Skip to main content

Champhai

LEITHA SIAM DAN TRAINING NEI :
Champhai District Krishi Vigyan Kendra (KVK), Khawzawl leh NABARD, Champhai District tangkawp bultumin KVK Farmers Training Hall, Khawzawlah ni 5 chhung awh tur, Khawzawl RD Block huamchhunga Self Help Group thlan bik pasarih (7) atanga Member 30 te tan Pa khawi leh Changpat Leitha (Vermi Compose) siam dan Training neih tan a ni.
A hawnna pualin KVK Farmers Training Hall-ah inkhawm tawi buatsaih a ni a. He hun kaihruaitu, Dr. Vanlalhruaia Hnamte, KVK Head & Scientist chuan Champhai District KVK leh NABARD ten hun rei tak thawhhona tha tak an neih thu a sawi a.
        NABARD tanpuinain KVK pawhin loneitute tan nasa taka hma an lak mek thu leh hmalakna pakhat zinga mi Self Help Group Member te tana eizawnna tha tak ni thei Pa khawi leh Changpat hmanga lei tha siam dan Training buatsaih a ni chu lawmawm a tih thu a sawi a. Training chhimtu Self Help Group Member te chu eizawnna puitling leh chhawrtlak nei thei ngei tura training hlawkthlak tak hmang turi…

@ Vengsang YMA {Vengsang}

Sub-Headquarters YMA Co-ordination Committee neih a ni.
The Vengsang 31st May, 2009 :
Ni 29.5.2009 (Zirtawp) khan Sub-Headquarters YMA, Champhai Co-ordi­nation Committee vawi-3na chu YMA Office Tlangrawtah neih a ni. He committee-ah hian member 35 kalin Agenda paruk sawi ho a ni a, an rorelte chu :-

ROREL - 1 NA : YMA Dan Bu ennawn chungchang
(i) YMA Dan Bu Bung V, No. 26/4 (d) a tarlan Central YMA, CEC, hruaitu atana thlan theih turte chu kum 5 tal Branch, Group, Sub-Hqrs, CYMA-ah OB(Hruaitu) a ni tur a ni.
(ii) Central YMA, Sub-Hqrs, Group leh Branch YMA-ah hruaitu nihna chelhkawp lovin mi pakhatin nihna pakhat chauh a chelh tur a ni.
(iii) YMA Dan Bu Bung V, No.27/5 (a) a Sub-Hqrs. YMA hruaitu atana thlan theih tur te tarlanah Branch, Group, Sub-Hqrs leh Central YMA-a hruaitu nihna kum 5 tal chelh tawh ani tur ani tiin thlak danglam nise tiin thu tihtluk a ni. Central YMA, Sub-Hqrs, Group, Branch YMA sum endik turin Auditors 3 aia tlem lo ruat nisem kum khatah vawi 2 tal audit nise; Auditors hi OB/Executive Committee-in ruat nise tih a ni.

ROREL - II NA : Sub-Hqrs.YMA financial Rules, 2009 ennawn chungchang :  
 Central YMA-in Sub-Hqrs.YMA Financial Rules, 2009 kaihhruaina a siam chu ngun taka thlir ho a ni a, chipchiar taka Ngaihtuah : kaihhruaina dante thlirho anih hnu-in Draft Rules hi a thuphung Tunlai hiaqn Branch OB te’n an pawm.

ROREL - III NA : Chin Migration /census chungchang : Chin Migra­tion Census neih mek chungchang thlirhona neih a ni a, Chair­man sawmna angin Secretary Pu C.Lalhnunpuia’n Chin Migra­tion Census neih anih chhan leh Central YMA duh dan tlangpui tarlanna a nei a. Hmalak tawh dan, hmalak mek leh hmalak zui dan tura mutan awm thei sawiho a ni a, Chin Migration Census  
 kalpuidan rualkhai zawka Branch YMA te’n hma an lak theihna turin Chin mi dik tak nia ngaihte chu Form-a tarlan nise tiin tirancn Ur> te n member Budget thutlukna siam a ni a, Chin Migration Census chungchanga an ^nawn mek a> member te n harsarna nei Branch YMA chuan Sub-Hqrs.YMA ah a rang lama tnannem ngai taka lo pe tur len Men tha tihtlan ani bawk.  

