Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Emanuel For World

Sermon
Lalpa Rinchhan
C.Hranghluna.

‘ A ni, thih mai chauh hmabak tawhin kan inhria a, mahni inring lova, Pathian, mitthi kai thotu chu kan rin zawk theihna tur a lo ni.’
- II Korinth 1:9.


Hei hi i han sawi leh teh ang. In chhungkuaah chuan pa ber emaw nu ber emaw i ni a. Mahse, pa ber kan nihna te, nu ber kan nihna te chu Lalpa lalna dal khawpin kan hmang tur a ni hauh lo. Kan chhungkuaah chuan keimahni thuneihna leh thiltihtheihna chu kan tarlang zawk tur a ni hauh lo va, Pathian lalna leh thuneihna chu kan thiltihtheihna leh kan chakna, kan chhungkaw thununna tur leh kaihhruaina tura in lar chhuak tur a ni zawk tih kan hriatreng chu a tul takzet a ni. Pa ber emaw nu ber kan nihna te chu kan chhungkuaah kan tarlang nasa thin lutuk em?
Tin, kan chhungkuaah chuan Lalpa chauh chu rintlak ber a ni tih thlengin kan lantir thin em le? A pawimawh ngawt mai. Lalpa ringtu nia kan inchhal mek lai hian Lalpa chu kan rinchhan takzet a ni tih chu kan chhungkuaah chuan kan tarlang ngai hauh lo a nih chuan, kan chhungkua chu Lalpa rinna kawngah kan hruai hlei thei lo fo ang.

Hna tha tak kan thawh te, sum kan lakluhna hnar te, kan chhungkuaa a fing ber nia kan inhriatna te, thiltithei ber nia kan inhriatna-ah chuan mahni in rinchhanin kan khawsa tlat thei a. Mahni kan inrinchhanna hmanga kan chhungkuaah rintlak kan nihzia kan tarlang fo va, mahni kan inhriatdan leh kan nihna chu kan chhungkuaah kan tarlang reng thin a nih chuan, Lalpa aiin nangmah chu i chhungten an ring diah thei a. Hetianga mihring lama inrinchhan del delna hi mihring danah chuan pawimawh awm takin lang mahse, thlarau lam thilah chuan Lalpa chetna daltu leh Lalpa hmel hliahtu a ni thei zawk tlat a ni. Ngun takin ngaihtuah i la.

Inchhungkuaa harsatna tawk mek chu i nupui emaw i pasal emaw i fate emaw an ni thei. Thil pawi tak awm thin chu, harsatna tawka te chuan Lalpa ai maha keimahni min rinchhan zawk tlatna chu a ni. Lalpa kan neih avang chuan keimahni aiin Lalpa chu kan ring zawk anga, kan chhungte pawh chuan keimahni aiin Lalpa chu an ring zawk tur a ni. Lalpa kan rinna hian Pathian rin tawkna aia mahni in rin tawkna hmunah min hruai lut a nih chuan, keimahni ngei pawh chuan Lalpa rin chu kan zir a tul takzet tih kan hriat chu a tul ngawt mai. Lalpa kan rinna chuan Lalpa chauh ring zel tura huaisenna min pe lul teh se.

Ringtuten khawvel mite anglo taka zirlai ropui tak kan neih chu, ‘Lalpa rin chhan’ chu a ni. Kan eizawnna te, kan hna tha tak te, kan thluak tha tak te chu kan chhungkaw kaihhruaina leh inrelbawlnan kan hman thin avangin, kan fate tan pawh Lalpa rin chu a harsa hle thei tlat a ni. Kan chhungkuaa ringtu ni tura kan beisei leh kan duh ber berte chuan, kan hausakna te, kan thiltihtheihna te leh keimahni chauh chu min ring hle thei a. Kan chhungkuaah chuan rintlak kan nihna tarlana awm thin chu, thil tha tak niin lang mahse, keimahni leh kan chhungte ngei pawh chuan Lalpa rin harsatna hmunah min hruai daih theih avangin, mahni in rinchhanin kan nung reng em tih chu kan ngaihtuah fo tur a ni.

