Skip to main content

Champhai - Tualchhung Chanchinthar ni 24.5.2018 (ningani)

POLITICAL TRAINING NEI :
Nizan hmasa khan Zoram People Movement, Tangrual Pawl chuan Champhai Venglai Community Hall ah Lalduhawma, Chief Ministerial Candidate hovin Political Training an nei.
Thusawiin Lalduhawma chuan Mizoramah kum 30 chhung Party pahnihin min hruai tawh a, heng Party pahnih hlirin kan ram ah ro an rel chhan chu mipuiten an mahni thlak tur kan hriat loh vang ani a ti. Tunah chuan mipuite hian hmelthar hmuh an chak tawh a, chuvang chuan pawl hrang hrangte chu intelkhawmin hma kan la ho a, Zoram People Movement hi a lo ding ta a ni a ti. He pawl hi chu Party dang ang lo takin Kohhran Upa ten hma min hruai sak a ni a ti a, telna tlakah an ngai hi thil ropui tak ani a ti.
Lalduhawma chuan kalphung thar an neih tur mipui sawrkar ti a an kalpui tur thu sawiin an sawrkar a nih chuan sawrkar mekin a hmachhawp awmte tihpuitlin tlak a nih chuan an chhunzawm tur thu a sawi a, harsatna a awm loh tur thu sawiin Party inlak hran lutuk hi kan ti ve ngai dawn lo a ni a ti. Mihring ten…

@ Bethel YMA {BYMA}

A VAWI KHATNA ATAN Bethel.Tomir Thla Ni 31 (Sunday) : Nimin khan Bethel Branch Vanapa Section YMA chhangte chuan a vawi khatna atan hnatlang an nei.
Nimin khan Vanapa Section YMA chhangte chuan kum 2009 chhung atan Bethel Branch YMA Chhang hnatlang hmasa ber an nei. Hnatlang hi zing karah Bethel Kawn bawr vel chu phiat faiin leh bawlhhlawh awm sa te chu an paih fai a, 50 vel an chhuak a, chawei kham atangin Section sum tuak nan theitui zuarin inhlawh hnatlang an nei chhunzawm leh nghalin mi 15 vel an thawkchhuak leh a ni. an Convener Tv.Lalnunzira leh Nl.H.Zothanpuii ten an tawiawm a ni. Hnatlanga chhuakte hi an phur tlangin kohkhawm leh thil tih an awlsam hle a ni. YMA member te pawn kan entawn an ngai let hial mai. Nu leh Pa te pawhin kan fate YMA chhanga inhmantir tama nunkawng tha tak zir chhoh nana hman tir tum theuh ni bawk se la.

============================

Flag Rawngin
Kar hmasa Inrinni-a hnatlang neih khan kan thuthleng siam thar leh a awm sa te chu YMA Flag rawnmg engemaw zat hnawih thar a ni a, hman hunah pawh kan dimdawi a niang chu.
Hnatlan Tur
Tunkar Inrinni lo awm tur zing karah khian Neuva Section YMA chhang member te Vengchhung thianfaia hnatlang neih ve tur a ni a, zing dar 6:oo ah member te kim taka hnatlan tur a ni. Office kawtah innghahkhawm tur a ni. Chhepchher, Hmunphiah leh Bawlhhlawh ruhna thawh chhuah tur a ni.
Pem Lehkha Bawk
Hmun dang atanga rawn awm thar ten Pem lehkha rawn nei zel turin kan in ngen a, Section OB leh Branch OB te hnenah thehluh thin thuai thuai thin ni se.
Sub-Hqrs. Thukhawm
Zirtawpni khan Sub-Hqrs. YMA Champhai Co-ordination Commiittee vawi thumna chu Tlangrawtah an thukhawm a, he hunah hian kan veng atang pawn Branch President bakah zaipawl member pathum te chu an han tel


