Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

@ Emanuel For World

HLIMNA THURUK CHU
C. Hranghluna


‘Tichuan Pathian thlamuanna, rilru reng renga hriat sen loh khan, inthinlung leh inngaihtuahnate chu Krista Isuaah chuan a ven sak ang che u’
- Philippi 4:7
Kan chhungkuaah chuan hmangaihna te, hlimna te, remna te, inpumkhatna te, dawhtheihna te, chuan thla a zar a nih ngat chuan chhungkua a zawnga chhungkaw vannei ber kan ni ngei ang le.
Diktak chuan kan ngaihtuahnaa khat liam ber ber sum leh pai, zirsan finna leh thiamna te hian kan thlarau nun atana hlimna te, hmangaihna te, inpumkhatna te, remna te hi kan chhungkaw tan emaw kan mimal nun atan pawh a lei thei hauh lo. Hetihrual hian sum kan ngah avang te, kan thiamna leh theihna avangte chuan mihring, ‘tisa’ hlimna chu reivak lo atan chuan a lei ve theih tho a. Chu hlimna erawh chuan rei a daih ngai lo va, a tawpah inchhirna a thlen nge nge. A chhan chu mihringin mihring taka a sual chhuah theih thilte hi Lalpa thu atang chuan, ‘thil lem’ dublicate a ni tlat a ni. Tin, tisa taka tisa thil kan hlimpuina hian kan mihring chhungril ‘thlarau’ tan erawh chuan natna bak a thlen thei hauh lo bawk.

Mihring kan nih chhung hian mihring kan nih avanga kan tihtheih chin leh kan nunhona tura mamawh, mihring leh mihring kan inhmangaih del del na te hi thil pawimawh tak zawng a ni ngei mai. Mahse, Lalpa chuan a mite hi mihring lam thila in awi tlei tur ngawt ni lovin, kan thlarau lam tana mamawh diktakte chu min pek a tum zawk a ni. Tunah chuan kan chhungkaw tan emaw kan mimal nun atana mamawh diktak chu engnge tih leh kan mamawh tak chu engtinnge kan neih ang tih zawhnate chu kan ngaihtuah ho a ngai ngawt mai.

Kan Bible-ah chuan Pathian rawngbawltu ropui tak Tirhkoh Paula chuan chung kan mamawh thilte chu ‘thlarau lam thil’ a nih thu min hrilh a. Nia, a mak ngawt reng a sin! Thlarau Thianghlim a zalenna apiangah Isua a ropui thin a, Isua a ropuina apiangah msak tak maiin hlimna te, hmangaihna te, remna te, inpumkhatna te, lungawina te chuan thla an zar thin tlat a ni. Tunah chuan kan chhungkaw mamawh tak chu Lalpaah a awm tih kan hre thei tawh ngei ang.

Tin, Tirhkoh Paula chuan heng hlimna te, remna te, dawhtheihna te, hmangaihna te leh a dangte hi ‘Thlarau Rah’ tiin min hrilh a. Heti hian i`n sawi teh ang; electric bulb hian a hranpain a mah mai chuan enna a nei hauh lo va, mahse, current nen a inthlunzawm a nih chiahin chu current thil tihtheihna chuan bulb chu a ti eng ta thin a ni. Hetiang bawk hian heng thil te hi thlarau rah a nih miau avangin, keini lam chuan rah theihna reng reng kan nei lo a, Lalpa thlarau leh kan thlarau inzawmna chuan keimahniah rah a rawn chhuah thin a ni. Heti hian i`n sawifiah leh dawn teh ang; i in bulah chuan pangpar i khawi a, a par theihnan lei tha leh tui i pe thin a. Pangpar chu a par ngei dawn a, a chhan chu nangman uluk taka i enkawl thin vang a ni. I pangpar mawi tak avang chuan nang meuh pawhin fakna i dawng hial ang chu! Mahse, i pangpar chu par mai tura i buatsaih avanga nangmah lo par hranpa ve i tum a nih phawt chuan mite mithmuhah chuan mi ‘a’ tihloh rual i ni lovang.

