Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Mizoram Chanchin


Ni 10.12.2011 (Inrinni)

@ Sept ni 19 chhun dar 1:00 vela Vairengte chhimveng a Pi Lalchhuangi te in varandah a chin hriat loh naute hnut chhiah nausen pianghlim puan a thatak a intuam Mipa kg-3 vela rit hi hunrei tak a dah tu (a Nu) zawn anih hnuin hriat chhuah ani ta a, vairengte Police te hma ah inpuangin Laltanpuii @ Mapuii(34) D/o. Zairema Champhai venglai mi Falam Myanmar lam chhuak niin a insawi a, man a nih lai hian New Khamrang khua a Pi Chhingpuii inah a khawsa mek a ni. a sawi dan chuan Aizawl atangin Truck (Motor lian) hnam dang khalh ah chuangin Phai lam panin a chuanga, Vairengte an thlen hian nau nei tur anga a pum a nat avangin Vairengte chhimveng an thlen chuan motor atanga chhukin veng kilkhawr lam deuh leh daifem lam deuh nia a hriat panin eng tin tin emaw nau hi a nei ta niin a sawi a, a fa enkawlzui tur hian harsatna lian tak a neih avangin nau a neih zawh hian a tlansan ta mai niin a sawi bawk.

@ World Human Rights Day a nih angin, Zoram Entu Pawl leh 26th Assam Rifles tangkawp chuan chawhma dar 11 atangin Vanapa Hall kawtah an hmang ang.

@ CM Pu Hawla Manipur atangin Aizawl a hawng ang.

@ MNF President Pu Zoramthanga Hliappui, Pawlrang, NE Khawdungsei leh Khawkawn tlawha zin Aizawl a thleng ang.

@ Dr.R.Lalthangliana MLA, MNF Vice President chuan Aizawl chhuhsanin Khawhai a pan ang.

@ Mizoram KVI Board in State Level PMEGP Exhibition, Assembly Annexe Bldgs. a neih chu chawhnu dar 1:30 hian Pu K.Lianzuala MLA, Chairman, Mizoram KVI Board in a khar ang.

@ Champhai North Constituency Students’ Union chuan zing dar 10 atangin Ist Spl. Assembly I&PR Auditorium-ah an hmang anga, bialtu MLA Pu TT Zothansanga khuallian a ni ang.

@ Synod khawmpui Khatla Presbyterian Kohhran Biakin-ah chhunzawmin, zing dar 9:30 atanga tlai dar 4 thleng rorel chhunzawm a ni anga, zan dar 6-ah Pathian Biak Inkhawm neiin Thlarau lam thupui “Thianghlimna” tih chu Rev.Lalhmingthanga Tanhril in a sawi anga, Lungleng 1 leh Lawngtlai bial zaipawl an zai ang.

@ Mizoram UPC General Assembly vawi 17-na chu Mission Veng Joint YMA Field, Model vengah neih chhunzawm a ni ang. Inrinni zan atangin Pandal ah hian revival inkhawm an nei tan ang a, Zonet Pathian Fakna Channel atangin Live in pekchhuah a ni ang.

@ Eptu MNF Vice President Dr R. Lalthangliana chuan Congress sorkar chu sum enkawl thiam lovah puhin cheng vaibelchhe 72 lai pawisa lapse kha awmlo sela chuan tuna School Education department Plan hnuaia hlawh la mi sang riat dawnin kum 2012 March thla thlenga an sum mamawh, cheng Vaibelchhe 63 leh nuai 11 lai hi, a khuh zo tur a ni, a tiin Dec.9,2011 khan Mizo Hnam Runah a sawi.

@ Mizoram Governor Pu Vakkom Purushothaman chuan Mizoramah politics lam aiin sorkar hotu lian lamah corruption a hluar zawk nia a ngaih thu a sawi. Dec 9,2011 a Hlemhlet Do Ni (International Anti-Corruption Day) puala PRISM-in Aizawla sawihona inkhawm an buatsaihah a sawi a ni.

