Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Champhai Vengthlang {YMA Palai}

Burma Bungrua Tlang Remti Rih Lo
Vengthlang,3rd May (Pathianni) : Dan leh thupek kenkawhna kawngah thil chinfel ngai a awm avangin tunlai hian Burma atanga sumdawng bungrua chu Zokhawthar kaltlang pui theih a ni lo. Champhai District SP Pu C. Lalthanmawia chuan tunah hian Zokhawthar Out-Post a Police leh Suctoms Duty te chuan Bungraw lo lut turte hi tha takin an lo dangping a, hnathawktute an indaih loh avangin khawimaw lai atanga bungraw lut ru erawh dan pin vek a harsa rih a ni. Tunah hian Zokhawthar ral lehlamah bungraw tangkhang a awm nual a, bungraw neitu thankhat chuan kawng hawn leh hun nghakin, Champhai lamah an bungruate anlo nghak a ni. District SP in a sawi dan chuan Zokhawthar Out Post ah hian Sub Inspector hovin Police 6 leh silai keng 2nd IR Section khat an awm thei chauh a, chet velna turin Motor pakhat mah pek an nih loh bawk avangin hnathawh a la harsa hle a ni. Hetihlai hian Zokhawthar VCP pawhin Gate hi ngawrh taka ven a nih thu leh zanah pawh riahchilh a nih avangin bungrua tlang theihna a awm loh thu sawiin alo tlang a awm a nih chuan gate hela tlang a nih a rin thu a sawi bawk.

==================================

Lawmpuina Thuziak
Kar hmasa Ningani (30.4.09) khan kan memberpui Malsawma Zahau, V-Sec leh Lalthlamuana, K-Sec chuan an kawppui tur Kohhran hriatpuinain tiam tlat e an ti ve ta. Kan memberpuite hi lawmpuina thuziak mawi tak Tv. Lalchhuanthanga, Dream- land neitupa (FY Member) nibawk siam chu pek a ni.


Thawmhnaw Haktur Pe
Central YMA Sports, Inter Branch Tournament-2009 Aizawla khelh tura kan Branch Volleyball playerte hak tur kawr Pu Chalbawiha te chhungkuain min leisak a. Chubakah thingpui inna tur pawisa CR neitu Pu VL-a ten Rs. 1000/- min pek bakah Pu Laihuliana te chhungkuain Rs. 500/- min pe bawk. An chungah kan lawm hle mai. Min inpeten vengchhung an timawi thin a, i chhunzawm zel ang u.


Aijal-ah Zin
Kan Secretary Tv. Vanlalenga Khiangte chuan kumin a a vawi hnihna atan Mizoram khawpui ber Aijal ah a zin ve leh ta. Tv. Vantea hian kan Branch aiawh a Ball beng tur a tawiawm bakah an pawl (FY) thil a buaipui tel nghal dawn bawk a ni.


Dahluh tur
YMA bungrua, a enga pawh mahni ina lo la kawl palh emaw, a chin hria kan awm chuan Property Sub-Committee hruaitute emaw, Branch O.B emaw, Section hruaitute a remchang ber hriattir turin kan inngen thar leh e. Tunah hian YMA bung kimlo kan nei nual a, Gas thlengin a chin hriat loh a awm nual.


Kan Vanduai
CDFA 1st Division Club-a in pet kai ngei tuma theihtawp kan chhuah hnuah Zirtawpni khan Electric Veng lakah 2-1 a vanduaiin kan veng Sporting Club-te kan in pet kai zo ta lo. Tuntum hi hruaitute leh player te an tangin theihtawp an chhuah hi an fakawm hle. Hemi avang hian players ten rilru hnual phah nan hmang lovin theihtawp i chhuah zui zel ang u.

Pet Tawh Suh
Primary School II Building chu tunlai hian chei that mek a ni a. Sikul kawta ball pet thinte Field lamah ball pet tawh turin min ngen a. Sikul tual hi YMA leh Kohhran-ten thil chi hrang hrang tih khawm nana kan hman thin a nih avangin Sikul hotuten min ngenna hi i zah sak hram hram ang u. Ball pet lui te chu an chungah engpawh thleng se in sawisel thei lo ang.


Mi Chimawm
Kan sawi thin kan sawi nawn leh dawn Tunkar Nilai zan khan Rahsi Veng tleirawl thenkhat Pu Sangchia Dawr kawtah thuin zan rei tak thleng an bengchhen bakah helai bawra bawlhhlawhte paih darhin Upa Darthangvunga Traffic Point chungah te an chap darh a. Vengchhung nu leh paten mahni fate i khuahkhirh ang u.