ROREL-IV NA : YMA Day, 2009 hman dan chungchang : YMA Day, 2009 hman dan tur chungchang thlir ho a ni a, Central YMA-in YMADay puala Branch, Group, Sub-Hqrs. leh CYMA-in hun a hman dan turah tanpui ngaite tanpuina lam hawia ke pen tlan tha tih ani a, Committee ngaihdan zulzui hian lehkha/ thuchhuah siam tha tih a ni bawk.
YMA Day pual hian Sub-Hqrs. YMA, Champhai hmingin Damdawi In-a damlo te tan Rs.1000/- tanpuina pek tih ani a, hetih rualin Damdawi In-a damlo inentir turte chawlhna (Waiting Shed) chu cheibawl dan ngaihtuah nise tha tih tlan a

ROREL -V NA : Tuldangte
 (i) YMA Park chungchang : YMA Park, New Champhai bula mihi Agri-College hmun atan kan surrender phal mai thei angem ? tih a lo lut a, he agenda hi ngun taka kan ngaihtuah hnunin Sorkar lamin an duh/mamawha min rawn dil anih chuan Committee-in ngaihtuah nise tiin thu tihtluk a ni.
 
 (ii) Zaipawl chungchang : Sub-Hqrs. YMAaipawl Sub-committee hmalakna chi hrang hrangte ngaihthlak a nih hnuin Zaipawl chungchangah zawhna chi hrang hrang a lo lut a, chung zawhna te chu inhrilhfuiah anih hnuah tluang taka kal turin duhsakna kan hlan nghal bawk.
 
 REPORT : Secretary, Pu C.lalhnunpuia;n Sub-Hqrs. YMA Co-Ordination Committee vawi-2 na leh tun tum Committee inkara Sub-Hqrs. YMA hmalakna chi hrang hrnagte, kalphung leh hnatawh hrang hrangte report a pe a, Financial report ngaihthlak nghal a ni a, Committee chu tihtawp nghal a ni.




===============================

BRANCH  
 OB meeting nei :
Kar hmasa Inrinni zan khan OB meeting Pi Lalrinpuii te inah neih a ni. He tah hian Committee-in YMA Day-a sport Item tur leh Programme lo duang tura an kuta a dah angin Item tur leh Programme an duang fel.

Thingphel lei :
Kuang tur thingphel pakhat Rs. 270/- hisap in 20 lei a ni.

Hriattir :
Mualbawka Pu Kawlbawia In luah Chauleng (Burma) atanga rawn pem te chu ramdangmi an nih angin tun thla chhung ngeia kan veng chhuahsan tura hriattir an ni.
Pu Rizapa In hnuai (Rahte veng tuikhur peng) luahtu Lalkhawngaiha S/o Vaineli te nupa pawh an nungchang ngun taka zir an nih hnu in thla thar hma ngeia kan veng chhuahsan tura hriattir an ni. 

Ngaihtuah : kaihhruaina dante thlirho anih hnu-in Draft Rules hi a thuphung Tunlai hiaqn Branch OB te’n  
  sport kan neih tura lawmman tur an ngaihtuah mek a, Hriatrengna atan emaw mahni remchan dan ang anga lawmman thawh thei kan awm chuan lawm takin Branch OB te’n an dawng thei reng e.

