Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

@@ Buatsaihtute Khawthlir

Image and video hosting by TinyPic

Sumdawng, hlim rawh!

       Dawr thlaah kal ila, dawrkaiho thusawi tam ber chu, “Vawiin chu ka nil lo chauh” tih hi a ni awm e. Tunlai hian sorkar hnathawh tih loh eizawnna dang reng reng chu sum harsatna vangin a tlangtla lo vek, sumdawng, a bikin dawr kaite chuan ni khata inhralh loh chang an nei ve zeuh zeuh ta ve ang.
         Hetianga sum a van a, inhralhna tur a awm loh avang hian sumdawngte hi in lungngai mai tur a ni lovang.Inhralh leh inhralh lohvah khan engmah tih theih i nei lova, i hlimin i lungngai tur a ni lo. Hlawhtlin tumin thahnem chu kan ngai em em tur alawm, mahse thahnem kan ngaih viau hnu pawha inhralhna a la awm miau si loh chuan tih theih kan nei lo, kan hlim lo tur a ni lo ringawt mai!
       Hetianga inhralh that leh that lohah kan hlimna leh hlim lohna a innghat dawn a nih chuan chu kan sumdawnna buaipui laiah chuan kan hlawhtling mang mang lovang. Sumdawnnaah chu kan innghahna ber a nih dawn phei chuan kan nuam tih zawng a ni tur a ni. Sum kan lakluh chhiat chang pawha beidawng lova nuam ti taka kan thawh theih eizawnna tluka tha a awm lo. Chuvang chuan nang sumdawng duhtak, tuna i sumdawnna kha a hlawhtlinna hmuh i duh a nih chuan engtianga hralh kal lo pawh ni se hlim takin thawk phawt rawh.

CHHIARTUTE  HUANG

I  Fanu a him em?
Mali Nu


      Mihring kan pung a, sualna a pung bawk a. Kan hmangaih, kan fanu kumtlinglo te pawh hurna avangin khawih chhiat leh pawngsualna lak ata an him tah lo a nih hi.
       Mizote hi kan changkang zel a, naupang enkawlna kawngah fimkhur nachang hria kan awm laiin a tam zawk chu helamah hian bengvar kan chhuah lem lo; hre mang lo hi a tam zawk kan la ni awm e. I fanu i enkawlnaah i harh chhuak tlai a nih chuan reiliteah i tuhrah i seng ang a, a nun kal sualnaah i fanu khan a la dem let ngei ang che.
        Mizote hi thenawmte nen inpawha innel em em; chhungkua ang maia khawsa chi kan ni a, a thatna lai leh a that lohna lai pawh a tam. Kan rohlu ber, kan fate pawh kan nel zawng leh hmelhriatte bulah ngaihtha takin kan kalsan a. Thil dang kan tihsan dawr dawr thin a. Thil dang tih i duh vanga tu emaw bula i fanu i kalsan khan reilote chhungin a damchhunga nun a khawih pawi thei tih i ngaihtuah ngai em?
       Tunlai Mizoramah Sex Video a tam em em a, henga hmeichhia, naupang te te pawh hi an naupanlai chanchin lungchhiatthlak sawi duh se sawi tur an neih ka ring thin. An naupanlai atang hian fimkhur a ngai takzet a ni.
        I fun enkawl tur khan Pathian bak rin nei suh. An patea, an puteam Ni te fa, an pahrawn (Pahrawn nei an nih chuan). Mipa reng reng rin nei suh. An khawih chhia ang ka tihna a ni lo, mihring rilru a ngaihtuahna sual, bawraw tak tak thlen theitu Setana a awm tih hria ang che ka tihna mai a ni.
         Kan fate hi Pathian hnen atanga malsawmna kan daw, kan ro an ni tih hrerengin i enkawl ang u, a pawi tawh hnua inchhir ai chuan theihtawpin veng ila. Fimkhur taka theihtawpa kan tang chung pawha vanduai vang hrim hrimin a thleng a nih chuan, heng hi chu a tlem em em ang tih hria ila. Pathian rawn chungin tawngtaina nen i enkawl ang u.
         Naupang khawihchhiat/pawngsual tawk tam tak nu leh pa, unaute hrilh ngam si lo, a ruka tuar chawrh chawrh te hi an tam em em a, an rilruah hlim nasa tak awmin an nun chhoh zelnah pawh nghawng pawh tak a nei thin. Chutiang hunah chuan nu leh pa ten a chhan hriat tum lovin anmahni kan dem leh thin. Tu mawh nge?
         Kan fate hi i enliam mai mai lo ang u, kawmngeih ila, mipa hlau chi an nih phei chuan a chhan hriat ngei tumin thil i chik ang u. Zawhna zawt peih ila, an thiantha ber, engkim an hrilh ngam t urin i inpe a n u. Nu pa t angr ualin zirt ir na pe ila, Pat hian rawn chungin kan hmuh phak lohah pawh min vensak turin thlen ila. Anmahni enkawl thiam t hei t urin finna i dil ang u. An t hlarau nunah nu leh pate'n mawh kan phur a ni tih hriain theihtawp i chhuah theuh ang u.



Comments

sangtea said…
A landan kan ti danglam a, e nge a an chhiar a nuam deuh ka ring ve ringawt a..... rawn comment leh chur chur teh u.... in comment hi keini tan a ngaih nawm ania.
Tin, comment naah hian Biahthu Palai kaltlanga in han duh pawh in hlan thei ang
Anonymous said…
Chhiar chu nuam deuh sawt in ka hria kei chu...chin deuh trag khan in rn post hun k l gak car2 a k l n sek a. hei kn hmu ta nya..nuam thin hle my...
'I Fanu a him em' tih thuziak hi a tha khp my..inzirtir kan mamawh lutuk.Ka ngaih ve dan mai maiah chuan hmeichhe tleirawl pawnchhuah leh an awmna hrelo a kal bosan cungcangah cuan strick luat a omlo in k hria tunlai chhanah..thildang chu chhungkaw inzirtirna a zir ni se...
sangtea said…
a dik khawp mai fate enkawl hi tih har ber mai a lo nih dawn ni. Pathian chiah hi kan zoram hian hmachhuan tur awmchhun kan neih chu a ni
Anonymous said…
Pu Sangre, a hmel hmang chu a nalh khawp hi. Nang hian ram ropuiah min la paw lut ngei ang.
sangtea said…
thufing pakhat chuan fak dertu lakah fimkhur rawh an tih kha hahahahahaha

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…