Skip to main content

Champhai Tualchhung Chanchinthar

LIRTHEI DAN CHUNGCHANGAH INBIAKNA NEI TURIN ZOKHAWTHAR VC LEH NGO TE A IN KAU RENG : Champhai Zokhawthar VC leh All NGO Coordination Committee chuan thuchhuah siamin Champhai Transport Union te chuan Zokhawthar atanga Bungraw phur lirthei ang dan chungchangah dikhlel taka thuchhuah a awm niin an thuchhuahah an tarlang. An thuchhuah a an tarlan danin CTu hian Zokhawthar khawtlang nen inremna an lo nei tawh a. Kum 1997 khan kha tih lai SDO (Civil) hriatpuina in AO ho in inremna an lo siam tawh a. Zokhawthar khawtlangin Special Load Trip khat an lak bakah khawtlang hriatute zinin Petrol man an phut remtih a nih thu an sawi a. Khawtlangin Special Load an lak chu duh loin thla khatah Rs. 10000 in anmahni thuin an bithliah a. Hun engemaw ti hnuah Rs. 8000 ah tihniam leh in pek tawhlo thlengin anmahni thu zelin thil an lakpui tak ah chuan Zokhawthar khawtlangin kawng dang a dap lo thei ta lo a, Zokhawthar Welfare Committee (ZWC) chu November ni 9, 2017 din alo nih thu an sawi. Zokha…

Vengthlang YMA

THLANMUAL HLUI SAWN CHHUAH A NI TA
Vengthlang,17th May (Pathianni) :
Hun rei tak atang kan lo beisei tawh kan veng thlanmual hlui chu Indoor Stadium sak thei tura bul tan ani ta. Ni 14-16 May 2009 zing kar khan Branch hnatlang neih thin a ni a. Thlanlung inphun la awm ang ang phawiin hun remchang hmasa berah kan thlanmual hmanlaiah sawn phei tur a ruahman a ni. Indoor Stadium sakna turah hian thlan neitute atang harsatna engmah awm lovin tluang taka kalpui mek a ni a. Electric Dept. leh Telephone ban la awm pawh a rang thei ang bera sawn tum a ni tih thu kan dawng. Tuk thum hnatlang neihah hian member hnatlangte an thawkchhuak tha thawkhat hle a. Thlan neitute leh member hnatlanga thawkchhuakte chungah Vengthlang Branch YMA OB chuan lawmthu a sawi a ni.

Indoor Stadium-ah hian infiamna chi hrang hrang Badminton Court, TT leh Volley Ball Court-te dah tura ruahman chin a ni a, kan veng chhungah infiamna hmun changtluang tak kan nei tur hi a lawmawm hle a ni.

==============================

Damlo
Pi Rozari w/o Pu Chawnghnua Chhangte chu Chul Cancer natna avangin Aizawl-ah enkawl mek a ni a. Pi Laltanpuii w/o Pu K. Lalhriata pawh Hospital atanga chhuakin in lamah enkawl mek a ni. Vengchhung mipuiten i tawntaipui ang u.
Thisen Hlu
Ni 12.5.09 (Thawhlehni) khan Tv. Robert Romalsawma, Vanapa Section chuan Tuipui khaw Pi Nuami w/o Lallianmawia chu a thisen hlu tak a pe. Kal velna buaipuitu Pu Lalenkawla chungah lawmthu kan sawi nghal bawk e.
Siam Zo Ta
Pu K. Lalthlengliana In bul kawr Tui Pipe lian phumin a tihchhiat tuikawr chu siam zawh fel a ni ta. Siamthat hna thawk a hnatlangte : Pu Mantea (Pre) Tv. Lalthar lawma (V-Sec), Tv. Vanlal tluanga (V-Sec), N. Tea (Pu Robuanga fapa), Masaptei fapa - Khuangchera Section. (President theh luh dan ang anga tarlan a ni. Ed)
Chhuanawm
18th U 21 National Football Championship for Dutta Ray Trophy Final-ah Mizoram leh Punjab ten nimin khan Final khelh a ni a, result erawh kan hre hman lo. Mizoram Team Captain hi kan Member Tv. David Lalthansanga, K-Sec niin kan chhuangin kan lawmpui hle.

Zokhawpui Higher Secondary School, Champhai
ADMISSION OPEN
Class X & Class XII
1. 1st April 2009 - 30th June 2009 without late fee
2. 1st July 2009 - 31th August 2009 with late fee of Rs 50/-
3. 1st August 2009 - 25th August 2009 with late fee Rs 100
4. 25th August 2009 - 31st August 2009 with late fee Rs 500
Contact No. 9862501799 / 9862935844

