Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Mizoram Chanchin {Lalhmachhuana Tochhawng}

NI 18.1.2012 (NILAINI)
@ 6th Shito Ryu Seiko Kai National Karate Championship, Luang mual Indoor Stadium-ah chhun dar 12:30 hian Legislative Assembly Speaker Pu R.Romawia ‘n a hawng ang. DDK Aizawl chuan live in a pechhuak ang.

@ Rabindranath Tagore a piancham Govt.Mizo HSS ah chawhma dar 11 hian lawm a ni ang.

@ Home minister Pu R.Lalzirliana chuan chhun dar 12 hian Saitual HSS a hawng ang.

@ National Voters Day hman dan tur ngaihtuahin CEO Pu K.Riachho Office, New Sectt. Bldgs.ah chawhma dar 11 hian neih a ni ang.

@ Inter Higher Secon dary School Quize competition Vanapa Hall-ah zing dar 10 atangin neih \an a ni ang.

@ Sports minister Pu Zodintluanga chuan Champhai a\angin Khawbung a tlawh anga, Aizawlah a kir nghal ang.

@ ZoRO hruaitute chuan chhun dar 12 hian Aizawl Press Club-ah Press mite an kawm ang.

@ Governor Pu Vakkom Purushothaman-a zan khat riaka Serchhip tlawha thang mek chu a Aizawl a kir ang.

@ Parliamentary Secretary to CM, Pu Lal Thanzara chuan Mizo Hlakungpui Mual a thlawh ang a, hlakungpui a tlawh zawh hian Khawbung Sub-Division, P&E Quarters sak thar 8 leh Office Building 1chu a hmunah kalin a tlawh bawk ang.

@Aizawl Zu zawrhna hmunpui ber nia an sawi Rangvamual (RV) khawtlang hruaitute chuan kumin (2012) hian an venchhunga Zu zuarte chungah na taka action lakin awmze neia an hriat loh vangin awareness nei zawnga hma lak an tum thu an puang

@ MPC Party Pu Lalhmangaiha IRS (rtd) hruai chuan tun VC leh Local Council inthlanah chuan khua/ veng hrang hranga an unit hruaituten tha an tih anga kal turn thuneihna an hlan.

@ Salvation Army, India Eastern Territory Budget Council nimin (Jan 17, 2012) Bazar Corps a thukhawm chuan kumin an budget atan cheng vaibelchhe 10 an pawm.

@ Corruption a zung kan phawi mek ti a CM Pu Hawlan tun Jan 16, 2012 a Lengpuia a sawi chungchangah MNYF chuan thuchhuah siamin, CM chu corruption zung a phawi hming tarlang turin an phut tih an sawi.

@ MPC President Pu Lalhmangaiha Sailo chuan, kum 2013 MLA inthlan turah hmasawnna tak tak leh ram leh hnam dinchhuahna tur ngaihtuaha vote thlak thiam a pawimawh dawn tih sawiin, “Sorkar thlak mai a tawk lo a, kalphung thlak a tul takzet ani a ti.



@ Pu LH Shanliana IPS chu kum dawnlai New Delhi a awm hnu in, Mizoram sorkara thawk leh turin vawiin hian Delhi atangin an chhungin Aizawl anlo thleng dawn a ni.

@ Khatla South Joint Action Committee chuan tunhnaia Aizawl Municipal Council in Khatla E Local Council dinna tur Notification a tihchhuah chu lungchhiat thlak an tih thu an sawi a, an remtihna tello a AMC in dinna tur order a tichhuak chu ennawn leh turin Chief Minister hnen-ah ngenna an thlen tih nimin Aizawl Club- a Press mite an kawmnaah an puang.

@ March 3, 2012 a Mizoram Bamboo Day hman turah chuan, ‘Mau nei ngah khuate’ hnenah lawmman pek a ni dawn.

@ Aizawl Zoological Park a ramsa chawpetu Rajesh (32)c hu kum 2007 khan Zawng chaw a pekna hmunah Zawng pakhatin a seh a, tun hnai khan a kaih a, tunah hian Aizawl Civil Hospital ah enkawl mek a ni a, Rajesh hi ramsa enkawl lama tui tak a ni a, Zawngin a sehna hmuamhma hi a thak nasa thin niin an sawia, Rabis a ni em fiah turin a sehtu Zawng hi hmun hranah an sawna, a thi tawh bawk niin an sawi.