Hetiang deuh tho hi a ni. Keini lam hian thlarau lam thilah ‘rah’ theihna kan nei hauh lo va, mahse, kan chhungrila Thlarau Thianghlim awm chuan keimahni chhungah rah rawn chhuahin, chung thlarau rahte avang chuan keini lamah hlimna te, lawmna te, thlamuanna te, hahchawlhna te, hmangaihna leh inremna te a lo thleng hmasa a. Chu kan chhunga Krista thatna rawn par chhuak chuan kan taksa landan leh hawiher thlengin Krista mizia tarlannan kan nun chu a hmang ta thin a ni. Ringtu unau tam takte chuan Kristian awmdan chu ‘copy’ chawpin, a zirin an zir thin a. Zirlai zawng a ni teh meuh mai a, mahse, copy ngawt ni lovin, kan chhungril atanga Krista nena kan inzawmna zawk chuan Kristian nunah min hruai lut thin zawk a ni.

Tichuan kan chhungkuaah chuan mihring taka kan inhmangaihna leh kan inthlunzawmna te chauh chu a lo tawk hauh lo mai a. Thlarau Thianghlim zalenna leh thiltihtheihna atang zawk chuan, kan chhungkaw boruak vawng tura Krista kan beisei chu a tul em em zawk tih kan hre thei ngei ang le. Kan nitin mamawh leh kan hun lo kal leh tur atana hna kan thawh leh ngaihtuahna tha tak tak kan sen thinte chauh chu kan chhhungkuain a mamawh chu a lo la ni mai hauh lo mai a. Kan thlarau lam nun in chawm tawn tur leh kan chhungrilin a mamawh Krista zawk chu kan innghahna leh kan lungpui, mangan laia kan bikna tur a lo ni reng tih kan hriat chhuah theih phawt chuan, kan chhungkua chuan buaipui tur diktak chu kan buaipui fo thei ang a, tun aia nasa zawkin kan chhungkaw boruak pawh a nuam anga, Lalpa pawh kan chhungkuaah a ropui zawk ngei ang le. Amen.


====================================


Camping nei zel
Speaker Lalchhuanawma leh a thiante, Kros Hnehna Maicham Team, Vengthlang, Champhaite chuan Puilo khuaah Camping chhawng hnihna an nei zo fel chiah a, karthar hian Camping chhawng thumna an nei leh ang.

Pi Muangin rawngbawl zel
Jehove Jire, Gospel Commando Team Speaker Pi Vanlalmuangi, chuan tunlai hian Thawhtan atanga Ningani thleng khan chhun lamah District Jail Champhaiah rawngbawlna neiin zan lamah Electric Kohhran ah Kristian Chhungkaw Campaign, inkhawm loh zanah in hrang hrangah neiin inkhawm zanah biak in ah Pathian thuchah Pathianni zan thleng a sawi thin ang.

Crusade nei ang
New Life Gospel Team, Speaker Laithanngura Sailo leh a thiante chuan karthar Nilaini atanga Pathinni zan thleng hian New Champhai Kohhranah Crusade a nei ang.

Crusade zel
Tv CLalremruata leh a thiante chuan a karhnihna atan runkar kalta chhung leh vawiin Pathianni thleng hian Leisenzo-ah Crusade an nei chhun zawm zela, Kohhranah Pathian hnathawh a lang nasain, hlawkthlak an ti hie.

Camp duhtan
Ni 8.6/09 atanga tanin Lalpa Grape Huan-ah Speker; EvanLalthanzuala, Evan Lalnunsanga, Evan Tumthelhthanga te an ni ang. Buhfai leh Camp fee a ngai lovang.

Seminar nei ang
Karthar Inrinnni nileng hian Vengthlang Pastor Bial, Kohhran Hmeichhe bul tumin ‘Mipat Hmeichhiat’ chung chang semi­nar chu Vengthlang Gospel Centenary Hall-ah neih a ni ang. He hunah h ian R esource person atan Pi V.Vanlalruati, Aizawl atangin an chah chho bawk a ni.
UPC(NE) Pastor hmun dangah
UPC (NE) Bethel Pastor Bial vawngtu Rev.Biaksangzuala chu Oness Theological Seminary, thlakhat chh ung awh Bible zirna, Ramhlun ‘S’ a neih turah zirtirtu hna thawkin June thla chhung a awm bo rih ang.

