Skip to main content

Champhai

LEITHA SIAM DAN TRAINING NEI :
Champhai District Krishi Vigyan Kendra (KVK), Khawzawl leh NABARD, Champhai District tangkawp bultumin KVK Farmers Training Hall, Khawzawlah ni 5 chhung awh tur, Khawzawl RD Block huamchhunga Self Help Group thlan bik pasarih (7) atanga Member 30 te tan Pa khawi leh Changpat Leitha (Vermi Compose) siam dan Training neih tan a ni.
A hawnna pualin KVK Farmers Training Hall-ah inkhawm tawi buatsaih a ni a. He hun kaihruaitu, Dr. Vanlalhruaia Hnamte, KVK Head & Scientist chuan Champhai District KVK leh NABARD ten hun rei tak thawhhona tha tak an neih thu a sawi a.
        NABARD tanpuinain KVK pawhin loneitute tan nasa taka hma an lak mek thu leh hmalakna pakhat zinga mi Self Help Group Member te tana eizawnna tha tak ni thei Pa khawi leh Changpat hmanga lei tha siam dan Training buatsaih a ni chu lawmawm a tih thu a sawi a. Training chhimtu Self Help Group Member te chu eizawnna puitling leh chhawrtlak nei thei ngei tura training hlawkthlak tak hmang turi…

YMA Palai

BRANCH EXECUTIVE COMMITTEE VAWI 2-NA NEIH A NI

Vengthlang,19th April (Pathianni) : Ni 14/4/2009 (Thawhlehni) zan khan YMA Run-ah Branch Executive Committee chu Branch President Pu C.Hrangmanthanga kaihhruaiin an thukhawm a. He Committee-ah hian member 19 an kal a, Finance Secretary-in sum dinhmun report a pein Committee hi tan zui a ni a. An thurel tlangpuite chu:
1. Central Sports Chungchang: Ni 5-9.5.2008 chhunga Central YMA Sports 2009 neih turah Branch hmingin Volleyball (Mipa) leh Athletics (Mipa) ah te tel ve ngeo nise. Hemi atana tul awm apiangte buaipui turin Branch O.B te leh Sports Sub-Committee O.B te ruat an ni. Volleyball leh Athletics hi Sub-Hqrs. Qualifying Round-a pakhatna leh pahnihna kan nihna kha a ni a, item dangah chuan tel a rem hmel loh a ni.
2. Hall chungchang: 2.4.2009 (Thawhlehni) zana Vengthlang V.C leh Branch O.B ten Vengthlang Branch YMA Hall chungchang sawihona Joint Meeting an neih chu President-in report a pek hnuah ngaihtuah zui a ni a. Hmalak theih apiangte lo bawhzui a, a tul anga hma lo la chhunzawm nghal turin Branch O.B te leh Hall Sub-Committee te ruat an ni.
3. A.O.B:i) Chair leh tea urn chungchang: YMA chair leh Tea Urn chungchang sawiho niin, Chair leh Tea Urn hiProperty Sub-Committeein a chhinchhiahna a rang lamin lo siam se tih a ni a. A hman dan chungchang ngun taka sawiho a nih hnuah Chair hi YMA hman tulna lovah chuan hawh leh hman danga lak chhuah phal loh nise. Tea Urn erawh hi chu Veng chhunga chhiatni thani-ah hman phal nise.
ii) Faina chungchang: Faina chungchang hi ngun taka sawihovin Veng chhung a lo thianghlima kan fai zawk theihna turin Information Centre atang leh YMA Palaiah a khat tawka puan leh tarlan thin nise tih a ni a. V.C te nen pawh chak zawka hma lain faina chungchang hi ual lehzuala inzirtir nise tih a ni.

