Skip to main content

Champhai Tualchhung Chanchinthar

ADDL. SECRETARY HOIN ZOKHAWTHAR CHUNGCHANG SAWIHO :Zokhawthar Welfare leh CTU te buaina kal zel avangin Champhai Bazarah chawhmeh hralh chhuah tur a vang tan hle. Bazar a chawhmeh zuar te hnen atanga thu kan dawn danin, chawhmeh tam zawk hi Zokhawthar lam atanga lakluh ani a.CTU te'n Zokhawthar kawng an dan atang hian chawhmeh an khawlsa in a daih lo tan mek a. Tualchhung thar tlem azawng chauh zawrh tur an hmu tawh a, nitin chawhmeh zuara ei zawngte'n an eizawnna ber hetianga dan beh a ni chu pawi an tih thu sawiin, he an buaina hi chinfel thuai ni se an duh thu an tarlang a. 
Hetianga Zokhawthar kawng dan a nih avanga chawhmeh hralh tur avan tak avang hian chawhmeh man pawh a to phah ni a sawiin, thlai chi hrang hrangte hi Cheng-40 leh 50 inkar velin a man pangngai aiin a to tawh niin an sawi bawk. Zokhawthar atanga lakluh nepnawi zuartute pawhin an neih sa a zawh tep tawh thu an tarlang a, an dawr a kawrawng tan hle a, an thil zawrh man erawh a man pangngai rengin an la zuar…

Champhai Vengthlang {YMA Palai}

C.YMA Infiamna Tluang Taka Zawh fel a ni ta
Vengthlang,10th May (Pathianni) : Zirtawpni khan Pu lalrinliana Sailo, Health Minister chuan CYMA bultum Inter Branch Sports 2009 kharna Zarkawt Recreation Centre-ah neih a ni.
Inkhelh kharnaah hian Volley Ball (Mipa leh Hmeichhia) Final khelh a ni a; Mipa-ah Hunthar Veng leh Tuikual ‘S’ in nuaiin Huanthar Veng chuan chakber nihna an chang a, Hmeichhiaah Kanan Veng chuan Chanmari ‘W’ hnehin Mizoram Branch YMA Hmeichhia Ball beng thiam ber nihna an chang ta a ni. 16th Volley Ball-ah Aizawl District atangin mipa leh hmeichhia Team 4 ve ve, Champhai Sub-Hqrs. atangin mipa leh hmeichhia team 1 ve ve leh Serchhip Sub-Hqrs. atangin mipa team 2 an tel.
2nd Athletic (M&W) ah Aizawl District atangin Branch 15, Champhai Sub-Hqrs. Branch 8, Serchhip Sub-Hqrs. atangin Branch 7 an tel a, Armed Veng Branch YMA chuan Gold 3, Silver 1 leh Bronze 2 lain Overall Champion an ni.
3rd Tug of War (M&W) ah mipa team 5, hmeichhia team 4 lutin mipa leh hmeichhia-ah Zemabawk N’ an champion a. Mipa Runner-up Sihphir niin Hmeichhia Runner up Champhai Electric Branch an ni.

==================================

Damlo
Laltanpuii w/o K. Lalhriata, V-Sec chu rilphir natna avangin Champhai Civil Hospital-ah enkawl mek a ni. K. Lalzara, T-Sec pawh kar hmasa khan Damdawi Inah zaiin tunah hian an In lamah a inenkawl mek. An dam leh theih nan i tawngtaipui ang u.

Lawmman La Ve
CYMA Sports neih zawh takah khan kan Branch aiawh a tel zingah Isaac Lalrinngheta s/o K. Lalrosanga, N-Sec in zuanthui siakah pathumna niin amah chiah hi lawmman dawn thei kan neih chhun a ni. Volley Ball-ah erawh kan vanduai ta a ni.

Jail Bang Zut Tir
Thawleh zan dar 9:00 vel khan Vengthlang Dawr dungah Vengsang tlangval pakhat zurui buaina siam chu Security Duty-te nen in nangchingin man a ni a. Ngaihdam a dil nasat em avangin ngaihdamnan Jail-ah tan tir a ni. Security Cell hmalakna a chhuanawm thin hle mai.

Rawn Haw
Central YMA Sports, Inter Branch Tournament-2009 Aizawla khel a kal kan memberpui te chu nimin zing Dar 10 khan Aizawl an rawn chhuahsan a, thil hawn tur nei kan Branch Secretary Tv. Vantea (FY) leh Tv. Nite-a erawh dar 1 khan Aizawl an rawn chhuahsan thei hram tih thu kan dawng.

Keimahni
Kum a chanve leh dawn ta... Vengchhung mipuiten YMA Palai kan lakna man kum khat atan Rs. 50/- Section hruaituten an rawn kawn dawn. Tlawmngaiin lo pe hram hram teh u. Chu ti lo zawng Palai rawn leng tur kan hmu tawh lo ang tih a hlauhawm ta hle mai. I tangrual ang u, nangnin a man keinin a chhut.

Camping
Pu Zodinsanga Khiangte leh a thiante chu ni 27.4.09 -2.5.09 khan Champhai Ramthar vengah Gospel Camping neiin hun an hmanga, Camping chhunzawmna hi nizan thleng khan Ramthar Kohhran-ah hman a ni. Tin, tunah hian an thian thenkhatte Aizawl hmunah rawngbawlin an chhuak mek. Vengchhung mipuiten i tawngtaipui thin ang u.