=============================


Hla Zir
YMA Zaipawl Member te chuan nizan inkhawm ban khan Pu Buaithanga te In V-Sec. ah hla an zir.
Sawrkarah Thlen
Kan VC te chuan Sawrkarah Veng hmasawnna tur chi hrang hrang High School Building sak thatna te, Chhura Hmun Pavilion sak leh Volleyball Court siam te, Vengchhung kawng Metal loh Metal tura tih te, Anganwadi thar din te, Forest Office thlang kawngpui atanga Keilungliah pan thlakna Lampui sial te bakah mamawh dangte an thlen a ni.
A Pet Goal, Mahse..!
Champhai RD Block hnuaia VC hrang hrangte intihhlimna ni pahfawma intihhlimna Lersia Field Ruantlanga F/ball khelh zawh takah kan veng VC te chu Group Leader niin an Champion zo ta lo a,vawi hnih khelin Group I Vengthlang(Leader) leh Group II Venglai(Leader) te an hneh lova, Pu R.Lalthangliana (VCM) chuan Pet Goal Mahse.. an chak zo lo ve ve a, a tawpna an ni ta a ni. Lawmman Rs/-2000/- an dawng lawih mai.
YMA Day
Tun thla ni 15 khi YMA dinchampha vawi 74-na a ni a, he


============================


VENGCHHUNG  

 DAMLO (Kan Hriattheih Chin)
8*3 Ginthangkima, Pausuangina tupa N-Sec chu ni 24(Chawlhni) khan Assembly of God Kohhran Tanky atangin a tla palh a, a thluak a vung a, tunah hian In enkawl mek zel a ni.Lalremruata S/o C.Challianthanga N-Sec. chu Mitliam avangin anmahni Chenna In ah enkawl bawk a ni.

Awm Thar
Pu Lalrinkima te chhungkua chu Lungdai atangin Pu H.Zakima te In hnuai State Bank Qtrs. ah an rawn awm thar.
Pu Ramhluna F/o Machhuani (Samsiam) te chhungkua chu Zote atangin T-Sec. Pu C.Lalpiangthanga te In bulah an rawn awm thar bawk.

Tuak Thar
Lalchhuanpuia S/o Lalhunmawia N-Sec. chuan hun rei tak atanga a veh a veh Mualkawi Model Lalnunsangi chu YMA Certificate chiin a hruilut ta rup.
Edt.Board ten fanau maltluan chawia leng turin duhsakna kan Man e. 

Tling
Zonet Cable TV-in Mizo Idol thlanna a buatsaih mekah kan veng atangin Laltlanzova S/o Lalhmingthanga Ch-Sec. Elimina­tion Round paltlangin First round-ah a in hlangkai, Idol ni thei ngei se kan duhpui hie.

Famchang
Pi F.Biakliani M/o Lalthansiama Ch-Sec. chu Cancer natna avangin ni 24.5.09(Pathianni) zan dar 11:30 khan anmahni Chenna Inah a boral a, a tukah Thlanmual No.II-ah vuiliam a ni. 


===========================

Editorial

Tunlai khawvel zet zawng a hathlak lam deuh a ni e. Ruihhlo lah a ti mi tan chuan a tarn leh tawh mai si. Mi engemaw zat chu kan buai leh dawn chiang khawp mai. Nge kan buai leh tawh zawk??? Nulat tlangvalna
lamah lah kan Nula in kan Tlangval tlang khawp in a lang. Ei leh barah lah harsatna kan tawk mek bawk. Fur pui kawng min in min bumro hma hi an kan in chhek ngah hmanlo ang tih a hlauhawm khawp mai. Sum lam hi chu harsa lo se chuan kan che sang leh zual tawh ngei ang.
Amaherawh chu heng thilte avang erawh hi chuan chuan rilru tih hrehawm loh hram i turn tlang ang u. Kan theih ang tawk erawh chuan heng thi I ah te hian kan ngaihtuahna kan sen a ngai, engtinnge he kan khawtlang hi kan ven ang? engtin nge kan ram hi kan ven him ang. ENGTINNGE HE HNAM HI HETIANG THIL AVANG HIAN A BORAL LOH ANG tih ah te erawh hian kan theihna zawng zawng nen kan beih a ngai a nih hi. Kan vawiin hian hian kan naktuk hma hun thui tak a hril thin tih hrereng in thil i ti ang u.
Khawvelah hian duhaisam thil reng hi a awm thei tak tak si lo......????


