Skip to main content

Champhai - Tualchhung Chanchinthar ni 26.5.2018 (inrinni)

TRACTOR THAR LAWM :
Agriculture Mnister KS Thanga`n Vaphai Community Hall ah WRC Farming Society te Tracktor thar lawmna leh Buhthar lawmna hun a hmanpui.
Vaphai khuaa leilet neitute “WRC Farming Society” te chuan an tractor thar leh buh thar lawmna hun nimin khan Vaphai Community Hall ah an buatsaih. Lawmna inkhawm hi an Vice President Rothangpuia`n  (www.champhai.net) kaihruaiin khuallian KS Thanga chuan Vaphai khuain zau hrang hrang 5 awmna Saikhumphai zawl zau tak an nei chu Vaphai khawtlang tan thlamuanpui tham a nih thu sawiin, Ruahmanna fel tak nen Vaphai lo neitute chu hna thawk uar tur leh thalaite pawh leilung hausakna hai chhuak kawnga tan la turin a fuih a. Naupangte pawh nu leh paten an thawh awm tawk chhungkaw hna thawh tur ruahman sak a, an thawhawm tawk hna an thawh hian taimakna an than lenpui thin niin a sawi. Secretary Ngursawithangan report pe in, leileta siam theih 190 hectares awmin, siam tawh 94.80 hectares a awm bawk a ni. Kum kalta khan buh 1870  qntls. an thar …

Vengthlang North Kohhran {Kohhran Aw}

DAM MAN AWM LO
(Thuhriltu 12:1, I John 2:17)
- T/Upa Pu. R. Rosiamliana

Duh ang ang kan ei a. Duh chen chen kan mu a. Duh apiang kan thawk a. Natna te, hrehawmnate tawk turah kan inngai lo. Thuhriltu kan tih Bu ziaktu hi Solomona-nia ngaih a ni. Pathianin finna a pe a, chu bakah hausakna leh roupuina a pe tel bawk. Bung 5:20ah chuan ‘Pathianin hlim theihna min pek avang hian kan dam chhung tawizia kan lungkham lem thin lo’ a ti. Mihring nun a sawifiah dan hi chhui tham a awm.
Kan Pathian hi keini Kristian, Amah atanga chhuak Thlarau Thianghlima a chhinchhiahte erawh chuan Pathian nung, Engkim Lal anih kan hria a. Mahse, khawvelah hian misual tam tak, kan Pathian hre lo an la awm a. Keini aia hlim, hausa, nuam tizawk an tam. Min awt lem lo. Chu kan Pathian chuan, min hmangaih a. Kan boral loh nan kan tan a inpe a. A inpek dan pawh keimahni anga lo awmin kan thih ai a thi a, a tho leh a. Mi zawng zawng ro relsak turin a lo kal leh dawn. Heng thu hi Bible thu pakhat a ni mai lova. Bible, Pathian thu awm chhan a ni. “Lei leh van a ral anga, ka thu erawhchu a ral lovang” a ti.
Kan lo piang a. |halai kan nih hun a awm a. Nakinah chuan ‘Dam man pawh a awm lo’ kan tih hun, tar chhia kan tih dinhmuna kan din hun a awm dawn. Chumi hnuah emaw, tar nih hma pawhin i nun a tawp thut thei. Naupang te ni si thlanmual lama in zawn liam tak mi tam tak an awm tawh. Thlanmuala thlan lung ziak te hi en ila, nu leh pa, pi leh pu thihsan, thih khalh ta mai an tam khawp mai.
Khawvel nuam ti, chen ham ham teh ang, nakinah Pathian lam chu........... ti hi mi tam tak an awm. In that lai hun hi chen ula, duh ang angin awm ula; amaherawhchu, in chungah Pathianin ro a la rel dawn tih erawh hre reng rawh u, min ti. Thi mai tura inngai lo, thi ta thut an tam tawh. Na tura inngai lo, natna hrehawm tak tuar an tam. Kan Pathian hi a thlawna tuara, thi a ni dawn lo. Tu emaw thil i tihsak tawh a. A theihnghilh ta emaw, a hre zui ta miah lo emaw a nih chuan, i lungawi lovang. Min tawrhsaka, thi khawp hiala thu zawma, Kross-a mualpho taka thi khan a theihnghilh i ring em? Ngaineptu te hi engtinnge a tih ang?
Khawvel hi a boral mek. Lawng pil meka awm ang kan ni. He lei hi chatuan daih tura siamtuin a siam a ni lo.Daih chin nei chhiat rup tawk thei renga a siam a ni.Nun thuruk, chatuan nun, a Fapa thisena a lei, Thlarau Thianghlima chhinchhiah nun nei kan nih loh chuan kan tawpna tur chu chatuan hrem hmun, mei dil, mit thei si lo chu a ni tawh ang. Tunlai hian Pathian ngaihsak te, van lam thil te, hremhmun te, Lal Isua a lo kal leh dan tihte hi thu ho tak, bengkhawn pawh hlawh lo, ngaihsak hlawh lo tak a ni mek. Hei hian a entir chu........ Lal Isua lo kal lehna a hnai ta tih hi a ni. Hausain duh tawk an nei lo. Rethei intiin ei hmuh nan pawisak an nei bawk lo. In pawh vekin kan hman hlel a. Mi dang ai chuan mahni kan inhmangaih a. Kan thil tih tenawm leh dik lo te pawh hun a ral a, a rei deuhva, a reh ve ta mai emaw kan ti. Mahse, min siamtu chuan a hmu reng a, beng vuahtu chuan a hre reng si.
Kan \hat lai hian Lalpa lam i hawi ang u. Dam lohna khumah, harsat, manganna karah \awng\ai tak ngial pawh harsa kan tih hun a thleng thei. Dam leh ila, a rawng bawl ka va chak em! te kan ti palh ang e.