Nungcha Humhalh
Tunkar Nilaini (13.5.09) hian Young Mizo Association Sub-Headquarters Champhai leh Forest Dept. bul tumin Champhai District huamchhungah Wildlife Protection Training, Sub-Headquarters Office Tlangrawtah neih a ni dawn.

Special Coaching Class
Pawl XII (Arts) failed te tan Ni 18.5.09 (Thawhtanni) Tlai Dar 3:30 - 5:30 atangin Coaching Class Govt. PSII, Vengthlang-ah neih tan a ni dawn. Addmission ti duh tan Govt. GMHSS, Champhai-ah tih theih a ni. Addmission fee Rs. 500/- Monthly Fee Rs. 300/- erawh ken a ngai thung ang.

Bethel Pastor Lalut Dawn
Vawiin hian Mizoram hmun hrang hranga Presbyterian Kohhran Pastor 15 te chu an bial turah lakluh an ni dawn. Bethel Bialtu Pastor tur Rev. C. Lalremruata pawh Vengthlang Bialtu Pastor Rev. Laldailova`n vawiin chawhnu hian lakluhna hun a nei dawn.

CDFA Hruaitu Thlang Dawn
Champhai District Football Association chuan May 21 khian General Body an nei dawn a. Hemi pah hian kum 2 chhunga hruaitu tur thlanna an nei nghal bawk dawn. Champhai District Football Association hruaitu tanglai thenkhatte inhnuhdawh an tum tih thu kan dawng.

================================


Chiahpuam Second Coming
Addl SP Aizawl dist chuan thuchhuah siamin tunlai hian inbumna chimawm leh maksak tak tak a tam tih a tarlang a, herng lak ah hian mipuite fimkhur tura an duh thu a tarlang bawk. Thuchhuah chuan Tunlai hian inbumna kawng hrang hrang chimawm leh maksak deuh deuh a awm tih sawiin chung zinga pakhat chu thlatin a pawisa pe tur anga insawi a, LSC inhawhtir chung chang ani a. hetiang a LSC inhawhtir chungchang ah hian thla engemaw ti chhung chu a hawhtu ten hian LSC neitu te hnen ah hawhman chu an chhunglut thin a, mahse alo rei deuh hnuin LSC hawh man an pek duh loh mai bakah an LSC chu Loan lak nan an lo dahkham thin a, mithenkhat phei chuan LSC hmingte lo thlak in, an lo hralh hial thin niin a tarlang.
Hetianga inbumna hi mahni In hmun lo ram chan theihna hial anih avangin fimkhur angai hle tih a tarlang bawk. Thuchhuah chuan Pension bu thlatin man neia inhawh sakin, Pension bu chu a hawhtu ten loan lak nan an lo hman sak daih thin a, Pensioner ten pension hlawh lak tur an neih loh phah mai bakah leiba tam tak neiin an awm zui bawk a, buai lohna turah nasa takin an buaizui thin a. Hetih lai hian SMS leh E-Mail atang te in pawisa tam tak man theihna thuleng thehdarh mek ani bawk a, he thil hi inbumna mai ani tih leh ati tu te pawh mi hang abik takin Nigerian mi leh sa te anni tih fianfiah anih thu te, buhfai hip thei Bottle leh Pawisa thir, Pillar, Darthlalang ruaka lan theihna, Trek Lung leh adang dang chungchangah mi tamtak in pawisa thap in, sum tam tak an hloh tih hriat ani a, hemi chungchang ah pawh hian mipui te fimkhur turin an chah ani. Chiahpuam chungchang ah chiahpuam part-II piang chho mek tih thuthang awm pawh hi engemaw chen adik thawkhat tih finfiah mek niin, mipui te fimkhur zual turin an duh tih an sawi bawk

================================

AK 47

(AK - 47 hi Chawngkhum dantlang huat loh a ni, i lo hua a nih chuan lo ho mai mai rawh )
## Kar hmasa a kha ti kher a in rawn kak kha ka huatpui khawp mai. Tlangval a nia a duh chen chen a leng ve ang chu......Teruati, V-Sec to T-Sec
## Ka chi a nunna ber entir tura kal ve an phal loh chuan nupuite bulah pawh riah duh bik miah loh tur.... Pu Chinunga, N-Sec
## Ka hritlang dam theih lohna ber chu chhun lamah Scooty ka khalh chak thei lutuk a lawm le..... Thuama, Zarda
## Thil min lo hawn rawn an tih chuan pawisa nei lo chung chung pawhin T-Shirt kan hawn mai tur a lawm... Ramzauva, Cir. Manager
## Trio-a ka chil lem kha a hit viau a niang Bial Zaipawl-ah kan tling nawlh mai a lawm. FK-a, Jt. Ed.
## Kan Lalvunga ve hi chu Camping chhuah hlim hian vaw thlu law law ila a tha ang....
Pu Sena f/o Vungpuia
## Kawngka kalh kan atchilh tlat hi chuan mi kan ang zan lo tihna a lo ni.......
Dingpuia, N-Sec
## Zirtawpni kha chu mittui nen, hnaptui nen, ek tui nen, chilthli nen kan vai liam tak kha. Ka tuaran Centenary Hall lo chim e. Thari, N-Sec

Comments