Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Vengthlang Kohhran {Kohhran Aw}

Editorial : Intawngtaipui A Tul
Bial khawmpuiah kan kohhran in tual upa 8 thlan kan dil a, Pathianin mi 6 min pe. Anni bak pawh mi tha tak tak an awm ngei ang, mahse tuna tan chuan Pathianin a mi ruat, kan tana tha leh tawk a tih min pe tihah kan chian a hle. Upa pawh kan dil a, kan hmuh ang angah mipui kan lawm thiam zel a ngai.
Heng tual upa min pekte tan hian kan tawngtai nasat a tul hle.An taksa mamawh hriselnate, chhung- kaw lungrualnate bakah kohhran tana rorel tur leh thlarau chaw min pe tur an nih avangin an thlarau nun chakna atana dilpui mawlh mawlh hi kohhran mipuite mawhphurhna a ni. An tlinloh naah pawh mi hnena rel mai lovin tawngtaina nena kan dilpui hnuah hmaichhanah hrilh ngam ila. Kan har- satnate pawh sawipui ila, annin min lo tawngtaipui ve bawk ang a, chak- na kan inpe tawn thei dawn a ni.
Anni bakah kan upa te, KTP, Kohhran Hmeichhia leh Pavalaia kan hruaitute, Committee peng hrang hranga kan hruaitute, Pastor leh Pro-Pastor te tan pawh mipui te i tawngtai thin ang u. Hetiang chiah hian koh- hrana kan hruaitu hrang hrangte pawh hian mipui, chak lo leh chhang chhe tak te tana tawngtai hi an tihtur a ni tih hi theihnghilh lo se la. Pulpit atanga min auh bakah kan inchhung ah te tun aia uarin min luhchilh bawk se la, a va nuam dawn em! Intawngtaipui zel ang u.

========================================

BIBLE STUDY : ROM LEHKHATHAWN
( Rev. Wiliam Barclay hrilfiahna atanga lakchhawn )
Pathian hre duh lo nun ( Rom 1:28-32):Chhunzawmna: Inhauna(eris): A sawi tum ber chu itsikna, tum sanna bakah hmingthat emaw hmun ram emaw hna emaw lansarh duhna avang emaw a inngeihlohna a ni. Itsikna laka fihlim chuan inngeihlohna thui tak a hneh tawh a ni. Mahni hlawhtlinna anga mite hlawhtlina lawmpui theihna hi Pathian thilpek a ni. Bumna(dolos) : Hei hi mihringa rilru kawikawm tak, ngil taka thiltih thiamlohna, a duhzawng neinan a puanhnuai thil leh thil tawp tak pawh tih hrehlohna, tum engemaw tha lo tak nei rana tih duhna sawina a ni. Nungchang thatlohna(kakoetheia) : A awmze bulah chuan sualna pianpui sa tihna a ni. Aristotle chuan, “ Midangte tana thil thalo ber suangtuahna rilru” a ti a. Jeremy Taylor chuan,” Kan pianpui rilru, a ni lo zawnga thil lak tlatna leh a ni lo zawnga kan sawifiah luih talhna rilru” a ti bawk. hei hi sual langsar ber a ni ang. Mi thiltihah sawi dan tur pahnih awm ta se, mihring rilru chuan a chhe zawk a thlang thin. Hmingthatna tam tak hi thingpui in paha kan titinaah hian kan tichhe nasa hle a, sawisel tur awm lo thiltih pawh kan sawi pawr talh zel. Hetianga kan sawi dawn apiangin kan thusawi zawng zawng hi Pathianin a hria a, a chhinchhiah thin tih hre thin ila a tha hle. Sesea thu lak hmang leh mi rel hmang(Psithurisres & katalalos) Heng thu pahnih te hi mi rel hrat lei neitute sawina ve ve an ni a, an danglamna chu : Mi rel hmang chuan a langsar takin mi a rel a, mi pawh a cha chhuah mai thin; sesea thulak hmang erawh chuan mi kai hrangin an beng bulah thu ngeiawm tak tak a sawi thung. An tha lo ve ve a, sesea thulak hmang hi an tha lo zawk. Ualau taka mi rel ching lakah chuan a inven theih a, mi hrilhruk chingte lakah chuan inven a har hle. Pathian hawtu(theostugeis): Pahian thu a zawm loh avanga Pathian hawtu tihna a ni. Pathian chu amah leh nawmsakna inkarah a ding a, a duhzawng a tih theih lohnana phuartu khaidiat a ni si a. Theih chu ni se, lawm takin Pathian hi a paih bo ang a, Pathian awm lohna khawvel chuan a duh anga awm theihna a pe dawnin a hria a ni. Intivei (hubristes): Grik tawnga hubris chu pathiante atanga chhiatna ko thla thei sualna uchuak sawina a ni. A awmze pakhat chu chapona rilru vanga Pathian duhlohna a ni. Thilsiam mai a nih intheihnghilh a, a hamthatna leh a chunga khawrel pawh duhlohna leh a hausakna leh a thiltihtheihna hmanga mahni a awm thei hle a inhriatna rilru a ni. A awmze dang leh chu, mi nunrawng leh mi hmusit ching, thu rawva deuh deuh sawia lawma lo kiai suk thin, mite rilru leh taksa a hreawm an tawrhna a lo lawm thin mi tihna a ni. Chapo( huperephanos) : Theophylact chuan ‘sual zawng zawng insuihkhawmna’ a ti a, Theophras tus pawhin ‘mahni tih loh midang zawng zawng ngeina’ a ti bawk. Eng hna emaw thawk tura sawmin mi chapo chuan a hna tul avanga hun a neih loh thuin a hnar a, mi chaw ei tura a sawm pawhin amah inlan lovin a chhiahhlawh a lo dawnsawn tir ang a, midang an lan tet theihna tura awm chu a lawmna a ni. Sual thar tichhuaktu (ephreu- retes kakon) : Sualna awm sa leh awm mek a lungawi zo lo, sualna thar zawng a, chingtu, sual naran ning, sual thara phur em em sawina a ni.