-------------------------------------------

Vengthlang Chanchin

Damlo
Tv. Johnny Lalthlamuana (Pum na), N-Sec, Lalpanliana (Cancer), K-Sec, Nl.Vulmawii (Cancer), N-Sec te chu damlohnain a tlabuak avangin anmahni chenna inah an inenkawl mek a. An dam leh thuai kan beisei.
Thingfak lothleng
Nimin khan Chhiatni bika hmantur YMA thingfak ft’6, trip 3 a lo thleng a. Neuva Section, Vanapa Section leh Taitesena Section-a dah a ni a, tlawmngaia thing lo unload tute chungah Section hruai-tute’n lawmthu an sawi a ni.
NREGS inhmuh khawm
V.C te kohkhawmin Zirtawpni zan khan NREGS Social Audit neih a ni a. Hetah hian NREGS kalphung leh hnathawh tawhna thlirletin tha an tih leh tih loh sawihona neih a ni a. Chhungkaw tin atang aiawh pakhat zel intirh tur tih a nih laiin kal khawm an chhe hle.
Pem Lehkha
Branch Secretary atanga pem lehkha la tur reng renginin Rs.5 leh Epic Card ken zel tur a ni. Pem lehkha hi Mizoram pumah a inang vek, Central YMA siam kan leichhawn a ni a. Chuvang chuan, Rs.5/- zel lak a ni. Tin, hmun dang atanga rawn pem lut ten Branch-a pem lehkha direct-a thehlut lovin Section hruaitute hnenah thehluh thin tur a ni.
Keimahni
YMA Palai man chu Section tinah Section hruaitute’n kum khat man tawpin an rawn khawn dawn a. Vengchhung mipui lo inring lawk turin kan inhriattir lawk a ni e.
Lehkha kawngbo
Tui connection chungchangah lehkha, a neitute address zawn hmuh zawh loh awm a, a hnuaia hming tarlan zingah hian kan ta a awm a nih chuan a rang lamin P.H.E Site Office Chanem-ah lam tur a ni e.
Lalkhama, Lalsiamliana, M. Khamlala, K. Lalriliana, F. Lalremsiama, Lalduhawma, Khualtawni, Saithuma

----------------------------------

Bengchheng suh
Tunlai hian zirlai naupangte’n first term exam an bei mek a. Hei vang hian vengchhung khawlaiah leh in chhungah pawh an zirna tibuai thei zawnga bengcheng siam lo turin zirlai nu leh pa ten min ngen a ni.
MP inthlang fel
Kar hmasa Ningani khan India Rorel khawl Lok Sabha-a Mizoramin seat kan neih chhun luah tur thlanna chu tluang taka zawh fel a ni a. Beisei aiin vote tla a chhia. Vote hi Champhai District bikah 53.06% a tla a ni. Vote hi State dang ruala chhiar tur a ni.
Ruihhlo a hluar
Tunlai hian kan Veng leh a chhehvelah zu leh ruihhlo dang a hluar leh tan a. Chubakah zan lama khawlaia buaina siam pawh a reh hleithei lo. Security Cell, Veng hrang hrang Welfare leh Veng chhung mipuiten tan lak thar leh deuh kan ngai niin a lang.
Malsawm ruah a tla
Kar hmasa atang khan ruahtui tih tham tak kan hmu ta a. Zirtawpni atang phei kha chuan khua a chengin ni hmel kan hmu meuh lo. Khawchhiat lai hian in leh vel a balh hma avangin faina lamah tan lak nasat a ngai.
Member Chhuanawm
Kar hmasa a kan rawn tarlan tawh Tv. R. Lalthuammawia s/o RC Lalzuithanga, K-Sec chuan Session thar atangin India League ropui ber leh lian ber I League a khel ve dawn ta. Thuammawia hi Champhai atanga I League khel thei hmasa ber niin tunah hian Lajong FC (Shillong) ah a khel mek a ni. Kan member inkhel Zee Sports-ah kan en ve thei dawn ta hi a lawmawm hle mai. Heng member kan nei thei hi kan chhuang in duhsakna kan hlan tak meuh meuh a ni.
Father thlah dawn
Hun rei tak Champhai Catholic father Harry-a chu Aizawl Ramhlunah an sawn avangin vawiin chhun-ah amah thlahna hun hi an hmang dawn.

