Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

@@Kahrawt YMA {Kahrawtians}

Khawtlang Nun Siamthat

(Politics leh Economics)


1. Politician ten Politics Ethics an zah zo lo, an insawisel ang em em hi chuan a lo chhe hauh lo :
Lal duh luat avanga, mahni policy sawi duh tawk lo, Party dang sawt a deusawh thiam viaute hi Politicians an ni hauhlo. Hengmi, Lal duh luat avanga mipui tichiai thei \awngkam uchuak leh dengkhawng tak takte kamchhuak avang hian mi tamtak ten Politician te chu eiruk hmang, dawt sawi ching, repair tlak loh, replace ngai ang hialin an sawi \hin a, a pawi hle mai. Chuvangin, mi\henkhat te chuan Politics chu tlemte dinchhuahna, tamtak te \ahna, infiamna tenawm ber ti te pawhin an lo sawi hial \hin reng a ni.
Amaherawhchu, chik zawka belhchian erawh chuan Political Party tin hian kan hriatphak bakin ram hi an lo vei em em theuh a, an hahin an taksa pawhin a tuar em em thin a. Chuvangin Politician te an in sawisel ang em em hi chuan an la chhe hauh lo.Zoram hi siam theih a ni a, siam \hat a la ni ang.
2. Dan leh thupek kenkawh a, Dan leh hrai zawm a tul : Kan dan hman mekte hi a sin lutuk chuan, mite te chauh a man
thei anga, milian ten an tal chat leh si ang tih a hlauhawm a ni. Chuvangin, len tlak a rual theih nan MLA leh Politician ten dan an pawisak a, an zawm chu kan phut hmasa lo thei lo. Chumi dawtah chuan Sawrkar hnathawk te chungah beiseina kan nei lian leh ngei bawk ang. Tun kan dinhmuna nawrh kan ching ta lutuk te leh khawbil thil ngiata, midangte dawn lek lova kawng danchah te hi a inlainat loh thlak hle a. MLA ten an hlawh tihpun chungchanga an lungrual thlap ang hian Dan leh hrai kenkawhna kawngah, Political Party hrang hrangte hi inthurual thei sela chuan Dan leh thupekin awmzia a nei ngei ang. Dan hriat loh hi hremna pumpelh nan chhuanlam a tlinglo ti bawk \hin mah ila, kan state naupan dan en chuan hmasawn ve tak chu kan ni lawm ni.
3. Mipuiten Politics dik kan hriat a tul : Democratics ramah chuan roreltu MLA te hi mipui thlan an nih avangin MLA te zah leh pawisak hi kan tihtur a ni a. Ram rawngbawl mumal hman hauh lova, mitthi in tina kal tura kan beisei leh ruang phur tura kan ring ngawt zel te, budget a awm hauhlo pawl leh mimalin therhlo kan beisei nasa ta lutuk pawh hi zawi zawiin a la reh chho turah beisei ila. NGO tana Cantral Sponsor scheme hrang hrangte hi an zirchiang hman tawh anga, project/scheme hrang hrang hmang tangkai thei turin MLA ten min la finchhuah anga, vantlang mamawh, \hutthleng, bawngtuthlawh, suahdur, YMA ten kan sawichhuah apianga thil dil YMA min tih \hinte pawh a la bo ang.

Khuangchera Section
Ni 29.5.2009 hian Tamdil kal tur a ni a, a kal thei turte chu Dt.26.5.2009 ral hmain Tv K. Romalsawma, Secretary hnenah Rs 150 kengin in report tur a ni. Hemi hma a in report lo chu kal lo tura ngaih an ni ang. Dt.20.5.09 khan Committee an nei a. Zirtawp zan khan Members Meeting neih a ni bawk. Sumtuak nan Pu K. Thanchungnunga (UPC NEI Pas­tor) huan an thlo a, Presbyterian Pastor Quarter bankhur laiin an in hlawh bawk a, in hlawhna siam sak tute chungah lawmthu an sawi a ni. Nilai hian Tamdil kal turten Motor hman man tuak nan hnatlang neih leh tur a ni.

Lawmthu
Sunday zingkar khan BDO chu a chenna in lamah Kahrawt Commu­nity Hall tur chungchangah V/C leh YMA OB ten va hmuh a ni a, hemi a kalna atan ah hian Pu Lalruatliana(Vanapa Section Asst. Leader) leh Pu Rodinpuia ten an Motor an thawh chhuah avangin an chungah Branch YMA chuan lawmthu a sawi a ni.
Zirtawpni khan Vanapa Sec­tion huamchhung kawngpui leh tuiluankawr te tifaiin BC English Academy naupangte an hnatlang a, an chungah Branch YMA chuan lawmthu a sawi takzet a ni.

Hnatlang
Ningani zingkar khan Thlanmual ah Lung thiara hnatlang neih a ni a, Nimin zing khan hnatlang neih chhun zawm leh a ni, member thawk chhuakte chungah Branch chuan lawmthu a sawi a ni.

Buatsaihtute Kamchhuak

Sex
Hmanni lawkah Zoram pum huap dengchhuak dawt khawpin kan zaithiam pakhat chu sex video avangin mualpho hle a, midang pawh hmuh tur a awm ta zeuh zeuh bawk. Tuna kan dinhmunah chuan kan thalaite zingah sex hian bu a khuar nghet tawh hle a, nula tlangval inngaizawng apiang sex hman tur emaw kan ti tawh niin a lang. Sex hi kan ngaizam em em tawh a, in chibai ang lekin kan ngai tawh emawni, hei hian natna thalo tak tak min thlenin min chiah mek anih hi. Nupui pasal neih ni thlenga nulat tlangval thianghlimna vawnghim hi kan khawchhungah hian mi engzat
tak awm ang maw!! Ngaihtuahna a ti thui khawp mai.
Mobile phone changkang, manto leh tha tak tak kan nei a. Kan nula leh tlangvalte phone-ah hian eng video nge awm le? Sex lam hawi thil eng eng emaw a awm ruih lo maw?. Hei hian kan nula tlangvalte nun a tikhawlo thei hle awm e. Hetiang thil kan en hian sex hman chakna te, kan ngaihtuah ngailoh thil tam tak min ngaihtuah tir \hin a, he thil avang hian naupang tak takin nupui pasal kan neih phah ni te in a lang. Hei vang hian nu leh pate pawh kan fimkhur lehzual a hun takzet ta.

V/C Thuchhuak
Tunlai hian thlai tiah a hun tak avang leh mipui tan a hnawk sak avangin Ui leh Ar tuman pawnah chhuah tawh loh tur a ni a. Khuahkhirh lova khawlaia hmuh an nih a, kut palh an tuar a nih pawhin tuman an sawisel thei lovang.
Secretary
Village Council/Court
Kahrawt

HSSLC Pass
Lalnunchawii D/o Thanghuliana chuan HSSLC chu a pass thar a, English leh Mizo subject ah letter a hmu a, kan lawmpuiin kan chhuang hle.

Phal a ni lo
Rohmingthanga Children Recre­ation Centre bulah hian Motor in hung a awm thin a, hei hian a tih tawp mai bakah a khu hian a tih balh hian a tih balh \hin avangin tumah Motor dah tawh lo turin Kahrawt Welfare Committee chuan a ngen a ni.

CHRD

** Vengthar lamah Sathin ka la Order hman lo a ni e. A hlawminhlawh ka la tep tawh e.
-Papuia (K.Sec)
** Kan pa hi UN President ngat a nih hi, chhuanawm ve tak a ni.
- Pi Ngaipuii (K. Sec) (Unit President a tihna a nia)


Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…