Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Vengsang YMA {Vengsang}

Sub-Headquarters YMA, Champhai bul tumin Nuncha humhalh kawnga training neih a ni.
The Vengsang 17th May, 2009 :
Ni 13.5.2009 (Nilaini) khan Sub-Headquarte YMA office, Tlangrawt-ah Sub-Headquarters YMA bultumin Murlen sanctuary leh Lengteng tlang bul vela khua (Fringe village) 13 a VC leh YMA hruaitute tan nungcha humhalh kawnga training pek a ni. He training ah hian Pu Liankima Lailung DCF, Aizawl leh Pu C.Lalbiaka DFO Wildlife Division Khawzawl ten zirtirna an pe a ni.
Training hi hun hnihah thenin a hun hmasa zawk hi Pu C.Lalawmpuia President in a kaihruaia, Pu Liankima’n zirtirna a pe in ramsa kan pi leh pu ten a hming an lo phuah tawhsa te pawh hmuh tur awm lo a awm theuh tawh tih sawiin a bik takin Mizoram State Bird ‘Vavu’ pawh hmuh tur a van tawh zia a sawi a. Heng kan sanctuary te hi zin mite hipna tha tak leh a bul vel khua tan sum lakluhna tha tak ni thei a nih lai in ram dang England, USA leh Switzerland atangte pawhin enturin mi an lokal thin a mahse ramsa hmuh tur a awm thin loh avangin beidawngin an haw leh thin a ni a ti a, hei hian Mizote min hmuh dan tur a hril avangin thil zahthlak tak a ni a ti bawk. Ramsa humhalhna avangin nikum chhung khan buh leh thlai a khawih pawi zangna dawm nan cheng nuai 12 lai senral a nih thu a sawi tel bawk.
Chawhnu lam hun hi Pu Lalhnunpuia Secretary in kaihruiain Pu C.Lalbiaka’n zirtirna a pe ve thung a ni. Pu C.Lalkima hian mihringte leh ramsate inlaichinna leh kan inmamawh tawn dante ngaihnawm takin a sawi a. Tin, ramsa laka hlei len te hremna dan chiang takin a sawi lang bawk.
Zirtirna neih zawh anih hnu ah sawihona neih zui a ni a, sawihona ah hian ram vah ching ten ram hal mai an hrat thu leh eizawn nana hmang ten an suat nasat zia sawi lan a ni.
Sub-Headquarters hruaituten an sawmna ngaipawimawha training rawn tihlawhtling tute zawng zawng chungah lawmthu an sawi mawlh mawlh a ni.

=========================

Committee :
Harsatna dang a awm loh chuan kar leh Thawhleh zan khian Branch committee neih tum a ni.Agenda atan YMA Day hman dan tur, Kum Puan hmalak dan tur, Mawhphurhna insiam dan tur leh AOB. Committee member te kal thei theuh tura lo inbuatsaih tura ngen in ni e.

Member Budget :
Tunlai hian Branch OB leh Section OB te’n member budget an khawn mek a, member te’n harsatna siam lova lo pe fel nghal zel turin kan in ngen a ni.

Buatsaih :
Nilaini a Sub-Headquarters YMA bultuma nuncha humhalh kawnga training YMA office Tlangrawt a neih na ah kan Branch chu ei leh in tlawmngaia buatsaih tura ngen kan nih angin Branch OB leh member tlawmngai te’n an buaihsaih sak.

Thisen pe
Vanlalthlengi kum 28, Khawhai (S) pumna avanga Champhai District Hospital a awm chu thawhlehni khan thisen pek ngaiin a awm a, Tv. Lalhlimpuia S/o Pu Lalpianthanga (L) Vanapa Section in a pe.

DAMLO
Pu T. Rozama N.Sec (Hospt, Road) Pi Zingpuii pasal chu Kolkata ah tunah enkawl mek a ni.Pi Fungliani zokawngchho a mi pawh an chenna inah enkawl mek a ni.