Aw Thun Fel
Champhai YMA Sub-Hqrs. zaipawl chuan kar hmasa khan an sum tuakna atana hla record chu an zo fel ta. Heng an aw thunte hi DDK-ah Music Video siam tura ruahmanna kalpui mek a ni tih thu kan dawng.


Camping Chhuak
Ni 28.4.09 (Thawhlehni) atanga ni 2.5.09 (Inrinni) chhung Vengthlang North Kohhran Tleirawl pual Camping College Hall-a neih chu an chhuak fel ta. Camping-ah hian Tleirawl 173 lai an lut a, Pathian-ah lawmna ropui tak neiin vawiin hian Vengthlang North Kohhran-ah rawngbawl na an nei chhunzawm ang.


Inter-Office Ball Beng
Inter Office Volleyball Tournament khelh mekah zirtawpni khan Final turte tihchian a ni ta. Power Dept. chuan District Jail hnehin Final an in beng kaia, a leh lamah PHE Dept. leh SP ten an khel a. Chak zawk erawh kan hre hman ta lo. Final hi naktukah khelh tura ruahmanna siam a ni. Hetih lai hian CDFA 2nd Division Screening neih mek pawh naktuk vek hian Chhangphut Field-ah Electric Veng leh Kahrawt ten Final an khel dawn. Finalist te hi 1st Division ah an in hlangkai a ni.

=====================================

AK 47

(AK - 47 hi Chawngkhum dantlang huat loh a ni, i lo hua a nih chuan lo ho mai mai rawh )
@ YMA Palai hoin ka thlalak in lo ru chhuak hi chu ka ngaithiam lo khawp mai, kum khat tal khi lai ruamah khian han hrual leh che u ka van chak tak em... Sir Hruaia
@ Zan len ho pah leh Bazar tuk a in nan hi chuan ka Service tlang nghal tawp zel...
Marinawma, T-Sec to V-Sec
@ Thih thlamuanna nei lo mah ila, thih hnu luman tal ka nei hi ka vanneih ve na a ni. ? Hruaia DK, V-Sec
@ Tunlai chu ka Kross put aiin ka awn zawk tlatsss.... Vungpuia, V-Sec
@ Ma-Vanlalchhana a rawn haw meuh chuan zanah pawh Pu Mantea aiin kan tawng ring zawk a lawm le.... Sir Tluanga, Pathlawi Khawhar
@ N. Khawbung hi Nice Khawbung tihna a lawm lo ni . Panthara (N.K.B), N-Sec
@ CHANEM chungah mikhual nula, ka thiannu thiannu han lenpui meuh hi chuan ngaihtuahna pawh a thar ve leh ta... Editor-Flame
@ Zirtawp zan khan Chhangper pali leh sangha pahnih kan siam sak hnap kha.
Ramzauva, Cir. Man.

===============================

HC Sanglura Album thar tur chu .................


Image and video hosting by TinyPic

Comments

kimkima said…
in thlalak rawn post hi ka duh mai2 tops... hetiang tlangval chhelo leh zei hi chu rawn post zeuh2 teu...

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Bethel YMA (BYMA)

BRANCH EXECUTIVE COMMITTEE NEIH A NI
Bethel. March.27Sunday) : Branch Executive Commiittee vawi thumna chu ni 24.3.09(Thawhleh) zanah YMA Office-ah neih a ni.
Branch Executive Committeee hi President Pu Lalsanglura Zote in kaihruaiin member sawm pariat an kal thei a, Pu C.Lalfaka Senior Adviser chuan Committee te tluang taka neih theih nan Pathian hnenah tawngtaina neiin rorel tan a ni.
Rorel I-na Kan Branch Vice President Pu S.Lalruatsanga chawlh dilna chu ngun taka sawi ho a nih hnuin a rawn dilna chu zahawm viau mahse tun atan chuan la pawm sak lo mai ni se an ti.
Rorel II-na Branch-ina a thunun mek Pu Nanghekmanga, Pi Nianglianchini, Pu Thangkhanlanga te ngaihdam dilna chu ngun taka ngaihtuah a nih hnuah an dilna pawm sakin thunun an nihna chu hlih sak a n ni.
Rorel III-na Central YMA atang Branch tina YMA chhang din theih ni se an tih chu kan Branch-ah pawh ngun taka sawi ho a nih hnuin kum 2009 atan kan Branch-ah pawh din ve nise an ti a, Section Wise-a din nise April thla chhunga …