============================


LAWRKHAWM 

Tunlai Bethel
Thil langsar leh chanchin danglam teh chiam a thleng lo. Mitin mai mahni tulna mual mualah kan la tul tlang chho chhunzawm zel a, a then phai chu Lu lam leh Mawng lam pawh hre chang lovin an tul hlawm bawk. Malsawm ruah rawn tla zeuh zeuh thin chuan boruak a thlak danglam zeuh thin a, nimahsela kan duh ang erawh chuan kan la dawng tam lo niin a lang. Zing dar 4:30 bawr vel atangin chhak tlang atangin Ni a lang tan a, tlai dar 5:30 vel thleng hun min hman tlangpui. Chumi kar chuan duh ang thalin kan phe suai suai. Incheina lamah Tleirawlin a Tight lam an fengin an ha tlangpui. Rawltharin Jeans leh T-Shirt an uar bawk. Field nei lo mahila Football tui leh thiam veng kan nih zia hriatin Champion League final en kan tamin khami zan Thangril lai pawn lawmna au ri leh kut beng ri pawh a nep lo hle. Lehlamah mahni tan lam chaklo te erawh Thehhmeh ang maiin an awm bawk. En lem lo pawn a boruak hipa meng ve hrim hrim kan awm bawk.
Chutih laiin tuna kan chhiar mek hi Article nge, Essay nge, enge tih zawhna pawh a awm chawk, chhan vak ngaihna awm heklo Tunlai Bethel a ni tawp mai tih pawh kan hre zel a, kan chhunzawm zel a niang chu. Lehlamah Shot-Gun-a kah nat deuh leh kah hliam deuhte pawh kan awm thin a, tuman thutak khukin kan khuk pui lem lova, kan la nui khi bawk bawk tlang chho zel bawk. Chuvang chuan mahni Sangawizawnpui pawh khan a kap ve chawk thin tho niin a lang.
A hmawr bawktu lamah sap tawnga Change teh vak a thleng bik lo, roreltu dik leh pangngai reng Nu ho duat rawn leh a man hisapa an thlek ngawih ngawih thin Nguka ngei mai chuan hmunpui a la chang zel a, a seh hmehah Hmarcha hring tai, Maian, Antam, Bai leh a tikimtu Chi ten hun
an rawn hmanpui ve chawk.

Keimahni
Khai le! Nak atangin June thla kan lo chuangkai leh tan dawn der a, chuvang chuan kan Bengvarna BYMA man lam pang karlehah Agent ten an rawn khawn leh tan them them dawn a, tlawmngaia kan chanchinbu chhiartuten kan lo pe leh sang sang hlawm dawn nia. Tin Article
leh thil dang dang a lut tha chho zel a, a lawmawm e, han thehlut zel rawh u  

Sawmngana  
 Vawiin hi Pentikos-ni a ni a, Isua a thiha a thawhleh ni atanga ni sawmnganna a ni a, Kohhran hrang hrang te chuan he hun pual hian hun an hmang dawn.

I year Bachelor of Arts Result
MZU-in Iyr.BA result a tih chhuah takah kan veng atanga pass kan hriattheih te: HT.Malsawmtluanga S/o HT.Vanlalsawma, HS.Lalrinmawia S/o H.Zakima te chu an pass. Ilyr result pawh chhuak leh mai tur ani.

La Har Zel
Mizoram pumah Buhfai harsatnain ziaawm lam a la pan thei meuh lova, kan Vengah ngei pawh a la har zel a, chutih laiin lei tur awm chhun pawh a la to hie.

