Skip to main content

Champhai Tualchhung Chanchinthar

ADDL. SECRETARY HOIN ZOKHAWTHAR CHUNGCHANG SAWIHO :Zokhawthar Welfare leh CTU te buaina kal zel avangin Champhai Bazarah chawhmeh hralh chhuah tur a vang tan hle. Bazar a chawhmeh zuar te hnen atanga thu kan dawn danin, chawhmeh tam zawk hi Zokhawthar lam atanga lakluh ani a.CTU te'n Zokhawthar kawng an dan atang hian chawhmeh an khawlsa in a daih lo tan mek a. Tualchhung thar tlem azawng chauh zawrh tur an hmu tawh a, nitin chawhmeh zuara ei zawngte'n an eizawnna ber hetianga dan beh a ni chu pawi an tih thu sawiin, he an buaina hi chinfel thuai ni se an duh thu an tarlang a. 
Hetianga Zokhawthar kawng dan a nih avanga chawhmeh hralh tur avan tak avang hian chawhmeh man pawh a to phah ni a sawiin, thlai chi hrang hrangte hi Cheng-40 leh 50 inkar velin a man pangngai aiin a to tawh niin an sawi bawk. Zokhawthar atanga lakluh nepnawi zuartute pawhin an neih sa a zawh tep tawh thu an tarlang a, an dawr a kawrawng tan hle a, an thil zawrh man erawh a man pangngai rengin an la zuar…

@ Bethel YMA {BYMA}

Executive Committee Vawi 4-na Neih a Ni.

Bethel.Nikir Thla Ni 7 (Pathianni) : Ni 2.6.09 (Thawhleh) zan khan Pu C.Roliana te Inah Branch Executive vawi 4-na neih a ni a, member 18 an kal thei.

He Committee hi Branch President-in kaihhruaiin thu pawimawh tak tak te sawi ho a ni a, karleh maia YMA dinchampha hman dan tur te, YMA Day ni-a Waiting Shed sak chungchang te an rel a, CYMA atanga Tanpui ngaite tanpuia hman theih ni se la an tih angin kan veng chhunga Home awm chhun Emmanuel After Care Centre chu Rs.1000/- a tanpui ni se an ti. YMA Day-a YMA Chhang Sports lawmman leh senso atan Rs.1500/- pek ni se an ti bawk.

====================================================

VENGCHHUNG  

  DAMLO (Kan Hriattheih Chin)
Pi Lengdawngi. Ch.Sec. chu taksa chaklohna avangin anmahni chenna Inah enkawl mek a ni. Pu Lalthantluanga leh a fanu Lalhmingsangi V-Sec te chu Khawsik avangin an chenna Inah enkawl mek an ni. Kan Editor fa tlum ber Laltlansangi chu Pumna avangin anmahni Inah enkawl mek a ni.

In Sawn
Pu JC.Ruata te chhungkua chu V-Sec. atangin Pu R.Vanhnuaithanga te In N-Sec.-ah an in sawn.
Pu K.Rotluanga te chhungkua chu Vaihmun atangin Pi Hranglawmi te In V-Sec.-ah an in sawn chho bawk.

CHHUANAWM
Nl.Lalrampanzeli D/o C.Lalthanhranga V-Sec. chu MBBS zir turin a tling a, a chhuanawmin hetiang vengchhung mi kan nei hi kan lawm pui tak zet a ni.

SIAMTHA DAWN
Bethel Kawn atanga Vengthar pan thlakna kawng chu siam that mek a ni a, an siam zawh thuai vbeisei a ni. Tun dinhmunah erawh chuan Motor tan kal a hrehawm hie mai.

Chhar In Awm Em?
Tunkar ralta Thawhtan tlai khan Pu Buka Tuikhurah Towel Uk theihnghilh palh a ni a, a lo chhar emaw hria kan lo awm chuan khawngaiha Ph.9615180431-ah hriattir turin an ngen e.

THISEN PEKTUR
Branch Committee-in a lo rel tawh angin Bethel Branch YMA member ten YMA Day denchhenin hun remchang hmasa berah Champhai Damdawi In-ah damlo mangang tan Thisen pek tur a ni a, member te pek an tih ve leh a pe thei tura kan in rin a ngai e. 
==============================

YMA Chhang Sports
Karleh Thawhtan YMA Day hian Chhura Hmunah Bethel Branch YMA Chhang Section hrang hrangte Infiamna hmanga intihsiakna neih tur a ni a, YMA chhang member zawng zawngte chu Sports Dress kimchang dar 10 ah kal vek tur a ni.
YMA Chhang News 8 Taitesena Section YMA Chhang chuan Zirtawp ni khan Membership Fee khawnna an nei a, Nimin vek khan vengchhungah inbukna hmangin inhlawhna neii member an hnatlang tha hle.
An Fin.Secy Lalfakzuali chu remchan lohna avngin a aiah Vanlalhuma ruat a ni. Taitesena Sec YMA Chhangte hian chak taka hma lak zel an tum.
8 Neuva Section YMA chhangte chuan nimin tuk hnatlang neiin YMA Office leh a bul velte an thianfai a, hnatlanga chhuak an tha hle a ni, tin karleh Inrinni khian an hnatlang leh dawn.
Designation Plate
Branch YMA Executive Committee Member tuna ni tawh lo Designation Plate la kawl emaw, pakhat aia tam kawl kan awm chuan Secretary hnenah dah luh vat tur a ni e.
VC TREASURER NO. THAR
Pu.K.Lalbiakhlira Phone No 961567339 in a thlak thar ta e. Vawiin atangin a hmang tan chiah e. Thlak ngal ang.

