Skip to main content

Posts

Showing posts from May, 2009

Champhai Tualchhung Chanchinthar

TLEIRAWL 8 DUNGTLANG POLICE IN CHHANCHHUAK :  Bangladesh-a Rohingya raltlan hmunpui atanga ruk chhuaha Myanmar lama hruai chhoh tur ni a rin Rohingya Muslim, kum 15 leh 16 bawr vela upa, hmeichhe 8 chu niminpiah khan Police te'n Champhai district-a Dungtlang khuaah an chhanchhuak. DIG (Northern Range) Lalbiakthanga Khiangte sawi danin he'ng an tleirawl chhanchhuahte hian Hindi leh tawng dang pawh an thiam lo va. Bangladesh atanga rawn ruk chhuah ngei an nih rin a ni a,-Saikhumphai kaltlanga Myanmar rama luhpui tum an ni a, anmahni hruaitu tur hi Saikhumphai-ah a awm nia hriat a ni. Mizorama luh phalna nei lo he'ng hmeichhe 8-te hi nimin khan Champhai district Chief Judicial Magistrate hmaah hruai an ni a. Hmeichhe enkawlna Home lama dah rih an nih rin a ni.  Rohingya Muslim te hi Myanmar ram Rakhine State a cheng, tihduhdahna an tawrh avang leh helna avanga Bangladesh-a raltlan an ni hlawm a. India rama an luh hian thawnkir nghal zel turin Ministry of Home Affairs chuan s…

Kan Chanchin

VENGTHLANG  BRANCH  YMA  CHANCHIN

A Tobul : A hmasain Vengthlang Branch YMA lo indin chhoh dan han tarlang hmasa ila. Mizorama YLA a din atanga kum 6 hnuah chuan Chawnchhim khaw pumpui thalaite chu September 2, 1941 khan Kahrawt Biak Inah YLA hi din ve a tha an tih leh tih loh sawikhawm turin an kalkhawm a. Din ve ngei tha an ti a, inthlanna te neiin an din ve ta a. Heta hruaitu an thlan chhuahte chauh hi chu han tarlang ila (an ziak ang angin):

                  President                   : Dr Hrangbuanga
                  Vice President          : Kapchhingvunga CI
                  Secretary                  : Saihranga 
                  Assistant Secretary : Ztu Lianvela, Nl Lalthansangi  
                  Treasurer                 : Kaptea (Compounder)
                  Financial Secretary : Lalthankima

            Veng tinah mipa 2 leh hmeichhia 2 member khawn khawm tur an inruat a. Member pawh 137 lai an ni nghal a. Kum 5 chhung zet hetiang hian Branch pakhatah Chaw…

@@ Buatsaihtute Khawthlir

Sumdawng, hlim rawh!       Dawr thlaah kal ila, dawrkaiho thusawi tam ber chu, “Vawiin chu ka nil lo chauh” tih hi a ni awm e. Tunlai hian sorkar hnathawh tih loh eizawnna dang reng reng chu sum harsatna vangin a tlangtla lo vek, sumdawng, a bikin dawr kaite chuan ni khata inhralh loh chang an nei ve zeuh zeuh ta ve ang.
         Hetianga sum a van a, inhralhna tur a awm loh avang hian sumdawngte hi in lungngai mai tur a ni lovang.Inhralh leh inhralh lohvah khan engmah tih theih i nei lova, i hlimin i lungngai tur a ni lo. Hlawhtlin tumin thahnem chu kan ngai em em tur alawm, mahse thahnem kan ngaih viau hnu pawha inhralhna a la awm miau si loh chuan tih theih kan nei lo, kan hlim lo tur a ni lo ringawt mai!
       Hetianga inhralh that leh that lohah kan hlimna leh hlim lohna a innghat dawn a nih chuan chu kan sumdawnna buaipui laiah chuan kan hlawhtling mang mang lovang. Sumdawnnaah chu kan innghahna ber a nih dawn phei chuan kan nuam tih zawng a ni tur a ni. Sum kan lakluh chhiat cha…