Kan chhungkaw innghahna a tha lutuk a nih chuan, a lungphum Lalpa a nihna tak kan inzirtir fo chu a tul ngawt ang. Mahse, kan innghahna leh kan fate kan duhpui thil te chu khawvel lam thil chauh a nih chuan a pawi ngawt ang. Keimahni ngei chuan keimahni aiin Lalpa chu kan ring zawk a ni tih lantir chu kan chhungkaw tan hna tul a ni takmeuh mai. Tirhkoh Paula chuan harsatna a tawhte chu, ‘ Mahni inring lo va, Pathian, mitthi kai thotu chu kanrin zawk theihna tur a lo ni’ tiin a sawi a. Kan chhungkuaa harsatna lo thleng thinte chu Lalpan, keimahni in ring lo va, a mah chauh chu kan rin theihna tura kan rinchhan min thiahsakna hmanrua a ni fo mai. Mahni in rinchhan reng renga nung thin, mahni in ring lo va nun thiam hauh lo, Lalpa rinna buaipui tak ni si hi kan nihna a ni fo mai. Mahse, Lalpa chuan amah chauh kan rin theih nan, kan chhungkuaah chuan damlohna te, ruihhlo avanga buaina te, sum leh pai a tlakchhiatna te leh harsatna dang dang a lo thlen chu a lo phal takzet mai.

Aw le, tunah chuan Lalpa rinchhan chu kan mamawh takzet tih kan hre thei tawh em le? Kan theihna leh chakna hmanga kan siamthat zawh hauh loh, kan finna leh remhriatna hmanga kan chinfel theih hauhloh harsatna te chuan kan chhungkua chu min bawm reng em? Kan thinurna te, kan beidawnna te, thu tha kan inhrilh hriatna ngawtte chuan thil tha a thlen zo tawh lo va, kan sum leh pai leh in leh lo te, kan eizawnna tha takte chuan kan chhungkaw harsatna chu a siamtha zo lo em le? Tunah chuan Lalpa chauh chu rintlak a ni tih keimahni ngeiin kan hriat theihnan leh kan chhungkua ngei pawh chuan keimah leh thil dang zawng zawng aia Lalpa chauh chu an rin theihnan, Lalpa kan beiseina chu kan tipung tawh tur a ni ang. Lalpa chauh chuan kan chhungkua leh keima nunah chuan ropuina te, chawimawina te, lalna te, thuneihna te kumkhua atan chang mawlh rawh se. Amen.


==========================

BSI Campaign
Champhai North Branch, BSI bultumin, ni 13-14 June`09 chhung hian Hnahlan, Hnahlan Vengthlang, Salvation Army-ah te BSI campaign neih a ni ang. Campaigner atan hian Auxilliary atangin Speaker Pu Lalthanchhunga leh Pu Thanghnuna te an lokal a. Anni hnen atang hian Pathian thuchah ngaihthlak thin a ni ang. Tin, bi 15-16June`09 te hian Kahrawt leh Bethel Kohhranah te campaign hi neih chhunzawm a ni ang. Heng hunah te hian BSI zaipawl, Vengt hlang N o r t h Zaipawl leh Vengt hlang No rt h at angin Du et -te, Wesleyan Kohhran Zaipawl te bakah an campaign na Kohhran atangin zaipawl ten hun an hmang thin bawk ang.

Camp follow-up nei zel
Wesleyan Methodist Kohhran, Vengthlang chuan Speaker atan Evan Office Kailiana hmangin karkalta khan Chhandamna Camping an buatsaih a. Hetah hian campers 30 an lut. Inrinni zan atangin follow-up neiin kar thar chhung zawng hian zan tin follow-up neih chhunzawm zel a ni ang. Tin, ni 4-5 June`09 chhung hian Wesleyan Methodist rorelna sang, Dist rict Administ r at ion Bo ard chu Chanmari, Aizawlah neih a ni bawk ang.

