Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Vengthlang Kohhran {Kohhran Aw}

BIBLE STUDY : ROM LEHKHATHAWN
( Rev. Wiliam Barclay hrilfiahna atanga lakchhawn )
Hun Zahthlak (Rom 1:26,27): Helai thu hi thatna duhtu mihring uchuak deuhin a hunlai thil awmdan uar tak leh nasa taka cheimawia a sawichhuah a ang lek lek mai. Mahse,Paula thusawiah hian a hunlaia Grik leh Rome thuziak mite sawi bak belhchhah a awm lo. (i) A hunlai hian engmah thununna fel tak hnuaia awm a awm lo. Virgil chuan “ Dik leh dik lo hi a insi reng a, khawvel pumah indona thawm a awm a, thil dik lo lah a tam na ngiang, zahawmna han chhar tur lam hi a awm lo,thir kawmte chu ngunhnamah chher an ni. Khaw- chhak lamah Euphrates chuan indo a cho chhuak a, khawthlangah Germany leh a thenawma khawpui liante te chuan an inremna tichatin an ngunhnam an phawi a, indona pathian thinurna chu a alh a ni ber mai.” tiin a ziak. Tacitus pawhin, “ Chhiatna tamna hun, indo vanga lungngaihna cham reng lai, remna pawh a kawlhsen lai ka hmang niin ka hria... salte chu an pute phatsan tura tham an ni a, hmelma neih lo pawh a thianin a tichhe tho” a ti. Tiberius-a’n rawng taka ro a rel lai hun ziaktu Suetonius chuan, “ Ni khat mah hi tuemaw thah loh ni a awm ngai lo. Hun rapthlak vawrtawp a ni” a ti. Livy( Historian) pawhin, “ Rome hian a sualna hi a phur zo lo va, a damdawi pawh a hmu zo lo vang” a ti tawp! Hla phuah thiam Propertius chuan, “Rome, Rome chapo em em, a hmasawnna nasa tak avanga a boral lai ka hmu a ni” a ti. Nunphung hi a tha dam khawchhuak zo ngang lo a ni. Juvenal chuan, “ Leilung hian misual leh dawihzep bak a hring tawh lo. Chuvangin, Pathian chuan a zuk thlir a, a nuihsawh a, a haw bawk a ni” a ti hial. Ngaihtuahna hmang mi tan chuan heng hunlai hian engmah hi fel thlip thlep a awm lo va, Pathianin a nuihsawh ri pawh a hre thei hial ang chu! (ii) Tin, nuamchenna kawnga a vawrtawp khawvelin a hman hun a ni. Rome khawpuia mipui inbualnaah te chuan tui herhhawnna, dara siam atangin tui lum leh a vawt a herh haw thei a. Caligula phei chuan circus tualzawlah thingzaina nawi aiah rangkachak nawi a phul chhuak vek. Juvenal chuan lunghnur zetin, “ Nawmchenna, indona ai pawha rawng zawk chuan Rome hi a uap reng a ni. Tenawmna hringtu pawisa chuan nawmchenna hmangin rilru thatnate chu a hip kang a ni” a ti. Seneca pawhin, “Sum hian zahawmna hi a tichhe vek a, emgmah hi enge a nih an zawt lo, engzat man nge tih chiah an hre duh” a ti. Nun ninna damdawi ber chu thilsual tih a ni mai. (iii) Nunphung chhiat ber hunlai a ni bawk. Rome sawrkar din atanga kum 520 chhung khan inthen chhinchhiah pakhat mah a awm lo. Nupui then hriat hmasa ber chu Spurius Carvalius (234 BC) a ni. Seneca chuan,“Hetihlai zet hi chuan hmeichhia chuan inthen turin pasal an nei a, innei turin pasal an then bawk. Rome milian hmeichhiate chuan kum hi an pasalte hmingin an chhihchhiah thin! Juvenal bawk hian, “Iberina tan pasal pakhat a tawk em ni? Mit khing khat pawhin i va hneh mai ang” tiin mipate a fuih a, kum nga chhunga pasal pariat nei pawh a hria. An lalnu Agrippina, Claudius-a nupui chu zanah lalin chhuahsanin nawhchizawrhna hmunah a tisa chakna reh thei lo avangin a kal thin. Tin, Rome lal hmasa 15 zinga 14 kha mawngkawhur an ni! Hetih hunlai hi chu rapthlak tak a ni. Paula hi a la insum fe zawk tih a hriat mai. Mahse, he hmunah ngei hian chanchintha hril a duh a, a zahpui lo. Khawvelin chhandamna pe thei thiltihtheihna a mamawh a, Paula hian chu thiltihtheihna chu Krista ah ngei a awm tih a hria a ni.


