. A fapa in a hnungchhawn a, hla taka kalsan a tum avanga pa rilru na ang chi hi heta Paula sawi hi a ni. Hetiang dinhmunah chuan Pa rilru ah chuan thinrimna a awm lo va, pawitihna a lian zawk thin. (2) He hawisan tih thumal hian kan sawi tak bak thil dang kawh a la nei - chu chu thu tawp siamna a ni. Kan nuna thudik pawi tak awm chu sual hian sual vek a hring thin, tih hi a ni. Mi a sual zawh poh leh a tan sual zel a awlsam thin. A tir chuan a tihltih mek pawizia hria a inthiamlohna a nei thin, a tawpah erawh chuan ngaihtuahna hman nawn ngai ti miah lovin thil sual a ti hmiah hmiah tawh mai thin. Kha misual kha Pathianin a hrem tihna a ni lo va, amah leh a mahah hremna a insiamsak ta zel mai tihna a ni. Amah chu sual bawihah a intatlut nghet tial tial ta thin a ni. Juda-ho hian hei hi an hrechiang hle a, hemi chungchangah hian thufing tha tak pawh an nei nghe nghe. Chungte chu “ Mawhphurhna fel taka hlenchhuah hian mawhphurhna dang a hlawh chhuak zel a, bawhchhiatna pawh hian bawhchhiatna dang a hlawh chhuak zel ” tih te, “ Tupawh invawn thianghlim tum thin chuan thianghlim theihna thiltihtheihna a nei ang a, mi tu te
pawh an thianghlim duh loh chuan an tan sualna kawngka a inhawng reng a ni” tih te, “ Amah leh amah pala inhung mi chu a him ang a, inhung duh lo mi chuan hlauhawmna a sawm a ni” tih te hi an ni. Sual zia a pawi ber chu sual dang a hring zel hi a ni. Kan duhthlan zalenna kan hman sual chuan a tawpah sual bawihah tangin kawng dik lovah hawisan kan ni thei a ni. Tin, sual hi dawt a ni zel. Misual chuan a sualna chuan hlimna a pe dawn emaw a ti thin. Mahse, a tawpah sual chuan ama nun mai bakah midangte nun pawh tunah leh nakin atan a tichhe thei a ni.

-------------------------------------------

Champhai Vengthlang Pastor Bial inkhawmpui vawi 78-na
A hmun : Venglai Kohhran Biak In
A hun : 3rd - 5 th April, 2009
Thupui : Rinawmna ( Thup. 2:10)
Bial Puipate
Chairman : Rev. Laldailova
Secretary : Upa Huansanga (Sr)
Upa BS Kailiana (Jr)
Treasurer : Upa JC Rohnuna (Bial)
UpaVanlalhranga (Inkhawmpui)
Pro Pastor : C. Lalruatkima
Programme:
Dt 03.04.2009(Zirtawp)
10:00am -12:30 p.m Standing Comt
12:30 - 4:00 p.m Nomination Comt
06:45 pm : Pathian Biak Inkhawm
Palai lawm leh Report
Tantu : Pu C, Sualneka, Vengthlang
Report : i) Kohhran chanchin
ii) Bial secretary
Zaipawl : Venglai kohhran
Dt. 04.04.2009( Inrinni)
10:00 am - 04:00 pm Palai Rorel
06:45 p.m : Pathian Biak Inkhawm
Thusawitu : Upa R. Vanlalenga, Electric Kohhran
Zaipawl : i) Vengthlang N kohhran
ii) Electric Kohhran
Dt. 05.04.2009 ( Pathianni)
10:00 am : Pathian Biak Inkhawm
Thupui : Rinawmna( Thup 2:10)
Sawitu : Upa Lalthlamuana,Vengthlang Kohhran
Zaipawl : i) Bial Zaipawl
ii) Vengthlang Kohhran
01:00 pm : Pathian Biak Inkhawm
Lalpa Zanriah Sakramen
Buatsaihtu : Rev. Laldailova
Zaipawl : Bial Zaipawl
06:45 pm : Pathian Biak Inkhawm
Valedictory Sermon
Sawitu : Upa C. Khuangbuaia
Chairman kalchhuak
Zaipawl : i) Venglai Kohhran
ii) Bial Zaipawl
# Tun tumah hian Agenda 12 a awm.
# Kohhran upa thlan dil 2( VT - 6, VT ‘N’ - 3) an awm a, Tual upa thlan dil 2 (VT-8 leh VL - 2) an awm.