==================================

ENGLO HUANG
© A rawn chetsual ka hlauh avangin ka pa hnenah step siamtha turin ka ngen tlut tlut a, ka hlawhtling ta !!
- Lalnui K.Sec. 
© Enga (Thiamnghlim), ka nu awm laia in lo len hian, Nupui neih hun lo bik zawk zawk ka ni tawh lo tih hi sawi tarn deuh teh u !!!
- Rintea (Mock-a) V.Sec. 
© Kar mah hla se rinawmna kan tiam kha vwng dun zel ang aw !!!
- TPa T.Sec. 
© Ka Room ka zauh chhan hi in zawh a ngai vak a mi? Awmzia a awm a ni mai a lom!
- Sena ( Pre. V/S.C) T Sec. 
© Naupang thlima, Thlam kalsan chu handset a bo duh bik! Lerh vang ni miah lo in...
-Kima N Sec. 
© Upa ni turin T. Chiah paih ka ngai ta keuh mai !
- Pu Sdnglawma K Sec. 
© Ngawi reng in ka awm mai mai bik hauh lo a nia, Veng ramri pelin zan tin rei tak tak tu emaw bulah ka phun ve sup sup thin a nia!
- Remruata (Pastor Veng) V Sec. 
© Ka nau ten mi tih khalh zawh hma ngei hian tan lak LEH thar leh ka ngai ta ....
- Didin-i K Sec.
 

==================================

YMA Day Sport Item

Chhun :
1. Dodge Ball : Member zawng zawng
2. Mass Race : Member zawng zawng
3. Volleyball : Men & Women
T.T point chhiara chhiarin Game khat point 15 a ni ang. Best of three a ni anga, mipakhatin Game khat bak khelh awih a ni lo.
Volleyball ah hian Match ropui tak VC leh Branch OB te’n anm khel dawn bawk a ni.
4. Football : Men
A rualin mi 8 in khelh theih a ni ang. Khelh hun chhung chu 15 + 15 a ni ang. First half a khel sec­ond halfah luh nawn awih loh a ni.

Zan :
Zanah lengkhawm zaia section tin inelna neih a ni ang. Intihsiak nan hian mahni duhzawng hla pakhat theuh sak tur a ni.
Intihsiakna hi section hrang hrang inelna a ni ang. (Programme leh tul dangte chu issue dangah tarlan a ni ang.)

HRIATTIRNA
Vengsang huam chhunga Sapthei neite chuan chawlhkar tin New Champhai ah Nilaini apiangin thu leh awm hma chuan a hralh theih reng e.
Tin, a phurh thlak chungchangah mahni in buaipui tur a ni ang
Sd/-R.Lalruala Incharge Sapthei Sub-Committee