@ Nimin (Jan.17, 2012) zing dar 10 a\ang khan Saiha khawpui chhung tui lama harsatna chungchang DC's Conf.room ah Pu,Kunal Saiha DC hovin meeting nei a ni.


Dec 21, 2011 (nilaini)
@ Mizoram Larsap chuan zing dar 10 hian Raj Bhavan-ah Chrismas thuchah a sawi ang.

@ Synod Office khar tan a ni ang. Kum thar Jan.5 ah hawn a ni ang.

@ Baptists Church of Mizoram chuan an Office an khar tan anga, Jan.5, 2012 ah office an tan leh ang.

@ CYMA, MHIP, te chuan Krismas leh kum thar atan an office an khar dawn a. UPC-in naktuk-ah an khar bawk ang.

@ Thingtlang lam hawnna neilo tan a remchan dan ang angin MST chuan vawiinah Bus tirh a tum.

@ Mizoram sorkar hnathawk pension tawh rawih nawn mi paruk (6) leh service pawhsei sak mi sawm pasarih (17) an awm mek niin MZP leh MSU chuan an sawi a, chhan leh vang tha tawk a awm a nih loh chuan titawp nghal tura an duhna memorundam Chief Minister hnenah an thehlut.

@ Dec 20, 2011 khan Chief Judicial Magistrate Office, Lawngtlai te chuan kumin January atanga nimin thleng a ruihhlo, case chinfel tawh an kawlte an halral.



@ Reuben Lalramhlimpuia hi Drugs Adict niin hmanni lawk khan Vairengte Travellers Inn ah a thianpa nen an thlen laiin a thianpa hi OD in alo thi tawh chu Dec 19, 2011 chhun dar 11:30 vel khan Vairengte Police ten mi pawisa tam tham tak, Rs 2,62,800 (Nuaihnih singruk sanghnih zariat) a ruk nen an man leh a, Kolasib Poice hnenah an hlan.

@ Mizoram Electricity Technical Staff Association (METSA) chuan Mizoram pumah power supply mumal loh avangin sem rual (Load Shedding) a ngai thin tih an sawi a, hei bakah khawl lam that loh avanga harsatnate pawh awm thei a ni tih sawiin hetianga anih chang hian mipuite aiin thawktute an buai hman fe tawh thin nia sawiin hrethiam hram thin turin an ngen.

@ Dec 20, 2011 khan Mamit District chhunga Hnuchham enkawlna awm chhun, Adullam Centre W.Phaileng bul ami,Krista hmachhuantute Team e kawl mek chu, Dinthar branch KTP Mamit chuan Krismas thilpek atan Rs 10000/- an hlan. He hnuchham enkawlna hmun Adullam Centre ah hian Naupang 27 enkawl mek ani a, thawktu 7 an awm mek bawk, kum 2006 atang khan he hnuchham enkawlna hi dintan a ni.

 


Ni 19.12.2011 (thawhtanni)
@ Social Welfare Office, Chanmari-ah Tar pension a lak theih ang.

@ Chapchar Kut Comtt. chawhnu dar 1 hian Arts & Culture minister Officer Chamber-ah an thukhawm ang.

@ Mizorama a vawi 2-na atan Mon-Wed hian Millenium Centre tual zawlah CASIO ROAD SHOW neih a ni dawn. Hetah hian Keyboard leh Piano man tlawm tak taka pho chhuah a ni ang.

@ Ralvawng High School, RMSA sum hmanga sak thar chu Pu Joseph Lalhimpuia,Vice Chairman, Lunglei High Power Comtt. in a hawng ang.

@ Mizoram Assembly Subject Comtt.-1V chuan Rajiv Gandhi Stadium, Mualpuia Mizoram State Sports Council in cheng nuai 100 a hman dan chu an ringhlel a, thlathum chhunga chhui turin rawtna a siam.

