Skip to main content

MIZORAM KAILAWN CHAMPHAI AH

MIZORAM KAILAWN CHAMPHAI AH : Nimin khan Government Champhai College Multipurpose Hall-ah Mizoram Kailawn-2019: Business Plan Contest hmanga Entrepreneurship chawikanna leh inelna buatsaih tur chungchanga  inhrilhhriatna leh zirtirna hun hman a ni a. He hunah hian Entrepreneurship lama tui mi te, Self Help Group, Sumdawnna lama tuimite, NGO aiawh, College Zirlai leh mahni kutkawih thiamna hmanga eizawnna ngelnghet din tumte an tel tha hle a ni.
He hun Planning and Programme Implementation Department, IIM Calcutta leh Mizoram Consultancy Group-te tangkawp buatsaih hi Pu Zoremthara Ralte, SDO Sadar chuan a kaihruai a.  Mizoram sawrkar leh IIM Calcutta-te hmalakna hmanga Entrepreneurship inzirtirna hun leh infuihtharna hun neih a ni chu lawmawm a tih thu a sawi a. Entrepreneurship chu sumdawnna bultanna thar, chona thar hmachhawna  kalphung bik neia awmze nei taka eizawnna siam tuma bultanna a ni, a ti a. Sawrkar hnain mi a daih vek tawh loh avangin mahni thiamna leh theihna hmanga intodel…

@@ Vengthlang YMA {YMA PALAI}

Vengthlang Pastor Bial-in Family Planning chungchang zirho

Vengthlang,24th May (Pathianni) : Nimin khan Vengthlang Pastor Bial chuan bial chhung Kohhran hrang hranga KTP, Kohhran Hmeichhia leh Kohhran chhunga committee peng hrang hrangte ko khawmin Family Planning chungchang zirhona Venthlang Kohhran Centenary Hall-ah an nei. Nimin chawhma dar 10:00 khan tanin Resource Person Rev.Zothansanga (Familly Guidance & Counselling Centre) hnen atangin thusawi ngaihthlak a ni a. Amah rawn tawiawmtu Joseph Zaihmingthanga hnen atangin Pathian fakna hla ngaihthlak a ni bawk. Tin, Rev.Zothansanga hian nizan khan Vengthlang North Kohhranah thusawiin, vawiin chawhma hian Venglai Kohhranah hun a hmang anga, chawhnu lamah Elec­tric Kohhranah hun hmang in, zanin hian Vengthlang Kohhranah hun a hmang leh ang.

VENGTHLANG DIARY  
 Information hnatlang
Date 21.5.2009 Thursday ni khan Vengthlang NBranch YMA Information Sub-Com­mittee te chu Hnatlangin Rahsi Veng Pu R. Laihnuna te inchung line thlak thar ani a. Hrui tha hman a ni . Hnatlangte hian tlaiah chawhlui an kil ho ngai ani. Information Sub Committee te kan hlim tlang hle.

Thisen Hlu
Tv H. Lalthanmawia, Pu Lalnunsanga Fanai, Pu H. Zarzokima ten damlo hnenah tlawmngaiin an thisen an pe a. Sub-Hqrs YMA Calendar-ah chuan July thla bik hi kan Branch chan tur a ni a, tun thla hi Tlangsam branch chan ni mahse member indaihlohna avangin kan Branch member tlawmngai ten thisen hi a mamawh a piang hnenah an pe thin a ni.

Lo inring r’u
Hall tha leh changkang tak neih kan turn a vangin eng hunah pawh Branch hnatlang neithei turin Memberte lo inring theuh turin Branch lam atangin thu kan dawng e. Tun dinhmunah kan Branch mem­ber hi mipa 1240, hmeichhia 262 niin kan vaiin 15 02 mem­ber kan awm mek a ni.

Ni 100 hlawh la
Vengthlang VC huam chhunga ni 100 inhlawhna, NREGS chu nimin khan ni 6 hlawh an la a. Inhlawhna hi remchang hmasa berah kalpui leh thuai an turn niin VC te hnen atangin thu kan dawng.

Inhnekah kan la dam
LPS buatsaih Pro-figth neih mekah kan member pui Laldinsanga chuan Quarter fi-nal-ah a tumpuipa Lalneih-tluanga Govt.Comlex ami chu tukzal lehin Semi-final a lut a. Nilaini hian Semi-final Saiha a mi nen an in nuai leh dawn a, Vengchhung mipui ten theihtawp chhuahin i tawiawm hram hram ang u. Tin Kan Branch huamchung atanga Mizo Idol thlanna neih mek a tel zawng zawng te pawh a theih angin i tawiawm zel ang u. 

