Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Champhai Tualchhung Chanchinthar

ni 5.3.2014 (nilaini)


PHUL LEM PHAH KALPUI MEK :

    Chhangphut Field a Phullem phah mek chu chak taka kalpui mek a ni a, tunah hian Lung phah tan a ni. JE chuan kan palai zawhna chhangin Lung an hmu rang theilo chu an buaina ber pakhat anih thu a sawi.
    Tunah hian lung 50mm an phah mek a, inches 4 a phah a nih hnuah 25mm down phah ani leh anga, hemi chungah hian Balu phah leh tur niin, Grass an phah chhunzawm tur thu a sawi. Hei bakah hian LM School atanga tuihawk lokal, Side Drain siam dan turah buaina a awm thu sawiin, tunah hian mithiam ten an zirchian mek thu a sawi. Artificial Turf pawh roll 34 alo thleng tawh a, phah theih mai tura ruahman a ni.

TUIPUI LEI CHHIA :

    Zotlang Tuipui lei chu nizan hmasa khan Motor in a zawh chhia a, nimin khan siam hna thawh a ni He Leihlawn hi hun engemaw chen atang khan Motor tana zawh hlauhawmin a awm tawh.
    Nizan hmasa khan Truck in zawh chhia in, tukin zing dar 6 atangin PWD, BRTF leh PHE te chuan siam nghalin, motor zawh theiha peih hman a nilova, vawiin zing kar atanga siam tan leh tur a ni anga, zawh hman tum a ni bawk. Lei siam anih avang hian motor engchi mah kaltlang a remchanglova, kaltlang duhte chuan Phaizau lamah emaw Luangdar lamah emaw kal mai turin PWD hotute chuan an ngen a ni.

INCENTIVE CASH AWARD VAWIINAH :

    District Sports & Youth Office CHANEM building ah Sports Discipline hrang hranga Incentive Cash Award dawngte tan vawiin atangin lak theih a ni dawn
    Tarlan tawh angin Champhai District atangin mi thahnem takin he lawmman hi an dawng dawn a, mi thenkhat chuan Aizawl ah la tawhin, Aizawla la ve theilo te tan Champhai ah sem a ni dawn a ni. DSYO Office atanga la tur zingah hian Football ah mi 4,Lalchhawnkima S/o C.Lalrengliana Manngaihsian, D/o Paudokim, C. Lalnunfeli D/o SH Lawmzuala leh Zarzomawii Khiangte D/o K. Thuamkima te an ni a, Hockey category ah KT Lalhlimpuii D/o Thanghmingliana Weight Lifting ah C. Lalhmangaihi D/o C Lalngilneia Khawzawl Boxing ah mi 2 Vanlalrinawma S/o Thantluanga Vengthlang leh Laldinmawia S/o Zosanga Tuipui Wushu ah V Lalhmachhuana S/o V. Lalpawlliana Biate Judo ah Malsawmtluangi d/o C Sawivela leh Thangrehlova s/o Lalramhluna Vengsang Taekwondo ah 4, Malsawmtluanga S/o Lalthanmawia, PB Laldingliani D/o PB Lalhriatrenga Lalruatkimi D/o Lalrammawia leh C Lalrochhara S/o C. Rokunga te an ni a, Offie Hour chhungin ngaihven theih a ni anga, mahni la hmanlo aikal tir turte chuan VC hriatpuina a lak tur a ni dawn a ni

CHAPCHAR KUT HMANG TURIN INBUATSAIH :

    Tunkar zirtawpnia Chapcharkut leh Chhaktiang Kutpui hman turah nasa taka inbuatsaihna kalpui mek a ni
    Vawiin chawhnu dar 1 hian Final Rehearlsal neih ani anga, hemi atan hian nimin khan Kahrawt Field pawh chei hna thawh tan a ni a, zan lamah YMA Branch hrang hrang ten Lam an zir thin bakah, MUP leh MHIP te pawh nasa takin an inbuatsaih ve bawk a ni. Tarlan tawh angin Sub Hqrs YMA Meeting chuan, Chapcharkut leh Chhakting kutah hian Sub Hqrs YMA thuthmun branch 24 atangin, Cheraw Kantluang, buhza aih lam, Sarlamkai, Chawnglaizawn, Chai leh naupang Pawnto chi hrang hrang entir tura beisei an ni a, hei bakah hian pipu hun laia pui thuna thenkhat, sakei aih, khawinghal aih leh thildang tam tak entir nise an ti bawk a ni.

