Skip to main content

Champhai Tualchhung Chanchinthar

ADDL. SECRETARY HOIN ZOKHAWTHAR CHUNGCHANG SAWIHO :Zokhawthar Welfare leh CTU te buaina kal zel avangin Champhai Bazarah chawhmeh hralh chhuah tur a vang tan hle. Bazar a chawhmeh zuar te hnen atanga thu kan dawn danin, chawhmeh tam zawk hi Zokhawthar lam atanga lakluh ani a.CTU te'n Zokhawthar kawng an dan atang hian chawhmeh an khawlsa in a daih lo tan mek a. Tualchhung thar tlem azawng chauh zawrh tur an hmu tawh a, nitin chawhmeh zuara ei zawngte'n an eizawnna ber hetianga dan beh a ni chu pawi an tih thu sawiin, he an buaina hi chinfel thuai ni se an duh thu an tarlang a. 
Hetianga Zokhawthar kawng dan a nih avanga chawhmeh hralh tur avan tak avang hian chawhmeh man pawh a to phah ni a sawiin, thlai chi hrang hrangte hi Cheng-40 leh 50 inkar velin a man pangngai aiin a to tawh niin an sawi bawk. Zokhawthar atanga lakluh nepnawi zuartute pawhin an neih sa a zawh tep tawh thu an tarlang a, an dawr a kawrawng tan hle a, an thil zawrh man erawh a man pangngai rengin an la zuar…

@ Kahrawt YMA {Kahrawtians}

Image and video hosting by TinyPic

EXECUTIVE COMMITTEE NEIH A NI

Dt.5.6.2009 zan dar 7:00 khan Kahrawt Branch YMA Executive Committee neih a ni a, an thurel langsar zual te :

1. YMA Day hman dan tur chungchang ngaihtuah a ni a, YMA Day denchhen hian kan veng chhunga mi harsa zual leh Damlo \anpui ngaite \anpui nise tih a ni a. |anpui ngaite \anpui tur hi Dt.19.6.2009 aia tlai lovah theh luh nise, hma la turin Section te ruat an ni. Chhun lamah awmni khama Member hnatlang neih tur a ni a, kuang siam leh thlanmual rama thawh ngaite thawka Chawfuna thawh nise tih a ni.
2. Members Meeting Dt.30.4.2009 leh Dt.1.5.2009 zana kan neih \uma Members kal lote koh nawn leh an nih hnu pawha kal lote chungchang sawi ho a ni a, vawi thum koh pawh a kal lote chu Executive Committee chuan a dem tak zet a, kumthar Member lakah erawh fimkhur a ngaih phah hlein a hria a ni.
3. Mitthi lumen zana tlawmngaia tlaivarte hmeh tur leina atana Rs 500/- hman \hin chu beitham deuh a a lan avangin Rs 700/- hman \hin tawh nise tih a ni.
4. Kan Branch in Lengkhawm hlabu man kan la bat chu Rs 10000/-rulh leh nise tih a ni.

================================

Thlanmual Step siamna a senso

V/C atanga pawisa hmuh : Rs. 68,500.00 Hmanna :
1) Step lung, cubic pangngai 960 - Rs 17,120.00
2) Lungphek pangngai 650 cubic - Rs. 9,700.00
3) Double cubic 400 cubic - Rs. 11,200.00
4) Cement 20 bags - Rs. 7,600.00
5) Balu 407 trip - Rs. 4500.00
6) Hlawhfa - Rs. 15,560.00
7) Thingpui leh a hmeh - Rs. 2030.00
8) Cement phurhna - Rs. 500.00
TOTAL - Rs. 68,210.00
Balance - Rs. 290.00 Hriat ve mai mai atan :
1. Mistiri Rs 300 hlawh hi tha 14 = Rs. 4200.00 Rs. 250 hlawh hi tha 6 = Rs. 1500.00 Rs. 200 hlawh hi tha 21 = Rs. 4200.00
2. Helper Rs. 150 hlawh hi tha 34= Rs. 5100.00 Rs. 140 hlawh hi tha 4 = Rs. 560.00
Hei bakah hian vengchhung Mistiri tlawmngai tura sawm an ni a, tamtak thawk chhuakin zingkar hnatlang neih a ni a. Branch hnatlang hi vawi engemaw zat neih a ni bawk.


=================================


Chawngbawla Section
Ni 5.6 2009 zing khan section huamchhung thianfaiin hnatlang an nei a, member thawkchhuak an \ha hle. Pu Lalrinsanga te chhungin thingpui an lumsak a, an chungah an lawm hle. Nimin zing khan hnatlang neih chhun zawm leh a ni a. Khua a \hat chuan thawh\an zingkar hian hnatlang neih leh an tum bawk. Member te lo in ring lawk turin an ngen e.

Taitesena Section
Nimin zing khan Section huam chhung thian faiin hnatlang an nei a, member thawk chhuakte chungah lawmthu an sawi a ni.

Khuangchera Section
Nimin zing khan Section huam chhung thian faiin hnatlang an nei a. Tamdil an kal tuma kawng chhia in a dan avangin Keifang Venglai Branch in an lo buaipuina leh an haw theih nana Pu R. Laldika, Branch President in a Motor-a a zuk hruai avangin lawmthu an sawi bawk a ni.