Inthlan hun sawn
Ningani a CDFA-in General Body Meeting leh kum hnih chhung hruaitu t ur thlanna neih tura a lo ruahman chu MFA hruaitu intlkanpui tura lo kalte kawng chhiain a dan avangin thulh a ni a. Hun remchang hmasa berah neih a ni ang. Gen. Body meeting neih hnu ah Club tin tan Regristration tihna hun hawn a ni ang.

Keimahni
Article a rawn lut tha chho viau a, mahse kan article neihsa a kam chho leh deuh tawh a, kan chhuah zawh hma ngei hian veng chhunga thu leh hla lama tuimi bakah vei nei ve hrim hrim ten rawn ziak leh teh u khai. Article kan thehluh tur hi a theih hram chuan hawrawp felfai leh chhiar awl deuh ni t hei hram se.

Tleirawlte ko khawm     
 Zirtawp zan khan Vengthlang North Social Front bultumin tleirawl kum 12-20 inkar ko khawmin Career Guidance neih a ni a. Hetah hian Pu Lalnunmawia chuan Education chungchang sawiin Pu C. Lalremliana'n Sex Education for Teenagers tih a sawi bawk a n i.

Ni khat Tour. hmang
GMHSS chuan Zirtawpni khan an sikul dimcham vawi 60-na lawmna chi khat atan One Day Tournament an hmang a. Hetah hian he sikula lo lut tawhte leh lut lai ten infiamna chi hrang hrang hmangin an intihlim a. Kan news editor Pu Lalnunsanga Fanai pawh a tal na hle.

Buhfai vangin pungkhawm
Mizorama buhfai haratna chuan ziaawm lam a pan thei lova, buhfai lei tur a vangin a awmchhun pawh a to hle. Zirtawpni chawhma lam khan mipui buhfai nei tawhlo mi engemawzat chu New Champhai kumdamah an pung khawm a. Heng mipui pungkhawmte hnenah hian police te puihnain mi pakhat tan buhfai Kg 5 zela sem chhuakin tlai lamah chuan mipui pungkhawm hi an tin darh thei t a a ni. 


AK - 47
( Chawngkhum Dan Tlang huat loh, a hua hua sih hlawkah)


©Ka jumper hring ka hak a, ka Phone-in trat trat a rawn tih a, hmui hup meuh a ka biak tawh hi chuan eng ang a hmeltha pawh nise ka bem tlu ngei ngei. Remnaparvula, N-Sec

©Tunlai chhanah thaibawih ar\ ti tawh ngailo. Pa ber awmpui ni nghal ar\ ti tawh zawk a lawm........ Lalnunsanga Fanai, N. Ed

©Sande sikul-a hming ar\ lam hian ‘awm’ tih ai chuan ‘eih’ ti ila kan kal ngei a ni tih ar\ hrechiang zawk. Pi Mahmu-i w/o Pa Faka

©Maruti 800 hnungah hi chuan kei aia nui mawi thei ar\ awm chuang lo.......Hruaia D.K, V-Sec ©Thiante mittui ti tla tu pawh hi ka tan chuan hlimna thlentu ar\ chang thei tho mai. Tf-a College Road

©Thiante makpa nih hi alo nuam ber a nih hi.... Vengthlang M.S bulah Buy One Get One Free....
Renqa, T-Sec

© Tata Ace driver-ah chuan Kahrawt veng lampang khi ar\ hmeltha tlangpui a nih hi.
Bs-i, N-Sec

©Bial zaipawl ah chuan Ramsanga r\er\ hian kan hmel a ho berin ka hria.
Fk-a, Jt. Ed

©Duhawm, Champhaiah chuan awmve reng chu ni ila hetiang hi chuan i pumbilh biklo ang mawle. Faka, V-Sec

Biahthu
Zemy,
I awmna piallei ramhla tak atangin palai i lo chhiar thin tih ka hriatin he palai kaltlang hian nangngaih biahthu ka rawn hian che.
eCty


Comments

myname@chhuana said…
a ngaihnawm thrin hle mai, sulsutu pu lalnunsanga dam reng rh se
Anonymous said…
Ti veleh tho teh ang....champhai vengthlang tihtluk a hming mawi leh ngaihom hi a lo zawn hmuh theih miahloh jong anih hi...a sulsutu te kha dam reng mawlh mawlh roh se...lol.