TRAINING DAWN :

    Vawiin chawhma dar 10 hian I&PR Auditorium CHANEM Building ah Champhai District chhunga HS zawng zawngte tan School Management Development Committee Training neih a ni dawn

TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 72.41)
    Diesel : Free Sale (Rs. 54.88)
RD PUMP : (6:00 AM - 5:00 PM)
    Petrol : Free Sale (Rs. 79.80)
    Diesel : Free Sale (Rs. 59.96)
 


ni 4.3.2014 (thawhlehni)



ANGANWADI CENTRE HAWNG :

    Nimin khan Champhai DCPO Office Zotlang ah Champhai ICDS Project hnuaia Anganwadi Centre hawnthar a thawk tur Anganwadi Worker leh Helper Written Exam neih a ni Champhai ICDS Project hnuaiah hian Khaw paruk, Zotlang, Zokhawthar, New. Champhai, Hospital veng, Venglai leh Khuangphah ah te Anganwadi Centre hawn thar a ni a.
    Hemi a thawk tur Anganwadi Worker leh Helper Written Exam hi neih a ni a, Worker atan mi 34 leh Helper mi thahnem takin an dil a ni. Champhai ICDS Project hnuaiah hian Anganwadi Centre 74 neih mek a ni a, tarlan tawh angin Central atanga Anganwadi Centre 6 hawn phalsak an nih angin khaw 6 ah hawnthar a ni a, tunah hian Anganwadi Centre 80 a awm ta a ni. Hei bakah hian Champhai CDPO Pu Lalbanglova chuan Centre 2 hawn belh leh tura hmalak mek a nih thu kan palai a hrilh.

GAS BUR DIKLO MAN :

    Nimin zing khan Legal Metrology Enforcement Staff te leh Joint VC tangkawpte chuan Ei rawngbawlna Gas buk dik leh diklo an enfiah Champhai Joint VC Executive Committee chuan Champhai a Eirwangbawlna Gas hi buk tling tawklova hria in, Champhai DC hnenah hma la turin an ngen a, DC chuan, Legal Metrology nena tangkawpin Joint VC in hma la tura a tih angin, tukin zing khan Champhai Mizofed LPG ah Gas lo thlengte hi an enfiah ta a ni.
    Nimin zinga an enfiahna ah hian Gas buk diklo bur 14 hmuhchhuah a ni a, consumer te hnenah a tlinlohna man zat paiha pechhuak tura tih a nih bakah a rawn phurtu Driver chu a phutawk anga hrem ani.

MOTOR 94 REGISTERED :

    February thla chhung khan Champhai DTO Office ah Motor 94 registered a ni a, heng zingah hian Two Wheeler a tam ber Motor register 94 zinga 56 chu Two Wheeler a ni a, hei bakah hian Auto Rickshaw 3, bus 1, Maxicab 4, Car 8, Jeep, Bolero leh Gypsy 2, Taxi 4, Truck 13 leh Excavator 3 registered a ni, Hei bakah hian Tax hrang hrang atangin Rs 8,77,029/- hmuh a ni bawk a, Road Tax atangin hmu hnem berin 5,93,429/- hmuh a ni a, hei bakah hian Passenger phur chi motor atangin 43,400 hmuh a ni a, Bungraw phur chi motor atagin 60,450/- hmuh a nih bakah MV fee atangin Rs 1,79,750/- hmuh a ni bawk a ni

CASE 19 SIAM SAK :

    Champhai Excise & Narcotics te chuan February thla chhung khan Case 19 ziaklutin, mi 27 an man Champhai Excise & Narcotics te chuan February thla chhung khan Rakzu litres 763, Zu bilhlai tin 280 leh a hmanrua bakah, Motor 7 an man bawk a, Apple juice Litres 1980 leh Beer Can 286 an man bawk a MLTP Act hnuaiah hian thubuai 13 register niin mi 19 an man bawk a ni Hei bakah hian ND&PS Act hnuaia thubuai an ziahluh zawng zawng chu 6 niin mi 8 an man a, Heroin Grams 48.15 bakah Ganja Kg 53 leh a chanve an man bawk a ni

WINERY-AH  ZO-WINE BOTTLE 831 SIAM :

    February thla chhung khan Champhai Winery Tlangsam atangin Zo Wine Bottle 831 siam chhuah a ni February thla chhung khan hmanrua an neih loh avangin Zawlaidi an siamlova, Zo wine erawh bottle 831 siamchhuah niin, Bottle 670 an pechhuak a, tunah hian Bottle 161 an la kawl mek a ni