-------------------------

Kan Veng aiawh turte
Central YMA Sports 2009, thla leh ni 5-8 a Aizawla neih turah Executive Committee-in a rel angin Volleyball (Mipa) leh Athletics (Mipa) ah kan tel dawn a. Kan veng, Vengthlang aiawh turte chu:
Volleyball Team:
Lalmawizuala S/o S.Lalruma
Laldingliana S/o S.Lalruma
P.C Lalnienga S/o Lalrinliana
Lalrinchhana S/o P.Rochhunga
Laltanpuia S/o R.C Lalzuithanga
Lalrawngbawla S/o R.Thatkhuma
Isaac Lalawmpuia S/o Thangtea Ralte
Lalawmpuia S/o Rohnaa Sailo
Rama Varte S/o L.Khuma Varte
K.Lalfakzuala S/o K.Sawiluaia
Athletics Team:
Isaac Lalrinngheta S/o K.Lalrosanga
Lalrinawma S/o K.Lalzara
Lalfakzuala S/o Vanlalsangi
David Lalthansanga S/o H.Lallawma
Kan veng aiawha Central YMA Sports-a tel tur nu leh pate hian an fate teltir ngei phal turin Vengthlang Sport Sub-Committee chuan a ngen a ni.

-----------------------------------

AK 47

(AK - 47 hi Chawngkhum dantlang huat loh a ni, i lo hua a nih chuan lo ho mai mai rawh )
J ‘Duhber te Aizawl lama an awm chuan tullo ah kan zin ve rum rum mai a lawm. Mapuia T-Sec
J Min ngai lo ten a leng an ti maw????? Kum pui lingletin ka lo nghak leh nang che.. Ed.
J Nupui neih chinah chuan chanchinbu pawh ka herpui hman tawh meuhlo, muthma hi taksa in a ngeih tlat. Pu nithar Hlua, V-Sec
JNero-a khan Rome a hal khan hla a phuah a, keipaw’n huan hal pahin hla kan phuah ve kha. Pu Hrilte-a, N-Sec
J Kumin chu Open School-a kal pahin chhun lamah thir chhia ka zawng mai mai ang. Duhawm Ali, K-Sec
J Pawl thar din. Tunlai hian Pawl thar “Forever Young” tih an indin thar a. Hruaitute chu Pre.: Nl.J.Lalramnghaki,
V.Pre.: Nl. Lalhlutpuii, Secy: Tv.Vanlalenga Khiangte, AsstSecy: Lalchhuanthanga, Treasurer: Nl.Lalramengi, Members: Nl.V.L Hmingthangi, P.C Vanlalhruaii,
Nl. J.H Lalrinngheti. Member ni duhte chuan Birth Certificate kengin Secy. hnenah in report tur a ni. Member fee a ngai lo.
J Remnaa te unau natna hi a mak a nia aw.... Laldika hi a hrawk a Ulcer a Remnaa pumpui a tonsil thung.... Pu Dothuama, N-Sec
JThianpa Rohlira Tual Upa a ka vote tling lo kha chu mak pawh ka ti leh vak tawh lo. Pu Zohlira, V-Sec
JTap hnapin ka auding zo si lo Ma** Papuia, News Ed.
JLo zaithiam ve ilang chuan pahnih em em hi chu ka chan lovang maw le. Lalsena, News Ed.

