Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Vengthlang Kohhran {Kohhran Aw}

Editorial : Puan In Zauh
Alaska state(USA) a tlang sang tak hnuaiah hian kawngpui atanga hla deuh hlekah Biak In darthlalang veka sak hi a awm a. Pawn hla deuh atanga thlir pawhin mawi tak a ni, a thianghlim bakah a sak dan chu mawi tak a ni. Mahse, a inkhawm an awm ngai mang lo.
Engatinge? Mi kalpawh mai phak lovah a awm a, bawlhhlawh hlek pawh a langsar lutuk bawk. Mawi hle mahse, mi a hip tlat lo. Kohhran hi a neitu Lal Isuan chuan mi zawng zawng lenna turin a siam a, mahse, a chhunga chengte kan rilru a zim a, kan khawng lutuk a, inrel neuh neuh kan hrat bawk chuan thlarau bo kan hip miah lo vang. Keimahni ngei pawh tawt teuhin kan awm thei. Rilru mangang te, misual kan tih mai te pawh hi huilut zel ila, kan Lalpa duhdan chu a ni ngei ang. Fapa tlanbo u zawk ang maia kel te beisei a, mi thar te lo thikna rilru put hi hlauhawm tak a ni. Huapzo kohhran a nihna ang takin kan puan in i zauh zel ang u.
Biak ina inkhawm thin te, a bik takin kohhran hruaitute phei chu inkhawm thang leh thang lem lo te tana nelawm turin rilru zau put a tul khawp mai. Damlo leh Pathian thu a mi mangang te zuan luh ngamna ni turin Thlarau Thianghlim zarah i inbuat saih sauh sauh ang u. Isua pawh a len laini khan mangangte’n an bawr luih luihreng a, chawlh pawh a nei thei lo a nih kha.

====================================

BIBLE STUDY : ROM LEHKHATHAWN
( Rev. Wiliam Barclay hrilfiahna atanga lakchhawn )
Duhsakna vanga mawhphurhna ( Rom 2:1-11): A hma chiah khan Paula hian Pathian hre lote dinhmun rapthlakzia, Pathian thiamloh chantirna hnuaia an awmdan a sawi a. Judate pawhin ringlo mite chu an sual avangin Pathianin a nuai bo dawn tih hi an ring a, an pawmpui hle. Mahse, anmahni ngei pawhin thiamloh an chang thei tih an suangtuah ngai lo. Pathianah duhsakna chanvo bik neiin an inngai a, Pathian chu ringlomi chunga roreltu a ni a, Judate chhanhimtu a ni thung, an ti. Paula hian Judate chu Jentailte ang bawka misual an ni a, Jentailte thiamloh an chantir ang lek a ni, Juda hnam nihnain rorelnaah thiam a chantir dawn lo, hnam zawng ni lovin a nun hman dan atanga teh tur a ni dawn, a ti a ni. Judate chuan khawvel hnam zawng zawngah Judate chiah Pathianin a hmangaih niin an ngai a, khawvel lo la awm turah pawh Israel mi zawng zawngin chanvo an nei ang, an ti. Pathian chuan Jentailte chu bukna pakhatin a buk ang a, Judate erawhchu bukna dangin a buk thung ang, an ti. Justin Martyr-a’n Judate dinhmun tur chungchanga Juda pakhat a hnialna lehkhabu Dialogue With Trypho-ah chuan chu Juda pa chuan, “Tisa a Abrahama thlahte chu misual, ringlomi leh thuawihlo pawh ni se, chatuan lalramah an chanvo nei dawn a ni” a ti. Finna Bu(Book of Wisdom) ziaktu chuan Juda leh Jentail dinhmu khaikhinin heti hian a ziak : “Hengho hi pa angin i hau va, thiam i chantir a, mahse anniho chu lal khawng tak ang maiin thiamloh i chantir a, i zawngchhuak thin( Wisdom 11:9)” “ Keini chu min hrem ngei a, mahse kan hmelmate chu vawi sang khat a tamin i vua a ni( Wisdom 12:22)”. Judate chuan anmahni tiam lovin midang zawng chu rorelna hmabak niin an ngai a. Pathian thinurna lakah chuan an that bikna vang pawh ni lovin, Juda mi an nih hrim hrim vanga him turah an inngai a ni. Paula chuan Judate chu thil pali a hrilh nawn leh a ni. (1) Pathian thatna, entheihna leh dawhtheihna te chu an ngainep a ni. Thatna sawinan hian Grik thumal pahnih agathos leh chrestos a awm a, agathos chuan zilhna, hremna leh thununna a keng tel a, chrestos chuan ngilneihna a keng tel thung. Temple a then khan Isua thatna hi agathos a ni a, uirenu a ngaihdam lai khan chrestos a ni thung. Chuvangin, Paula hian, “ Nangni Judate hian Pathian ngilneihna ropui tak hi hman tangkai phet in tum a ni” a tihna a ni. Entheihna awmzia chu inremna- inhalna leh inhmelmakna tihtawpna- tihna a ni. Mahse inremna hian tawp chin a nei thin. Paula hian, “ Pathian rorelna in la tawng buak loh avang hian himah in inngai a, Pathian hian sima, inlamleta, in kawngte siamthatna hun tha a pe che u a nih hi” a tihna a ni. Dawhtheihna(Grik:makrothumia) hi mihring ze pakhat, phuba la tura thiltih theihna nei reng, mahni duhthu a phuba la rih lo mai sawina a ni. Chuvangin, Paula hian, “ Pathianin a hrem lo che u hi a hrem thei lo che u tihna ah ngai suh u, a dawhtheihzia lantirna a nih hi” a tihna a ni. Commentator ropui tak pakhat chuan, mi tam ber hian hetiang hi chu ka chungah a lo thleng lo vang tih rinna hi kan nei niin a sawi. Judate chuan Pathian hremna laka him turah an inngai nghet bur a, tun thleng hian hetiang rilru pu hi a awm theih viau a ni.