AWMLAI
Pu Engliana Sailo Kum 88 chu Ni 13.5.2009 zinglam dar 10:30-ah an chenna in ah Ashma natna vangin a boral. A ruang hi tlaivarpui a nih hnuin a tukah Hosipal road hnuai thlanmualah vuiliam a ni Chhiattawk chhungte kan tuarpuiin Pathian in awmpuiin thlamuan se kan ti.

=========================

Hriat ve mai mai atan
THLAWHNA KAWNG?

Thlawhna (Jet plane) mei lama meikhu var chhuak ni awm taka lang hi tuihu (water vapour) a ni a, Thlawhna tuialhthei kangin boruak chi khat HYDROGEN a pek chhuah kha boruak (oxigen)nen a in tawh veleh tuihu ah a insiam a, chu tuihu chu boruaka a lo insiam veleh a khang a, lei atanga thlirtu tan meikhu var ang takin a lang thin. Thlasik boruak a vawh lai chuan kha tuihu kha boruaka kal ral mai lovin a cham a, nipui lai erawh chuan tuihu kha boruak lumah a riral vat a, chuvangin thlasik laiin rei tak leh sei tak takin a lan laiin Nipui erawh chuan a lang thei thin lo a ni.

VAWH VANGA KHURH?
Thlasik khawvawtah emaw, vawtah kan awm reiin vawt kan ti a, kan khur thin. kan khurh laiin khurh loh pawh tum i la, kan khur thin. A chhan chu kan taksa lumna tlahniam zel tur veng turin kan taksa a lo khur mai zawk a ni. Kan taksa a khurh hian kan timur (cells) chaw tamtak siamin chakna leh lumna thahrui a pe chhuak tam a, chu chuan kan taksa vawt zual zel tur kha a veng thin a ni.

KHUAVANGCHHINCHHIAH
Hei Khuavangin min chhinchhiah tak tak ni lovin, vun rawng (melanin pignet) inhlawm muk vun chhung lama tlakhawm vang mai a ni a, kan taksa khawi laiah pawh a awm thei vek. A sen uk deuh te leh a dum te pawh a ni thei a, a then te chu kan pianpui a nih lain a then erawh a awm thar thei bawk. Thil pangai a ni a, taksa tan a pawi lem lo. A len zel leh a rawng a inthlak erawh chuan ngaihthah loh a tha thung.

================

Englo Huang

J Mi mai mai ka ni lo, ka duh hun hunah AIRTEL hi ka OFF thei !
- Lalkhuma (Tete-a)
J Veng te u, bye bye ule, Kahrawt lamah ka ekna ka sawn ta..
- RSP-i K Sec.
J Kei chu hnaite, lunga vawmphak ah NUPUI kan nei keuh mai...
-Chhuantea Mualbawk
J Tlaivar zan zet chu nikum urlawk zan ang deuh khan ka awm ut mai, ka polite over tawp.. Hahahaha
-Marova K Sec
J Lianmawi, inkhelh laia pawnlam ringawt meih hian chakna min thlen lo tih hre tawh rawh. Inkhelh zawh ah pawh a bulah i thu thei tho alom.
- Siammawia K.F.T Keifang tlang
J Tualte return tlangval-2 hian chaw aiin top up ka heh zawk.
- Sena (Pre VSC) T. Sec
J Kei chu Keifang tlang lam hi ka ngaihven tawp.
- Ringi Hospital (Laltlunga Nau)
J Zinglam chhas be hma thei of the year ah min thlang ru, khawvar hma ka khalh ziah!
- Raymond-a YMA Lungphun bul
J Biate Nula.. Aw Zan Lal Nu.. ka tawn ve chhun, ka han kuah thei lo che chu awww
- Enkawla (Tuka) N Sec.
J Damlai lu sun mah i la Ruantlang lam hawi in zung khu vet vet toh mai...
- Tâ-i K Sec.
J Uchhum hman hmawh teh, ka nghak si che a, TITLE thar neih thuai thuai ka chak a nia..
.-Lâchhuana N Sec. (Hospt. Road)

======================

Editorial :
Kum Puan kan neih thin hi ?