RAN 1982 ENKAWL :

    February thla chhunga khan Champhai AH&Vety Hospital ah Ran 1982 hnenah damdawi semchhuah a ni Ran enkawl leh damdawi pek zawng zawngah hian Ar tam berin Ar 1483 hnenah damdawi pek a ni a, hei bakah hian Bawng 63, Vawk 261, Ui 145, Zawhte 5 hnenah dawmdawi pek a ni a, Ui a hri danna hi ui 30 hnenah pek a ni bawk a, ui tillak leh Vawk til lak 2 a awm a, Vawk chhul 5 lak niin, Ui leh zawhte chhul 1 lak a ni bawk.
    Hei bakah hian Bawng kahrai 22 awmin bawng kahrai atangin 5 an piang bawk a ni. Tunah hian AH&Vety Dept chuan bawng 19 an vulh mek bawk a ni.

RAM VAH PHAL LO :

    Tunhnai khan Vaikhawtlang Branch YMA chuan an ram chhunga Ramvah leh Sa Pel chungchangah thuchhuah an siam Vaikhawtlang Branch YMA thuchhuah chuan Vaikhawtlang ramah khwadang atanga lu kal leh sa pel an tam thei hle a, heng ram vakte hian hmanraw thalo tak tak, Tur, Chinai, dynamo leh a dangte an rawn hman thin avangin vaikhawtlang ramah hian khawdang atanga sapel leh lui kal an khap tlat a, tilui man an nih a an hmanrua an hmulet tawhlo a nih pawhin an an vui theilo vang tiin an thuchhuahah chuan an tarlang a ni.

INSAWN DAWN :

    Champhai DLAO, ASO leh DUDO hna chelh mektu Pachhunga chu Asst. Controller, Printing & Stationery Lunglei a awm tra sawn ani dawn a. karleh lam khian charge an inhlan dawn niin thu kan dawng. ASO tur hian Rochuangkimi, SDC hna chelh mek chu daha ni ang a, DLAO leh DUDO chu Champhai SDC hna chelh mek V. Lalmuanpuii chuan a chelh dawn thung a ni.

DC CHARGE LA :

    Champhai DC charge la mektu Zoengsanga chu a nu damlohna avangin tunlai hian chawlh a la mek a, SDO (S) Benjamin Lalzama chuan DC charge hi a la rih mek. Hetihlai hian Champhai DC atan Addl. Secretary, DM&R Sangdingliana, Champhai a Addl. DC leh ASO-II hna lo chelh tawh chu rawn dah a ni dawn bawk.

 TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 72.41)
    Diesel : Free Sale (Rs. 54.88)
RD PUMP : (6:00 AM - 5:00 PM)
    Petrol : Free Sale (Rs. 79.80)
    Diesel : Free Sale (Rs. 59.96)
 


ni 3.3.2014 (thawhtanni)



HNAHLAN CHHEHVELAH RAN PUL HRI LENG :

    Tunlai hian hnahlan leh a chhehvelah ran pul hri a leng a, Lawi 10 vel a thi tawh nia thudawn a ni.
    Hnahlan atanga thudawn danin ran thih chhan tak hi an la hrelo tih sawiin ran dang bawng leh Sial erawh thi a la awm lo niin a sawi. Thudawnna sawi danin lawi thihna hmun hi Tiau lui kam Lailiphai ah a ni a. A hmunah hian Vety Doctor ten kal chilhin a tul angin an enkawl tih District Veterinary Officer Dr. H. Laltlanmawia chuan a sawi.

CONFERENCE CHEKHNAWK :

    Nizana tiak ta Khawzawl a neih KTP Khawmpui ah chuan Palai riallut 24,708 vel tiamin an vaiin palai 26,000 vel an kal khawm. Thudawn danin palai riaklut bakah hian Khawzawl chheh vel atanga lehlanga khawmpui chhim mi 1300 vel dawn lai an awm bawk. Pandal hi mi 12,000 vel lenna tur a ni a, inkhawm apiangin an khat vek a, a chhunga leng lo pandal chhevelah an tam hle thin bawk.
    Mikhual thleng hnem berah chuan Venglai Kohhran a mi Upa K. Lalzika niin Palai 70 vel a thleng.

JUBILEE LAWM ANG :

    Tun thla ni 7-10 chhung hian Dungtlang Branch YMA chuan ruai nen ropui takin Golden Jubilee an lawm dawn a, he hun hmang tur hian Dungtlang khawchhuak zawng zawngte sawm an ni e.