@ The Mizo Meet 2011 Dec 9,2011 khan Kawnpui khelmual, Churachandpur, Manipur-a hmanna ah Chief Minister Pu Lal Thanhawla chu khuallian a niin, Mizo hnahthlak zawng zawngte rorelna pakhat hnuaia awm chu an duhthusam a nih thu a sawi. Khual zahawmah Art & Culture Minister Pu P.C. Zoramsangliana; E&F Minister Pu H. Rohluna te bakah Pu T. Phungzathang, Manipur Minister for Power leh Pu TN Haokip, Manipur Minister for I & PR te an ni a. Special Guest ah Pu Lalrinmawia Ralte, Parliamentary Secretary ; Pu Chawngtinthanga, Parliamentary Secretary leh President CYMA leh President MZP General Hqrs. te an ni.

@ December ni 9, 1986-a din tan Leitan Branch YMA chuan Dec 9,2011 khan Leitan YMA Hall-ah Silver Jubilee lawmna an nei a, bialtu MLA Assembly Speaker Pu R. Romawia’n a hmanpui a ni.

@ Commandant, 40th AR. thu chhuah a siam a ni 15 Decmber 2011 atanga ni 31December 2011 chhung hian nitin zing dar 6:30 atanga chawhnu dar 1:00, tlai dar 3:00 atanga zan dar 8:00 thlengin Kawmzawl firing range ah chand an kap dawn a. Mitin te an chand kah chhung hi chuan fimkhur tur leh an ran leh bungruate veng tha turin an ngen a ni.

@ Pu John Rotluangliana MLA, Deputy Speaker ni bawk chuan ni thum thangin a bial chhung khaw hrang hrang, Khawhnai, Teirei Forest, Damparengpui, Tuipuibari, Rajiv Nagar, Khantlang, Andermanik, Tuirum leh Dapchhuah te tlawhin khawtinah khawtlang hruaitu ten an lo dawngsawng tha hle a ni.Deputy Speaker hi a nupui, Pi Vanlalhruaii, DC Mamit Pu Rodney L. Ralte leh District Officer engngemaw zatin an tawiawm a ni.

@ Dec.9,2011 khan Lunglei District Anti Tobacco Squad te chuan Pu T.Lalduhawma, Addl. DC Lunglei hovin Squad Drive neih a ni.
Anti-Tobacco Team te hian ICFAI, PWD Building, PHE, Treasury Office, PWD Mechanic, Legal Metrology, Art & Culture leh PWD Road Division te tlawh in heng office tlawh ah te hian meizu mi 5 an man a, an man te hrem nan hian pawisa fai chawitir niin an pawisa chawi tling khawm hi a vaiin Rs. 250 a ni.

@ December 31, 2011 zana thalaite tana intihhlimna, Aizawl khawpui leh District khawpuiah DC kaihhruainain YMA ten lo huaihawt theuh tura beisei an ni a; heta intihhlimna buatsaihtute tihphurna tura sum senso tur hetiangin sorkarin a ruahman: Aizawl khawpui chhunga hmun 5: Kulikawn, College Veng, Dinthar Veng, Chanmary, leh Zemabawk leh Lunglei tan Rs. 60,000 theuh pek an ni ang a; District khawpui dang 6-ah Rs. 50,000/- theuh pek an ni ang.

@ Dec.9,2011 khan Chief Secretary Conference Hall-ah Mizoram State Innovation Council thutkhawm hmasa ber chu Chief Secretary leh Council Chairman ni bawk Pu Van Hela Pachuau, IAS hovin neih a ni.

@ LADC hnuai a Kum 10 zet Primary School a Medium of Instruction atan a English kalpui anih hnu a, Kumthar 2012 atang a Medium of Instruction atan Mizo hman anih tur duh loh entirnan Dec. 9m 2011 khan LADC Office kawt ah Lai Student's Assn. (LSA) General Hqrs.Lawngtlai chuan SITTING DEMONSTRATION an nei.
LSA Gen.Hqrs Vice-President C.Kapkima chuan Sitting Demonstration an neih chungchang sawiin, " LADC Executive Meeting in LADC hnuai a Primary School a zirna Kum 2012 atang a Mizo a kalpui a tum chu vanduaithlak a ni a ti

Comments

Popular posts from this blog

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…