Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

@ Kahrawt YMA {Kahrawtians}

Sub-Hqrs. YMA
Co-ordination Committee Vawi 3-na neih a ni

Dt.29.5.2009 (Inrinni) dar 11:00 AM khan Sub-Hqrs.YMA Champhai Co-ordination Committee Vawi 3-na chu Sub-Hqrs. Com­mittee Hall-ah neih a ni a, an thurel langsar zual te :
1. YMA dan Bu ennawn chungchang : YMA Dan Bu ennawn chungchangah hetiang hian thutlukna siam a ni.
a) YMA Dan Bu Bung V, No. 26/4 (d) a tarlan Central, CEC hruaitu atana thlan theih turte chu kum 5 tal Branch, Group, Sub-Hqrs., CYMA-ah OB (hruaitu) a ni tur a ni.
b) Central YMA, Sub-Hqrs., Group leh Branch YMA ah hruaitu nihna chelhkawp lovin mi pakhatin nihna pakhat chauh a chelh tur a ni.
c) YMA Dan Bu Bung V, No. 27/5 (a) a Sub-Hqrs. hruaitu atana thlan theih turte tarlanah Branch, Group, Sub-Hqrs.YMA a hruaitu nihna kum 5 tal chelh tawh a ni tur a ni tiin thlak danglam nise tiin thu tihtluk a ni.
d) Central YMA, Sub-Hqrs., Group, Branch YMA sum endik turin Auditors 3 aia tlemlo ruat nise, kum khatah vawi 2 tal audit nise, Audi­tors hi OB/Executive Committee in ruat nise tih a ni.
2. Sub-Hqrs. YMA Financial, Rules, 2009 kaihhruaina a siam chu ngun taka sawiho a ni a, chipchiar taka kaihhruaina dante thlirho anih hnuin Draft Rules hi a thuphung a pawm a ni.
3. Chin Migration Census neih mek chungchang thlirhona neih a ni a, Secretary Sub-Hqrs. in Chin Migration Census neih anih chhan leh Central YMA duhdan tlangpui tarlanna a nei a. Hmalak tawh dan te, hmalak mek leh hmalak zel dan tura mutan awm theite sawiho a ni a. Chin Migration kalpui danah rualkhai zawka Branch YMA ten hma an lak theihna turin Chin mi dik tak nia ngaihte chu form-a tarlan nise tiin thutlukna siam a ni. Harsatna nei Branch YMA an awm chuan Sub-Hqrs. YMA ah a rang lama hriattir tur a ni bawk.
4. YMA Day hmandan tur chungchang sawiho ani a, CYMA in YMA day puala Branch, Group, Sub-Hqrs. leh CYMA in hun a hman dan turah \anpui ngaite \anpuina lam hawia ke pen tlan nise tih a ni.
5. Sub-Hqrs. YMA Zaipawl Sub-Committee hmalakna chi hrang hrang ngaihthlak a ni.
6. YMA Park, New Champhai ami chu Sawrkar in hman a duh anih chuan Committee in ngaihtuah leh nise tih a ni.
He hunah hian members kal an \ha hle a, Secretary report ngaihthlak a ni a, Co-ordination Committee vawi 2-na leh tun tum Com­mittee inkara Sub-Hqrs. YMA hmalakna chi hrang hrang te, kalphung leh hnathawh hrng hrangte report a pe a. Financial report ngaihthlak nghal a ni bawk.


==============================================



Chawngbawla Section
Ni 29.5.2009 zing khan section huamchhung thianfaiin hnatlang an nei a, member thawkchhuak an \ha hle. Thingpui tui taka lum saktu Pu Siamtea te chhungkaw chungah an lawm hle.

Khuangchera Section
Dt.27.5.2009 khan hlo thlo in an in hlawh a, Ni 29.5.2009 khan members 30 rualte |amdil tlawhin an kal a, nimin khan dam takin an rawn thleng leh ta a, vengchhungah apron an zuar kual leh dawn a, mipuite lo dawr \heuh turin an ngen bawk.

Executive Committee
Ni 2.6.2009 zan dar 7:00 hian Kahrawt Branch YMA Hall-ah Kahrawt Branch YMA Executive Committee neih a ni dawn a, hemi hunah hian YMA Day hman dan tur chungchang leh Ruihhlo avanga kan mi hrem mekte chungchang ngaihtuah tur a ni a. Thu thehluh duh nei chuan Secretary te hnenah thehluh theih a ni ang.

Chenna In n eilo tan
Integrated Housing & Slum Devel­opment Programme, Beneficiaries Selection Board Champhai District chuan Champhai khawpui chhunga mirethei chenna In neilo chhungkaw 450 thlanchhuah tur a ni a. Kahrawt veng tan ruahman chhin naah mi 30 thlan tura tih a ni. Chenna In neilo hi India khua leh tui dik tak an ni ngei tur a ni. A thlang tur hian Branch YMA OB in a huamchhunga MUP Unit OB, MHIP Branch OB, Political Party tin atangin mi 2 leh VCP te a thawhpui ang.


