Skip to main content

Champhai - Tualchhung Chanchinthar ni 26.5.2018 (inrinni)

TRACTOR THAR LAWM :
Agriculture Mnister KS Thanga`n Vaphai Community Hall ah WRC Farming Society te Tracktor thar lawmna leh Buhthar lawmna hun a hmanpui.
Vaphai khuaa leilet neitute “WRC Farming Society” te chuan an tractor thar leh buh thar lawmna hun nimin khan Vaphai Community Hall ah an buatsaih. Lawmna inkhawm hi an Vice President Rothangpuia`n  (www.champhai.net) kaihruaiin khuallian KS Thanga chuan Vaphai khuain zau hrang hrang 5 awmna Saikhumphai zawl zau tak an nei chu Vaphai khawtlang tan thlamuanpui tham a nih thu sawiin, Ruahmanna fel tak nen Vaphai lo neitute chu hna thawk uar tur leh thalaite pawh leilung hausakna hai chhuak kawnga tan la turin a fuih a. Naupangte pawh nu leh paten an thawh awm tawk chhungkaw hna thawh tur ruahman sak a, an thawhawm tawk hna an thawh hian taimakna an than lenpui thin niin a sawi. Secretary Ngursawithangan report pe in, leileta siam theih 190 hectares awmin, siam tawh 94.80 hectares a awm bawk a ni. Kum kalta khan buh 1870  qntls. an thar …

Bethel YMA {BYMA}

THUTTHLENG SIAM HNATLANG NEIH A NI
Bethel.Tomir Thla Ni 10 (Sunday) : Nimin khan YMA thutthleng siam hnatlang neih a ni.

Nimin khan thutthleng siamin Branch hnatlang neih leh a ni a, members sawmhnih tha vel an thawk chhuak thei a ni. Kar hmasa lam ah khan thutthleng hi sawmruk vel siam ani tawh a, nimin ah thutthleng sawmnga vel siam belh leh a ni bawk. Kan Branch chuan thutthleng kan nei tam ta viau mai.Hna thawhna hmun atan Pu T.Sangtluanga’n a In phal takin min hmantir a, Pu Dawngsuanpauva’n a Workshop phal takin min hman tir bawk a. Hnatlang te tan Pu C.Rohmingliana’n buhfai harsat lai takin hnatlangte ei tur buhfai min pe a, tlai lam ah ei leh in Pu R.Lalhmunsiama’n tui takin min buatsaih sak bawk a. Anni chung ah leh hnatlang a thawk chhuak thin te chungah Bethel Branch YMA hruaituten lawmthu an sawi takmeuh a ni.


=================================


YMA CHHANG HRUAITUTE
Neuva Section :
Leader : Thangdeihmanga
Asst.Leader : Chindeihtuanga.
Secretary : Peter Lalmuanthanga
Asst. Secy : David Langzaliana
Treasurer : Thangkapsinga
Fin.Secy : Runlawmpianga
` Taitesena Section :
Leader : P.C Lalruatfela
Asst.Leader : C.Lalmuankima
Secretary : Lalrengpuii
Asst. Secy : Tluangzathanga
Treasurer : Lalnunhlui Varte
Fin.Secy : Lalfakzuali

===================================



DAH LUH TUR
Bethel Branch YMA bungraw kawl zawng zawng ten a rang lamin dah luh vek tur a ni a, Thuthleng lo zawng bungrua chu Godown no-1, Office ah dah luh tur a ni.



UI I LO CHHAR EM?
Uipa dum, a awmna chin hriat loh a ni a, a chin hria chuan a hnuai mi hnenah hian min han hriattir u la, mit var man kan lo pe ang che u.
Liannguava
PWD Complex, Bethel


DAMLO
(Kan Hriattheih Chin)
U Pu C. Zohmingthanga, T-Sec te fapa chu damlohna avangin Aizawl lam kalpui a ni a, Ningani khan dam takin an rawn haw chho.
U Pu C.Kaptura, V- Sec chu damlohna avangin Champhai Damdawiin ah enkawl a ni.
U Tv R. Lalmalsawma S/o R. Lalthangliana, V-Sec chu damlohna avangin Aizawl Greenwood Hospital ah enkawl mek a ni.

EDITOR ZIN
Kan Editor Lalhrima K. chu Aizawl lamah Office lam Training neiin a zin a, nimin lamah a lo haw niin kan hria.