LIVE-in en theih
India ram inthlanpui result, www.eciresults.nic.in -ah Live-in en theih dawn Election commission of India chuan Lok Sabha leh Assembly inthlan result hriat nghalna turin special website www.eciresults. nic.in chu a hawng ta. May 16th, 2008 Inrinni zing dar 8 atangin vote hi chhiar tan a ni a. Staff zawng zawng pawh result awm hmasa apiang pechhuak nghal turin an inpeih diam tawh bawk.
In Chhinchhiah Dawn
Mizoram dan lova luhruk leh sualna pung zel tur laka invenhimna atan Mizoram lut leh chhuak zawng zawng chhinchhiahna tur Household Registration Act siam a nih tur thu Lalkhama an a sawi. Mizoram Planning Board vice chairman Lalkhama IAS (retired) chuan kum 1985 chho vel daihah tawh khan Mizoram-a dan lova chengte laka invenhimna atan hmalakna a lo awm tawh thu a sawi a,"Khatih hun lai khan kan dan hman kha legislate a nih loh avangin 'action' lak theih a ni lo a, a nih tur angin kan hmang thei lo a ni," a ti. Tun tumah chuan household registration act draft peihfel a ni tawh a, assembly session neih leh hmasak berah thehluh an tum a, bill putluh hi pass nghal a nih an beisei bawk.
Musical Meet
Kar kalta ni 14&15.5.2009 zan khan Venglai Kohhran Biak Inah Musical Meet hman a ni a. Meet-ah hian Zaipawl hla pahnih, Duet, Trio leh Quartet hmanga intihsiakna neih a ni a. Kan Branch atangin Gr. 3 Vengthlang Branch Group pahnih leh Vengthlang North Branch te an tel a. Naktuk zanah Venglai Community Hall-ah result puanna leh lawmman semna hun an hmang dawn.
Hman Theih Dawn
Department of Telecom chuan thuchhuah siamin September ni 20, 2009 atangin Network (Provider) hrang hrangah Mobile number ngai a hman theih tur a ni a ti. He service hi a hmingah Mobile Number Portability (MNP) Service tih a ni. Hemi awmzia chu BSNL atangin AIRTEL emaw, Reliance-ah emaw i insawn duh pawhin BSNL-a i number ngai kha i la hmang thei dawn.

MP Inthlan Result
Nimin khan MP inthlana vote chhiar chu zawhfel a ni a. A hnuaiah an vote hmuh dan hetiang hi a ni.

Lengteng A/C :
Lalawmpuia Chhangte - 59
CL.Ruala - 3517
Dr.H.Lallungmuana - 1352
Rualpawla - 73

Tuichang A/C :
Lalawmpuia Chhangte - 49
CL.Ruala - 4940
Dr.H.Lallungmuana - 1900
Rualpawla - 55

Champhai ‘N’ A/C:
Lalawmpuia Chhangte - 60
CL.Ruala - 6642
Dr.H.Lallungmuana - 2066
Rualpawla - 66

Champhai ‘S’A/C :
Lalawmpuia Chhangte - 71
CL.Ruala - 5616
Dr.H.Lallungmuana - 1963
Rualpawla - 64

‘E’ Tuipui A/C :
Lalawmpuia Chhangte - 97
CL.Ruala - 5074
Dr.H.Lallungmuana - 1826
Rualpawla - 71

========================================

AK 47

(AK - 47 hi Chawngkhum dantlang huat loh a ni, i lo hua a nih chuan lo ho mai mai rawh )
@ Ka PUMA kawr thar hi keima pawisa a ka lei a ni lo tih min lo hriat pui ve mai mai dawn nia. Vantea, Secy
@ Nupui te ngena Aizawl a kal Pu Chinunga pawh Champhai a rawn thleng leh ta.......
Sangtea, V-Sec
@ Bialnu te hmuhna tur a nih phawt chuan Gypsy pawh kan Taxi phar lawp lawp mai a lawm..... RC-a, T-Sec
@ Kei Musba Remnaa hian Palai kal tlangin ka hming thar chu Parvula a ni tih ka puang e. Parvula (Remnaa), N-Sec
@ Musical Meet, Duet a ka zai kha nula ho hian min Star phah a ngem le. Isaac-a, N-Sec
@ Thawhtan ni hi chu ka pa ni sakhei dik tak a lo ni, a bikin kar hmasa thawhtan kha....
Remi, K-Sec
@ Malsawma, New Saron a mi nen hian unau ka ni lo tih in lo hre dawn nia..... vawi khat mah min lo hai tawh suh u.
Pu RS-a, Zokhawpui
@ Aizawla ka thirchhia ken thlak pawh Pathian zarah ka zuk hralh zo hram e.
Lalduhawma, K-Sec
@ Kan zam chuang lo... Jonas-a, V-Sec

Engmah rengin min then lo`ng
Image and video hosting by TinyPic

Comments

zt said…
Ha ha Tih hi AK 47 tan nih hi o...lo hre lo palh age..lol...
lunglen inti xiaom ka ti dn ge in a om in ti chakom zual ka t dn poh k hre lo e a..U Sangtea leh a pawlte insangmar zel teh unnn..a nuam tei tehmy nia.sunday zan lunglen deuh a han chhiar tur om h nuam ltk ma le...he he he.cpi vengthlang nih a nuam bik thin khp my

Popular posts from this blog

Sermon

Thawhlehna - Thihna Hnehna
Chang thlante : I Kor 15: 1-34, Hebrai 2 : 14-15
Thawhlehna hi Bible zirtirna chiang tak leh kohhran thurin nghet tak a ni. Isua thawhlehna thuchah atang hian thurinte hi an lo to chhuak thar vek a ni. Thuthlung Thar kohhranah hian Krista thawhlehna hi kawng hnihin a inlan a. (1) Chhangphel : Hei hi sacrament rawngbawlna a ni. A tir atang rengin zirtirte khan inkhawmnaah chhang phel an ching thin. Hei hi Isua a tholeh ngei a ni tih hre lo tan chuan lungngaihna tuar rual loh hriatrengna a ni a, a hretu tan chuan ‘Chhang phel atang chuan a hmel an lo hre ta’ tih chu an testimony a ni ang. (2) Thu : Lalpa an khenbeh hnu chawlhkar tlemte chhungin zirtirte khan Lal Isua thiamlohchantirtute kha hmachhawnin a thawhleh thu leh lalna thu an hril a ni. Paula pawhin Felika hmaa a din khan ‘Mitthi thawhlehna thuah vawiinah hian in hmaah chhuahchhalhin ka awm a nih hi’ a tih kha. Tin, Thuthlung Thar ziaktute chuan Krista thawhlehna hi Pathian thu puanlawk tihkimna ni…

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…