Zaipawl intihsiak
Ni 14 June`09 hian Mizoram pum huap Baptist Church of Mizoram chuan Zaipawl intihsiakna hun an hmang ang. Mizoram chhunga Are Baptist Coun sil Zaipawl 2 z elte chuan hun dangah intihsiakna a titha ber nih an la inchuh chho zel dawn a ni.

Camp zo fel
A chhawng hnihna atan Wesleyan Methodist, Vengthlang Champhai chuan Evan Ofice Kailiana, Speaker a hmangin tunkar kalta khan camping an nei leh a. Campers 30 vel lutin, Inrinni zan atanga Pathianni zan thleng hian follow-up neih chhunzawm a ni ang. Tin, Bible Society Oxilliary Cam­paign neih tur atan Kohhran zaipawlten hla an zir ngawrh hle.

Bible Society ‘KANTU’
Tun tumah hian BSI kantu chuan BCM Kahrawt Local a kan a. Kahrawt Baptist Church of Mizoram hian Budget Rs.7500/- neiin tunah hian Area-ah Rs.9000/- an chhunglut tawh a. A budget hi Rs.1500/- zetin an khum tawh a ni. Kahrawt BCM Kohhranah hian dan zawhkim 110 an awm a, c o l l ec t o r 9 an awm b awk a n i . B SI ah l ife memb er at an gt e in sum a h mu ber a, tunah h ian C hi ef Patron 1 an nei dawn baw k a ni . BSI Life hmanga Pathian hnathawh mak chu; December ni 30,2007 (Thawhtan) zanah khan ka hnathawktuten kan Workshop (khawl dahna) kawngkhar chu a lo kalh theihnghilh a. Zankhuain kan workshop kawngkhar, kawngpui an taka mi chu a inhawng tlaivar zak a, kan han en chiang a, thil bo thei a tam tehlul nen engmah a bo lo. He workshop hi Patron member a kan dah vang a nih ka ring.

==================================

‘Pathian rinna tak’
Kan ringtu nunah hian mualphote hi kan hlau lutuk em aw ka ti thin. Mirethei te te pawhin kan neih ang tawk tawk kha inchei nan hman mai tur a ni a. Incheina kan harsat avanga inkhawm thulh hi ringtu tan a tih chi loh. Pathian chuan Mari hnenah Chungnungbera thiltihtheihnain a hliahkhuh dawn a ni tih a sawi mai.
Pathian chuan kan nih anga lang ngam turin min duh. Chutiang tura pawimawh fo chu ‘nun thlamuanna’ neih hi a ni.

Hman deuh khan thu veivir lar deuh a awm a, kum 1997 zing dar 7, minute 7, Second 7 chhiatna rapthlak a thleng dawn tih a lar chiam kha! Kan unau Naga ho phei chuan an han hlau khawp a, Kohima kha tlang khua a ni a, a chim nasa dawn hie in an hria a, Dimapur ah an pern thla sup sup a. Nun thlamuanna an nei lo a ni.
A duh leh lirte chu nghing se la, a sawi sawiin min sawi anga, a khi ta phuk a nih leh a khi karah kan tla anga, a hranpaa thlan laih a ngai lo vanga, Pastor vui kher kan ngai dawn lo a ni mai a. A tha phian zawk mai thei a sin.

Thlarau Thianghlim nen chuan nun thlamuanna kan nei thei tlat a ni. ‘Lai Isua nen chuan in nuam a chang zel thin,’ tih hi Thlarau Thianghlim nen lo chuan sak theih a ni lo. Isua nena chengte hian in nuam chu an nei mai a, an nung HUAI thin a lawm. Chu nun chu Thlarau Thianghlimin min pek a chak em em kha a nia, Thlarau Thianghlim atang chuan thiltihtheihna mak tak a lo awm thin tlat a ni.