===============================================


Thlanmual
Vengchhung Sawrkar hnathawkte zinga sum lama min duhsak theitu te duhsakna leh kan VC te zarah kan veng thlanmual chu kan hruaitu ten thlan kar kawng/step siam dan tur an lo suangtuah thinna te chu tunah hian a takin kan thawk chho mek zel a. Zingkar hnatlangte pawh kan han inko thin na a, members tarn zawkte hi chuan hma lak mekna pawh hi kan la hre chuang awm love!!
Zingkara lo thawhchhuak thin members te chungah leh a bik taka Mistiri lo thawk chhuakte chungah Branch chuan lawmthu a sawi banglo a ni.
Kan hmangaih kaltate sakruang kan zalhna, kan veng thlanmual ah hian ani tuna nungdama la awm, nang leh kei pawh hi min la zalh ve dawn. Kan veng thlanmual hi tute mahin min rawn chei sakin, min rawn enkawl sak dawn lova. Chuvangin a enkawltu tur dik tak chu nang leh kei hi kan ni tih hria ila.
YMA member ten hnatlanga an samfai thin baka, thlan neitute, mahni chhungte thlan theuh samfai/thlo fai thin tur a min ngen thin na te hi ngaipawimawh thin ila, kawng engkima min neitu ‘ka khua leh tui’ min titheitu VC te pawhin hmalak duh dante pawh an la rawn nei anga, chung hunah chuan mipuite pawhin an thu ngaiin, kan veng thlanmual thatna tur leh mawi zelna tur hian kan rilru ngaihtuahna mai bakah, tha thawh a tul pawh a hma hruaitu ni zel thei twin members te kan in buatsaih thar zel a tha hie ang .


==============================================


Lawmthu Sawina
Kan inhmun min laihsak a, man chawi lova JCB min hman tirtu Pu B.Remmawia, leivung paih nan athlawn bawka motor min hmantirtu Pi Pangkhumi te chungah lawmthu kan sawi tak meuh meuh a. Pi Hranghnuni te chhungin hnatlanga thawkte zawng zawng in turin thingpui min lumsak a, chubakah Kahrawt venga mitlawmngai ten pawisa an thawhkhawm a.
Heng thil thlawn pek min petu zawng zawng hnenah he Chanchinbu hmang hian lawmthu kan sawi mawlh mawl a ni. Pek tum, la pe remchanglo pawh tam tak in awm tih kan hria a, kan la khawn kallai mek reng a ni.
Receipt pek loh palh in awm chuan rawn sawi ula, kan lo pe zel ang che u.
In puihna dawngtu,
Kawlbawia
President
Kahrawt MUP Unit

B P L le h A AY
Champhai District Civil Supply Officer thuchhuah angin Kum 2009 atan BPL leh AAY thlan \hat leh tur a ni a. Kahrawt vengchhung atan BPL ah mi 30 thlan tur a ni a, AAY ah mi 32, avaiin mi 62 thlan tur a ni. VC te leh NGO hrang hrang ten uluk takin an thlang ang.
Tin, Annapurna (mirethei chawmtu neilo, rethei takzet) hnuaiah beneficiaries te thlan tur a ni bawk a.Kan vengchhung a\angin mi 3 thlan tur an ni bawk ang. Hei pawh hi VC te leh vengchhung NGO hrang hrang ten an thlang leh ang.


==============================================

Ngaihdan

9436780892 (Editorial Board ngaihdan ani kher lo)
## Anganwadi ah hian kum 6 a chin hnuai lam tan a ni a. Pre Nursery an kal tawh chuan Nutrition pek loh an ni a, henga Nutrition pek lohte chan ai hi Office lamah paih tir a ni nge Wokers te hian an ei zawk nile. Office lamah chuan an paih tir ka ring si lova. Wokers te hi an va hlawk duh dawn em, in chuh vut vut tham chu a nih ngei dawn hi.
- 9862967917 
## Mahni in leh a vel te, mahni compound pawn lam thlengin tifai thin ila chuan, YMA te hi vengchhung thianfaia hnatlan hi a tlem phah sawt mai tur. Mahni in leh a vela hnim pawh thlo peihlo ho hian zah nachang hre tak ang maw?
- 9862900892


=============================================


CHRD


** Ka rawn haw chho chu, a hma ai khan ka kun tawlh tawlh zawkin ka hria... - Thanga (Leader) T.Sec 
** Cruise ti hlirin min ko tawh rawh u... - Tv. Mahluna (Ch. Sec) 
** Mizo Idol-a ka tel lo kha a pawi mang e aw!! Pakhatna ka nih chuan ropui takin min lo hmuakin zanah kan lawm leh dawn sia...- BC-A (V. Sec) 
** SK, ka tan i thinlung kawngkhar min lo hawnsak thei lawm ni? ka hmangaihna che hi hmangaihna luhlul an tih ang hi niin ka hria... - Ruata C/o Pu Machama

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…