@ Rilru lama harsatna neite tan tanpuitu pawl NeLicS chuan Dec 22-31, 2011 inkar hian an Office, Aizawl Venghluiah a thlawna inenkawlna a buatsaih dawn.

@ Sap Upa, Rev.FW Savidge-a lehkhabu “A Grammar and Dictionary of the Lakher Language” tun tun hnai khan INTACH, Mizoram Chapter chuan Lunglei DC Office record room atangin tun hnai khan an haichhuak.

@ RGGLV Scheme hnuaiah Mioram khaw 12 ah Gas Agent thar ruahman fel a ni tawha, khaw 6 ah hawn leh tura hma lak mek a ni. Khaw 12 thlanfel te hi Kawnpui, W.Phaileng, Chawngte, Sangau, Thingfal, Saitual, Darlawn, Thenzawl, Tuipang, N.Vanlaiphai, Ngopa leh Khawbung te an ni.

@ Mizorama Hnahthlum ‘Stevia’ chingtute tharchhuah hmasak ber Qtls. 13 leh Kg 20 chu M/S Anubhav Biotech Ltd. Kokalta chuan Kg-ah Rs 65 zelin an leisak.

@ Er.Lalthanzuala Hrahsel, EE, P&E chuan tlawmngaia thisen petute thisen pek a dawng thin a, midang tan nun chhan nan thisen pekve chak viau mahse, hrisellohna avangin a pe thei lo a, thisen petute ei leh in senso atan AVBD ah cheng sing 1 sang 5 a pe.

@ Traffic Management Committee chuan Krismas leh Kumthar vuakveta Aizawla bazar kalte tana a him leh a thawl zawkna’n December ni 22, ni 23 leh ni 31 te hian Aizawl khawpui laili laia lirthei tlan lohna hmun (No Vehicle Zone) siam a ni ang.

@ Kum 1990 October thlaa Mizorama HIV/AIDS hrik pai hmuhchhuah ve a nih a\anga kumin October thla thleng khan HIV/AIDS hrik pai Mizoramah mi 6,399 hmuh chhuah a ni tawha, AIDS vangin mi 252 an thi tawh a ni.


ni 13.12.2011 (thawhlehni)
@ Mizoram Legislative Assembly Session nihnih awh tur chu zing dar 10:30-ah an tan ang.

@ Indian Medical Association, Mizoram Branch chuan chaw hma dar 11 hian Tourist Lodge, Chaltlang-ah khawmpui an nei tan ang.

@ Health Multipurpose Service Association chuan zing dar 10:30 atangin Synod Confe rence Centre, Aizawl-ah khawmpui an nei ang.

@ Larsap Pu Vakkom Puroshothaman chuan Aizawl chhuahsan in Delhi a pan ang. Ni 19.12.2011 ah Aizawl a rawn let leh ang.
Mizoram Ex-Service League chuan chawhma dar 11 hian Assam Rifles hall-ah annual general meeting an nei anga, hruaitute thlanna an nei nghal ang.

@ Dec 12, 2011 khan Pu Lal Thanzara, Parliamentary Secretary chuan Rs. 30,84,879 senna Thiak leh Maubuang inkalpawhna kawng 1.600 km a sei leh, Awithangpa Hall, Maubuang a mi chu a hawng bawk.


@ Chief Minister in Krismas chibai a bukna Dec 12,2011 khan Lawngtlai a hmun ruk ah DC Pu B.Lalhmingthanga'n Chief Minister aiawhin a hlan.

@ Pu F.Malsawma ZNP Vice President chuan Dec 12,2011 khan ZNP chhung inkhawmah ‘Hnam thila Chief minister leh Kohhran anharh thar hi a lawmawm a ti.

@ Pu Kunal, IAS, DC leh a thiannu Pi Soman Goyal, IPS, SP, Saiha chuan, Dec 7 a\ang khan ni li leh zan thum chhung Saiha Western Belt area a khaw hrang hrang khawsawm chuang a tlawh.

@ MPC Gen. Hqrs. chuan tunhnaia Rev. Chanchinmawia thihna chungchang sawithar leh a ni tih sawiin a thihnaa a hliam tuar dan zawng zawng an sawi dan ngaihtuahin thudik tak hmuhchhuah tuma chhui fiah leh ni thei se an duh tih thuchhuah siamin an sawi.