--------------------------------------



§ Dt. 21.4.2009 (Thawhlehni) tlai khan Tleirawl pual Camping kan neih tur inbuatsaih nan chawngheia \awng\ai-na Biak In ah neih a ni a, |awng\ai hi inkhawm ban apiangin Biak In ah neih \hin tum a ni a, Dt 30.4.2009 tlai hian Camping pual chawngheia \awng\ai neih leh tum a ni.

§ Ni 25.4.09 (Inrinni) zan a\angin Pre-Camping Crusade Biak Inah neih tur a ni a. Campinga Rawngbawltu tur Pu R. Lalbiaksanga leh a team Krista Thupuangtute’n hun an hmang nghal dawn a ni.

§ Kan Kohhran Kristian chhungkaw Committee ruahmanna angin Kohhran chhungkua in-\awng\ai pui tawn programme hman \an a ni ta.

§ Kohhran indinnghehna tur pawisa Synod-ah kan Kohhran chuan a dil mek a, ni 28.4.09-ah hian Synod Officer’s meetingin an ngaihtuah dawn a, a hlawhtlin theih nan i \awng\ai pui ang u.

§ Kan Kohhran a\anga Pathian thu zir mek Tv. Joseph Lalfakmawia chu chawlh hmangin alo hawng chho a, ani hi May thla tawp lamah a thawhna hmun tur Vision Native College Vishakhapatnam, Andhra Pradesh a pan ang. He College ah hian B.Th. leh B.D zirna hawn thar a ni a, Serampore Theological College a in affiliate a ni.

§ Kristian chhungkaw Committee chuan zinglam \awng\aina, Kristian Hla bu a mi hi zing \awng\ai hunah sawirual thin nise tiin rawtna an siam.

§ Thawh\an ni 27.4.09 a\ang hian zing \awng\ai dar 5:15 am ah \an tawh tur a ni a, zing leh tlai \awng\ai hi Camping neih chhung hian chhunzawm zel tho tur a ni e.

§ Tleirawl Pual Camping neih chhung hian \awng\aina hmun tur College ah Zing dar 10:00 a\angin tlai dar 4:00pm thleng leh zan dar 7:00 pm a\anga zan dar 10:00 pm thleng \awng\ai \hin tur a ni a. Kohhran mipui te atam thei ang ber \awng\ai-tura kal \hin nise. Zan lam \awng\ai kaih hruai hna hi Senior Department, Sacrament zirtirtute leh Intermediate zirtirtu ten an kaikhruai chhawk ang, zirtawp zan-ah \awng\ai sub committee hruaituten an kaihhruai ve thung ang. Chhun lam \awng\ai hruaituturte chu \awng\ai sub-committee-in a hranpa-in a ruat a ni.


----------------------------------------------

TLEIRAWL PUAL CAMPING
CHHUNGA HRIATTURTE

1. Tute mahin Camping Area hnai vaiah ZUK LEH HMUAM tih loh nise.

2. Tuman mahni Tu leh Fate Camping chhungin a hrana chawhmeh eng ilo te pek bik loh nise.

3. Tul bik thilah Camper ten Camp chhuahsan tulna a awm emaw Camper te hmuh tulna a awm anih pawhin Security Duty te remtihna lak phawt tur a ni.