Sa Dawn
Branch YMA chuan Ni 15.6.09(Thawhtanni) YMA Day ni khian Thlanmual No.II (Zion Veng) ah Waiting Sheh a sa dawn a, Branch Executive Committee member chinte hnatlanga chhuak turin in ring lawk ila, tin mahni rem chan ang ang Thingzai, Rangvate thawhchhuah pui tur a ni. Tin hemi atang hian Pu C.Roliana te chhungkua chguan Rawra leh Balu an thawh lawk tawh a ni.
AGENDA THEHLUT ANG
Branch Executive neih zawh taka an thu rel angin Sub-Hqrs.-a Committee neih hmasak ber atan Champhaia Vai tam ta lutuk leh an hlawh sang lutuk chungchang Agenda-a thehluh ni se an ti.
Hriattirna
Bethel Veng chhunga rawn awm thar reng reng ten Pem Lehkha neih zel tur a ni a, tin Pem lehkha hi a lem te a awm thin avangin Central YMA siam loh chu pawm a nih dawn lo vang a, chuvangin ngaih pawimawh hram hram tur a ni.
SECTION BUDGET
Kum chanve kan lo hmang leh ta der a, section hrang hrangte Budget Rs.1000/- pek thuai thuai tum i la.
HNATLAN TUR
Chawngbawla Sec. member te Waiting Shed sakna tur Rawra leh Balu N.Champhai ami lak a ngaih dawn avangin hnatlang thei tura in rin tur a ni.

Tunlai Bethel
Hun leh ni ngaihtuah lem lovin kan ti chho nek nek a, kum chanve kan hmang tan leh der a, thil thleng leh kan hun tawn pawh a dang chho zel a, hmasawnna leh rahbi hrang hrang pawh kan tawng chho bawk. Chutih laiin natna leh thihna ten a khat tawkin thla a zar thin vei ruai bawk. Awm thar, Pem chhuak leh In dang thar chenin Vengpui tih takah kan in dawt zuk reng bawk. Lampui dungah pawh hmel hriat lo te nen lam kan in pel suau suau t a ber. A t l angpuiin t hal ai t e k a n hawi her pawh a sang vah niin a lang.
Lehlamah a tu a mah kan Ka kan ti awl hlei thei bik lova, Chawlhtui N ingzu in mai duh tawk lovin hmuan chi hrang Khaini, Tuibur, Sahdah leh Kuhva chen lamin kan thialin kan hmuam hlawm chuai chuai. Kan tana a tha lo a ni tih kan hriat pawn tuman insum tang e chu kan ti chuang bik hek lo.
Tlangval tam tak ten nakin maia Lengi mana an buai loh nan Sipaia in tlar tumin zing leh tlaiah thithunamin mi lak zawh khalh hlauvin Exer an la nasa hle bawk.
Chhawrthlapui rorel hun laiin Dawhkan chunga in hung TV lamah LPS Pro-Fight-in Pa ber leh Lengi In leng ho Valrual mit a kuai her a, Vala’n a sawi tum ber pawh sawi hman lovin Pa ber duh zawng an tawmpui a, Nu ho leh Nula ten hmuh nawm ti lem lovin an thlir liam ve chawt chawt bawk.
Tuna i chhiar mek Kan Tunlai Bethel pawh rin phak bakin kan hlut zel a, Zotawng hman dik loh leh kalphung fel lova kan tihte selna ri te kan hriaa, a buatsaihtute leh chhiartute pawh kan lawm tlang daih zawk a niang chu. Hmasawnna chikhatah i ngai leh phawt mai ang aw!
Khing zawng zawng hliahkhuh nan Nu ho-in Choka lama Dekchi-a an chhum bawrh bawrh, a so rim rihngawt pawhina Hrawk ti fawktu a ngai te bawk Vawksa leh a behbawm ten hun rei lo te ah mitin lawmna a rawn thlen leh ang chu.
Keimahni
Kan theih ang tawk chuan kan han fimkhur ve thin a, hun tam loh mai bakah buai tak ve hlawm kan nih avangin chhut sual kan nei leh thin. Nimahse lungngai su, tan kan la ve zel a nia. Tin Article leh thil dang
dang a lut tha chho zel a, a lawmawm e, han thehlut zel rawh u

===========================

►► Tunlai chu College Road Tuibur Veng lamah a ni. .....NLDawngtei N-Sec.
►► Kei chu a ni reng reng lo, mahni veng ngei, Kohhran Upa fa ngat le. ....Nl.Rosy(Mapuii) N-Sec.
►► Manipur lamah ka thawn phei a, ka free lutuk hi ka chaw ei pawh eng Suit ngat in maw le.
....Pu Thara(Auto) T-Sec.
►► Kei chu U Lai, in In bul lamah a ni ka rilru awm ni. ...Tv. Sangpuii, V.Sec.
►► Damlai lusun meuh zawng a lo na ngei mai... Hui ha.......NLParteii, Ch.Sec.
►► Tun chinah chuan Baby minti tawh rawh u.....Tv. Ruata (Auto)N.Sec.
►► Dulte Daia Nupuite han biakchu a hahthlak flats, motorin min tlansan a , a tukah motor dang phar hu hu a ngai flats, ka sim hmaks. ...Pu. Peka, N-Sec.
►► Min lo zuar ve teh u, tuman min hre dawn lo tak ngial a nia Duhawm !....Nl.Manghaki T-Sec
►► Auto ho hian engatinge kan nupa hian min phur tha duh vak lo. .....Pu Lalmawia T-Sec.



Comments

zawnganga said…
In ti tha hle mai...hei hmun hla tak atang in kan veng chhung chanchin te kan lo chhiar ve thei ta a...keep it up
zawnganga said…
update hlan a va nghah hlelh awm ve....