@ Mizoram lut tur ram dang mite khuahkhirhna dan, Protected Area Permit(PAP) Jan 1, 2011 atang khan kum khat chhung atan hlih a ni a, kum 2010 aiin PAP hlih kum 2011 ah ram dang mi Mizoram lut an tlem zawk a, kuminah mi 609 an ziak lut tawha, nikum 2010 khan mi 712 an ziaklut thung a ni.

@ Legal Metrology enforcement leh Serchhip Consumers Union ten Dec 10, 2011 khan Serchhip MIZOFED a dah tur eirawngbawlna gas tih chingpen bur 61 an man. Gas hi Mualkhang gas bottling plant aanga Truck, MZ-01 A-2786 in a rawn phurh a ni a, Driver Nasim Uddin Silchar a ni. Gas buk tling lo bur khatah heng 60 zel driver hi chawitir a ni dawn.

@ Dec 12, 2011 tlai dar 5:30 bawr khawn Pi Ralkapthangi w/o R.Dingliana (L) In, Chhinga veng, New Market bul chhawng thum chu a kanga, thi leh hliam an awm lo a, zan dar 7 velah thelh mih a ni a, a chhawng hnuai ber atanga kangmei hi chhuak niin an sawi.

@ December ni 10, 2011 (Inrinni) khan North Eastern Development Finance Corporation Limited (NEDFi) in Mizoram tan Hmarchhaka Business Facilitation Centre (BFC) hmasa ber an din chu Industries Secretary Pu R L Rinawma IRS in a hawng.

@ Social Welfare Minister Pu PC Lalthanliana chu khan zan 4 thanga a bial khaw hrang hrang a tlawhin Dec 10,2011khan Aizawl a lo thleng leh a. A zin chhung hian Bualpui ‘V’, Chhipphir, Zote ‘S’ leh a bial chhunga khaw thenkhat te a tlawh a ni.

@ Kar kalta khan Pu R.L. Pianmawia, Deputy Chief Whip, Govt. of Mizoram chuan a bial chhung khaw engemaw zat a tlawh a. Ni 7.12.2011 zing dar 10:00 khan E. Phaileng Govt. High School Silver Jubilee ropui taka lawm a ni a. Pu R.L. Pianmawia bialtu MLA ni bawk chu khuallian niin a hmanpui.

@ Ni 9.12.2011 khan Hmar Students’ Association (HSA) Genral Assembly Sakawrdai playground ah ropui taka hman a ni. Assembly hmang tur hian India ram state hrang hrang atangin Hmar Zirlai thahnem tak an kal khawm a ni. He Assembly ah hian Pu R.L. Pianmawia, Deputy Chief Whip chu khuallian a ni.

Comments

Popular posts from this blog

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai

MZP TEN CHAWIMAWI : Nimin khan MZP Champhai Hqrs te chuan MZU-in Under Graduate result a tih chhuah taka Govt Champhai College atanga Top ten-a langte chawimawina hun an hmang. He hun Govt Champhai College Seminar Hall-a neih hi Lalthanfela MZP Hqrs Champhai Secretary chuan kaihhruaiin Asscociate Prof. Lalchhanhimi Khiangte, Principal Govt. Champhai College chuan khuallian niin a hmanpui a. Khuallian chuan thusawiin zirlai titha chawimawi nachang kan hre chho zel hi hmasawnna nasa tak a ni a, hetiang zirlai chawimawi tlak Govt. Champhai College-in kan nei pawh hi thil ropui tak a ni tiin an kal zelna turah duhsakna a hlan a. College zawhah hian zirna tak tak a intan chauh thu sawiin zirlai ngawr ngawr piah lamah hriatna tizau thei zawnga tan la turin fuihin zirna kawngah hian a tawp kan khar that hi a pawimawh hle a ni a ti. Govt. Champhai College chu nasa taka hma sawnin a zahpui awm tawh lo hle a ni a ti a, zirna lama hming lang thei zirlai nei turin tan a la chho mek a ni a ti ba…