-------------------------------------------

Tumkau Ni Programme
A hun : Dt. 5.4.2009, 6:30 am
A hmun : Biak In tual
Tanna hun : T Upa H. Thangliana,
Superintendent, NPSS
Kharna hun: T Upa C. Hualchhunga,
Leader, Sakrament Dept
Zai hruaitu : Tv. VL Ramdina
Tv. C. Vanlalpeka
Tv. Zonunthara
Au hruaitu : Tv. Lalpekliana
Pu HS Lalngaizuala
( Naupang leh zirtirtute kim taka kal tura beisei kan ni e.)
Buhfaitham Hralhtu Turte
Miriami Gr. 1) Pi VL hmuchhuaki
2) Nl. C. Darthangpuii
3) Pi Vanlalruati
4) Pi CVL Dinliani
Estheri Gr. 1) Pi Kawlkhumi
2) Nl. C. Laltani
3) Pi Lalramhluni
4) Pi Tlanghmingthangi
Rebeki Gr. 1) Pi R. Vanthangpuii
2) Pi Lalhlupuii
3) Pi Lalpartlani
4) Pi Lalsiammawii
Hani Gr. 1) Pi Lalringi
2) Pi Lalropari
3) Pi Vanhnuaichhingi
4) Pi Lalsawimawii
Sari Gr. 1) Pi Lalhmunsangi
2) Pi H. lalthianghlimi
3) Pi Laldinpuii
4) Pi Lalrikhumi
Ruthi Gr. 1) Pi Liannghingi
2) Pi Sanghnuni
3) Pi Zaikhumi
4) Pi Vanlalrawni
Rakili Gr. 1) Pi C. Lalchhandami
2) Pi PC Parhmingthangi
3) Pi Zothansiami
4) Pi Thanthuami

-------------------------------------------

Social Front Thu
Tunlai hian zirna tha pawimawhna chungchanga Champhai DC Pu TV Fambawl an kawmna edit hna CCN a thawktute nen an thawk ngawrh hle a, tunkar chho hian CCN leh TKS ah thlir theiha beisei a ni a, zirlai leh nu leh pate tan thlir ngei chi a ni.

-------------------------------------------

SS Report : Dt.29.03.2009
Particulars Puitling Naupang
Hming ziak 1124 856
Kal zat 586 714
Kal lo 538 136
Thawhlawm Rs 4435 Rs 2384

-------------------------------------------

Nilai Zan Hun Hmandan
Dt.01.04.2009(Nilaini) zan khan R. Lalmuanpuia s/o R. Malsawma chu inngaihna suala a tluk avangin thunun a ni. Heng mite hi thunun lakluh an ni 1) KC Zohruaisanga s/o K. Lalding liana 2) Debby Zothanpuii w/o KC Zohruaisanga 3) KC Zohmahruaia s/o K. Laldingliana 4) Hranghmingthanga s/o Vanmawia 5)Lalropuii w/o Hrang hmingthanga. Tin, reformed Presby terian kohhran atangin Pu Zohmangaiha leh a nupui Helen Zonunmawii leh an fate pathum - Lalpekthara, Lalfak- awma leh Lalnunnema te kan kohhranah an rawn inpe. Hun enge maw chen kan kohhrana rawn cheng tur Lungdai kohhran atanga rawn pem, Pu R. Lalrinawma s/o Lalbiak- chhunga leh a nupui Lalrampari leh an fanu Esther Lalhriatzuali te testimonial chhiar chhuah a ni bawk Tin, Pu Lallianmawia s/o Chalkunga leh a nupui Lalrammawii leh an fate:- Lalrinchhani, Lalmuanawmi Laleng- kimi, Zonunmawii leh Remsangpuii te chu Khawzawl Vengthar kohhran atangin kan kohhranah an rawn pem.

-------------------------------------------

Pavalai Aw
Tunkar Zirtawp hi Good Friday a nih a vangin a hranpa a programme siam a ni lo va, naktuk Thawhtan zan hian Programme siam a ni thung :
A hmun : Pu Lalpanliana in, RSV.
A hun : 7:00 p.m
Hruaitu : Pu K. Lalrosanga
Tantu : Pu Ralkapthanga
Thusawi : 1) Upa Lalthlamuana
2) A duh apiang tan
Member te’n ngaih pawimawh ni se.