Hrilh Ang
Hmun danga awm kan thenrual te leh kan chhungkhatte kan veng chanchin leh awm dan BYMA an hriat ve theih nan Internet atanga chhiar theihin http:// www.ymapalai blogspot.com. ah kawh hmuh tur a ni e.

Tifai Ang
Vengchhung mipuite faina kawngah hma kan sawn a, a lawmawm hie a, chutih laiin hmun thenkhatah erawh kan la inthlahdah deuh thin. Mitin te kan In leh vel i vawngfai tlang zel ang.

Tanky Chhin Bo
Govt. Bethel Middle School tuala Tanky chhin chu a bo daih mai a, a awmna chin hria kan awm chuan khawngaiha hriattir turin an ngen e.

Shawl Tibo Tan
Shawl chhar a ni a, a tibo chuan Pu Saptawna V-Sec. hnenah ngaihven theih a ni e.

Football En leh Ang Aw!
Zanin chu EPL lam hmuh tur a awm tawh dawn lova, lungte pawh a leng dawn hie. Nimahsela UCL Champion Barca te chuan League match hnuhnung ber Deportivo khelmuakah an khel dawn. True Sport-ah hmuh theiha ni ang. Hetih lai hian League hrang hrang tawp mahse Footbal zawng en tur a awm zel dawn, tunthla ni 14 atang hian FIFA Confederation Cup hmuh tur a awm leh ang. Lungngaih suh u.


=================================

HETI ZAWNG ZAWK HIAN A THA A NGEM? Article LT. Chhakchhuak N-Sec.

Byma Asst. Editor Pu H.Lalduhawma hian article thawh tur hian min ti teh chawk a, keini tehlul thiamna leh kohhran leh khawtlanga engmah kan ni loh vei nen tiin ka in sit ru ve a, amaherawh chu ngaihdan ka ziah ve theih sawih sawih kha maw.. Engpawhnise Arsene-a Pa leh Din Dini pa ten min hmuhsit lo lutuk lo ang chu maw. Ka phak ang tawkin kan thai rang ve mei mei teh ang tiin thutlukna ka siam ta ngawt mai. Tun min sel suh u. Khai aw ti hian bul kan tan ve chawt mai teh ang.