Pi Lalmuangin rawngbawl
Pi Vanlalmuangi, Misual lalnu t ia hriat lar chuan karkalt a Nilai zan khan Vengthlang Kohhranah rawngbawlna a nei a, Zirtawp zan khan Emmanuel After Care Centre-ah rawngbawlna a nei bawk. Tin, karthar Thawhtan hian Dis­trict Jail-Champhaiah rawngbawlna a nei bawk ang.

Ni 100-na lawm
Leisenzo Kohhran chuan 30thMay`08 khan Synod Revival Team, ‘Krista Thuhretu Team’ te nen rawngbawlna an nei a. Heta tang hian zan tin inkhawm thulh lova hun an hman kum 1-na lawmna programme an hmang mek. Nimin Inrinni khan khawtlang huapin ruai nen lawmna inkhawm an buatsaih a. Tin, Team Speaker Tv Lalremruata, Venglai, Champhai hnen atangin tunkar chhung zawng hian Crusade neih nghal a ni bawk.

Penticost Ni ruai nen
Vawiin Pathianni hi Thlarau Thianghlim lo t hlen Ni ‘Pent icost ni’ a ni a. Kohhran hrang hrangten Penticost pogramme an siam a, UPC (MZ) Vengsang chuan ruai nen an lawm ang.

Community Awareness hmang
ISVSA Staff-te chuan FIWDC hnuaia UNODC Project I 81 an kalpui mek hmalakna chikhat atan Ni 29.5.09 khan Khuangphah khua-ah Community Awareness Programme hlawhtling tak an nei. Programme hi khawchhung mipuiten ruihhlo leh HIV/AIDS chungchanga hriat tur tul leh pawimawhte an lo hriat theihnan a buatsaih a ni a. Khuangphah mai bakah hian Hnahlan leh Vaikhawtlang atang te in khawtlang hruaitu engemawzatin an hmanpui bawk a ni. He programme-ah hian thawktute mai bakah Roman Catholic Father leh Catechist te pawhin an tawiawm bawk a ni.

Bible Society ‘KANTU’
Tun tumah hian BSI kantu chuan Bethel Local a kan a. Bethel Presbyterian Kohhran hian Budget Rs.23000/- neiin tunah hian Area-ah Rs.10000/- an chhunglut tawh a. Rs.13000/-tlakloh an la nei a ni. Bial 10 ah inthenin, collector 12 an awm bawk a ni. BSI ah hian Pu Chawiliana (L) Zawngtah kung thawh chu an hmang tangkai hle a. He Zawngtah rah atang hian kumtin Rs.2000/- atanga 3000/- vel an lei thei a ni. Bu dg e t hi khum ng ei t umin tan an la mek a , t in, Thlakhat a Pathianni hnuhnung berah BSI sum thehluh hun an siam thin bawk. BSI Life hmanga Pathian hnathawh mak chu; Pi Lalremliani, Tuikual-C chu BSI Collector a ni a. Pangpar siamin ei a zawng thin a. BSI tana Tuikual Venga tan an lak atang chuan Tuikual Vengah chuan mitthi an awm ta mang lo va, a pangpar zawrhlai chu a hralh thei ta lo riau va, mahse, vanneihthlak takin Veng dang atangin dawrtu a nei tha ta phian a. Lawm takin ‘Ka eizawnna hmanrua ber hi ka life dawn’ a ti a. A Sakawrbakcheh lian chu a Life ta a ni.