=====================================

Kan Kohhran Atanga Missionary-a Kalte :
1. Pu Vanlalzawma s/o Upa Thangliana(L) Headmaster, Sarihajan(A.P)
2. Pu David Zoramchhana s/o Pu Chawnghnuna Teacher, Diphu(A.P)
3. Pu Lalsangkima s/o Pu Lalthangliana Evangelist, Tameri(Lucknow)
4. Pi Thangpuii w/o Pu Pu Lalsangkima, Evangelist, Tameri(Lucknow)
5. Tv. H. Lalmuanpuia s/o T Upa H. Nghakliana, Teacher, Khagaria(Bihar)
6. Pi J. Romawii d/o Pu Saptawna, Evangelist, Manali( ZEF tirh)
7. Nl. JC Lianmawii d/o Upa JC Rohnuna, Evangelist, Aloe( A.P)
8. Nl. Lalrohlui d/o Pu Vanlalenga Sailo,Evangelist, Noinel(Tripura)
9. Nl. B. Lalrosangi d/o Upa BS Kailiana,Evangelist, Jaigoang(Bhutan)
10. Nl. Lalneihsangi c/o Pi Biakchhungi, Evangelist, New Sachan
11. Nl. Lalhlimpuii d/o Pu Lalhmingthanga,Evangelist, Dimapur, YWAM
12. Nl. Angela Lalduhthlanmawii d/o Pu Chalzama ,Evangelist, Dimapur, YWAM
13. Nl. Zairemtluangi d/o T Upa K. Lalthlengliana, Training, Cambodia

==================================

Synod Tanpuina Dawng
April 2009 atangin Mashihi Sangati evangelist in luah man atan Synod Mission Board-in thlatin Rs 1000/- a rawn tum tawh dawn.
## Karleh atang chuan zing tawngtai inkhawm hi 5:00 A.M atanga tan tawh tur a ni ang.
B.S.I AW
Vawiin chawhnu inkhawmah Cham- phai North B.S.I Branch chuan Veng- thlang Area tlawh programme kan Biak inah an hmang dawn a, inkhawm banah Committee Room-ah B.S.I hruaitute leh collector te inkawmna hun hman tur a ni e.