Mizo te hi a huhova kan awmkhawm tawh chuan huai be,r chak ber le h thilt i t hei ber ema w k an in t i fo t hin a, mahse a nihna takah chuan hnam dawizep tak mai khawchhak lam atanga pawi ral hlauva thlangtla ve mai kha kan ni Kan hmalam hun pawh ngaihtuahna chang hre lova tal vak vak thin atthlak taka chet hmang kan ni bawk a. Entirna pakhat chauh han sawi ta ila, kan Mizo nula vai kut tuara rawng taka thah a nih tum khan a thattu Sawrkarin a zawn mek laiin Sawrkar kut pawh nghak hman lovin kan Aizawl khawpui ngeiah khawlaia Vai kan hmuh theih ang ang te kan sawi sa a, kan Media lamah lah chuan inthup a hnekin TV atang ten an lo pe chhuak ang chuai chuai bawk a, kha thil khan enge a nghawng ang tih reng reng ngaituhna chang hria pawh kan awm lo.Burma ramri depah Uihum zat lek mihring kan cheng ve a, Phai lamah lehkha zirin kan tu leh fate kan in dah fir fer a, pawisawilo kan unau te chungah khuan tharum lo thawh ve ta sela a tuar tur chu keimah ni tho kan ni tih hriaa chin tawh loh tawp hi kan tih turin niin ka hria. Kan hmalam hunah harsatna hrang hrang a lo thleng leh a nih p aw hin fimk hur zawka t hil kan t ih t hin hi a pa w ima wh t ak zet a ni. Pawl ho anga kan han awmkhawm tawh lah hian ruihtheihthilte hi a haw ber berah kan tang chawk thin a,mahse mahnia kan han tal hran chiah hi chuan zu leh ruihtheihthil dangte hi a duh ber berah kan tang leh fo thin. Hei hian mizote hi kan mize ngheh loh zia a thai lang chiang hle in ka hria.
Khawtlang thianghlimna te khawtlang nun siam that te hi kan tum tak tak a nih chuan ruihtheihthil zuartu te hi tun aia nasa zawka an chunga action lak hi a tul hlein ka hria. YMA in ruihhlo a do a Mizoramin dan dinglai kan neihsa Total Prohibition Act thlenga t ih t a wp r awtna te a awm bawk a, YMA hmalakna t e pawh fak a hnekin lo sawi chhe bawng bawng tawk lah bo lo. Mahse sawi chhetu tam tak karah ruihhlo do chu kalpuiin a hlawhtlinna rah chu mita hmuh theihin a lo rah chhuak a, thalai ruihhlo avanga boral pawh tun hma ai kha chuan a lo tlem ta hle mai. A lawmawmzia hi i chhut tlang teh ang u. Sawichhetu thenkhatte chuan kan Sawrkar pawh hian zu hi khap tawh lo sela State dang anga Permit-te pe chhuakin a duh a piang ten dawrah zuar chhuak sela tih rawtna mak tak t ak rawn sawi te hi an awm leh thin, entirnan Bethel kawnah hian ZU hi zuar ta dul mai sela kan veng chhungah hian tun aia nasa hian zu in hi a let engemawzatin kan pung ngei ang tih hi thil chiang sa a ni.
Tunah ngei pawh hian YMA ten ruihhlo do an thlah zalen a, veng chhungah zu zuar an lo pung leh ta tuk tuk mai, insual, inthat hmun dang dangah a hluar leh ta hle mai. Kan ngaihsan em em England ramah te pawh khuan nikum hmasa lamah kha chuan zan lam dar 10:00 thleng zu an pe chhuak thin a, nikum atang khan dar 11:00 ah an pawt tlai a, in suam leh in thah, ruk ruk thlengin a hluar nasa hle tih chanchinbu thenkhat ten an sawi a, hnampui zawk te pawh khuan zu in hi an lo thiam tak tak lo a ni ngei ang. Chuvangin keini hnam naupang leh zual tan phei chuan thiam ngaihna a awm lo hrim hrim t ih hi sawi lo ha lum a ni. Chuvangin r uiht heih t hil kan do na kawngah hian veng chhung NGO hrang hrangte leh kan VC te nen inlungrual taka ke kan pen tlan hi a va hun leh zual tak em.
A bik takin kan VC te hi vengchhung thuneitu sang ber an nihna angin ruihhlo dona kawngah hma an lak nasat leh zual a ngai tak zet a ni. Kan veng chhunga ruihhlo zuar te reng reng chu Ration/Job Card leh PHE tui Card thleng hian can­cel sak ngam sela. Tin, NLUP te pawh hi Sawrkar hian a sem ngei turah ngai ila, ruihtheihthil vengchhunga zuar reng reng te chuan Sawrkara hamthatna awm thei chi zawng zawngah an tel ve lovang han ti hmiah mai sela a sawt ngei ka ring tlat a ni.
Ruihtheih thil zuartu te lamin finrawl thawhin Co urt sang berah pawh thlen sela Mizoramin Total Prohibition Act kan hmanga thu an awih lo alawm kan ti leh hmiah mai ang a, tanfung tha tak kan nei sa hrim hrim, a hlauhawm lo khawp mai. Tichuan NGO hrang hrang te leh Vengchhung mipui ten full support kan lo pe bawk ang a, a hlawhtlin ngei ka ring tlat a n i.
Kei chuanVengchhung thianghlim nan leh ruihhloa kan lo fihlim zawk nan hei aia rawtna tha hi ka hre lo. Hei aia rawtna tha hria te pawh in awm ngei ka ring a, mithiam zawk ten han sawi ve teh unnn.