AWM THAR
Rev.C.Lalremruata te chhung chu Sairang Venglai atangin Bethel Pastor Bial Presbyterian Kohhran enkawl turin Pastor Qtrs., T-Sec ah an rawn awm thar.

TLING
Tv. Lalremdika S/o F.Lalrochhiara V-Sec. chu Mizoram U-16 Football Team aiawh turin Champhai atanga tling awm chhun a ni a, tunah hian Tournament khel turin an in buatsaih mek a ni.

FAPA NEI THAR
Pu H.T Lalmalsawma s/o HT Lalbiakkima N-Sec te chuan ni 6/5/09 zan khan Champhai Civil Damdawi In-ah fapa duhawm tak an nei thar.

COMMITTEE DAWN
Neuva Section YMA chhangte chu vawiin tlai hian tun kum chhunga an hmalak dan tur leh Executive Committee tur ruatin an Convener Pu H.Lalduhawma te Inah an thukhawm dawn.

=======================================

TUNLAI BETHEL

Kan khaw awmdan chu mit khap kar lovah lum leh vawtin a in thlak zuk zuk thin a, awmdan tawk pawh kan thiam tlang a. Naupang First Term Result a chhuak a, tam tak an lawm laiin lunghnur pawh an awm ve hle bawk. Tuiah duh angin kan awlsam lova, PHE tui sem kan bawh nasa hle bawk. Chutih laiin kan nunna hnar ber Buhfai lam a harsa hle rih a, Ration Card hialin kan la a, lehlamah ei theih tura min siam sak tu Gas lam erawh kan hnianghnar lai tak a ni ve thung. Chutih laiin Turnipui hrang deuh avangin Tukin zing tel lovah chuan tumai pawhin chaw lem tam kan harsat deuh niin a lang.
Ni za inhlawhna a awm loh vangeni kan Laitualah Tangka leng vak a tlem deuh niin a lang. A tu a te pawn kan nghakhlel tlangin mumangah pawh ni za mang kan awm phah bawk.
Kumpuan thupui tha tak tak kan piah phekah a chuang thin a, a tam zawk chuan chhiar tinah kan tin lo thin, tlema vengvaw deuh Din Dini Pa leh Arsene-a Pa te chuan a hlut hle thung.
YMA chhang hruaitu an awm thar a, an phurin anmahni tawk theuha hmalak pawh an tum ve ngial bawk. Nimin lamah Branch hnatlang neih a ni a, mite tih atana khek tlat mi kan la awm cheu a, nimahsela naktip atang chuan Ke pen chhuah an tum ve bawk a, an tum tan zel bawk ang .
Khing zawng aia kan ngaih pawimawh Tukin zing Hrawk ti khawlo tu lamah thil danglam teh chiam a thleng lova, roreltu ngai Vawksa leh a thian te chuan chan tha an la chang zel.

==========================================

BYMA SHOTGUN

U He thil hi, Auto Driver ten tluang taka kan chan ho theih nan ka hawng e.
....Pa Good-a V-Sec.
U Naupang infiam hi hauh ka chak ve hrim hrim a lawm. Min hrethiam mai ru.
.....Pa Ringa N-Sec.
U Tlangsam lam makpa ka ni lovang tih tunge sawi thei.
......Tv. Kawkaw-a, Ch-Sec.
U Kan Pastor te thutthleng hian min lo zo ngang lo a ni e. Kan thut chim rum rum mai lawm le.
.......Nl. Andy T-Sec.
U Tunlai chu Ruata(Langsung) lam ka zirtir thin a, shooting pawh kan nei mek. Kan release thut ang.
........Tv.Rosiama T-Sec.
U Tunlai chu ka in la Young thar leh deuh a, BYMA Crossword buaiin ka buai, thil dang vak ka ngaihtuah thei lo tlats.
......Nl.Pc. Engi V-Sec.
U Lungleng tawka kar han hman ral chu a hrehawm mange, tunah chuan anka nem biahthu kan in hlan leh thei ta.
.....Tv.Chhana T-Sec.
U U Biakhlira nen hian kan In pu tu fuh ve ngawt chuan ka hria.
......Tlangaupa N-Sec.
U Kapte, tan in han la ve deuh tawh ang hmiang, aia naupang te te pawn min phawi khalh zung zung mai, kan Hood mai ange.
.......Pu Zohmaa Ch-Sec.
U Tunlai chu SMS lam pangah tan lak a ngai ve tlat zuk nia. Lawmte.
......Kaptea V-Sec.

