Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Buatsaihtute Khawthlir

Image and video hosting by TinyPic

Sa thiang lo kan ei em?
Bible-in sa thiang lo a sawi lam hi chu i dahtha ta ila, keinni’n sa thiang lo kan tih chu sa thi tawh an ser hi a ni. Hengte hi kan ei em le?
Tunlaiin khawthlang lamah Swine flu, vawksa atang pawha kai theih a hluar hle a, mi tam takin an thihpui mek a nih hi. Keini ramah chuan Swine Flu hi kan la hmelhriat ve chiah lova, mahse sa kan ei atang hian he natna kher lo natna chi dang tam tak kai theihna remchang kan ngah hle niin a lang.
Bazar leh khawlaia kan sa hmuhte hi a thi tawh sa an ser a awm thei tlat. Kan sa talh tam zawk hi chu kan hriat chian ngei a ni ang. Mahse thenkhat hi chu kan hriat chian mang loh pawh a awm. Chung kan sa hriat chian loh chu a thi sa an ser emaw an rep emaw pawh a ni thei. A thi sa hi natna vanga thi an nih ngat chuan a pawi hle ang. Chuvang chuan kan sa leiah hian kan fimkhur lehzual a tha. Swine Flu hian kan vanduai a siamin kan ram a rawn thleng te a nih phei chuan sa lei chungchang hi sawi nawn fo a la tul ta ve ang.
Duthusamah chuan bazar-a sa zawrh tur reng reng hi laboratory-ah zawrh tlakin a thianghlim em tih hi fiah hmasak phawt ni thin sela a tha viau ang. Hetianga sa kan pawng lei tawp mai hi chu natna kai dan awlsam tak pakhat a ni. A vulhtute pawhin laboratory lamin ran pek atan a tlak e antih chauh hian kan ran vulh thei bawk ila, sa atanga kai theih natna tam tak hi chu kan pumpelhin a rinawm. Mahse kan nunphung hian a la pha chiah lo te pawh a ni ang e.
A pawimawh berah chuan sa hriatchian loh kan lei tur a ni lova, sa thiang lo kan ei em? tihah hian ngaihtuahna seng a, kan fimkhur a tul.


