Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Kahrawt YMA {Kahrawtians}

MEMBERS MEETING NEIH A NI
Dt. 30.4.2009 (Ninga) zan leh Dt.1.5.2009(Zirtawp) zan ah te Kahrawt Branch YMA Members Meeting neih a ni a. Zan hmasa ah hian Khuangchera Section leh Vanapa Section te tan neih a ni a. A zan hnuhnung zawkah hian Chawngbawla Section leh Taitesena Section te tan ah neih a ni a. Member kalte hi hming lamna neih a ni. Meeting na ah hian Kumin chhunga kan veng atanga HSLC leh HSSLC a ti thate chawimawina hun hman nghal a ni bawk. He hunah hian Khawtlang nun siam that chungchang leh Zo nun zemawi chungchangah in zirtirna neih a niin YMA Member ten chhiatni a chetlakna hrang hranga tan lak thar a ngaih zia thuah te in fuih tharna neih a ni.
Dt.30.4.2009 zan hian Meeting hi Pu R. Laldika, Branch President chuan a kaihruaiin tanna hun Nl PB. Liansangpuii, Branch Executive Committee chuan a hmang a. Thusawina hun hi Pu Lalrinthanga, Khawtlang nun siamthat Sub-Committee Chairman, Pu K.Hmingthanchhunga, Khawtlang nun siamthat Sub-Committee Member leh Pu Thanghuliana, Branch Vice President te chuan an hmang a ni. YMA Member hi Khuangchera Section Member 202 atangin Member 55 an kal a, Vanapa Section Member 225 ah Member 47 an kal a ni.
Dt.1.5.2009 zan hian Meeting chhunzawm a niin Pu R. Laldika, Branch President chuan a kaihruaiin tanna hun Nl K. Lalbiakthuami, Branch Executive Committee chuan a hmang a. Thusawina hun hi Pu Lalrinthanga, Khawtlang nun siamthat Sub-Committee Chairman, Pu K.Hmingthanchhunga, Khawtlang nun siamthat Sub-Committee Member leh Pu Thanghuliana, Branch Vice President te chuan an hmang a ni. YMA Member hi Chawngbawla Section Member 167 atangin Member 50 an kal a, Taitesena Section Member 227 ah Member 72 an kal a ni.
Members Meeting ah hian YMA in Thupui atana a thlan ‘Khawtlang nun siamthat’ leh ‘Zo nun zemawi inzirtir’ chungchanga thil pawimawh tak tak in zirtirna leh YMA Member ten chhiatni thatni a kan chet channa tur hrang hrang a in fuih tharna neih a ni. Pu Rina hian Khawtlang nun ti buaitu Ruihhlo tih a that loh zia thute, Ruihhlo in mi a tihbuai theih ziate, kan khawtlang nun chhetu a nih zia leh Mobile Phone in kan nun thalo zawnga nghawng a neih thutawh zia thute, Nu leh Paten kan hriatpui loh avanga thalai ten an hman sual theih dan te a sawi a. Pu Hmingthanchhunga chuan Khawtlang nun siamthat nan Khua leh tui tha nih theihna kawng hrang hrang; Sawrkar leh Vantlang thil humhalh a tul thute, Faina leh Thianghlimna kawnga tan lak a ngaih thute, Sawrkar dan zawm a tul thute leh Aia upa zah a tul zia thute a sawi a ni. Pu Thanghuliana chuan Kan Mizo nun ze mawi tlawmngaihna kan lan chhuah tirna thin pawimawh ber pakhat chhiatni a YMA Member ten kan chetlakna kawng hrang hrangah tan lak thar a ngaih zia a sawi bawk a ni.

==========================================

Khuangchera Section
Budget tuak nan Upron an siam chu vengchhungah an zuar kual mek a. Tlawmngaia lo leisak turin vengchhung mipuite an ngen. Blanket suktirtute chungah lawmthu an sawi mawlh mawlh e.

Sporting Club
Kahrawt Sporting Club te chuan Second Division Screening neih mekah Final lutin Dt.4.5.2009 chawhnu dar 2:00 hian Electric nen Final an khel dawn a ni. Ti hian Kahrawt Sporting Club te hian First Division ah an in hlangkai a, Player nu leh paten an fate an hun leh tha senga phal taka an thawhchhuah tir thin avangin lawmthu an sawi a, an in khel tawiawm tur hian veng chhung mipuite an ngen a ni.


Kahrawtians
Kahrawtians lak man Agent ten an rawn theh luh dan kan tarlan ah khan Laltlansangi kha theh lut lo angin kan rawn chhuah kha keimahni lam tihsual palh a ni a, a hriat thiamna kan ngen a. Tin, Chawngbawla Section ah Agent ah Lalrinmuani aiah Laltanpuii chu ruat thar a ni.


Chhiatni fund
Chhiatni fund la pelo zawng zawng ten tunkar chhungin a khawntute hnenah pe vek tura ngen leh hriattir kan ni. Tunah hian Chhitni Fund ah pawisa kan neih tawh loh avangin la pelo zawng zawngten a rang lama pe tura ngen kan ni. Thenkhatin an ngaihpawimawh viau laiin pe thei lo tur ni a ngaih silo ngaihpawimawh loh avanga la pe lo engemaw zat kan awm a, a la pe lo zawng zawngte ngaipawimawh a pe theuh turin kan in ngen a ni.


