Skip to main content

Champhai Tualchhung Chanchinthar

ADDL. SECRETARY HOIN ZOKHAWTHAR CHUNGCHANG SAWIHO :Zokhawthar Welfare leh CTU te buaina kal zel avangin Champhai Bazarah chawhmeh hralh chhuah tur a vang tan hle. Bazar a chawhmeh zuar te hnen atanga thu kan dawn danin, chawhmeh tam zawk hi Zokhawthar lam atanga lakluh ani a.CTU te'n Zokhawthar kawng an dan atang hian chawhmeh an khawlsa in a daih lo tan mek a. Tualchhung thar tlem azawng chauh zawrh tur an hmu tawh a, nitin chawhmeh zuara ei zawngte'n an eizawnna ber hetianga dan beh a ni chu pawi an tih thu sawiin, he an buaina hi chinfel thuai ni se an duh thu an tarlang a. 
Hetianga Zokhawthar kawng dan a nih avanga chawhmeh hralh tur avan tak avang hian chawhmeh man pawh a to phah ni a sawiin, thlai chi hrang hrangte hi Cheng-40 leh 50 inkar velin a man pangngai aiin a to tawh niin an sawi bawk. Zokhawthar atanga lakluh nepnawi zuartute pawhin an neih sa a zawh tep tawh thu an tarlang a, an dawr a kawrawng tan hle a, an thil zawrh man erawh a man pangngai rengin an la zuar…

Vengthlang North Kohhran {Shalom}

Pathian nena lendun
- Upa L.H. Rohmingliana, Evangelistic Team Speaker
(He Sermon hi Revival Centenary kharna Programme-a Mika 6:8 behchhana a sawi, lakchhawn leh siamrem hret a ni.)

1. Engvangin nge he thu hi Pathian mite hnenah puan a nih?
Pathian mi Israelte khan Pathian biaknaa an tih \hin pangngai inthawinate an hlan mup mup reng a, mahse a hlantute kha Pathian nen an lengdun si lova, thil chu an ti nasa a, a titute nun Lalpan a chang si lova, khawvelin a chang zawk tlat a ni. Pathian kiangah an awm peih si lova, an thinlung ngaihtuahna pawh khawvel thilin a khat si a ni. Chuvang chuan Pathianin ‘Thilpeka tlawn lungawi chi ka ni lo; Bawng no kum khat mi, Berampa sang emaw Hriak lui sing emaw hlan ngawt hi ka lawmna a ni lo, chung zawng zawng chu ka nei vek, ka ta a ni si. A hlantu nangmah ngei kha chan pumhlum che ka duh a, I lengdun teh ang’ a ti a ni. Keini ho pawh hi Pathian tan thil kan ti nasain tih tur tha thar pawh kan hre thei, thil lawmawm tak pawh a ni. Amaherawhchu kan nun Pathianin a chang si lova. Pathian lak atangin kan hla si a, lendun pui turin min ko thar leh ta a nih hi!

2. Enge lendun awmzia chu?
A chhanna chu ‘Pathian nen kal dun, engkim ti dun,’ tih a ni mai. Chu tak chu Pathian min siam chhan leh min chhandam chhan a ni. Keini hian Pathian tel lo programme kan siam fova, chu mai ni lovin kan thiltihnaah Pathian hi hnawksak kan ti leh tlat mai thin a nih hi! Ringtua inchhal Pathian bula awm peih lo, a aw ngaithla peih lo, a duh zawng tih peih lo leh tih pawh tum lo kan va tam em! Hla phuahtu chuan ‘Kan lengdun thin, kan inkawm thin, nun kawng zim takah hian,’ a lo ti a. Chu mai a ni lo Lalpa kianga awm hi a ngenin an ngen zawk a - ‘Lalpa, chak lo mah ila, nangma hnena awm zel hi, Aw Isu I phal lawm ni? Phal mai rawh,’ an ti lawm lawm zawk asin! Hawh u ‘Lalpa I tel lo chuan,’ ‘Nangmah nen zel aw,’ i ti ve ang u.