MLA DAM LO :

    Champhai South Bialtu MLA Pu JH Rothuama chu a taksa chau avangin Zirtawpni khan Aizawl Damdawi Inah dahluh a ni a, tunah hian enkawl zui mek zel a ni. Thudawn danin ngaihtuahawm lutuk erawh a ni lo.

TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 72.41)
    Diesel : Free Sale (Rs. 54.88)
RD PUMP : (6:00 AM - 5:00 PM)
    Petrol : Free Sale (Rs. 79.80)
    Diesel : Free Sale (Rs. 59.96)


ni 1.3.2014 (Inrinni)



VULNERABLE POLLING STATION :

    Nimin chawhnu khan DC Conference Hall-ah Addl. DC & ERO Pu Zoengsanga kaihhruaina in Champhai District chhunga Vulnerable Polling Station leh Critical Polling Station chungchang thlirhona leh siam that dan tur chungchang ngaihtuah a ni.
    Champhai District chhunga A/c 5 huama Polling Station 133 neih mekah Critical Polling Station 23 a awm a, heng Polling Station te zingah hian highly Critical Polling Station (Polling Station venhim ngai zual bik) ti a vuah 5 awmin, 25 A/c East Tuipui biala Vaphai 1, Vaphai II, Saikhumphai, Farkawn 1 leh Farkawn II te chu venhim ngai zual bik an ni. Critical Polling Station (Polling Station in a huamchhung area venhim ngaizual bik) ah Polling Station 18 awmin 21 A/c Lengteng bial chhunga Polling Station 8, Chiahpui, Khawkawn, Mimbung 1, Mimbung II, Hrianghmun, Teikhang leh Kawlbem te, 23 A/c Champhai North bial chhung Polling Station 8, Selam, Vaikhawtlang, Khuangphah, Lungphunlian, Hnahlan 1, Hnahlan 11, Vapar leh Ngur te bakah 24 A/c Champhai South bial chhung Polling Station 3, Bethel 1, Bethel 11 leh Champhai Vengthar te chu Critical Polling Station a puan a ni bawk. Champhai District chhungah inthlanna thianghlim leh felfai zawk neih anih theih nan, nikuma MLA inthlana Critical Polling Station a puan tawhte chu ngun taka ngaihtuah a ni a. Sectoral Magistrate ten a hmunah ngun taka an enfiah hnuah heng Critical Polling Station 23 puan takahte hian inthlanna felfai tak leh tluang taka neih a lo anih tawh avangin Polling Station 7, Vaphai 1 & 11, Saikhumphai, khawkawn, Mimbung 1, Vaikhawtlang leh Lungtan Polling Station te chauh hi Critical Polling Station a puang turin rawtna siam nise an ti a ni. Nimina hemi chungchang ngaihtuahna-ah hian Champhai District ERO, AERO, Election Officer leh Addl. SP te an tel a ni.

ASSOCIATE PROFESSOR BS KAILIANA THLAH :