Tihf ai t ur a n i
Kahrawt thlanmuala chhungkhat laiana thlan tih fai tur nei zawng zawngte chuan a rang thei ang bein mahni chhungte thlan bul leh a velte thlo faia sam fai vek turin kan in ngen a ni.

In report tur
Heng a hnuaia Job Card neitu hi vawiin ral hma ngeiin VCP inah in report tur a ni a, in report lo te chu paih (delete) a nih pawhin sawi buai theih a ni lovang.

==================================

Editorial

Faina
Khaih... khaih... khaih... tia tlangau a han au dup dup chuan kan han ngawi deuh thuap a, tlangau chuan au chhunzawm lehin ‘chumi section chu, section huamchhung thianfaia hnatlang neih tur a ni ’ tih chu an rawn au leh ta luah luah mai a.
YMA member te hi eng vanga hnatlang thin nge kan nih? Mahni hna pawimawh tak tak kalsan ngai khawpa vengchhung tifai thin nge maw an nih le? Mahni in leh a vel, mahni ram ngei pawh tifai peihlo avangin an hnatlang fa a ni mai lo maw.
Mahni in leh a vel bakah, kan compound atanga hlam li hlam nga hi tifai ta theuh hlawm ila chuan YMA hnatlang pawh hi an hah nep deuh tur. Kan in leh a vel, YMA in hnatlanga an tihfai suau suau lai hian zak map lovin kan la awm thei a ni mai lo maw?
Mahni kawmthlang zawn te, mahni tuiluankawr ngei ngei pawh kan hai pei loh chhung hi chuan changkanna chu hla takah a la awm ngei ang le.
Chuvangin, YMA member hnatlangte kan lo chhawk zangkhai ve theihna pakhat chu kan in leh a vel kan tihfai a, kan vawnfai hi ani. YMA member te hnatlan ngai khawpin kan in leh a vel a awm hi kan hlau thin em?

===================================

Lawmthu sawina
Ka fapa B. Lalnunmawia(Manuna) chu hun reitak damlohna in a tlak buak hnuah Dt. 1.6.2009 zana min boral san a. Min boral san chungchangah hian lawmthu sawina tur tam tak kan nei a. Kan khawhar hlaua min lenpuitu te leh a \ul ang anga min buaipuitu \henawm khawveng leh \henrual thate leh YMA Member te chungah lawmthu kan sawi a. Kan chunga in \hatna hi a let tamtakin Pathianin Malsawm che u rawh se tih hi kan \awngtaina a ni e.
Lianbawii KLhuangchera Section

Lawmthu
Thlanmuala kan hman \hin |hulhchem chu BC. Engineering Works ten a thlawna min siam \hat sak avangin an chungah Branch chuan lawmthu a sawi takzet a ni.

Damlo
Pu R.Thangchhunga (K.Sec) chu damlohna avangin Aizawl lamah enkawl mek a ni a. Pu Hrangthan siama Mizo chu Aizawl lamah zai turin a in buatsaih mek bawk.

Pem
Pi Vanlalringi te chhungkua mem­ber paruk te chu N.Khawbung a\angin kan vengchhungah an lo pem a, an hnen a\ang hian pem lehkha fel tak dawn a ni.
Tin, Pu Hrangthanga te chhungkua member 4, Pu Zothansanga leh a chhungte mem­ber 6, N.Khawbung a\angin eizawnna avangin kan vengchhung ah an rawn pem a, an ni hnen a\ang hian Testemonial dawn a ni bawk.

===================================

NGAIHDAN
9436780892 (Editorial Board ngaihdan ani kher lo)

## Ka hmangaih em em kan veng hi min hmusit tu deuh mai a awm a, chu chu vengdang tlangval a ni. Bas­ketball a rawn khel \hin a, kan veng tlangvalte hian hmuhsit chi kan nih loh zia hriattir ula, a \ha ang.
- Kahrawt fachuam 

## Zu k leh hmuam chi, Zial, kuhva, Khaini, Sahdah, Tiranga, Sachin tih loh hi in tih hmuh ila, kan hmel hi tun ai hian a \ha lehzual \heuh anga, kan hrisel zawk bawk dawn si.
- 9615673458 

## Kahrawt ah hian Anganwadi pathum kan nei a, engemaw zat chu Vengsangah an lawi mek a, kan veng chhung mite chu kan vengah lawi tur ni awm tak a ni a. Hemi siam tha tur hian kan VC te emaw Co­Ordination Committee emaw hian veng thil a nih hriain hma lak nise a duhawm hle mai. Kahrawt chu Kahrawtah a ni dawn lawm ni.
- 9862967917 

## Kahrawt ah hian Retailer pathum an awm a, an buhfai rate a in ang lo vek mai hi VC te hian enpuiin siam rem sak se, a ti tlawm ber rate hian tih theih ngei a nih a rin awm a. Huaisen taka hma la tu tur mi retheite hian kan va mamawh tak em.. - Mirethei

===================================

** VCP meuh pawh pu te an han boral meuh chuan a pachan theih loh. Min pawt bet lose chu thlan khurah ka zuanglut ngei ang. - Remchhunga (VCP) 
** Tlai mah var ila, kan in ning chuang hlei lawng e... - BC-A (V. Sec) 
** Naute, i zunah maw ka lo uai.. - Ruata C/o Pu Machama

Comments

taran taraan said…
in veng hmusit tu chu that mai roh u.a t lah th gai lo ang