Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Bethel YMA {BYMA}

A NUAM A HREHAWMAH
Joseph Laltangkaia S/o Ramhnehzauva T-Sec. leh Zonunpari Tlungvel te chu ni 20.5.09(Nilaini) hian Presbyterian Kohhran Hall-ah an insuihtha dawn.
CHESUAL PALH
Ni 15.5.09(Zirtawp) tlai khan 709 tui phur chu Chhura Hmun pan thlakna Pu R.Lalramhluna te huanah a back liam palh a, zem leh motor pawh a chhe ve nual a ni.
MAHRIAKTEN
Pu K.Lalbiakhlira VC Sum vawngtu chu Chhura Hmun, Pu K.Rinliana In ah a in dang ta hlawl mai. Vc chungchangah a ni emaw mimala thilah ani emaw chhura hmun lamah pan mai tawh tur a ni e.

KAWL IN AWM EM?
YMA tena Amplifier kan neih chhun chu a awmna chin hriat a ni lova, lo kawl tha leh chin hria kan awm chuan anih chuan YMA hruaitu te hnen ah pe tura hriattir kan ni bawk e.
YMA CHHANG
Bethel Branch YMA hnuaia YMA chhang hruaitu zawng zawng te leh Convener theuhte hun remchang hmasa berah in hmuhkawm tur a ni. YMA chhang hian mahni sectio theuhah member fee an khawn ve a ni.
ON THIN NI SE
Vengchhung chhungkaw tin ten zan lam pangah Verandah Light On thin ni se, Misual lakah leh thil bo laka kan fihlim theih nan i on hram hram ang
TLING
Mizoram MP thlanna neihah Champhai District bikah chuan Congress Candidate Pu CL.Ruala a tling a, chanchinbu buatsaih lai hian District dang leh Central lam kan hre hman ta lo.
HLA ZIR TUR
Bethel Branch YMA zaipawl members te Dt. 21.5.2009 ( Ningani ) zan dar 7:00 ah Pu Buaithanga In, Vanapa Section ah hla zir tur a ni a, zaipawl member ten ngaih pawimawh tur a ni e.
SHOOTING NEI
Sub Hqrs. Zaipawl Champhai chuan Doordarshan atan tunlai hian shooting an nei mek a, Rihdil lamah te an va nei a, kan veng atang pawn pathum an tel ve a nih kha.
DAMLO
(Kan Hriattheih Chin)
U Vanlalveni D/o Tawnliana N-Sec. chu a khup ruh a khih avangin a che chang thei lo a, tunah hian anmahni chenna Inah enkawl mek a ni.
Challianmawii W/o H.Kapthianga V Sec. chu danlohna avangin tunah hian Presbyterian Hospital , Durtlang Aizawlah enkawl mek a ni.
NAUTE NEI THAR
Pu.K.Lalduhawma H/o Lallawmkimi V.Sec. te chuan ni 11.5.09 (Thawhtanni) khan fapa duhawm tak cChamphai Damdaiinah an nei thar.
Editorial Boardten kan lawm pui hle ani.
THAWHNA SAWN
Tv.Thanglianmanga S/o Daikhawzama N.Sec. chu a hanthawhna Neriff Aizawl atangin Champhai ah a rawn in sawn.
FAMCHANG
Tv.Ramnghahmawia S/o Malsawmi T-Sec. chu ni 12.5.09(Thawhlehni) khan Inawkhlum avangin a boral a, a ruang hi tlaivarpui niin a tukah Thlanmual no.I ah vuiliam a ni.
Lusun/khawhar chhungte Editorial Board ten kan lainatin kan tawrhpui tak zet zet e.