================================


HRISELNA HUANG (NAUPANG AWMNA)
Naupang neih tawh phawt chuan naupang awmna hi kan hriat tlangpui leh kan buaipui fo tawh ani awm e.Kumtin in naupang hian awmna vawihnih vawi thum an vei deuh ziah a, abikin mi tamna hmuna cheng te hian an vei ngun lehzual thin. Naupang hrisel lo deuh tan he natna hi vei a awl lehzual a, chuvangin ngun lehzuala heng mite hi ven that an tul bik thin a ni.
A nat dan tlangpui :
K hawsik : Khawsik hi nausen piang tirah ate abikin thla kimlo ah te a awm duh bik thin a ni. Naupang thla ruk atanga kum thum thleng mai hian awmna hlek an neih pawhin an khua a lo sik vak thin a ni.
Chawi ei tuilo : Naupangin awmna hlek an neih chuan an chaw ei a tuilo nghal t hu ai t hin.
Awm hle hle theih lohna : Naupangin awmna a vei chuan a awmdan a piang mai nuam a ti lova, a ning thuai thuai thinin a awm hle hle thei thin lo, a bikin naupang thla ruk atanga kum thum mi inkar hi an ni lehzual. An hnar te a ping a, thawk harsa an lo tih lehzuala, abikin zan mutna ah an hnar aping zual a an ka-in an thaw thin a ni. Chuvang chuan an tal velin an let an let thin a ni. Thawk har : An awm a nat hian thawk har an ti a, an thawk zawngin an tang vak vak a, an awm an sep dawr dawr thin a ni. An khuh chiam chiam thin a, thawk har an tih nasar phei chuan an hmui leh hmai te a lo duk vek thei thin. An hnar a lo tui a, hnap nen an lo berh luai a,beng ringawt pawha an awma han ngaihthlakin an thaw ri tuap tuap thin a ni. Engemaw chang phei chuan an luak chiam chiam a abuaithlak duh hle.
A enkawl dan :
Naupang awmna chu ngun taka enkawl tur a ni atlei dan tur ngaihtuah pui thuai t ur a ni a, an awm lapua luma t uam t hat tlat t ur a niin pawn t hli t hawah te abikin zing leh t lai lamah t e phei chuan awmpui loh reng r eng t ur a ni. Inchhung fianrial leh boruak thatna hmunah awmpui tlat tur a ni. Naupang awmna chu a luak chuan a taksa a tui kha a tlem lohna tura tui lum emaw, glucose tui emaw pek ngei ngei tur a ni a, a luak nasat phei chuan naupang kawthalo pek chi tui al (ORS) ang kha pek ve mai tur a ni. Tin, naupang awmna chuan thawk har a tih viau chuan oxygen pawh pek thin tur a ni.
Damdawia enkawl dan :
Natna hrik thatna (antibiotics) chi hrang hrang penicillin te, striptomycin t e, chloramphenicol te leh a dang dang chhuak thar te hi hman tur a ni. Naupang awmna tam tak chuan Benzyl penicillin hi an ngeih duh hle a, chuvang chuana ei lam a ngeih loh phei chuan hei hian inchiu tir mai a tha. Naupang kumtling lo ah chuan Ampicillin drysyrup hi hman a tha a, mahse co-trimexazone heng W.K Tr im t ui chi hi p ek lo h tur a ni.Awmna zu alah chuan St eroids pek hian nasa t ak in a tanpui a ni. Heng bakah hian khuh damdawi lam heng Corex te, Tixilix te, benedr yl E xp ect orant lam chi te pawh hi a p ek t heih a, nasa takin he ng hian a tanpui thin a ni. Tui in tur lam chi te pawh a luma pek a tha a, nausen hnutea chawm laite pawh hetia a nat zual lai hi chuan tlema an intur tihdal deuh hi duhthusam a ni.
Natna dang ang bawkin a thawk te, a marphu te, a khawsik te ngun taka en that reng tur a ni a, that lam a pan loh chuan a tul anga damdawi in lama mit hiam z a w k t e ra wn t ur a ni. ( Co u r t e sey- H r ise lna Ma g az ine )


=================================


Editorial :
Mizo ?
Sakhi, savawm, saza leh a dangte ramhnuaia khawsa chi ho hi Ramsa kan ti a, chutiang bawk chuan Mizo pawh hi hnam hrang hrang Hmar, ralte, pawih, Mara, Lai leh a dangte khaikhawmtu a ni. Zohnahthlak hnam tawh phawt chu Mizo-ah hian an tel vek a ni.
 Tunlai hian hnam chi bing inhawrkhawm let let kan ching cho ta viau mai. Chhungkhat laina inhriat tlanna atan chuan thil tha tak a ni thei e, mahse chi bing inlakhranna hring chhuak thei anih avangin chin tam loh hi a him zawk a ni. 
 Mizoram chhunga awm Mizote hian ram danga awm kan unau Zohnahthlak kan en dan hi kan thlak a pawimawh hle a ni. USA a pem tawh an tu leh fate pawh USA a piang leh sei lian pawh nise kan enhrang lo ni mai lovin kan ngaihsan viau lai hian kan ngaisan vak loh Ram a awmte chu kan en hniamin hnam dang hmuhin kan hmu leh si. Hei hian kan hnam inpumkhatna a dal in hnam dang hmuhah kan hnam kan timualpho a ni. 
 Chutiang bawkin ram danga Zohnahthlak awmte pawh hi kan in ennawn a tul khawp mai. Kan awmna ramah Mizo nihna kengkawh chuang silova Mizoram luh chang chauhva in ti Mizo kan awm nual mai. Tin, Mizo a lungawi lova mahni chi bing la lian viau kan tam hle bawk.
 Khawiah pawh awm ila, Mizo kan ni a, inla hrang thei kan ni lo tih leh kan Hnam mawina leh mawilohna te, kan hnam dam khawchhuah theihna te hi kan kutah a innghat tih hria a arpui mei ang phata kan tan tlan a, hrui khat kan vawn tlan a ngai a ni tihah hian i chiang thar leh ang u.