    Nimin chawhnu dar 2 khan Govt. Champhai College Staff Welfare chuan Associate Professor BS. Kailiana thlahna hun an hmang
    He hun Pu RL. Chhuanawma Secretary Govt. Champhai College Staff Welfare kaihhruaihah hian thusawiin Govt. Champhai College Principal Pu Lalnunmawia chuan, hetiang hun an hmang chu a lungchhiatthlak hle a ni a ti a, Ascte. Prof. BS. Kailiana hi hotu anga a en, Pricipal Adviser ang hial a dah anih thu a sawi a, chhiat that a a rawn ber leh kawng engkima a thu lakna anih thu a sawi. Principal chuan, hetianga mi thiam leh hlu kan thlah mai tur chu a uihawm a ni a ti a, College tana mi tha, nunna thap hial khawpa College tana mi thahnemngai a nih thu sawiin, a thiltihte a theihnghilh theih tawhloh tur thu leh he college hian a hriatreng tur thu a sawi
    He hunah hian an thlah tak Ascte. Prof. BS. Kailiana pawhin thu sawiin, hlim taka a tualchaipui, a thawhpui leh a zirlai naupangte a ngaih tur thu a sawi a, he college a la thawh chhunzawm zel turte duhsakna hlanin, a hun hman tawha an duhloh zawng a lo tih leh a lo sawi zawng zawngah te thupha chawiin, hriatrengsaklo turin a ngen a, kum 37 lai alo chen tawhna a chhuahsan mai tur chu a huphurh thu a sawi. Pu Kaia chuan, heta tanga zirchhuak zawng zawngten hlawhtlinna tak tak an chan theihna tur chuan Pricipal atang zirlai, teaching leh non-teaching staff zawng zawngte tanrual a ngaih thu pawh tarlangin, zirlaite mi hlawhtling an nih theihna tura tanla zui zel turin kalkhawm professor rualte chu a sawm a, he college leh a thawhpuite chu a thinlunga an awm reng tur thu a sawi bawk.
    Mizoram College Teachers Assn Champhai Branch aiawh Asst. Prof. Dr. C. Laldawngliana pawhin thu sawiin, Pu Kaia chu a lawmpui thu a sawi a, zirtirtu hna a thawh chhung zawnga hmingchhiatna neilova a pension thei chu mi fakawm a ni a ti a, College an hruai tawhna bakah he college tana a inpekna ah lawmthu hrilhin MCTA hmingin ngaihhruina leh chawimawina thuziak a hlan bawk a ni Govt. Champhai College Dept. of Economics aiawhte pawhin thu an sawi ve bawk a, HOD anih angin a hna a tlin a, anaute kaihhruai kawngah sawiselna tur a awmloh thu leh a kalzelna turah duhsakna an hlan thu an sawi bakah ngaihhruina thilpek an hlan ve bawk a, SU hruaitute pawhin thusawiin, mi inngaitlawm apiang an ropui thin tih hi amah atanga an zirchhuah anih thu leh, zirlai naupangte zawng zawng zah leh ngaihsan rawn a ni tih an sawi a, SU Adviser anihna anga a tihtur a tlin a, amah atang hian thil tam tak an zirchhuah thu an sawi.
    He hunah hian Pensioner Pu Biaktluanga leh Pu Vanlalzuata te pawhin thu sawiin, tlaiah chawhlui an kilho nghal bawk a ni

PUANTHUI KHAWL PEK THULH :

    Industries Dept hnuaia NLUP, Tailoring Trade thlangtu, nimina panthui khawl pek tura ruahman chu a dawng tawh zingah tithalo an awm avangin thulh a ni.
    Sub-divisional Industries Officer Pu K. Siamhliara’n , NLUP Tailoring Trade thlangtu mi 52 te hnena puanthui khawl, nimin dar 11 a sem tura a lo hriattir tawh chu NLUP Tailoring Trade thlangtu te zinga thawk thalo an awm avangin sem tura kohkhawm an nih hnuah DC lam atanga thupek angin thulh leh a ni. Ruahman lawk dan chuan nimin khan 2nd Phase NLUP Tailoring Trade thlangtu mi 52 te hnenah hian puanthui khawl, Embroidery machine, Overlock machine leh Foot Sewing Machine set 1 theuh sem tura ruahman niin, thulh leh anih avanga sem leh hun tur erawh hriat a nilo thung

TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 71.41)
    Diesel : Free Sale (Rs. 54.31)
RD PUMP : (6:00 AM - 5:00 PM)
    Petrol : Free Sale (Rs. 79.21)
    Diesel : Free Sale (Rs. 57.65)
 


ni 28.2.2014 (zirtawpni)



AWARENESS CAMPAIGN NEI :

    Nimin chawhma dar 10 khan I&PR Auditorium ah Awareness Programmes On Rural Godown Scheme for Bankers & Govt. Dept. Officials neih a ni a.
    He hun hi Champhai DC Pu Zoengsanga chuan a hawng He hun hi NABARD Consultancy Services Pvt. Ltd. leh National Institute of Agricultural Marketing hmalakna a buatsaih a ni a, he hunah hian Pu Zoengsanga Champhai District Bawrhsap chuan mipuite tana Rural Godown tangkaina leh pawimawhna te sawiin he awarness campaign hi a hawng a, Project Director DRDA Pu CC Lalchuangkima chuan Rural Godown pawimawhna leh mipuite tana atangkainate a sawi bawka, Technical Report MCAB Chief Manager Pu C. Lalthanpuia hnen atangin ngaihthlak a nih bakah JD Traite, APM NABARD in power Point Presentation hmangin Rural Godown Scheme chungchang zirtirna leh hrilhfiahna hun a hmang bawk a ni
    He Awareness Campaign ah hian Bank hrang hrang aiawhte leh NGO hrang hrang aiawhte bakah Govt. Dept. hrang hrang aiawhte an tel thei a, kuthnathawktute tan Champhai a Rural Godown sak theih dan turte an sawiho bawk