=======================================

Editorial


Mihring tungchho va piang te reng reng hian hring kan chan laiin kan hmabak ah tihtur chi hrang hrang in min hmuak thin a amaherawhchu he khawvel eng kan hmuhna hmun azir in kan ngaihtuah leh kan thil duhzawng te erawh a inang vek kher awm love. Thenkhat ten kan khawtlang nun siamthatna kawng ah a thim a var pawh thlu lovin theihtawp a thapui chhuaha kan beih laiin a then te erawh chuan kan hmabak a tihtur awm te chu kan hlamchhiah ve char char thin bawk a. Kan Mizo nun ze mawi tak te pawh a lo chawi nung tu kan pi leh pu te thlarau zahna tel miah lovin kan ti hlamzuih tan ta zel zawng a nih hi. He kan Zo nun ze mawi tak hi a lo par vul zel na atan hian tu te emaw hi an pawimawh bik a ni lova keimahni theuh hi kan pawimawh a ni tih hi i hre thar leh theuh teh ang u. Chu kan Zo nun ze mawi chu engtin nge kan par vul tir ang kan tih chuan kan tunlai hun ah chuan YMA a kan theih ang tawk tawk a inhman hi a ni awm e. Kan hriat sa tawh mah nise Mitthi an awm nikhua in heng kan tihtur hrang hrang Mitthi Lumen , Khawhar Ina lenkhawm, Thlanlaih, Khawhar Ina riah etc. te hi a bik in mipa lam te hian ngai pawimawh tlang leh ila kan nula lam te pawh hian Mitthi an awm ni hian thingpui sem tur in chhuak khawm thin bawk sela, khawhar in lamah kal taima hle bawk sela. etc. heng ang zawng zawng te bak ah hnatlang nikhua ah te pawh kal tum thin bawk ila. Hetianga mitin ten hma kan lak theih chuan Champhai Veng lian pawl he kan veng Bethel Veng hi veng nuam a lo ni ngei ang.

==========================

HMANG
Bethel Presbyterian Kohhran chuan 15.5.2009 ( Zirtawp ) zan dar 7 - 8 inkar khan ‘Kristian Chhungkaw Zan’ Kohhran In tin ah an hmang a, he hun hi a tlangpui thu in tawngtai rualna te leh Kristian chhungkaw tha tak ni thei tura infuihna hun atana hman a ni.
Tin, Bethel Pastor Bial K.T.P Meet pawh nimin nileng khan New Champhai Field- ah intih hlimna ni pah fawmin infiamna chi hrang hrang hmangin hun hlimawm tak an hmang bawk a ni.

ANGANWADI CENTRE-IX CO-ORDINATION HRUAITUTE
Kum 2009 chhunga Anganwadi Centre -IX hruaitu tur heng mi te hi ruat an ni.
Office Bearers :
Chairman : Pu Lalbiakthanga.
Vice Chairman : Pu R. Thangseia.
Secretary : Pu F.Lalbuatsaiha.
A/Secy. : Nl. Lalchhuanmawii.
Treasurer : Pu C. Lalthantluanga.
Fin. Secy. : Pu S. Liansangvunga.
Committee Members:
1. Pu Saizuala Sailo
2. Pu Vanlaldika Varte
3. Pu C. Lalrintluanga
4. Pu Tluangzela
5. Pu Lalthantluanga
6. Pu Lalhrima K.
7. Pu David L.Pachuau
8. Pu Lalrinngheta
9. Pu T. Saikhuma
10. Pu Sangkhuma
11.Nl. Lalrinfeli
Ex-Officio : Pu K.L Ramthlenga C.O

HRIATTIRNA
Bethel Branch YMA Security Sub-Committee te chuan chak takin hma a la mek zel a, kar hmasa lam ah pawh khan vengchhung fangkual in ruihhlo zuar te dap hna thawh a ni a. Ruihhlo laka la fihlim lo leh la kawl pawh kan pung leh ta viau mai. Vengchhung a lo thianghlim zawk nan theih tawp chhuah a hma lak zel tum a ni. Hetiang lama fihlim lo man in nih chuan kan in dim dawn lo a ni tih kan in hriattir nawn leh a ni. Tin, Security members te pawh a tul anga thawkchhuak tura lo inring lawk theuh turin kan in hriattir bawk e.
Sd/- Secretary
Security Sub-Committee
Bethel Branch YMA, Champhai
=====================