=========================


Editorial

Tun turn chu misual, fel deuh (Sued si, Fel si)!! Pi Tevani nen kan tawng fuh hlauh a. Kan kawm ta chiam a, a chanchin bon-ra zet hi a kim lovin kan hria a, a kim lovin kan rawn release tawp. A kim chang hre duh tan bookroom lamah ngaihven theih a ni awm e.
Hetiang teh hrep, misual tangrang Pi Mua-ngi te Lalpan a hmangaih tlat te, a ngaidam a, sual lakah a chhanchhuak tlat hi ‘Kan Pathian hmang-aihna thukzia’ tih hla min sak tir tu zu ni teh tlat a! Chuta chhapah a raw-ngbawl turin Lalpan a la hmang duh ta lai a! Lalpa hi chu aw, a ti em em deuh lo maw!'?'?
Misual, sual simin heti taka kan biak in boruak leh van khawpui khi a nghawr nghing thei a nih chuan, mifel, fel sim hi awm ve ta se, kan biak in boruak leh van khawpui boruak khi eng ang takin danglam ve ang maw?
Misualten an sual em avanga Pathian an hmu thei mang lo ang tho hian, mifel tam takte chu an fel em avangin Pathian an hmu hlei thei der lo nia! Pathian hian mifel a duh a ni ngawt lo va, a felna rinchhan turin min duh a ni zawk a. Mahni fel, fel a lo fel ngawt hi Pathian thu emaw tih ngawt chi a ni lo.
Mi tam tak chu mahni felna bawih ah kan tang tlat a. Kan fel em avangin camping nikhua paw`n engvanga camp luh tur nge tih kan in hre mang tlat lo. Camping a lut tur list-ah hian veng chhung a sual deuh deuh kan target ve ngawt a. Sim chuan tur nei lo mifel 99 zingah kan tel thei reng tih ngaihtuah a ngai. Pathian hian fel inti a mamawh hran lo va, amah zawkin fel a tih kan nihna, Krista hi a pawi-mawh ber zawk. I sual em vang nge, i fel em vanga Pathian mamawh i nih le?

========================

PHOOLAN DEVI ! RED ROSE LALNU ! Testimony KS LALNU !

Hming lem tam t ak a nei a, a hming lem erawh a nihna diktak a ni t hung. A hming diktak erawh chu Vanlalmuangi a ni daih a!!
A hming hi; Tunah hian kum 49-na a hmang mek. A hming an phuah chhan hi a dangdai ang reng a, a pu Kamthiauva hi Samthang khuaah chuan Kohhran upa hmasa ber a ni a, a pu hi Pat hian t ih mi a ni. Pat hian lo kal a nghakhlel a, lo kal mai t ura ngaihna a neih len em avangin a pu hian nit in t hingpui nen Pat hian lo k al t ur chu a hmuak t hin a. A rin anga a lo kal ma i loh avangin a tunu hmingah hian Vanlalmuangi a sa ta mai a ni.

Mumang mak tak; Naupang te a nihlai hian mumang mak tak a nei a, a mumangah chuan in pu Ephraima thlah in ni a, a ruhro hi la rawh u. A ruhro hi Thuamngen puk ah a awm a, in lak chuan Samthang khua hi thlarau khawpuiah ka dah anga, mihring pawh Samthang atang hian miropui tak tak an lo chhuak bawk ang tih a dawng a, tichuan ruhro chu an zawng an hmu ta ngei a, ruhro zawngtute hian Thuamngena puk ah nge Lamsial pukah ruhro hi an hmuh tih erawh a hre lo va, ta tang chuan Ephraima pawl pawh hi a lo piang chhuakta niin a sawi a, Samthang khua atang hian mi ropui tak tak pawh an chhuak ta nghe nghe a ni.

Pian leh murna; Pi Lalmuangi hi Samthang khuaa piang a ni a, unau 8 zinga a 7-na a ni a, amah hi naupang kawlhsen tak a ni. Sikul hi Vaphaiah kalin pawl 2 thleng a zir a, a thiante vel reng renga a khawsak avangin an zirtirtu ten an hau deuh reng a, vawikhat chu an zirtirtupa chil a chhak a, heta tang hian sikul a kal ta lo hrim hrim a ni. Pawl 2 a nihlai hian lehkha a thiam thei viau a, khaw 4 zingah 1 na a ni thei a ni. Kum 1969 khan naupangte niin Aizawl a a u te a zu fin ta a. Miin ah te awmin a khawsa kual ta zel a, naupangte mah ni se, thil ruk leh insual chu a nuam t ih ber a ni. Vawi k hat phei chu a puit lin hnuah Bur ma rama insual huaiber nia an sawi hmeichhe pakhat chu Burma-ah han kalin a han sual ngat a ni.