==================================

Buhfaitham Hralhtu-May
Miriami Gr. : 1) Pi Lalremmawii
2) Pi Lalrinpuii
3) Pi Zosiamthangi
4) Pi Vanlalngheti
Estheri Gr. : 1) Pi Biakthuami
2) Pi Lalzamliani
3) Pi H. Rokimi
4) Pi Lalchhandami
Rebeki Gr. : 1) Pi R. Lalengzauvi
2) Pi F. Ramfangzauvi
3) Pi Lalpartlani
4) Pi H. Lalnuntluangi
Hani Gr. : 1) Pi K. Lalhmingliani
2) Pi Roluti
3) Pi Lalngairengi
4) Pi Vanlalvuani
Sari Gr. : 1) Pi Zionthangi
2) Pi Nunthari
3) Pi Vanneihmawii
4) Pi Zirkungi
Ruthi Gr. : 1) Pi Thuampuii
2) Pi Zosiami
3) Pi Lallianpuii
4) Pi TC Lalbiaknguri
Rakili Gr. : 1)Pi Ngurliani Sailo
2) Pi C. Thakhumi
3) Pi Rengchhawni
4) Pi Ramdinliani

Tawngtaipui Ang UDt.28 April - 2nd May chhung khan Pu Zodinsanga leh a thiante’n Ramthar kohhranah Camping an nei a, mi 35 an lut.Tin, Tv. Rohmingthanga leh Tv. Lalhmingsanga te pawh Khaw- bung S ah rawngbawlna an nei mek a, Kraws Hnehna Maicham Team te pawh aizawlah rawng an bawl mek. Kar hmasa khan Electric Vengah, Tunkar chhung khan Khatla, New capital Complex ah, karleh atangin Tlangnuamah an lut ang. Heng kan kohhran member, rawngbawla feh- chhuakte hi i tawngtaipui zel ang u.


Pathian Ram Khaikhawmtu
Kum 2009-2010 chhunga Pathian ram thilpek khaikhawmtu atan heng mite hi ruat an ni : T Upa H. Thang-liana, Pu K. Thangdailova, Pu F. Lal famkima.

Nilai Zan Hun Hman Dan

Dt.29.4.2009(Nilaini) zan khan Zolianmawia s/o Pi Ramthangi chu inngaihna suala a tluk avangin thunun a ni. Tin, Pu Andrew Zohmangaiha, Pi C. Zonuntluangi pasal chu a tes- timonial chhiar chhuah a ni bawk.