TUNLAI BETHEL

Bible-ina a sawi lawk ang chu he Vengchhungah ngei pawh a thleng dik ta zel a, Buhfai kan harsatna chuan ziaawm lam a la pan thei chuang lova, kan nitin nunphung tibuai khawpin chaw atana kan rin pui ber ngaihtuah in kan phili tlang namen bawk a ni lom ni. Chu mai nilovin Tui chenin a har zel zawng a nih hi. Ruah lah chuan sur a tum duh mang si lova, Nu ho thlai chin thlengin a tuar a, Nguka leh Nguki te pawn Chaw tha an hmu loh phah a, Changel tukthuana hmang an tamin lehlam hawia an nuih ver ver phah fo bawk.
Chhungtin maiin Central hna kan thawhna Ni za lam kan bengah a ri leh tan a, hlawh lak huna lei tur hisap in tam tak chuan an kut thak pawh an hiah leh tan niap niap tak hi.
Tlai lam pangah kan veng Stadium Chhura Hmun Hall chu rin phak bakin a lun zel a, an in chan lovin vui hmui pu pawh an tam namen bawk. Chutih mek laiin a tualzawl takngial pawh inchan lovin Nou Camp, Old Traford, Anfield leh Emirates Stadium te mitthla reng chungin an la pet khu ve luih luih ve tho zel a nih hi maw.
Nauang infiamna chihrang hrang a tamlaiin tlema chumchiat deuh te chuan in marble an uar let daih thung.
Mitin ang khat veka min chawkrualtu chaw ei dawhkan lamah anhnah chi hrang hrang an in lar vanglai a ni. Chutih lai erawh chuan thil man sang ta zel chuan tam tak dinhmun a sawi nghing a, kan kun tlawk tlawk a nih si maw le. Nimahse tukinah zawng he Vawksa ngei mai chuan chhungtin lawmna leh puarna a rawn thlen leh a ni lawm ni!