Pasal lam; Pasal hi sawm chuang zet a nei tawh a, neih ngheh deuh bik erawh pakhat a nei. India ram laili lamah sap pakhat nen hun engemaw chen an innei bawk. Phoolan Devi; India rama misual lalnu Phoolan Devi hming lem an vuahna chhan chu Bombay leh Goa inkar velah khuan misual rual zingah telin motor-te an suam a, dawr rawk leh rel suam thlengin an ching thin a. A mah hi Phoolan Devi ang maia hang leh sam kir a nih vangin a mah man thintu Police te chuan Mizo Phoolan Devi an ti ta mai a ni awm e. Bombay, Delhi, Allahabad lock-up, tan in-ahte a tang kual nual tawh a ni. Motor hi phailam a mi vawi 3 zet a ru tawh baw k. P i Mu angi hi misu al r ual 100 zet zingah la lnu nihna ne iin a khawsa t hin a ni. Phailamah lehkhaden hmangin; A mah hi lehkhaden thiam zet mai a ni a, 1981 khan lehkha deng-in Delhi ah a zu inhlawh a. Aizawla a awmna chhungte zinga phailama awmte rualin Delhi pawh hi a thleng thla ve mai a. Kum 1986, 1993 ah te kum 6 chhung zet phailamah hian sual rawng a zu bawl a ni. Bombay, Delhi-ahte lehkhaden thiam a nihna hi a lar pui hle a. Lehkhaden a thiam em emna chhan hi ramhuaiin a pui ni berin a hria. Heng atang hian henglai misual rualte hian an hotu nu atan an sawm ta tawp mai a ni. A mah hi Setanan huaisenna leh chakna a pe niin a ngai bawk a. Mipa pawh hlauh a nei hran lo va, vai palian pui pui, a thuawih lo te chu a vel mai zel a ni awm e. A mah hrechiangtute chuan a kut thlak na tak hi ramhhuaiin a pui a niang an ti hial t h in . H e t ihlaia a chak ber c hu N ic k y C r u z hi z aw n chhu ah a s u a l a c h a k ber a . Hu aise n be r nih te, lalber nih te, lehkhaden thiam ber nih chakna in ka khat a ni a ti.

Red Rose lalnu; Kum 1987 khan Bawngkawnah in a luah a, hetah hian ruitheih thil chi hrang hrang, Zu, Proxyvon-te a zuar nasa hle a. Tin, nula KS sawm rual vel a khawi deuh reng bawk. A ma h hi hme ic hhia mai ma h nis e, a r o t h a p e m a vangin Red R o s e t iin a h ming a n p hu ah sa k a, helai a ruihhlo zawrhna hmun hi ruihhlongaite tawm buk niin a lar ta hle nghe nghe a. Engemaw chen hnuah helai hmun atang hian an hnawtchhuak ta a ni.