CHAPCHAR KUT HMAN DAN TUR REL :

    Niminpiah chawhnu dar 2 khan Sub Hqrs YMA Office Tlangrawt ah thla thar ni 7 a Chapchar kut hman dan tur chungchang ngaihtuahin meeting pawimawhtak neih a ni
    He hun Pu VL Chama Hnamte kaihhruaiah hian kumin Chapchar Kut chu Zokhawpui kan nih anga Mizo hnam nun phawkchhuak thei ang tur bera hman nise an ti a, Thuthmun Branch nilo, lam hla deuh branch 6 atangin lam entir tura sawm nise an ti a, hei bakah hian Sub Hqrs YMA Thuthmun Branch 24 atangin, Cheraw Kantluang, buhza aih lam, Sarlamkai, Chawnglaizawn, Chai leh naupang Pawnto chi hrang hrang entir tura beisei nise an ti a, hei bakah hian pipu hun laia pui thuna thenkhat, sakei aih, khawinghal aih leh thildang tam tak entir nise an ti bawk a ni.
    Meeting chuan, Zokhawpui kan nih ang ngeia Chapcharkut hlu tak kan hman theih an beisei a, hemi atan hian branch hrang hrangte pawh uluk lehzuala lo inbuatsaih turin an ngen nghal bawk a ni

RAMKANG CHUNGCHANG HRIATTUR :

    Tunhnai khan Divisional Forest Officer, Champhai Forest Division Pu Vanlalchuailova chuan, ramkang chungchanga hriatur pawimawh thuchhuah a siam DFO Champhai Firest Division Pu Vanlalchuilova chuan, kangmei vanga kumtin nunna hlu tak, in leh lo, bungrua, ramngaw leh a chhunga chengte a chhe thin chhutin kumtin sum tam tak man kan tichhia a ni a ti a, kan chenna tlak ni tura leilung lo buatsaihtu tam tak kan suat a ni tih tarlangin ram tihkan pawisaklohna hi hnam changkanglo zia a ni a ti.
    DFO chuan, tunlaia Tuihna lo kangchat ta pawhi ramngaw kan tihchereu nasat avang leh ramhnuai kan tihkan nasat em avang a ni ati a, hei bakah hian lei chunglang venhim hi thil pawimawh tak a ni tih tarlang bawkin, leichunglang venghim tur chuan thing leh mau humhalh that a ngai a ni tih tarlang bawkin, heng hian lei tawlh leh lei min chenin a veng thei a ni a ti.
    Tunlai khawvel buaina lian tak Global Warming pawh hi boruak vawng daitu ramngaw kan humhalh loh vang leh kan ram hal khu atanga lo insiam a ni tih tarlang bawkin, kan environment humhimna atana tha thawh ve ngei turin mipuite a ngen bawk a ni He a thuchhuah hi Champhai District chhunga school hrang hrang bakah kohhran hrang hrangahte chhiar chhuah tura ruahman a ni.

INCENTIVE CASH AWARD :

     Sports Discipline hrang hranga tithate hnena pek thin Incentive Cash Award List 2011-2012 inkar a mi chu tihchhuah a ni Champhai District chhunga Incentive Cash Award dawngtur zingah hian Football leh Judo category ah tam berin mi 11 ve vein an dawng dawn a, Boxing ah 7, Taekwondo 10, Weightlifting 5, hockey 2, Karate 1, Wrestling 2, Wushu 1 an ni a, a dawng tur list hi Office hun chhungin DSYO Office CHANEM Building ah en theih a ni

BAWRHSAP IN THUCHHUAH SIAM :

    Champhai District Magistrate Champhai DC ni bawk, Pu Zoengsanga chuan Champhai khawpui leh a chhehvel mipuite an lo him leh an hrisel zawk theih thupek a chhuah Champhai District Magistrate Champhai DC ni bawk.
    Pu Zoengsanga thuchhuah ah chuan Champhai khawpui chhungah mi tumahin parking hmun anih loh chuan kawngpui sirah eng motor mah an dah tur a ni lova, Champhai khawpui chhung kawngdungah mi tumahin phalna neilo chuan kawng sirah engmah zawrh phal a ni lova, Mi tumahin kawngpui sirah bawlhhlawh pai mai mai phal a nilova.
    Champhai kawngpui kawng dungah tumahin insakna bungrua leh thil dang reng reng phalna neilo chuan kawngpui dalin engmah dah phal a nilo tiin a thuchhuah ah chuan a tarlang a, he thuchhuah hian thupek chhuah atanga thla hnih chhung a huam dawn a ni.

 TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 71.41)
    Diesel : Free Sale (Rs. 54.31)
RD PUMP : (6:00 AM - 5:00 PM)
    Petrol : Free Sale (Rs. 79.21)
    Diesel : Free Sale (Rs. 57.65)
 


ni 26.2.2014 (ningani)



RUIHHLO MAN :

    Nimin chawhnu dar 1:30 khan Champhai Excise & Narcotics Dept te chuan AOC Petrol Pump thlang, Tawngtaina hmunah No. 4 Can 20 an man Champhai Excise & Narcotics Dept te chuan Champhai atanga Aizawl kal tur Sumo lo changin heng damdawite hi an lo man ta a ni.
    Heng damdawi te hi Lalhmangaihsanga kum 20, Zothanngura fapa Venglai Champhai ta niin, Lalhmangaihsanga hian Tiau ah can khat Rs. 1,800/- in a la a, Aizawla a pek tur niin Aizawl ah hian Hawng 1 Rs 3,500 a pek a tum thu a sawi. Heng No. 4 te hi Local market rate a chhutin Rs 70,000/- man hu vel nia chhut a ni.
    Hei bakah hian Champhai Excise & Narcotics Dept te chuan nizan dar 7:15 vel khan Ngur leh Zote inkar ah Ganja Kg 53 leh a Chanve an man bawk a. Heng Ganja te hi Vanzau Myanmar atanga lak niin Aizawl a phurhthlak tura an lak niin an sawi, Ganja hi Lalchhanmawii kum 35, Vanlalvuana fanu, tuna Dinthar Veng Kanan a cheng mek nia in sawi leh, Lalrindika kum 22, Philemoa fapa Ramhlun North bakah R. Lalremruata kum 35, R. Lalchhanhima Fapa Folk Land Aizawl te ta a ni a, Lalchhanmawii hian Lalrindika leh R. Lalchhanhima te hi an motor a hman sak mai niin a sawi a, Motor hi Rs 15,000/- a hmansak a nih thu a sawi bawk.
    Lalchhanmawii hian Ganja hi vawi 3 a tawlh ruk tawh thu a sawi a, case hrang hrang avangin Jail pawh vawi tam tak a lo tang tawh a, tunthla ni 21 khan Jail atangin alo chhuak chiah bawk a ni. Heng Ganja te hi kg 1 Rs 600/- a an lak a ni a, Aizawl ah Rs 1500 in a pe dawn a ni

ICDS PROJECT LEVEL SEMINAR NEIH A NI :