YMA hian Kum Puan chi hrang hrang Ram leh hnam humhalh, Zirna Uar kum, Ramngaw leh Nungcha humhalh, Ruihhlo Do leh a dangte a lo nei tawh a, chungte chu a hun lai chuan kan bawhzui nasa in a hlawhtlin theih nan tha leh tui tam tak kan seng thin, sawt pawh a sawt viau a ni.
Kan kum puan te hi a kan puan kum chuan kan ti tha viau thin a ni, amaherawhchu hei hian rei a daih thin lo hi a pawina a ni. Member ni ve lo chuan lo theihnghilhin lo hlamchhiah ta pawh nise a awm viau, member kan nih erawh chuan kan ken tlang a ngai a ni. Heng kan kum puan neih thinte hi a dang kum puana kan neih hian kan hlamchhiah tur tihna nilovin kan hmalakna kan zauh tihna a ni zawk a ni. Kan kum puan thinte hi hma kan lakna tur vek a ni a, a bika uar atan a kum kan puang mai a ni, chutih rual chuan a engmah hi kan hlamchhiah tur a ni lo thung.
Member tam tak hian kan kan kum puante hi kan hriat dan a chiang tawk lo ni in a lang. Kan puan kum a liam chuan liam ve ta mai ah kan ngai a, kan hlamchhiah mai thin. Chutiang nilovin ‘A ruh no no chhuakah’ tihna khawvela Mizote kan din khawchhuah theih nana thil tangkai tak vek an ni a, kum hnih khat leka hlawhtlin nghal mai thei pawh an ni lo, nunphung a neih ngai an ni hlawm a ni. Chuvangin kan kum puan neihte hi a engamah hlamchhiah lovin YMA member kan nih chuan a zavai in kan ken kawha kan nuna beh tir tlat hi kan mawhphurhna a ni tih i hre thar leh ang u.

===========================

SECTION NEWS

KHUANGCHERA

Tun kar lo awm tur ninga ni ah hian Section Committee neih tum a ni a, he Committee ah hian Section sum tuak dan tur leh Kudam bungrua enkawl dan tur te an rel dawn a ni. Committee member te lo in ring lawk tura hriattir nghal in ni e.

Tualchhung
V.C News :

Tunlai hian BDO Office lamin Job Card an endik meka, India khua leh tui te chauh in Job Card hi neih theih anih avangin MLA leh MP Roll endik nan hman a ni dawn a, Kan veng chhung a awm si kan veng MLA leh MP roll a awm lo hmun danga awm te’n ID card (EPIC) kengin VC Secretary Pu Rambuatsaiha hnenah vawiin (Chawlhni) ral hma ngeiin in report tur a ni. Hei hian Job Card cancell (paih sak) thlenga nghawng a neih theih avangin ngaipawimawh tura hriattir kan ni.

Ni 100 inhlawhna :
Tunlai hian ni za inhlawhna ni 7 chung thawh a chhuak a, veng chhung hmun hrang hrangah thawh mek a ni.