Lawmthu
Chhiatni thing ek hnatlang thingpui lumsaktu te, chini min tumsak tu Pi Hualhnuni te chungah kan lawm hle. Tin, Informaton line siam that hnatlang neih ah Pu Lalhmangaiha te chhungin Rs.200 thingpui in na tur min tumsak avangin leh Thingpui lo lumsak thintute chungah kan lawm hle bawk. YMA Hall parda ring min siam sak a, min vuah that saktu Pi Kimi hnenah lawmthu kan sawi takzet e.
Tin, Pu C. Laihnuna te chhung chuan thing ehna tur hem leh perek karphawina tuthulh ninghal chu min chher sak a, an chungah Branch chuan lawmthu a sawi tak meuh meuh a ni.


Sub-Hqrs. Zaipawl
Sub-Hqrs.YMA zaipawl te chuan AIR leh DDK-a hla thun turah Recording an zo fel ta a, a hma thei ang berin shooting neih thuai an tum mek bawk. Tunlai hian hla an zir ngawrh thin hle a ni.


Rukru man
Dt.29.4.2009 zan dar 7:00 khan Lalremruata S/o Bawlliana (L) Vengthlang North chuan Pu K.Lalrinawma (T.Sec) inhnuai ber kawngkhar kalhna tala karchhiain gas bur rukchhuah a tum chu man a ni. Vengchhung mipuite thil bo thei lakah fimkhur lehzual turin kan in chah a ni.


Kudam rawk
Dt.30.4.2009 khan thlanmual kudam thlangzawk chu a kalhna chhu chhiain bel rukchhuah a ni a. An bel ruk chhuah hi an hralh hmain an thurukna ami chu Pu Vanlalsiama Hindi Teacher chuan lo chharin min pe let a, Branch YMA chuan lawmthu a sawi a ni.


Damlo

Lalhmingmawii kum 2 D/o C.Lalnunmawia (K.Section) chu Pneumonia leh mitliam avangin Aizawl lama refer a nih angin kalpui a ni. A that chhuah leh thuai kan duhsak e.


Hruaitu
Kum 2009 chhunga Kahrawt Sporting Club hruaitute :
President : K.Lalhmachhuana
V.President : F.Lalrinnunga
Secretary : K.Lalrotluanga
Asst.Secy : B.Lalrinfela
Treasurer : Zairemchhunga
Fin.Secy : Andrew Lalbiakzuala


=================================================

CHRK

** Kan pa hi Tartiang neih ngai khawpin ala tar lo tih hi ka hrechiang tawk a ni. Tlangsama kan pi boral emaw kan tih a pangpar kan kensual tum pawh khan tiang a hawl lo a sin, Chhuana.
- Rami W/o Rinpuia
** Pa ho hi YMA hian a hranpa hian min ko khawm ve dawn lo a mi.
- Mafela (Ch. Sec)
** Sairang (Zodin) phone turin conductor ka phone ta zauh zauh mai... - Mazaia (Ex-Servicemen)
** Laltlan, tlangval inleng i duh chuan kan inah lokal mai rawh...
- MKA (Lumet)
** Manchester an chak loh chuan chaw vawikhat tal nghei a ngai ang..
- Angaihi (Hau Hau Store)
** Thiante an lo len changa thingpui ka lumin cooker in ka phit tir tawh lovang.
- Sentea (Tuitifiminu)
** Tunah chuan adoptor ka dawlh peih tawh lo, Mobile phone ngat a ni ka dawlh tawh dawn ni....
- Peka (2 braz)
** In thian C. Lalrawngbawla (Tlangvala) hi dam takin ka la awm ve tawk tawk e....

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Sermon

Ringtute Hi Khawvel Eng Kan Ni
Chang thlan : Matthaia 5 : 14 - 16
Eng tel lo chuan khawvela nunna neite hi an dam khawchhuak thei lo. Eng hmanga chaw siam thei chauh vek an ni. Thil, a nihna ang taka kan hmuh fiah theihnan pawh eng a ngai a, eng awm lohna ah chuan kan chetvelna pawh a buai zo vek a nih hi. Thimah chuan kawng kan hmu thei lo va, hlauhawm leh hlauhawm lo kan thliar thei lo va, kan mit kan chhawr tangkai thei hek lo. Eng tel lo chuan kan khawsa thei lo a ni
Khawvel Eng - Isua : Isua hi khawvel eng a nih thu Johana 1:9, 8:12 ah te kan hmu. Isua tel lova khawvela nun kan hman chhung chuan thimah kan cheng tihna a ni. Nuamsa takin awm mah ila, Kawng leh Thutak leh Nunna Isua kan neih loh chuan kawngbo kan ni tho. Kan hlawhtlinna te, ropuina leh hmingthatna te pawhin kan damchhung bak a daih lo. Tin, kan nunna atana tha leh tha lo pawh kan finna atangin kan teh ang a, a dik zik tluak chuang lo . Kan hlimna leh lawmna pawh hian tawp chin a nei a, lungngaihn…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…