==================================

SPORTING CLUB THUTHAR
Champhai District Table Tennis Championship leh Inter Office Competition chu June 2009 chhung khian buatsaih a ni a, Bethel Veng atangin a tam thei ang ber Players tel turin kan in ngenin kan in hriattir a ni.Tin, Jersey eng No.18,12(Kekawrbul), 21(Kekawrbul), 31(Kawr) a la kim lo tlat mai, a la kawl chuan han dahlut vat ru le.


==================================


[ ENGE AN SAWI ! j
; NI 29.5.09 tuk khan kan veng Tuikawrah Nu pakhat hi puan dum hian a lo in khuh hnur mai a, Mithi ruang a nih hi tiin tumah in an hawng ngam lo a, tichuan Veng Pa ho chuan naupang min rawn koh tir a, ka zu hawng ta a, ka kai tho a, haw turin ka ti a. Hetia an hawng ngam lo hi Mithi ruang an hlauh vang nge, engemaw palh ni se tawrh an hlau zawk ti rilru chungin ka haw san ta a. Hello Man
; Kan VC te kawmthlang kawngkawia Motor ding hnawk reng mai hi chu Motor tan mai bakah Ke-a kal tan pawh a hnawk riauvin ka hria, engtia tih chi nge ni dawn ? Bilk Hulk
; Faina kawngah a tarn zawk hma kan sawn laiin bawlhhlawh paih mai mai thin kan la awm. Mitinte he lam kawngah hian tan i la thar zel ang u. Siamtei Pa


================================

SHOTGUN
Dan Tlanghuat loh  
 ^y Tunah Pathian thu i lo sa ang u hmiang.
Upa Hleikapa Ch-Sec.
^y Tunlai chu a nuam thei hulh hulh khawp mai.
Pu Thar Chhuanpuia N-Sec.
Min vawrh lar tawh teh lul nen eng ka la ang thei chuang lo. NLDuhi Ch-Sec.
^y Kei pawh vawrh lar ka ngai ve tho a nia.
Nl.Awmtei Ch-Sec.
^y A puan thui laiin Thawnthubu ka lo chhiar rik sak thin.
Tv Biakdika N-Sec.
^y Vawrh lar ngai kan tarn e,keini pawh ka ni ve tho a lawm. Nl.Tetei & Chawii T-Sec.
Thlalak kha in rawn sawi kher kher a, min laksak daih a nia. Tv.Rinsanga N-Sec.
^y Ni te hi ka hai chhu chhu reng tawh mai, Thawhtan te hi ka hmu Inrinni zo ta vek mai.Treasurer
^y Tunlai chu BYMA Crossword lam ah ka ro deuh tlats.Maengmawii(Zaithiam). V.Sec.
^y Bike-a han in phurh tawh hi chuan a hla tawh lo uhna a niang. Tv.Muanawma V-Sec.
,^y Card ka phuah ve tawh hi ' chuan min en uluk thei khawp mai, ka hming an hriat dan thenkhat pawh Joker Tick hrat deuh kha maw an ti. Thuama (Auto) Ch-Sec. 
^y Hmm.Tun turn Sipai te chi lak chu ka tling ve tawh ngei ngei ang, ka tlin leh loh vaih chuan a bangah ka Pension dawn a ni ta reng mai.
Tv Nunzira V-Sec. 