Comments

tsa said…
chhiar manhla e.. buatsaihtu te an fakom..article ziahna hmunte siam ni thei se..
Anonymous said…
sangteack@rocketmail.com ah rawn ziak la palai-ah kan lo chhuah ang

Popular posts from this blog

Champhai

LEITHA SIAM DAN TRAINING NEI :
Champhai District Krishi Vigyan Kendra (KVK), Khawzawl leh NABARD, Champhai District tangkawp bultumin KVK Farmers Training Hall, Khawzawlah ni 5 chhung awh tur, Khawzawl RD Block huamchhunga Self Help Group thlan bik pasarih (7) atanga Member 30 te tan Pa khawi leh Changpat Leitha (Vermi Compose) siam dan Training neih tan a ni.
A hawnna pualin KVK Farmers Training Hall-ah inkhawm tawi buatsaih a ni a. He hun kaihruaitu, Dr. Vanlalhruaia Hnamte, KVK Head & Scientist chuan Champhai District KVK leh NABARD ten hun rei tak thawhhona tha tak an neih thu a sawi a.
        NABARD tanpuinain KVK pawhin loneitute tan nasa taka hma an lak mek thu leh hmalakna pakhat zinga mi Self Help Group Member te tana eizawnna tha tak ni thei Pa khawi leh Changpat hmanga lei tha siam dan Training buatsaih a ni chu lawmawm a tih thu a sawi a. Training chhimtu Self Help Group Member te chu eizawnna puitling leh chhawrtlak nei thei ngei tura training hlawkthlak tak hmang turi…

Champhai

KANGMEI VEN HAPTA HAWNG :
Nimin chawhma khan Champhai District-ah Mizoram hmun dangte rualin ‘Kangmei Ven Hapta’ (Fire Prevention Week) vawi 20-na chu hman tan a ni.  Kangmei Ven Hapta hawnna pual hian District Level Fire Prevention Committee buatsaihin   Champhai DFO Pisa tualzawlah hun hman a ni a. Kumin Kangmei Ven Hapta puala thupui thlan chu ‘Ram tikanglo turin mitin i fimkhur ang u’ tih a ni.
He hun hi Champhai DFO & Member Secretary, District Level Fire Prevention Committee C.Lalbiaka chuan kaihruaiin, VL Chama Hnamte, President, Sub-Hqtrs. YMA Champhai chuan Kangmei Ven Hapta hawnna thuchah a sawi a. Kangmei Ven Hapta puala Lirthei hmanga khawlai fang kuala, aurinna hmanga mipuite zirtirna pe a chhuak tur, Vehicle Rally Team pahnihte a  vailiam nghal a ni. 
VL Chama Hnamte chuan kangmei ven kawngah mitinte fimkhur a pawimawh thu a sawi a. Ram ngaw humhalh leh kang thelh kawngah tanrual a ngai a, a enkawltu vek kan nih avangin Department kutah chauh innghah mai thin loh tur a…

Sermon

Ringtute Hi Khawvel Eng Kan Ni
Chang thlan : Matthaia 5 : 14 - 16
Eng tel lo chuan khawvela nunna neite hi an dam khawchhuak thei lo. Eng hmanga chaw siam thei chauh vek an ni. Thil, a nihna ang taka kan hmuh fiah theihnan pawh eng a ngai a, eng awm lohna ah chuan kan chetvelna pawh a buai zo vek a nih hi. Thimah chuan kawng kan hmu thei lo va, hlauhawm leh hlauhawm lo kan thliar thei lo va, kan mit kan chhawr tangkai thei hek lo. Eng tel lo chuan kan khawsa thei lo a ni
Khawvel Eng - Isua : Isua hi khawvel eng a nih thu Johana 1:9, 8:12 ah te kan hmu. Isua tel lova khawvela nun kan hman chhung chuan thimah kan cheng tihna a ni. Nuamsa takin awm mah ila, Kawng leh Thutak leh Nunna Isua kan neih loh chuan kawngbo kan ni tho. Kan hlawhtlinna te, ropuina leh hmingthatna te pawhin kan damchhung bak a daih lo. Tin, kan nunna atana tha leh tha lo pawh kan finna atangin kan teh ang a, a dik zik tluak chuang lo . Kan hlimna leh lawmna pawh hian tawp chin a nei a, lungngaihn…