Thlarau Thianghlim chuan min ti chak a, Thlarau Thianghlim atang chauhin Pathian thuhretu a nih theih a. Thlarau Thianghlim tello chuan Pathian rawng a bawl theih hek loh.
Kan hma hunah hian eng ang harsatna nge kan la tawh ang? Chutih hun atan chuan tunah Nun Thlamuanna kan nei chiah em?
- Rev.C.Lianhmingthanga.

PATHIANAH KRISTA HNENA THUHRUK
Kolossa 3:3, Philippi 4:6. - B.Thanchhungi.


Rin hi Kristian nun bultanna a ni, chumai nilovin nun zelna kawngah lungphum a ni. Rinnaa pen khat penin Isua Kristaah kan lut a, zawi zawiin keimahnia hnathawh kal zel avangin amahah kan thang lian ta a ni. Rinnaa pen khat penin thlarau lam belvawtu kutah kan indah a, a hman duhzawng tak bel ni turin zawi zawiin min siam ta a ni.

Pangpar khawina bel tha leh mawi taka siam turin hlum chu bel vawtu ku t a h a d u h d u h a a sawi sak t u r a awm a n gai a. Belvawt u c h u an h l u m chu a vaw sawmi n a h met ban vel a, a p h e l d arh a, a nuai h l awm a, t u i a l eih a, a ti ro a, engemaw chen a sawisak hnuah ni engemawzat a dah tha leh rih a. A duh ang taka nem leh ban tha a lo nih veleh a suangtuah ang pangpar mawi takah a siam ta a. Chutah khawlah a dah a, a nuai vira, a timam rual a,nisaah a phoro leh a, a rawhna hmunah meisaah a rawh leh a, workshop atanga a han lak chhuah meuh chuan pangpar khawina bel mawi tak leh tha tak, inchhung timawitu a lo ni ta thin a ni. lum chu belvawtu kutah a awm loh chuan belvawtu thiamber pawhin bel tha a siam thei lo. Chutiang bawkin Pathian kutah kan indah loh chuan atan hmantlakin min siam thei lo. Pathian tan hmantlak kan nih theih nan Pathian hnenah kan inhlan ngei a pawimawh a ni. Anin harsatna te, tawrhna te, lungngaihna te, lawmna te, buaina leh manganna te leh thil chi hrang hrang hmangin min lo sawngbawl vel thin.

Kristian tam ber chu khualzin mi, phurrit tak phura hah taka kal mek, motor-in a um phak a, driver bengvarin a motora chuang ve tura a sawm a, a chuang ve a; mashse, a phurrit chu nghah nachang hre lovin a phur reng ang hi kan ni. Chutiang chuan Kristian tam tak chuan anmahni chu a buaipui turin an in pe sa, an phurrit erawh an damchhung zawng an phur tlat thin. Phurrit han tih hi khwvel thil emaw, thlarau lam thila min tibuai a min ti mangang thintu zawng zawng hi a huam a ni.

Kan phurrit zawng zawnga rit ber leh hahthlak ber chu keimahni hi a ni. Kristaah kan phurrit hi kan nghah dawn chuan kan dahbo hmasak ber tur chu keimahni hi a ni. Keimahni ngei hi Pathian hnenah kan inhlan tur a ni. Keimahni kan inhlan dawtah kan vei zawng te, kan hmingchhiat leh that te, Kohhrana kan rawngbawlna te, chhungkaw thil te, sum leh pai chung chang te, kan hnathawh te, midang nena kan inkar thu leh kan phurrit dang zawng zawng Lalpa kutah kan hlan vek tur a ni.

Pi Hannah-i an tih chuan buaina leh harsatna nasa tak a tawk a, mahse, hnehna nuna nung tlat mi a ni. Amah tlawhtu pakhat chuan, ‘pi Hannah, hetiang em em a harsatna nasa hi ewngtin nge i tawrh zawh zawk le?’ a ti a. A ni chuan. ‘Ka phur lo, Lalpan a phur zawk,’ tiin awlsam takin a chhang a, a mah tlawhtu chuan inti thlarau mi takin, ‘Ni, kan buainate hi Lalpa hnenah kan thlen tur a ni reng a ni,’ a ti a.