@@ Vengthlang YMA {YMA PALAI}

Vengthlang Pastor Bial-in Family Planning chungchang zirhoVengthlang,24th May (Pathianni) : Nimin khan Vengthlang Pastor Bial chuan bial chhung Kohhran hrang hranga KTP, Kohhran Hmeichhia leh Kohhran chhunga committee peng hrang hrangte ko khawmin Family Planning chungchang zirhona Venthlang Kohhran Centenary Hall-ah an nei. Nimin chawhma dar 10:00 khan tanin Resource Person Rev.Zothansanga (Familly Guidance & Counselling Centre) hnen atangin thusawi ngaihthlak a ni a. Amah rawn tawiawmtu Joseph Zaihmingthanga hnen atangin Pathian fakna hla ngaihthlak a ni bawk. Tin, Rev.Zothansanga hian nizan khan Vengthlang North Kohhranah thusawiin, vawiin chawhma hian Venglai Kohhranah hun a hmang anga, chawhnu lamah Elec­tric Kohhranah hun hmang in, zanin hian Vengthlang Kohhranah hun a hmang leh ang.VENGTHLANG DIARY  
 Information hnatlang
Date 21.5.2009 Thursday ni khan Vengthlang NBranch YMA Information Sub-Com­mittee te chu Hnatlangin Rahsi Veng Pu R. Laihnuna te inchung line thlak thar ani…

@@Vengthlang Kohhran {Kohhran Aw}

NGAIMAWH THAM RAWNGBAWLNAGenesis 18 : 16 - 22; Tirhkohte Thiltih 19 : 13 - 16; Johana 13 : 12 - 17
Thuhmahruai :
      Ringtuten kan tihtur pawimawh ber mai chu Pathian rawngbawl hi a ni a. Rintu inti sia Pathian rawngbawl ngaihsak lo chu rinna kawnga ke bai tihna a ni. He rawngbawl hna hi keimahni min hmangaihzia a tarlanna, ama lama kan insawhnghehna tur atana kawng a buatsaihna a ni. Chuvangin rawngbawl hi kan tihmakmawh a ni a, chutih rual chuan kan rawngbawlna hian engtianga nasain nge hna a thawh tih erawh chu kan ngaihtuah a ngai hle a ni.
Ngaimawh awmzia :
  ‘Ngaimawh tham rawngbawlna’ tih kan sawi dawn a ni a, ‘Ngaimawh’ tih tawngkam awmzia kan hriat hmasak a tul awm e.
  1. ‘Ngaimawh’ tih tawngkam hrim hrim hi a awmze bulah chuan a tha lo lam sawina a ni fo; amaherawhchu, tunlaiah tawngkam kan hman pawlh nasa a, kan ngaih pawimawh leh tul kan tih sawina tawngkam atan ‘ngaimawh’ tih hi kan hmang ta tho mai.
  2. A awmze dang lehah chuan mi khawsakzia leh an thiltih kan ngaihtheihlo…

@@ Vengthlang North {SHALOM}

“NGHAWNGKAWL KARAH”
Matthaia 11:28-30 - T/Upa R.Rosiamliana
         Nghawngkawl chu eng nge? Mizo mipaten thil kan phurhna, thlanvawng, thing dang phek inches 6 aia te lo, ft 1 zeta sei nghawng lenga reh kuak, a hmawra hrui fei tak thilna tura kua nei, dawrawm tlamem emawte phurh nana hman a ni a. Tunlaiah chuan khawchhak unauho bazara thil zawrh tur rawn phur \hin hian an la hmang fo. Nghawngkawl vuah diklo leh fuh lo chu thil phurh a nuamlo bik a. Rih zawng inang rengah pawh nghawngkawl nuam lova phurh chu a hahthlak bik. Rit bik riauva hriat theih a ni.
       Lal Isua hunlai hian nghawngkawl tun t hlengin a awm zel. Ringtu hmasate hi an hmang ve teh reng emaw ni, entirnan zin g ah Kh u ma leh Kha r a t e hi a la r p aw l a hmang tlat hi a mak viau. He thu rilrua tak an ni. Khuma hian Missionary te a lo luh dan chu Rev. DE Jones hnung zuiin Mizoram khaw hrang hrang (Zosaphluia) Mizorama chanchin \ha a tlawh a, an \angkaipui hle a. Khara hrila, Wales ram nuam leh mawi kalsana erawh ch…