Comments

Popular posts from this blog

Champhai

LEITHA SIAM DAN TRAINING NEI :
Champhai District Krishi Vigyan Kendra (KVK), Khawzawl leh NABARD, Champhai District tangkawp bultumin KVK Farmers Training Hall, Khawzawlah ni 5 chhung awh tur, Khawzawl RD Block huamchhunga Self Help Group thlan bik pasarih (7) atanga Member 30 te tan Pa khawi leh Changpat Leitha (Vermi Compose) siam dan Training neih tan a ni.
A hawnna pualin KVK Farmers Training Hall-ah inkhawm tawi buatsaih a ni a. He hun kaihruaitu, Dr. Vanlalhruaia Hnamte, KVK Head & Scientist chuan Champhai District KVK leh NABARD ten hun rei tak thawhhona tha tak an neih thu a sawi a.
        NABARD tanpuinain KVK pawhin loneitute tan nasa taka hma an lak mek thu leh hmalakna pakhat zinga mi Self Help Group Member te tana eizawnna tha tak ni thei Pa khawi leh Changpat hmanga lei tha siam dan Training buatsaih a ni chu lawmawm a tih thu a sawi a. Training chhimtu Self Help Group Member te chu eizawnna puitling leh chhawrtlak nei thei ngei tura training hlawkthlak tak hmang turi…

Champhai

KANGMEI VEN HAPTA HAWNG :
Nimin chawhma khan Champhai District-ah Mizoram hmun dangte rualin ‘Kangmei Ven Hapta’ (Fire Prevention Week) vawi 20-na chu hman tan a ni.  Kangmei Ven Hapta hawnna pual hian District Level Fire Prevention Committee buatsaihin   Champhai DFO Pisa tualzawlah hun hman a ni a. Kumin Kangmei Ven Hapta puala thupui thlan chu ‘Ram tikanglo turin mitin i fimkhur ang u’ tih a ni.
He hun hi Champhai DFO & Member Secretary, District Level Fire Prevention Committee C.Lalbiaka chuan kaihruaiin, VL Chama Hnamte, President, Sub-Hqtrs. YMA Champhai chuan Kangmei Ven Hapta hawnna thuchah a sawi a. Kangmei Ven Hapta puala Lirthei hmanga khawlai fang kuala, aurinna hmanga mipuite zirtirna pe a chhuak tur, Vehicle Rally Team pahnihte a  vailiam nghal a ni. 
VL Chama Hnamte chuan kangmei ven kawngah mitinte fimkhur a pawimawh thu a sawi a. Ram ngaw humhalh leh kang thelh kawngah tanrual a ngai a, a enkawltu vek kan nih avangin Department kutah chauh innghah mai thin loh tur a…

Sermon

Ringtute Hi Khawvel Eng Kan Ni
Chang thlan : Matthaia 5 : 14 - 16
Eng tel lo chuan khawvela nunna neite hi an dam khawchhuak thei lo. Eng hmanga chaw siam thei chauh vek an ni. Thil, a nihna ang taka kan hmuh fiah theihnan pawh eng a ngai a, eng awm lohna ah chuan kan chetvelna pawh a buai zo vek a nih hi. Thimah chuan kawng kan hmu thei lo va, hlauhawm leh hlauhawm lo kan thliar thei lo va, kan mit kan chhawr tangkai thei hek lo. Eng tel lo chuan kan khawsa thei lo a ni
Khawvel Eng - Isua : Isua hi khawvel eng a nih thu Johana 1:9, 8:12 ah te kan hmu. Isua tel lova khawvela nun kan hman chhung chuan thimah kan cheng tihna a ni. Nuamsa takin awm mah ila, Kawng leh Thutak leh Nunna Isua kan neih loh chuan kawngbo kan ni tho. Kan hlawhtlinna te, ropuina leh hmingthatna te pawhin kan damchhung bak a daih lo. Tin, kan nunna atana tha leh tha lo pawh kan finna atangin kan teh ang a, a dik zik tluak chuang lo . Kan hlimna leh lawmna pawh hian tawp chin a nei a, lungngaihn…