Pi Hannah-i chuan, ‘Chu aia thui deuh chu kan kal a ngai, Lalpa hnenah kan thlen anga, kan thlen chu Lalpa hnenah chuan kan hnutchhiah tur a ni,’ tiin a chhang a. Kan buaina leh harsatna a hnenah kan thlen tawh chuan a hnenah kan kalsan nghal anga, kan theihnghilh zui tur a ni. ‘Engahmah mangang suh u, engkimah tawngtai leh dilin, lawmthu hril tel zelin, induhnate chu Pathian hnenah hriattirin awm z awk rawh se,’ (Phi l 4 :6) t ih a taka awih mai hi Pat hi anah Krista hn en a n un thuhrukna chu a ni. He thupek hi kan awih chuan a dawtah thutiam, ‘ Tichuan thlamuanna reng reng rilrua hriatsen loh khan, in thinlung leh ngaihtuahna te chu Krista Isuaah a ven sak ang che u,’ tih pawh a dikzia kan hmu chhuak nghal ang. He thuruk hmuchhuaktu chuan Pathian robawm zawng zawng hawnna chabi a nei a ni.

=============================

Editorial  
 Ngun deuha kan ngaihtuah hi ngun deuhin lean chhu thelh fo mai. f/ei lean chanchinbu uiuk taka x~ ray a, lo chile thin tu ten min rawn sel leh talc khauh hi. fi j_almuangi pianthar ni kha kan Io chhu sual pek a, 1st f)ec 'Zooo tih tur a ni zawk takzet e. fcalkhata min rel lova kan Deng bula min sel zawktu kan nei che u hi kan lawm a, min chuk lovin Io chik zel ula, theihpa tawp a rimkhur kan rawn turn ang elfin, kan chanchinbu hi fCohhran pawl hrang hrang huapzo, kan rawngbawlna inhriattawnna tur leh thil pawimawh tarlanna tur atana ruahman a nihna angin, mahni Kohhran theiha chanchinthar thehdarh duhte tan a niat. 

A theih ang anga hmang tangkai turin tan han la teh u. Ngaiteh u, inthlahrung suh ula, inthlung hrang hek suh u. Keini hian in chanchin thar kan hre vek thei lo fo va, nangnin in hriat kha kan hnena sawi lova awm thei lo khawpa in rawn bengvar chuan, chanchinbu hmanga thuziak thiltihtheihna hmang hian kan Lalpa ram kan zauh zel thei ngei ang.

Ih englo a nia, kan computer hian chin than thalo deuh mai a nei a. A thil chin tha lo em em chu ‘chhiat’ hi a ni. Tin, thildanga pachhe viau si hi virus kawl tam lamah chuan kan hausa fu lawi a. Kan hetih zar hi zovin, JK Business te kan tibuai thei nasa.  
  Anni hian vanneihthlak takin rawngbawlnaah min lo ngaihsak leh thin a. Kan aiawh computer hmaa min dinsak avanga chanchinbu hi rawn ‘bu’ tir thei kan la ni hram hram a. An chungah kan lawm thin ngei mai. Lawmthusawite lah hi kan dangawkna lam tak a lo ni leh zel a. Mahse, Lalpan engkim a hria i ti tawh mai ang. Lalpan mal a sawm ngei ang tih kan ring tlat e. Kan lawm e.

==============================

KEIMAHNI  
 %i Bazar pui leh Bethel bazar nuhote hnen atangin chawhmeh kan dawng zel a, kan lawm e. 
© Tunkar chhung khan zan lamah Home ah Pathian thu a inpawlhona neih thin a ni. 
© Pu Papuiate chhung Venglai hnen atangin Rs.500/- kan dawnga, kan lawm hie mai. 
© Upa PC Lalhminglianate chhung hnen atangin Ni 100 inhlawhna pawisa kan dawng thin a, kan lawm e. 
© Pathianni tlai hian Ruantlang Pastor Bial Kohhran Hmeichhia ten Home min rawn tlawh a, an chungah kan lawm hie. 
© Team member Tv C.Hmingthansanga leh NI Lalrokhumite chu Ni 10.6." 09 hian Arm Veng Kohhranah an inkutsuih ang. 


Comments

Popular posts from this blog

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…