==================================================


A AW B REMKHAWM
J M Dawnga Chhangte

YMA Palai ni 19/04/2009 chhuaka buaipuitute thukhawchâng kha ka lo chhiar a, thuziakmi an tih zingah kha chuan ka tel ve pha hauh lo tih chu ka inhre chiang khawps mai. Thuziak thiamte tiphur zak thei turin phuailuai deuhvin A AW B kan remkhawm ve reng reng teh ang.
Mizote hian kan pi pute atangin hming hi kan uluk lo ve ang reng hle mai. An phuah chhan phei chu tunlai nena theh khin phei chuan nep ve the the tak a ni. Ka sawi duh zawk tak chu kan hming ziah dan inang lo nuai zel hi a ni. Kan Birth Certificatea mi te, MatricCertificatete, Voter’s I.D Card, kan Ration Cardleh Kohhrana kan hming ziah dan leh kawngka lu chunga kan hming ziah dan te hi inang lo fe fe leh inmil lo tak tak chu kan awm ve nual mai thei. Kan documents (e.g. I.D Card, Ration Card, Driving License) a kan hming leh miin kan hming an hriat dante hi a inang tlang meuh ang em!!???
Document-a hming ziah dan a inan loh avang hian mi thenkhat chuan harsatna an lo tawk tawh thin a ni tih hi lo hre ve ta mai mai ila. Miin awlsam taka thil an tihfel theih laiin hming chiri lutuk hian harsatna min thlen ve thei fo a ni. Tul lo deuhvah buai pherh erin Courtah Affidavitlak te a tul phah thin a ni. Mizoram chhunga thil tihfel ngaiah chuan a tih nawk nawk theih awm e. Amaherawhchu Vairengte pela thil kan tih duh chuan kan buai ve nak thei hi a lo ni. Entir nan PAN Card(Permanent Account Number) te, Passportte, CreditCardte leh Centrallama hnaruakte lo dil dawn ta ila thil a lo buaithlak duh viau zel mai hi a lo nia.
Chuvangin nu leh pate pawh hian kan fate Matrican exam dawna an hming ziah dan hi enfiahpui thei ila thil tha tak niin a lang. Education Certificate(e.g Matric leh College Certificate etc.) te hi siamthat theih loh tluk a ni a. Hengahte hian kan fate hi fimkhurpui ta ila. Heng Voter’s ID Card leh Birth Certificate-a hming dik lote hi chu Matric Certificate-a kan hming ziah dan milin siamthat a la awlsam deuh.
Lalhlimpuiin a changa Nancy Lalhlimpuii Hnamte emaw Nancy L. Hnamte emaw H. Lalhlimpuii tia a hman lawr vel mai mai chuan ama tan harsatna a insiam thei a ni. Midang tan pawh thil pawimawhah a hming lo ziahsak ngai ta se a buaithlak thei hle ang. H. Lalhlimpuii tia ziah a duh chuan document zawng zawngah H. Lalhlimpuii tiin ziak vek mai rawh se. ‘Chumi thilah chuan chutiang chuan ka ziak a, chumiah chuan tichuan ka ziak zawk a,’ a tih vel mai mai chuan thil a fel hlel thin a ni.
Mizo zingah hming inzawm tur inzawm lova ziakte kan awm ta nuk mai, entir nan, Lalthanhawla tih aiah Lal Thanhawla, Biakthansanga tih aiah Biak Thansanga. (an zalenna a nih miau avangin kan sawisel phak ni hauh lo mah sela entir nan ka tarlang mai ania). Hengte hi entiang pawn ziak se alphabet inang vek tho va, a sual tam lem lo. Amaherawhchu hnam dang chuan Thanhawla tih leh Thansanga tih hi an surname-ah an ngai nghal mai dawn a ni. Kei pawh min la hre miah lo Vai Ngalsang hovin ka hming an hmuh chuan Mr. Chhangte min ti nghal mai a, ka surname emaw an ti thin. (A nuam duh lem lo khops mai Mr. Chhangte han in tih chuh).
Khawvel thang zelah vaiho nen kan la inhnim hnai zel dawn a. Kan hming ziah danah A AW B hi remkhawm fimkhur ta mai mai ila tiin ka KAWLAWM ka hum ve chut a nih hi…….

(Pu Dawng, A AW B hi i rawn chhep sual lo khawps mai, kan thianpa Papuia pawh hi veng thenkhatah chuan Alex a lo in ti pek a nih chu... rawn ziak zel rawh kan lawm e. Ed.)

Comments

Anonymous said…
Hei le kan rawn chhawp leh ta rup mai che u a nih hi, tunkar chu Champhai Chanchin kan rawn khilai che u a nih hi.....

Popular posts from this blog

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai

MZP TEN CHAWIMAWI : Nimin khan MZP Champhai Hqrs te chuan MZU-in Under Graduate result a tih chhuah taka Govt Champhai College atanga Top ten-a langte chawimawina hun an hmang. He hun Govt Champhai College Seminar Hall-a neih hi Lalthanfela MZP Hqrs Champhai Secretary chuan kaihhruaiin Asscociate Prof. Lalchhanhimi Khiangte, Principal Govt. Champhai College chuan khuallian niin a hmanpui a. Khuallian chuan thusawiin zirlai titha chawimawi nachang kan hre chho zel hi hmasawnna nasa tak a ni a, hetiang zirlai chawimawi tlak Govt. Champhai College-in kan nei pawh hi thil ropui tak a ni tiin an kal zelna turah duhsakna a hlan a. College zawhah hian zirna tak tak a intan chauh thu sawiin zirlai ngawr ngawr piah lamah hriatna tizau thei zawnga tan la turin fuihin zirna kawngah hian a tawp kan khar that hi a pawimawh hle a ni a ti. Govt. Champhai College chu nasa taka hma sawnin a zahpui awm tawh lo hle a ni a ti a, zirna lama hming lang thei zirlai nei turin tan a la chho mek a ni a ti ba…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…