Chawngkhupa nen; Hetia Red Rose a a khawsak lai hian mak deuh maiin Pu Chawngkhupa hian a damlai khan a lo va tlawh chhuak a, a lu-ah hriak a thih sak nghe nghe a. Pu Chawngkhupa hian Zawlnei Vanlalmuangi tiin a ko nghe nghe a ni. A la piangthar mai lo na a, heta tang hian Pu Chawngkhupa nen hian an inkawm ngeih ta hle a ni. Pu Chawngkhupa chuan Pathian thu te a hrilh a, a la pianthar turte a hrilh lawk a, “Khawvel zawng zawngin ‘ka nu’ an ti dawn che a ni,” a t i.
A pasal nen an inthen; 1998 velah a pasal chuan ngaihzawng dang a neihsan a, heta tang hian a nu n a be id a w ng t a kzet t a . An su m d ahk ha w l leh in le h lo , Khawr u hlia na an neihzawng z awng chu an ti ral a. Ruihtheih thil a bei nasa zual ta sawt a. Aizawl a a awmna Veng hrang hranga, JAC/VDP te pawhin hnawksak an ti hle a, a lu te hial an meh sak a, a awmna Veng apiangin hnawh chhuahah an vau bawk a. Kum 1999 khan a pasal nen an inthen fel ta a. Sap tlangval nen; Afghanistan atanga Opium lo lut chu tlanin Bank a a sum zawng zawng, 7 Star hotel-ah a zuk tlan a. A tawpah a tla chhe ta! Bombay-ah chuan mahni inhlawhnan saruakin thla a la ta ngawt a. Vawi khat thlalakah hian Rs.20000/- a hlawh niin a sawi. Beach vela a tei vahna lamah chuan sap tlangval hausa zet mai Ben-a chu a tawngta hlauh a. Tichuan sap tlangval a mah ngaizawngtu neih chu a theih ang angin ruihnan a ei sak ta a. Inneih hial an puitlin ta a. Piantharna; Kum 2000 kum tawp lam a lo inher chhuah chuan Mizoramah a rawn chuang chhuak leh ta a. A pasal Ben-a nen an thutiam, chhuk leh mai tura an thuthlun chu bawhchhiain a chhuk duh ta lo va. Vanneihthlak takin hetihlai hian Mizoramah PP Job ten rawng an bawllai a lo ni hlauh a, 1st Dec`09 khan Pathian a tawk ta a. A nun a beidawn em avangin khawvel aning hluah hluah tawh a. A nunhlui a ngaihtuaha sual a inti em em a. Pianthar tumna pawh nei lem lo in, damdawi Dicolic? mum 20 zet chu a ei a, intihhlum vawi hnih lai a tum ta a. Crusade-na bul ah chuan a damdawi chu a hmawm mial mial a, a hmawm zawh hmain Pat hian aw a hre t a t lat a. ‘ Jerusalem Zion khawpui khi thlir teh u’ tih hla a lo t hleng t a a. A damdawi ei tur pawh a ei zo thei ta lo va, damdawi hmanga setanan a luhchilhna chu a hrethiam ta kuar kuar a, Lalpa Isua hmingin a damdawi chu a paih ta a. He ta tang hian a theih ang tawkin Lalpa rawng a bawl ta a ni. Rawngbawlna; Hetia a pianthar hnu hian a theih ang tawkin tihdamna leh chanchintha hrilin a theih ang tawkin hmun hrang hrang, ruihhlongaite leh Jail-ah te rawng a bawl ta a. India ram pawn hmun hrang hrang Frankfurt (Germany), Netherland, Burma, (Beijing)China-ah te rawng a lo bawl tawh bawk a ni. A chanchin ziahna lehkhabu hi vawikhat chhuah a ni tawh a, Bookroom lamah ngaihven theih a ni a, tin, a chanchin ziahna bu 2-na pawh tih chhuah leh tuma hmalak mek a ni bawk.

Tunah hian Pi Muangi hi Chaltlang, Aizawl-ah a maha inluah in a khawsa a, Champhaiah hian rawng a bawl mek a, a cham chen tur a hre thei rih lo. New Champhai leh Vengthlang Kohhran te chuan rawngbawl turin zan khat ve ve an ruai nghe nghe. Tin, Champhaiah hian a theih ang angin Home Crusade a nei thin bawk. Champhai District Jail-ahte leh a remna hmun hmunah rawngbawlna neih rih a tum niin a insawi bawk. A mah contact duhtan Ph no; 9615025975-ah biak pawh theih a ni e.


=====================================


K E I M A H N I
%ijl Bazar pui leh Bethel bazar nuhote hnen atangin chawhmeh kan dawng zel a, kan lawm e. %t Pu R.Dengkunga te chhung hnen atangin Buhfai 1 bag kan
dawnga, kan lawm takzet a ni.
%t JK Business ten kan Computer siamna man ba Rs.500/- min ngaidama, an chungah kan lawm takzet a ni.
© Model Veng, Aizawk ten kan chanchinbu tlawmngaiin min laksak a, a hun takah chanchinbu in hmuh theihloh bakah a chang chuan kan chanchinbu kawng bo avangin, in lo hmu lo thin tih kan hria a, chuti chunga duhsak taka min laksak zel avangin kan lawm takzet a ni.
© Tv Lalmuanzuala, Team secretary chuan ‘Thih thlengin rinawmin lo awm la’ tih chu music vedio a siam tumin a buaipui mek.
## Karkalta chhung khan Home ah Pathian thu a inpawlhona neih thin a ni.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…