@@Kahrawt YMA {Kahrawtians}

Khawtlang Nun Siamthat(Politics leh Economics)
1. Politician ten Politics Ethics an zah zo lo, an insawisel ang em em hi chuan a lo chhe hauh lo :
Lal duh luat avanga, mahni policy sawi duh tawk lo, Party dang sawt a deusawh thiam viaute hi Politicians an ni hauhlo. Hengmi, Lal duh luat avanga mipui tichiai thei \awngkam uchuak leh dengkhawng tak takte kamchhuak avang hian mi tamtak ten Politician te chu eiruk hmang, dawt sawi ching, repair tlak loh, replace ngai ang hialin an sawi \hin a, a pawi hle mai. Chuvangin, mi\henkhat te chuan Politics chu tlemte dinchhuahna, tamtak te \ahna, infiamna tenawm ber ti te pawhin an lo sawi hial \hin reng a ni.
Amaherawhchu, chik zawka belhchian erawh chuan Political Party tin hian kan hriatphak bakin ram hi an lo vei em em theuh a, an hahin an taksa pawhin a tuar em em thin a. Chuvangin Politician te an in sawisel ang em em hi chuan an la chhe hauh lo.Zoram hi siam theih a ni a, siam \hat a la ni ang.
2. Dan leh thupek kenkawh a, Dan le…

@@ Vengsang YMA {Vengsang}

 BRANCH COMMITTEE NEIH A NI BRANCH  

 The Vengsang 24th May, 2009 :
Ni 19.5.2009 (Thawhlehni) zan khan YMA Hall-ah Branch Committee vawi-III na neih a ni a, chuta an rorel kan hriat awm deuh deuh te chu :-
2009 YMA Day hman dan tur :
Kumin YMA Day chu intihhlimna ni atan hman nise, Section hrang hrangte kawng hrang hrangin inelna buatsaih tur a ni in inelna tur chu OB te’n phungbawm sawmin an lo ruahman tura dah a ni.
YMA Day denchhen hian Veng chhunga mi harsate hnenah tanpuina pek nise tih a ni in he mi ni a member kal ten mahni remchan Member Budget :
Thawhtan zing khan Keihfangtlangah member budget Branch OB te’n an khawn a, mem­ber te’n an pe tha tlang hle.
Information siamtha :
Tun kar chho khan zingkar tin deuh thaw Branch OB-te infor­mation line siamtha in an hnatlang  
 ang ang mi harsa tanpuina tur hi pawisa ken tur a ni a, thawhlawm
thin a, a theih ang ang chu siam tlingkhawm bakah hian Branch in Rs. 3000/- a tum bawk ang. Section
tin te mahni section theuhah tanpui ngaite lo dapchhu…

@@ Bethel YMA {BYMA}

Branch Hnatlang Neih a Ni. Bethel.Tomir Thla Ni 24 (Sunday) : Nimin khan Branch hnatlang neih a ni a, hnatlang an tha hnem hle.
Nimin khan Awmni khamin Branch hnatlang neih a ni a, Thuthleng rawng hnawih a ni a, a siam that ngai te siam that bawk a ni a, Kuang tur engemaw zat siam bawk a ni. Kuang hi Ply Board-a siam a ni a, a lek vel pawh a nuam hle a ni. Hnatlanga chhuak hi member 50 vel an ni a, hmeichhia Pakua an thawk chhuak thei a ni.
Hnatlanga chhuak te chungah Branch chuan lawmthu a sawi tak zet a, Pu Dawngsuanpauva chungah te, Pu T.Sangtluanga te leh hnatlan nana mahni neih thil thawhtu te chungah lawmthu a sawi tak zet a ni.

VENGCHHUNG

Pem Lehkha Bawk
Bethel Branch YMA
huamchhunga hmun dang atanga rawn awm thar reng reng ten Pem lehkha rawn nei zel turin kan in hriattir nawn leh a. Tin, In luah tur nei reng reng te pawhin mahni thu a In luah tir mai lovin YMA hruaitu te leh V/C te hriattir zel turin kan inngen a ni.