------------------------------------------

CHAMPHAI VENGTHLANG KOHHRAN CHANCHIN
(April 2008 - March 2009)
1. Kohhran Inchhiarna lam :
i) Kohhran Upa (Active) zat : 9
ii) Pem Upa zat : 3
iii) Tual Upa zat : 7
iv) Kohhran In zat :
a) Kohhran awm hlangna In : 519
b) Inawmpawlhna In zat : 22
v) Kohhran Member zat : 2747
vi) Kohhran dan zawhkim zat : 1919
vii) Thunun tawk mek zat : 45
viii) Pawl dang atanga lo pakai zat : 25
ix) Kan Kohhran chhuahsan zat : 3
x) Apr 2008 - Mar 09 inkara Kohhran Committee neih zat :
a) Official Committee : 12
b) Special Committee : 60
3. Sunday School lam :
a) Sunday School zirtirtu zat : 246
b) Sunday School zirlai zat : 1734
c) Kum 2008 chhunga Exam beitu zat : 347
4. Sum dinhmun :
a) Synod sum chi hrang hrang belhkhawm : 54,19,278
b) Tualchhung sum (Pathian Ram Ip) : 13,25,629
c) TOTAL ( a + b ) : 67,44,907
( Karlehah chhunzawm tur a ni ang)

------------------------------------------

CENTENARY COMMITTEE THU
Centenary Committee chuan heng Sub-committe te hi ruat belh : -
Fund Raising
Chairman : Upa C. Keikhuma
Vice : Upa Sangmanthanga
Secretary : Pu Rohlira Colney
Treasurer : Pu PC Zohlira
Fin. Secy : Pu F. Lalfamkima
Members : Pu TT Zothansanga,Pu K. Lalhmunsiama, Pu F. Thangkima
Building
Chairman : Upa Lalchungnunga
Vice : Upa Hrangvelthanga
Secretary : T Upa H. Thangliana
Asst. Secy : T Upa C. Hualchhunga
Members : Kohhran Committee-te
Souvenir
Chairman : Upa JC Rohnuna
Vice : T Upa K. Lalthlengliana
Secretary : Dr. Thangsailova
Asst. Secy : Tv. C. Lallianzauva
Members : Upa BS Kailiana, T Upa C. Hualchhunga, Adviser : Upa Lal-chungnunga & Upa C. Keikhuma


-------------------------------------------

Nilai Zan Hun Hmandan
R. Vanlalhlua c/o Pi VL Hmuchhuaki chu inngaihna suala a tluk avangin thunun a ni. Tin, Leithum kohhran atanga kan kohhrana hun engemaw chen rawn awm tur Pu Lalchhuan- awma Chhakchhuak s/o Upa C. Lalbuka(L) leh a nupui Pi Remsang- puii leh a unaupa Lalfakmawia te testimonial chhiar chhuah a ni bawk.

-------------------------------------------
Synod Sum Khaikhawmna
April 1,2008-March 31 ‘09 chhunga Synod sumlut hetiang a ni : a) Pathian Ram, buhfaitham,Sakramen, Sunday School& inneihna : Rs1261,748,028 Budget(Rs192,980,000) b) Hmuhna dang: Rs 20,248,023 (budget Rs 12,980,000) c) Ramthar : Rs 216,820,521(Budget Rs 165,555 000) Hmuhna dang: Rs 5,338, 329(Budget Rs 5,302,000). Hmuh zawng zawng : Rs 504,154,901, Bud get : Rs 376,174,400, Khumna : Rs 127,980,501 a ni.