====================================

Ti Ve Tawp Hian!
........Ni ve tawp Asst. Editor
Tun tum chu helai dawhkan zimte atang hian ka vei zawng leh vei loh zawng te pawh a nia nge. Ka rilru-a awm awm te a inmil leh mil lo lam hisap lovin chawhhchawrawi takin duh duh kan sawi ve tawp teh ang. Dini Dini Pa leh Arsene-a Pa te chuan an chhiar zawngin an lo nui tut tut pawh a nih mahna, nimhsela an ne pawh ek lo mahila Edt. Board hming avangin kan thaikawi ve hrim hrim duh a nia. In chhiar zawng erawh chuan a ziaktupa hi min enin hnunglam atang chuan min nuih kher lo u la.
YMA-in kumpuan Ruihhlo Do an tawp san a, nunphung leh kan sukthlek dan pawh a dang leh ta hle a, vengchhungah ruihtheih ti leh a zuar te pawh an huangtau leh tan niin a lang. Nimahsela kei tehlul hian dem thei pawh ka ni lova, dem leh deuhsawh thei pawh ka ni hek lo. A no tlang dawm lo mahila a tuartu leh hrehawm ti pawl chu ka ni ngei ang. A changa suangtuahna mawl tak nena kan awm chang hi chuan thlunglu a hai thin hle a, hla siamtu-in ‘Hnam ka len nuam mange’ a tih ang maia Hnam han len te pawh a chak awm ve hle thin. Engatinge kan pi pu te khan heti taka Zu hi Mizo nunah an lo seng luh. Ka dem ve rum rum thin. Nimahsela Siamtu remruat a ni miau hek le. Chuvang chuan kei leh ngaina kan ti makmawh ni ta ber chu Tanruala, enginge ni ang tia hmanhmawh taka ke pen hi a ni berin ka hria.
A dawt lehah chuan ti leh chawt teh ang, kan kumpuan thupui hman mek Khawtlang nun siam that hi engvanga hmang ta mai nge kan nih le tia ka ngaihtuah hian ka rilru a na a, luaithli hial a pawt thla tep a ni. A ni tak a, tunlai kan zo nun hi a chhe ta hle a, Unau leh Unau an sawi tawh lo a, Thisen zawm leh zawm lo an sawi hek lo. Kan thil tawn ngai loh leh hmelhriat loh darkar tinin ka tawng zel a, mak ti leh hlau hmel pawh kan pu hek lo niin a lang. Suahsualna chi hrang hrangin bu a khuar a, a punlun zel bawk. A siamtha turin YMA thupui hialah an chhawpchhuak ta a ni. Engtinge ni ta ang le. Tunge mawh phur ta ng le, tu dang nilovin nang leh kei chu kan pawimawh ber leh tlat mai. Thufingin Tanrual hi chakna an tih angin he kan Khawtlang nun chhe tawh tak siamtha tur chuan kan zavaia kan tanrual a ngai a ni. Chumai a la ni lo, kan zo ze nun mawi kan hlauh duai duai a, Mizo ang lo maiin kan hun kan hmanghlel ta bawk. Tlawmngaihna, taimakna, huaisenna leh hmasang Mizo nuna mawi tak tak te kan hlamchhiah a, a thamral zel zawng a nih hi. Nimahsela a siam tha tur leh chhawm nung turin khua a la tlai lova, tun hun atanga kan Zo nun mawi tak chu kan chhawm nung leh a hun ta. Tu kutah bik a tlu tur a ni lova, kan zavaia tih tur a ni leh mawlh ang le. Naupang zawk ten aia Upa zah thiam a, Upa zawk ten naupangte dimdawi thiam a, Tual khat chai za tlang thiam tura kan zir a ngai. Tin nu leh pate pawn naupang chu an kalna awm kawngah zirtir thiam a, an entawn tlaka kan nun pawh a tul ve hle bawk. He kan Nun ze mawi tak hian mual min liam pui mai lo a, kan chhawm that leh uar zawka tung ding thar leh turin kan zavaiin i tangrual ang u.

===================

BYMA SHOTGUN
U Hmanni chu Kawnah hian Ui hi an lo boh tuar tuar a, engatingeni tia kan en nak chuan Zothana(Virmep) hi Kekawr bul nena a awm hi an lo boh a, an khel mai ang tih ka hlau khawp a.
....Pu Kima T-Sec.Jingle Bell Road
U Ka In dang thar chu thil kim a lo ngai khawp mai. Kim lo pakhat chiah a la awm. Chu chu eng dang nilovin Sawma Nu tur mawle.
.....Amah U Hlira T-Sec.
U Ka tawng ang petpuat hi ka ni miah biuk lo a nia.
......Tv. Enga Ch-Sec.
U Chawngbawla Section ah chuan ka ‘nior’ ber tawh, minlo zawnpui teh u BYMA kal tlangin.
......Nl Duhi Ch-Sec.
U Keite nu fa an lo haw chin chu ka ho hulh kha a reh teks.
......Peks News Ed..
U Ka thuthmun apiang mai hi ka khumlai zawl a ni mai, Val hi.
......Vice. President.
U Ka handset te hi a tha reuh a nia... awmlo a awm meuh lo kung kung mai thei a nia.
......Kapte-a V-Sec.
U Vanram ngaih em em vang pawh nilova khawhar in a han zaitui ve vak mai hi chu... chhan dang a awm a ni mai a ni.
......Tv. EKa T-Sec.
U Tunlai chu Vengthlang M/S lamah ka run thim lawina tur ka sawn chuang miah lo.
.....Nl Siami V-Sec.
U Khaw huap zaipawl nih chu thlen ngai loh ram kan chuan kai phah ve deuh. Lunglen pawh a zia.
...Nl.Thani N-Sec.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…