Inkhawm Chhiarna
22.4.09 (Nilai Zan) : 196
25.4.09 (Inrinni Zan) : 203
26.4.09 (Pathianni Chhun) : 206
26.4.09 (Pathianni Zan) : 275


Inkhawm Hun Sawn
2nd May 2009 (Inrinni Zan) atangin kohhran inkhawmah dar 6:30 P.M ah dar khatna riin dar 7:00 P.M ah dar hnihna a ri thin tawh ang.


Innei Lawmpuina
Dt.30.4.2009(Ningani), 2:00 P.M khan Malsawma s/o Pu Hmun- mawia (L) leh B. Lalhmangaihzuali d/o B. Vanlalchhuanga, Armed Veng, Aizawl te chu kan Biak inah kohhran dan thianghlimin an innei. Kohhranin duhsakna a hlan a, Malsawma hi tun kuma kan kohhran dan thianghlima innei 9-na a ni.


Bookroom Conference
Dt.30.4.09(Ningani) khan Mission Venga Zosaphluia Building-ah Synod Bookroom Conference 2009 an nei a, kum hmasa lama an thawhchhuah Rs3,38,95,830/- chu Rs 4,57,65, 000/- zet hmuin an khum chiang hle. Kum 2009-2010 budget atan Rs 4,30,00,000/- pawm a ni. Kum kalta a Branch titha zual pathum te chu: 1. Chanmari Br. Aizawl, 2. Bara Bazar Br., Aizawl. 3. Kolasib Br. te an ni.


Branch KTP
Thlakhata Vawikhat, Pathian ni tlaia, Kohhran Centenary Hall-a chawngheia tawngtai an neih thinah hian, tawngtai tur apiangin mahni ei ai buhfai remchan dan tawk ang zela ken khawm thin tawh nise an ti a,hei hi Evangelical Sub-Committee ten an lo buaipui ang a. rawngbawlna tul apianga hman tur atana ruahmanna an siam a ni e.


SS Report : Dt.26.04.2009
Particulars Puitling Naupang
Hming ziak 1124 847
Kal zat 603 685
Kal lo 521 135
Thawhlawm Rs 5068 Rs 2371


Pangpar Tuipek Dan
Biak in hungchhunga pangpar,tuipek dan tur hetiang hi a ni ang :
4th - 10th May : Ruthi Group


Pathian Ram Thilpek-April
Kum 2009-2010 atana Pathian ram thilpek kan lak khawm hmasak ber (April -09) chu hetiang hi a ni :
Pathian ram : Rs 2,13,290/-
Ramthar : Rs 1,29,680/-
Tualchhung : Rs 95120/-
Centenary : Rs 75071/-
A vaiin : Rs 5,13,161/-
Ip tla zat : 354

Thilpek Chingfeltu - May
May 2009 chhunga thilpek chingfeltu atan heng mite hi ruat an ni :-
1) T Upa C. Hualchhunga
2) Pu Rohlira Colney
3) Pu C. Rochungnunga
4) Pu H. Rothangliana
5) Pu C. Lalchharliana

Hla Hruaitute - May
May 2009 chhunga Pathian biak inkhawma hla hruaitu tur te:
1) Pu Rualkhuma Hmar
2) Pu Ralkapthanga
3) Tv. C. Vanlalpeka
4) Pi Lalhriatluangi
5) Tv. Joseph Vanlalpeka


B.S.I Pual
BSI rawngbawlnaah kan kohhran kan harh thar nasa hle a, BSI Local hruaitute’n kohhran mipuite hnenah lawmthu an sawi mawlh mawlh a ni. Tin, BSI-a kan rawngbawlna avanga kan chunga Pathian hnathawh, finfiah theih ngei kan hnena thlenga awm a nih chuan Pu C. Hualchhung hnenah thehluh tur a ni ang. Tin, vawiin chawhnu inkhawmah Zote Branch tlawh tur a ni a, dar 12:00 ah Biak in tualah innghahkhawm tur a ni.Branch hruaitu leh zaipawl phei chu tel ngei tura beisei in ni e.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…