==================================

SS Report : Dt.10.05.2009
Particulars Puitling Naupang
Hming ziak 1124 860
Kal zat 606 699
Kal lo 518 161
Thawhlawm Rs 4930 Rs 2380

Pangpar Tuipek Dan
Biak in hungchhunga pangpar,tuipek dan tur hetiang hi a ni ang :
18th - 24th May : Miriami Group


Nilai Zan Hun Hman Dan
Dt.13.5.2009(Nilaini) zan khan in- ngaihna suala tlu Chawngthankhumi d/o Pu Kapmawia leh Lalbiakzuali d/o Pu C. Lalrinchhana te thunun an ni a, Pu Lalthlahliana s/o Pu Tha- kunga leh a nupui Pi Laldanmawii te lakluh an ni thung. Tin, Hmunhmeltha kohhran atangin Pu Lalhmingchhuanga s/o Pu Saizama leh a nupui Pi Liandai- lovi leh an fate pathum- Lalremruata, Laldinpuia leh Zonunpari te an rawn pem bawk.

Seminar Neih Tum
Dt.2.5.2009-a birth Control chung- changa seminar bial huapa neih tura rel tawh, Synod hotute leh a changtu Department lam remchan lohna avanga thulh chu Dt. 23.5.2009 (Inrinni) a neih tura ruat fel a ni a, programme kimchang chu bial O.B te kutah dah a ni.

KTP Musical Meet
Bial huap KTP Musical Meet, Venglai kohhrana neih chu Ningani zan(14.5.2009) atang khan tan a ni a, ‘Thianghlim, Thianghlim’ tih hla hmanga zaipawl intihsiak a ni a, Veng thlang KTP quartet ngaihthlak a ni bawk. Zirtawp zan khan ‘Lalpa Pathian Engkimtitheia’ tih hla hmanga zaipawl intihsiak lehin trio leh duet a awm bawk. Thawhtan(18.5.2009) zan hian a kharna hun hman a ni ang a, Pu Lalsangliana, Asst. Leader in inkhawm kaihruaiin Leader, Tv. Lallawmthanga’n thuchah tawi a sawi ang. Faifuka intihsiak a ni ang a, wor- ship dance, Branch tinte’n an entir bawk ang. Pro Pastor C. Lalruat- kima’n lawmman a sem ang.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Sermon

Ringtute Hi Khawvel Eng Kan Ni
Chang thlan : Matthaia 5 : 14 - 16
Eng tel lo chuan khawvela nunna neite hi an dam khawchhuak thei lo. Eng hmanga chaw siam thei chauh vek an ni. Thil, a nihna ang taka kan hmuh fiah theihnan pawh eng a ngai a, eng awm lohna ah chuan kan chetvelna pawh a buai zo vek a nih hi. Thimah chuan kawng kan hmu thei lo va, hlauhawm leh hlauhawm lo kan thliar thei lo va, kan mit kan chhawr tangkai thei hek lo. Eng tel lo chuan kan khawsa thei lo a ni
Khawvel Eng - Isua : Isua hi khawvel eng a nih thu Johana 1:9, 8:12 ah te kan hmu. Isua tel lova khawvela nun kan hman chhung chuan thimah kan cheng tihna a ni. Nuamsa takin awm mah ila, Kawng leh Thutak leh Nunna Isua kan neih loh chuan kawngbo kan ni tho. Kan hlawhtlinna te, ropuina leh hmingthatna te pawhin kan damchhung bak a daih lo. Tin, kan nunna atana tha leh tha lo pawh kan finna atangin kan teh ang a, a dik zik tluak chuang lo . Kan hlimna leh lawmna pawh hian tawp chin a nei a, lungngaihn…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…