Nei Thar
Kan Branch chuan Chhiatni/ Thatni a hman ata…

## Emanuel For World

THLARAU RAH
C. Hranghluna
‘ Chutichuan, hei hi ka ti a ni: Thlarau vah awm rawh u, tichuan tisa chakna chu in zawm dawn lo nia.’ - Galatia 5:16.
Ruihtheih thil emaw eiruk leh sual langsar lama kan fihlimna hi ringtu nun atan a tawk zo lo nasa em em a. Thil thalo tam tak kan tihloh avang hian fel emaw tha emaw kan inti mai ang tih a hlauhawm takzet a ni. Lalpa chuan thlarau dana awm turin min ti zawk a. Lalpa thu te hi a ropuina lai ber chu a thlarauna tak hi a ni a. A thlarauna pawh pha lo va Lalpa hi kan biak thin avangin, Pathian, Pathianna tak hre mang lov in kan ringtu nun hi a awm reng thei bawk.
Kristian kan nih vang ni kher lovin kan mihring pianpui hian midang hmangaih theihna a nei a, chu kan inhmangaih tawnna dan hmang chuan chhungkua, khawtlang leh ram thlengin kan siam thin a ni.
Mahse, mihring lama kan inhmangaihna ngawt chuan hmelma hmangaih theihna a nei hauh lo va. Kan chunga thate chauh hmangaih theihna te, kan thisen zawmpuite chauh hmangaih tul tihna te, keimahni…

Buatsaihtute Khawthlir

Champion Lawmnan



Silai i tung ngam ang

Nungcha humhalh hi kan sawi thin a, nungchate humhal tur hi chuan a mihring a bawk hi humhalh kan ngai leh thin. Kan nungchate humhalh tur chuan ram lamah keini mihringte hi kan inhumhalh a ngai tihna a nih chu.

Kan ramah hian nungcha, kan rama cheng kan neih thinte an bo zo tawh a, chuti chung chuan sapelh theuh theuh kan la bansam thei chuang lo. Sapelh hi nuamtawlna chi khat a ni. Sumdawn nana hman chi a ni lova, hunawl hnawh khah nana hman chi pawh a ni hek lo. Nuamtawlnaah chuan kan ram tana a chimawm ber pawl a ni bawk. Kan duh duhin sa kan kap a, kan heti hrim a nih chuan kan rama nungchate hi an thlalak bak hmuh tur a awm loh hun a thleng ta ve ang.

Sapelh hi khap chi a ni lo a ni ang e, sapho khuan khap lovin ‘hunting season’ an siam a. Nungcha inthlahchhawng chak deuhte chu an duhtawkin an kap mai thin. Mahse ‘hunting season’ a zawh chuan nungchate lakah hian kut an thlak ngai tawh lo. Hetianga ‘hunting season’ nei t…

Vengthlang YMA

THLANMUAL HLUI SAWN CHHUAH A NI TA
Vengthlang,17th May (Pathianni) :
Hun rei tak atang kan lo beisei tawh kan veng thlanmual hlui chu Indoor Stadium sak thei tura bul tan ani ta. Ni 14-16 May 2009 zing kar khan Branch hnatlang neih thin a ni a. Thlanlung inphun la awm ang ang phawiin hun remchang hmasa berah kan thlanmual hmanlaiah sawn phei tur a ruahman a ni. Indoor Stadium sakna turah hian thlan neitute atang harsatna engmah awm lovin tluang taka kalpui mek a ni a. Electric Dept. leh Telephone ban la awm pawh a rang thei ang bera sawn tum a ni tih thu kan dawng. Tuk thum hnatlang neihah hian member hnatlangte an thawkchhuak tha thawkhat hle a. Thlan neitute leh member hnatlanga thawkchhuakte chungah Vengthlang Branch YMA OB chuan lawmthu a sawi a ni.

Indoor Stadium-ah hian infiamna chi hrang hrang Badminton Court, TT leh Volley Ball Court-te dah tura ruahman chin a ni a, kan veng chhungah infiamna hmun changtluang tak kan nei tur hi a lawmawm hle a ni.

==============…