====================

HRISELNA HUANG
Tha si - Hlauhawm si

D.D.T - Dichloro Diphenyl Trichloroethane kan tih hi Tur chikhat a ni ve mai a. Mahse a hlauhawm dan te hi kan hrechiang lo riau in a lang a. Khawvel ram changkang zawk chuan an hmang tawhlo a ni.Mahse keini Malaria Belt (Monsoon Area) a awm tan chuan hman tur dang kan nei si lova, kan hmang leh mai thin a ni.
D.D.T hian kut ke zeng ang deuh tha zawi emaw, a khawng emaw, pum nuamlo ang te’n kan taksa ah hian a thawk a. Tunlai leh 2006 atang khan Thalai ke zawi, kal hleitheilo, kut hmawr chauh zeng si ang chi hi kan ngah em em mai a. Kawng achin hnuailam hi a zeng a ni ber mai. A chhan hriat a har hle mai. Silchar atanga kan thlai lakluh ho hi D.D.T in an phul leh phul loh kan hre bawk si lo. D.D.T hi tuiah a chakna hi a ral ve thei lova, chuvangin thosi kap hovin an kah pawhin, ei siamna lai vel chu an kap ngailo. Tur mak tak anihna chu, eng rannung mah hian haw lo an awmlo, thosi an kah a, a var bet that te hi a tur a dal chuang lova, thosi a lo fuk veleh a thihpui ve mai a ni.
Kan sawi tawh ang khan, tui pawhin a tidal theilo a ni a, mi tam takin huan thlai an chin dawnin D.D.T te in an chawhpawlh a, a thenin a bulah an phul bawk a, chu chuan a zung atangin a thlai a kha a fan chhuak vek a, a hnah leh rah ah te DDT rim a nam chhuak thei a ni. Chuvang chuan thlai ei chi reng reng bulah phul loh tur. I awmna ah hnawm a tam deuh a, rul, sazu, pangang etc. an lokal thin anih chuan i in hual chhuakin D.D.T phul kual vek la, rannung leia kal bawkvak ho chuan an paltlang ngamlo a ni. Hetiang hi anih avangin, Malaria tihreh nan a tha si a, Malaria kan ngah bawk si, tha si hlauhawm si a ni.
Mai chi kha D.D.T in phulin tuh la, a rah hunah han phel la, han chhum la, D.D.T rim i hre ve ngei ngei ang.Hetiang anih vang hian thlai chi atanga a rah thleng pawhin a tur nihna hi a hloh lo reng reng a. Hei vang tak hian eitur chi reng reng nen a in hnaih tur a ni lo. I bang var tuarh a an kah kha engmah lo maiah lo ngai suh, I hrufai anih loh chuan tur chak tak a ni reng a ni, Mizote hian D.D.T hi kan hmang uar hle a, heng vangte pawh hi aniang, pum nuamlo leh zeng ang deuh kan ngah nanchhan hi.. Chuvangin i fimkhur ang u, D.D.T hi a hmanna tur dik tak ah hman a, thlaileh eitur chireng reng a dek tur a ni lo, a hmandan hi i hrechiang theuh ang u. (Courtesy- HRISELNA Magazine)

Comments

Popular posts from this blog

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai

MZP TEN CHAWIMAWI : Nimin khan MZP Champhai Hqrs te chuan MZU-in Under Graduate result a tih chhuah taka Govt Champhai College atanga Top ten-a langte chawimawina hun an hmang. He hun Govt Champhai College Seminar Hall-a neih hi Lalthanfela MZP Hqrs Champhai Secretary chuan kaihhruaiin Asscociate Prof. Lalchhanhimi Khiangte, Principal Govt. Champhai College chuan khuallian niin a hmanpui a. Khuallian chuan thusawiin zirlai titha chawimawi nachang kan hre chho zel hi hmasawnna nasa tak a ni a, hetiang zirlai chawimawi tlak Govt. Champhai College-in kan nei pawh hi thil ropui tak a ni tiin an kal zelna turah duhsakna a hlan a. College zawhah hian zirna tak tak a intan chauh thu sawiin zirlai ngawr ngawr piah lamah hriatna tizau thei zawnga tan la turin fuihin zirna kawngah hian a tawp kan khar that hi a pawimawh hle a ni a ti. Govt. Champhai College chu nasa taka hma sawnin a zahpui awm tawh lo hle a ni a ti a, zirna lama hming lang thei zirlai nei turin tan a la chho mek a ni a ti ba…

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…