4. Camper te leh rawngbawltu dangten hmun tinah bawlhhlawh paih mai mai lovin a paihna hmun Kohhran Hmeichhiate buatsaihah chauh paih thin tur a ni. Tin, inthiarna hmun te felfai taka vawn tum theuh nise.

Secretary
Tleirawl Pual Camping

----------------------------------------------

Comments

Popular posts from this blog

Champhai - Tualchhung Chanchinthar ni 22.5.2018 (thawhlehni)

C. VANLALNGHAKA (VLa) NIGHT CUM ELITE LEAGUE TIP OFF :
Zanin dar 8 ah hian C. Vanlalnghaka Night cum Elite League Tip Off chu Vengsang YMA Hall ah neih a ni dawn.
He hun hi Malsawmtluanga, MBBA President chuan khuallian niin a hmanpui ang a. T. Ramthanmawii, Miss Mizoram 2018  chu khual zahawm niin a hmanpui bawk ang. C. Vanlalnghaka (fam) zahna leh a puala hun hman a ni ang a. PC Ramnunsiama, Secy, Elite Board hnen atangin thusawi ngaihthlak a ni bawk ang. Lalhriatpuii Fanai kaihhruainain CLub tin te Jersey phochhuahna hun hman a ni ang a, (www.champhai.net) T. Ramthanmawii hnen atanga thusawi ngiahthlak ni bawkin Malsawmtluanga kaihhruaiin Tip Off hun hman ani ang. Champhai District Basketball Association buatsaih a Samsung Mary` Elite League 2018 ah hian CLub 5, Kahrawtians BC, Venglai Tribal Sonic, Vengsang Boars, Bethel Minikins leh Vengthlang Fredys Memorial te an tel dawn a ni.
Nilai zan dar 7 atangin Samsung Marys Elite League 2018 hi khelh tan ani ang a, match hnih awmin Match h…

Champhai - Tualchhung Chanchinthar ni 25.5.2018 (zirtawpni)

CHAMPHAI THALAI PAWLTE THUKHAWM :
Nimin chawhnu dar 3 khan Champhai Thalai Pawl ten Kahrawt YMA Hall-ah an thukhawm.
He thukhawmah hian Champhai Thalai Pawl hmalak dan turte ngaihtuahin hun remchang hmasa berah Champhai khawchhung Office hrang hrangte tlawh kuala an harsatna te zawh pahin thawhpuiah sawm nise, hemi pah hian mipuite tana Office hunchhung vawng dik hram hram tura ngen nghal nise an ti a. Champhai-a Political Party hrang hrangte hnenah thuneih sang (Hqrs.) nei tura ngen nise an ti bawk. 
Tin, Champhai Nature Conservancy te hmalakna Project Tlaizawng leh Champhai Zawl humhalh kawngah Champhai Thalai Pawl chuan a thlawpin hlawhtling ngei turin duhsakna a hlan a ni.

MAXI CAB NEITUTE LEH ZOKHAWTHAR INREM :
Champhai leh Zokhawthar Sumo chuan man chungchanga hun rei tak chhung Zokhawthar khawtlang leh Champhai to Zokhawthar Maxi Cab Service pawl pahnihte an inrem theih loh hnuah nimin zing khan inremna an siam fel ta.
Nimin zing khan Zokhawthar YMA Hall-ah Zokhawthar NGO hruaitute l…

Champhai - Tualchhung Chanchinthar ni 24.5.2018 (ningani)

POLITICAL TRAINING NEI :
Nizan hmasa khan Zoram People Movement, Tangrual Pawl chuan Champhai Venglai Community Hall ah Lalduhawma, Chief Ministerial Candidate hovin Political Training an nei.
Thusawiin Lalduhawma chuan Mizoramah kum 30 chhung Party pahnihin min hruai tawh a, heng Party pahnih hlirin kan ram ah ro an rel chhan chu mipuiten an mahni thlak tur kan hriat loh vang ani a ti. Tunah chuan mipuite hian hmelthar hmuh an chak tawh a, chuvang chuan pawl hrang hrangte chu intelkhawmin hma kan la ho a, Zoram People Movement hi a lo ding ta a ni a ti. He pawl hi chu Party dang ang lo takin Kohhran Upa ten hma min hruai sak a ni a ti a, telna tlakah an ngai hi thil ropui tak ani a ti.
Lalduhawma chuan kalphung thar an neih tur mipui sawrkar ti a an kalpui tur thu sawiin an sawrkar a nih chuan sawrkar mekin a hmachhawp awmte tihpuitlin tlak a nih chuan an chhunzawm tur thu a sawi a, harsatna a awm loh tur thu sawiin Party inlak hran lutuk hi kan ti ve ngai dawn lo a ni a ti. Mihring ten…