-------------------------------------------

DARTHLALANG : Lallukhum
A tawp thlenga tuatre hnenah lallukhum
Tuna kan sawi tur hi kum zabi palina hunlaia mi daih tawh kha a ni. Armenia rama Sebaste khua ah hian Rom sipai an awm thin a. Chung Rom sipai rual zinga sawmli chu Kristian an ni. Rom lalber chuan Ka ram awp chhunga mi zawng zawngte chuan Pathian angin chibai min buk vek tur a ni, tih thupek khauh tak mai hi a siam a. Chung Rom sipai officer sawmli te chuan Rom lalber chu Pathian anga chibai an buk ve duh loh avangin nasa takin an nghaisa a. A hnuah an thawmhnaw an hlihsak vek a, Kisil - Irmak lui vawt mangkheng, a tui pawh vura chang nual tawhah chuan an chiah ta a ni. Lui kamah chuan mei an chhem hluah mai a, tui an lum bawk a.
Vur tui vawta chiah Kristiante chuan an rinna phatsana, Isua Krista chu an phatsan phawt chuan an nunna an zuahsak dawn a ni. Tin, tui vawt lutuk atang chuan an la chhuak ang a, mei lum an aitir bawk ang. Tichuan, darkar tin mai hian an rinna chu phatsan turin an zuk thlem thin a, mahse tumahin Isua an phatsan duh lo va.
Chutia Isua avanga lui tui vawt lutuka an chiah chuan an zinga pakhat chuan a tuar zo ta lo va, Isua chu a phatsan ta a ni. Chutihlai tak chuan Rom sipai, anmahni tiduhdaha nghaisatu zinga mi chuan thil mak tak mai hi a hmu a. Van atangin vantirhkoh sawmli rual lallukhum sawmli kenga rawn chhuk thla hi a hmu a. Chung lallukhumte chu martarte khum tur a ni. Amaherawhchu, vantirhkoh sawmli zinga pakhat chuan a lallukhum rawn ken chu khumtir tur a hmu ve ta lo va. Eng vang nge ? An tihduhdahte zinga pakhatin Isua a phatsan vang a ni.
Chu lallukhum mawi em em mai leh khumtu nei lo, vantirhkohin a ken reng chu Rom sipai chuan a lo hmu khiau va. A thawmhnaw a hlip sawk sawk a, vur tui vawt lutukah chuan, “ Lalpa vantirhkoh, i lallukhum rawn ken khum turin ka lo kal e” tih pahin a zuang thla ta bawrh mai a. Midang sawmthum leh pakua te nen chuan Krista avanga an nunna chanin, lallukhum mawi tak chu khumin vanramah an lut ta dial mai a ni.
Min tiduhdahtu leh min nghaisatute ngei pawh hian vanrama kan chan tur chu chan ve chakin an lo thlir ve reng a, remchang an lo melh ve reng thin a sin! Isua hnung i zui hrep tawh hnu hian, i rinna hi phatsanin i lallukhum hi i chan ve mai ang em? Coutesy: Vanram Leihlawn

Comments

Popular posts from this blog

Sermon

Thawhlehna - Thihna Hnehna
Chang thlante : I Kor 15: 1-34, Hebrai 2 : 14-15
Thawhlehna hi Bible zirtirna chiang tak leh kohhran thurin nghet tak a ni. Isua thawhlehna thuchah atang hian thurinte hi an lo to chhuak thar vek a ni. Thuthlung Thar kohhranah hian Krista thawhlehna hi kawng hnihin a inlan a. (1) Chhangphel : Hei hi sacrament rawngbawlna a ni. A tir atang rengin zirtirte khan inkhawmnaah chhang phel an ching thin. Hei hi Isua a tholeh ngei a ni tih hre lo tan chuan lungngaihna tuar rual loh hriatrengna a ni a, a hretu tan chuan ‘Chhang phel atang chuan a hmel an lo hre ta’ tih chu an testimony a ni ang. (2) Thu : Lalpa an khenbeh hnu chawlhkar tlemte chhungin zirtirte khan Lal Isua thiamlohchantirtute kha hmachhawnin a thawhleh thu leh lalna thu an hril a ni. Paula pawhin Felika hmaa a din khan ‘Mitthi thawhlehna thuah vawiinah hian in hmaah chhuahchhalhin ka awm a nih hi’ a tih kha. Tin, Thuthlung Thar ziaktute chuan Krista thawhlehna hi Pathian thu puanlawk tihkimna ni…

Sermon

Lal Isua i chawimawi ang u
Chang thlante : Matthaia 21;1-9, I Petera 3:15
Vawiin hi Tumkau Ni a ni a, Isua chu vawiin angah hian hmanah Jerusalem khawpuiah lal angin sabengtung no chunga chuangin a lut a ni. He khawvela hun a hman chhung zawng khan, vawikhat chiah, he Tumkau ni ah hian chawimawi a hlawh ve a ni. Pharisaite chuan mipui hlim taka Isua hmuaka lo au te chu a bengchheng tiin khap turin an la ngen lehnghal a. Keini, ringtute nunah pawh hian kan pianthar hlimchhawn bak hian Isua hian chawimawi a hlawh meuh lo em aw?? Vawiin hian kan thinlungah Isua hi Lalah i pawm thar leh ila, i chawimawi thar leh ang u.
Lal dangdai : Isua hian Pilata hmaah khan lal a nih thu hi a pha lo. Mahse, khawvel lal te angin leilungah lalram a nei lo va, tisa takin ralthuam nen hmelmate a bei lo va, a khawnbawl ve te lah chu sangha mantu Petera, Johana tih vel an ni. Chuvangin, a hunlaia Judate khan lal a nihna hi an pawm thei lo. An beisei Messia, Rom- ho awpbehna lak ata chhanch…

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…