3. Kristian nun chu Pathian pawl nun a ni
Pangpar chu leiah zung a kaih a, pawn lamah a lo par chhuak thin a, ringtu nun chu Pathian pawlin pawn lamah a nung chhuak thin. Mosia chuan Pathian a pawl a, chumi zar chu Israel mipui ten an zo. Tuihal ten in tur an hmu a, riltam ten ei tur an dawng bawk a, khang zawng zawngah khan Mosia Pathian nen an lendun zar mipuiten an zo a ni. Tunlai Kristian rawngbawltute hi Pathian nen kan len dun zar khawvelin zo ve rawh se. Josepha, Pathian nena lengdun reng khan tisa chakna sual a hneh. Engvangin nge hurna ah te, hleprukna sualah te leh Pathian duh loh zawnga kan inhman leh thin? Hnehtu Lalpa kianga kan awm loh vang a ni. Sual hneh kan duh chuan Pathian nen leng dun ang u. Elija, Pathian bula awm reng kha (I Lalte 17:1) ‘A bula ka awm \hinna Lalpa,’ a ti \hin a ni. Enoka, kum 300 Pathian kianga awm peihte kha (Gen. 5:22-24; Heb. 11:5). Keini zawng Pathian bulah kan awm peih lo em a ni. He leiah pawh Pathian bula awm peih lote hi vanah hruai kan ni lo palh ang e, i hlau ang u. Ama kianga awm peihte a hmang \hin. Elisa rawngbawlna a hrei fang tuia ti tla chhar sak leh a nih khan thingtuai a hmang a, kha thingtuai kha thing \ha bik (special) a ni lo. Mahse hman theihin a lo awm hnai a, Zawlnei khan a hmang mai a nih kha! Pathian pawh hian hman theih, a bula awm peihte a hmang mai thin a ni. Zei te, thiam te leh hriat tam te pawh a \ha em em a, Pathianin a duh erawh chu hman theih, awm hnai peihte an ni. Mi fing pawh, mi mawl pawh hman theiha Lalpa nena leng dun peih apiangte a hmang mai thin a ni. A hman theih turin i hnai ang u.

4. Lendun puia min sawm hi khawngaihna a ni
Mihringte chuan kan aia sual leh \awp deuhte chu an kianga awm kan peih lo fo. Khawvela mi ropui leh mi lian ten chenpui atan min sawm lo, Pathian erawh chuan keini misual leh tling lote hi a kiangah, a bula awma lendun puiah min iai ve reng reng lo. Hei tak hi ‘Pathian Khawngaihna’ chu a ni. Tin, Pathiana thil\ha kan mamawh zawng zawngte hi ralkhat chan a ni lova, heng - pianthar, harhthar, ngaihdamna te hi ama hnena awm chilha chan vek a ni (Joh. 5:39, 40; Heb. 7:25). Khawngaihna dawng tura min sawmtu Pathian hnenah i awm reng ang u.
Lalpan a thu malsawm rawh se. Amen

===================================================


Tualchhung


§ Kan Kohhran “Kristian Chhungkaw Committee” chuan Kohhran in tina chhungkaw Campaign neih chhuah vek te, chhungtin intawngtaisak tawn Programme te an duang chhuak a, Kohhran Committee-in rem a tih chuan Biak In-ah Kristian Chhungkaw pualin crusade buatsaih nise an ti bawk.

§ Biak In Pu Valbuanga te dep lam hmun awl-ah Biak In tihzauh (extend) tum a ni a, Biak In kawta Pu R.Lalrin-sanga in hmun chu kum khat hawhin hulhliap zar tum a ni bawk.

§ Zirtawp zan khan Kohhran Hmeichhe Committee chuan Vestry-ah Committee an nei.


===================================================

PYF 18th Biennial Conference
April 24 - 26 chhung hian Presbyterian Youth Fellowship Biennial Conference vawi 18-na, Molhoui Presbyterian Church, Haflong, Cachar Hill Tribe Synod-ah neih a ni dawn a, thupuiah ‘Thy will be done’ tih an hmang ang. Conference-ah hian CK|P hruaitute, Mizoram Synod Choir leh Bial thlanchhuahte a\angin palai 1 \heuh an kal ang. Mizoram Synod Choir-te hian April 26 (Pathianni) chawhma Pathian Biak Inkhawmah zaia rawngbawlna an nei ang.
Synod Mission Board
Arunachal East, Arunachal West leh Jharkhand Field-a Committee neihah Rev. Vanlalbela, Synod Mission Board Secretary, Rev. Rualkhuma leh Upa Dr. L.N. Tluanga, Board Members te an tel a. Rev. Vanlalbela hi Jharkhand Field Committee-a tel turin a tlang nghal a, vawiin (April 17) hian, thlawhna service a awm chuan Upa R. Lalmalsawma, Mission Board Coordinator leh Rev. C.M. Zalenthanga, Committee Mem ber-te Jharkhand Field Committee-a tel tur hian an chhuak leh ang.
Tual Upa Thlang
Nilai zan khan Vengthlang Kohhran chuan Tual Upa an thlang thara, an thlan takte chu heng mite hi an ni:-
Pu H.Nghakliana, Pu K.Lalthlengliana, Pu H.Thangliana, Pu Vanlalhruaia, Pu C.Hualchhunga leh Dr.Thangsailova
Vengthlang Kohhran hian Bial Inkhawmpuiah Tual Upa hi 8 thlan dilin 6 an thlang tling a ni.
Hetihlai hian Venglai Kohhran chuan Tual Upa 2 thlan turah thlan tlin nei lova, an hlawhchham hlauh thung.

Comments