Comments

Popular posts from this blog

Champhai - Tualchhung Chanchinthar ni 22.5.2018 (thawhlehni)

C. VANLALNGHAKA (VLa) NIGHT CUM ELITE LEAGUE TIP OFF :
Zanin dar 8 ah hian C. Vanlalnghaka Night cum Elite League Tip Off chu Vengsang YMA Hall ah neih a ni dawn.
He hun hi Malsawmtluanga, MBBA President chuan khuallian niin a hmanpui ang a. T. Ramthanmawii, Miss Mizoram 2018  chu khual zahawm niin a hmanpui bawk ang. C. Vanlalnghaka (fam) zahna leh a puala hun hman a ni ang a. PC Ramnunsiama, Secy, Elite Board hnen atangin thusawi ngaihthlak a ni bawk ang. Lalhriatpuii Fanai kaihhruainain CLub tin te Jersey phochhuahna hun hman a ni ang a, (www.champhai.net) T. Ramthanmawii hnen atanga thusawi ngiahthlak ni bawkin Malsawmtluanga kaihhruaiin Tip Off hun hman ani ang. Champhai District Basketball Association buatsaih a Samsung Mary` Elite League 2018 ah hian CLub 5, Kahrawtians BC, Venglai Tribal Sonic, Vengsang Boars, Bethel Minikins leh Vengthlang Fredys Memorial te an tel dawn a ni.
Nilai zan dar 7 atangin Samsung Marys Elite League 2018 hi khelh tan ani ang a, match hnih awmin Match h…

Champhai - Tualchhung Chanchinthar ni 21.5.2018 (thawhtanni)

SYMA TEN PALAI HNA THAWK DAWN :
Inrinni chawhma khan Sub-Hqrs. YMA Hall, Tlangrawtah Sub-Hqrs. YMA Executive Committee neih a ni.
Vice President F. Lalrinmuana (www.champhai.net)kaihhruaiah hian ni 16.4.2018 a Khawmawi khua in kang tuarte tanpuina tura thuthmun branch YMA ten tanpuina tura vehbur an khawn tlingkhawm Rs. 3,13,520 chu a hlan dan tur an rel a. He tanpuina sum tlingkhawm hi ni 23.5.2018 (Nilaini) tlai dar 4 ah DC Vanlalngaihsaka hovin Sub-Hqrs. OB te leh SEC Cremchangte leh Disaster Sub-Comt. OB te nen hlan nise an ti a.
Thuthmun Branch huamchhungah ramdang mi leh hnamdang mi sumdawng awmte mahni Branch huamchhung a mite theuh dapchhuaka hemi kawnga hma la tura hriattirna lo chhuah tawh chu tun aia thahnemngai (www.champhai.net)lehzuala ramsang mi leh hnam dang mi sumdawng mahni huamchhung theuhah an awm a nih chuan a zawn chhuah hna thawk a June ni 15 hmaa hma la theuh turin Branch tinte an ngen a ni.
Sub-Hqrs. YMA Library Bulding, BADP hnuaia sak mek, mimal hnna hna chhunza…

Champhai - Tualchhung Chanchinthar ni 25.5.2018 (zirtawpni)

CHAMPHAI THALAI PAWLTE THUKHAWM :
Nimin chawhnu dar 3 khan Champhai Thalai Pawl ten Kahrawt YMA Hall-ah an thukhawm.
He thukhawmah hian Champhai Thalai Pawl hmalak dan turte ngaihtuahin hun remchang hmasa berah Champhai khawchhung Office hrang hrangte tlawh kuala an harsatna te zawh pahin thawhpuiah sawm nise, hemi pah hian mipuite tana Office hunchhung vawng dik hram hram tura ngen nghal nise an ti a. Champhai-a Political Party hrang hrangte hnenah thuneih sang (Hqrs.) nei tura ngen nise an ti bawk. 
Tin, Champhai Nature Conservancy te hmalakna Project Tlaizawng leh Champhai Zawl humhalh kawngah Champhai Thalai Pawl chuan a thlawpin hlawhtling ngei turin duhsakna a hlan a ni.

MAXI CAB NEITUTE LEH ZOKHAWTHAR INREM :
Champhai leh Zokhawthar Sumo chuan man chungchanga hun rei tak chhung Zokhawthar khawtlang leh Champhai to Zokhawthar Maxi Cab Service pawl pahnihte an inrem theih loh hnuah nimin zing khan inremna an siam fel ta.
Nimin zing khan Zokhawthar YMA Hall-ah Zokhawthar NGO hruaitute l…