-------------------------------------------
Zai Hruaitu Turte( April)
Khuangpu :1) T Upa K. Lalthlengliana 2) Tv. VL Zauva Chhangte 3) Pu C. Lalchhuanawma
Hla Hriltu : Pi Lalremmawii
Keyboardist : Pu Vanlaltluanga
Thilpek Chingfeltu (April)
1) T Upa Vanlalhruaia Sailo
2) Pu Lalthanpuia
3) Pu PC Zohlira
4) Pu C. Liannghinglova
5) Pu R. Lalramliana

--------------------------------------------
Tual Upa Thlang Dawn
Dt.15.4.2009(Nilaini) zan inkhawm ah Tual Upa( Kohhran Committee) thlan a ni dawn a, kan dil zat mi pariat(8) thlang chhuak thei tura tawngtaina nen kan tan a tul hle. Koh- hran mipui, a bikin dan zawhkimte’n inkhawm ngaih pawimawh a tul hle.
--------------------------------------------
NPSS Inkhawm Dan Tur
Vawiin hian Naupang Sunday School te pawl hniha inthenin inkhawm tur a ni. Senior, Sacrament leh Interme diate Deptt. te Centenary Hall ah inkhawm tur a ni a, Beginner, Primary leh Junior Deptt. te Beginner Room ah inkhawm tur a ni thung ang.
--------------------------------------------
Social Front Thu
Kan kohhrana Social Front Commit- tee- in Champhai District a zirlaite’n hlawhtlinna sang zawk an neih theih nana an hmalakna pakhat atana Pu TV Fambawl, D.C Champhai Dist. an kawmna chu karleh hian tihchhuah a ni dawn ta. Hetah hian D.C hian harsatna tam tak paltlanga hlawhtlinna a hmuh dan a sawi a, zirlai leh nu leh pate’n en theuh a tha hle.
--------------------------------------------
Rawngbawltu List Peih
Kumin chhunga kan kohhrana rawng bawlna chanvo hrang hrang chelhtute hming ziahna bu peihfel a ni a, bialtu upate’n kohhrana rawngbawltu awmna inah an rawn sem zel ang.
--------------------------------------------
Darthlalang : Hmeithai Fing
Krista hi chu ka inleng a ni lo
England rama khaw pakhat, Balmorals an tihah hian pitar te pakhat hi in te tak te ah hian a cheng a. Hmeithai khawsak harsa ve tak ni mahse Pathiana mi hlim thei tak leh Pathian pawl reng thin mi a ni. Isua Krista hming hi a lam ri reng thin. Chutiang taka thlarau lama kal thuk mi chu a ni a. A thenawmte chuan fiamthu thawhnana hmangin an fiam deuh fo mai a.
Ni khat England lalnu, mite nagihsan leh ngainat hlawh tak mai, Queen Victoria khan chu hmeithai chu a chenna in tlawm takah chuan tlawhin a leng a. Hun rei tak an titi dun a, thil chi hrang hrang sawiin an hlim dun hle a ni. Chu thu chu khuaa miten an lo hriat chuan titi berah an hmang ta a. A thenawmte chuan chu hmeithai pitar te chu intawng awhtir ngei tumin an fiam leh ta a ni.
“ Ka pi, i in rawn tlawh tawh zawng zawnga i mikhual zahawm ber tu nge ni ang ?” an ti a.
Pitar te chuan rang takin, “ Lalnu kha le,” a ti vat a.
Chutah inti fuh deuh hian, “ A nih leh Isua Krista chanchin hi i sawi reng mai si a, Isua hi i inleng ropui ber a tling pha na nge?” an ti ta khauh mai a.
Chutah pitar te chuan buai map lo hian, “ Lalnu kha ka in rawn tlawhtu zinga ropui ber chu a ni chiang bang a ni. Isua Krista erawhchu ka inleng a ni lo. He inah hian englai pawhin a cheng reng a, ka lal a ni a sin” a ti ta then mai a! Amah tihmualpho tumtute chuan chhan leh ngaihna an hre lo va, zak ta hle a ni, an ti.
Isua Krista hi kan inleng emaw kan ti fo mai. Kan ina kan chentir phal tak tak loh vang a ni mai lo maw? A lalram a dinna tur hian keimahniah hmun kan pe phal tak tak em? Lal ni si hian, kan nunah leh kan inchhungah a lalna a lang lo hle thin chu a nih hi. Mi tam tak thinlungah leh an chhungkua ah chuan khawvel hi a lal tlat a, Krista lalram dinin a awm thei lo a nih hi! Isua Krista hian keimahniah leh kan chhungkuaah lalber a duh a, thuneihna pumhlum neih a duh. A lana lo chuhpui ve hi a duh lo. Lalber a nih theih lohna hmunah chuan lal loh law law a duh zawk.
Pathian hming lam fo si hian, kan thinlungah leh kan inchhungah hian inleng an lekin kan ngai ve em le? ( Courtesy : Vanram Leihlawn )

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…