 


Comments

Popular posts from this blog

Champhai - Tualchhung Chanchinthar ni 22.5.2018 (thawhlehni)

C. VANLALNGHAKA (VLa) NIGHT CUM ELITE LEAGUE TIP OFF :
Zanin dar 8 ah hian C. Vanlalnghaka Night cum Elite League Tip Off chu Vengsang YMA Hall ah neih a ni dawn.
He hun hi Malsawmtluanga, MBBA President chuan khuallian niin a hmanpui ang a. T. Ramthanmawii, Miss Mizoram 2018  chu khual zahawm niin a hmanpui bawk ang. C. Vanlalnghaka (fam) zahna leh a puala hun hman a ni ang a. PC Ramnunsiama, Secy, Elite Board hnen atangin thusawi ngaihthlak a ni bawk ang. Lalhriatpuii Fanai kaihhruainain CLub tin te Jersey phochhuahna hun hman a ni ang a, (www.champhai.net) T. Ramthanmawii hnen atanga thusawi ngiahthlak ni bawkin Malsawmtluanga kaihhruaiin Tip Off hun hman ani ang. Champhai District Basketball Association buatsaih a Samsung Mary` Elite League 2018 ah hian CLub 5, Kahrawtians BC, Venglai Tribal Sonic, Vengsang Boars, Bethel Minikins leh Vengthlang Fredys Memorial te an tel dawn a ni.
Nilai zan dar 7 atangin Samsung Marys Elite League 2018 hi khelh tan ani ang a, match hnih awmin Match h…

Champhai - Tualchhung Chanchinthar ni 21.5.2018 (thawhtanni)

SYMA TEN PALAI HNA THAWK DAWN :
Inrinni chawhma khan Sub-Hqrs. YMA Hall, Tlangrawtah Sub-Hqrs. YMA Executive Committee neih a ni.
Vice President F. Lalrinmuana (www.champhai.net)kaihhruaiah hian ni 16.4.2018 a Khawmawi khua in kang tuarte tanpuina tura thuthmun branch YMA ten tanpuina tura vehbur an khawn tlingkhawm Rs. 3,13,520 chu a hlan dan tur an rel a. He tanpuina sum tlingkhawm hi ni 23.5.2018 (Nilaini) tlai dar 4 ah DC Vanlalngaihsaka hovin Sub-Hqrs. OB te leh SEC Cremchangte leh Disaster Sub-Comt. OB te nen hlan nise an ti a.
Thuthmun Branch huamchhungah ramdang mi leh hnamdang mi sumdawng awmte mahni Branch huamchhung a mite theuh dapchhuaka hemi kawnga hma la tura hriattirna lo chhuah tawh chu tun aia thahnemngai (www.champhai.net)lehzuala ramsang mi leh hnam dang mi sumdawng mahni huamchhung theuhah an awm a nih chuan a zawn chhuah hna thawk a June ni 15 hmaa hma la theuh turin Branch tinte an ngen a ni.
Sub-Hqrs. YMA Library Bulding, BADP hnuaia sak mek, mimal hnna hna chhunza…

Champhai - Tualchhung Chanchinthar ni 19.5.2018 (inrinni)

TLAIZAWNG PHUN RUNPUI KALPUI TAN A NI TA :
Nimin khan Champhai leh a chheh vel hmun hrang hranga Tlaizawng phun runpui, Project Tlaizawng chu kalpui tan ani.
Champhai Nature Conservancy (CNC) leh Environment & Forest Change Dept. te tangkawpa buatsaih Project Tlaizawng hawnna hi CHANEM tualah neih a ni a. He hun hi Lalrammawii Chawngthu, President, CNC(www.champhai.net)  chuan a kaihruai a. C. Lalbiaka, Champhai DFO chuan a hmanpui a ni. DFO chuan thusawiin, India rama thing awm zawng zawng hi insem ta ila, mi pakhatin 28 vel zel kan chang thei a, khawvel ram dangte nena khaikhin chuan thing kan nei tlem hle a ni, a ti a. Mizoram pawh hi thing ngah tak angin lang mah ila State Forest Report tarlan danin kum 2015-2017 khan ramngaw km 531 bial kan hloh tawh a, a hmaa ramngaw 93% nei thin khan 8.7% chiah kan nei tawh  ani, tiin ramngaw chereu chhan ber chu ramkang leh kan loneih dan kalphung fuhlo vang a nih thu a sawi.
DFO chuan ramngaw humhalh tura hmalakna lian tham tak tak a lo awm …