    Nimin chawhma dar 10 khan Sub Hqrs YMA Hall ah Champhai ICDS Project Level Seminar neih a ni
    He hunah hian Champhai District chhunga Anganwadi worker te kokhawm an ni a, Pu Lalbanglova CDPO Champhai kaihruaiah hian khuallian Pi Rosangpuii Addl. Secy. Govt of Mizoram chuan thusawiin, ICDS hnathawh hi Missionary hna ang a nih avangin a taka thawk tuten Missionary rilru pu chunga thawk tur leh naupangte hi kan ram leh hnam than chhoh zelna tura bul tantu an nih avangin tha taka enkawl theuh turin thawktu kalkhawmte chu a fuih a, naupangte zirtir kawngah hun vawngdik tura chahin, tan hun kan ngai pawimawh tur a ni ati.
    Khuallian chuan, incheina chungchang pawh sawiin, naupangte hma-a a zahawm thei ang bera inchei thin tura fuihin, thlahdah tak leh tawp takin kan inchei tur anilo a ti. Khuallian chuan, nu naupai leh naupangte hian chaw tha hi a nih dan tur anga taka an dawn chuan ram hrisel kan lo ni mai dawn a ni a ti. ICDS thanlen zelna turin thawktute chu duhsakna a hlan bawk a ni. He hunah hian khualzahawm Pi Remliani Chawngthu, District Programme Officer pawhin thusawiin, worker te chu an vannei hle ani ati a, ram a changkan ang zelin hna pawh a changkang a, thawhrimna a awm loh chuan hmasawnna a awm theilo tih sawiin, mi hausa tam takte hian an thawhrim rah sengin nuam takin tunah hian an khawsa thei a, nangni pawh rim taka in thawh chuan in thawhrim rah hi tunah lang nghallo mah se, nakinah a rah inla seng dawn a ni a ti. Workers te chu Mizoram kut leh ke, leh a ban pawimawh tak an ni tih a sawi a, Mizoram hi an kuta innghat a nih thu sawiin, theihtawp chhuah a, Pathian ring tur leh thlahthlamlo turin a ngen bawk a, hotute thu zawm a, Pathian kuta innghat tlat turin a chah bawk.
    Khualzahawm chuan, chhungkaw enkawl dan chungchang pawh tarlangin, fate haulova zilh zawk tur leh pasal te zahthiam taka enkawl turin a chah bawk a, an naupangte zingah emaw an fate zingah emaw thiam theilo bik an awm a nih chuan beiseina neih tira fuih reng turin a chah a, an hnathawh zelna turah duhsakna a hlan bawk a ni. He hunah hian khuallan bakah Peter Manguka Dist. Coordinator, Women Empowerment chuan an pawl dinchhan leh hmalak dante a sawi a, Pu Zothanliana Circle Officer ICDS Champhai chuan Report pe in, Champhai District chhungah hian Regular centre 74 leh Private centre 3 a awm a, tunah hian centre 6 hawn phalna central atanga hmuh niin, private 3 te hi Regularised tur leh a dang 3 dinbelh tura hmalak mek a ni bawk a, CDPO hnuaiah hian Hearing Aid 60, Wheel Chair 20, Crutch pair 10, walking stick 5 leh Blind Stick 3 semchhuah tawh nin, Mizoram Rural Bank kaltlangin Rualbanlo mi engemawzat hnenah loan an pe tawh bawk a ni.
    Champhai DCPO hnuaiah hian mi 4, Lalventhangi, Hmingthansangi, Darthangliani leh Hualliannguri ten State Award an dawng tawh a, Hualliannguri hian vawiin hian National Award a dawng dawn a ni. He seminar ah hian Champhai District chhunga Anganwadi thawktute chu an hna chungchanga thil pawimawh hrang hrangte zirtir an ni

CHHANGPHUT  FIELD-AH LUNG THALO HMANG :

    Nimin chawhnu lam khan MJA Champhai District te chuan Chhangphut Field a Phullem phah mek chu a hmunah enin, an lung hman tura an chhawp thenkhat chu thlak leh turin an ngen Champhai MJA te chuan nimin tlai khan Chhangphut Field hi tlawhin, side drain siam mek bakah, Artificial Turf lo thlengte an en a, hei bakah hian Field a lung phah tura ruahman thenkhat chu a chhiat em avangin thlak turin an ngen a, heng lungte hi JE chuan a hriatloh laia an dah a nih a rin thu a sawi a, MJA te ngenna angin an thlak tur thu a sawi. Hei bakah hian nimin chawhnu lam khan Press Club ah General Body meeting an nei a, karhmasa a Silver Jubilee an lawm thlirho bakah MJA conference neih hun atan karleh Ningani an ruat a ni

N.KHAWBUNG ZONE FOOTBALL TOURNAMENT ZO :

    Niminpiah khan North Khawbung Zone Football Tournament Champion Neihdawn chuan Neihdawn Communitu Hall ah an Champion an lawm a, he hun hi MJA CHamphai dist President Pu Lalhmingmawia Pachuau chuan khuallian niin a hmanpui
    He hun Pu JH Lalthankima kaihhruaiah hian thu sawiin khuallian Champhai MJA President Pu Lalhmingmawia Pachuau chuan, hetiang hun lawmawm taka khuallian atan an sawm chu lawmawm a tih thu a sawi a, hetianga hlawhtlinna ropui tak an tawng chu a lawmpui thu a sawi bawk. Khuallian chuan, kawng engkimah hlawhtling tur chuan tih tak takna a ngaih thu a sawi a, lehkha zir mai nilo, infiamna ah pawh tanrual a ngaih thusawiin, mi ti mai mai leh, rilru tak tak pelo chuan hlawhtlinna an nei theilo a ti.
     Pu Lalhmingmawia Pachuau chuan, tunlai khawvela mi lar dawllo an awm thin chu pawi a tih thu a sawi bawk a,mi hriat hlawh avanga hnathawh hreh neih te, zu leh ruihhlo laka invenloh avanga hlawhtlinna ziktlauk neilo an tam ta chu pawi a tih thu a sawi. Tunlai kahwvelah miin nun an fimkhur tawh a, mahni nun vengin, zu leh ruihhlo laka inthiarfihlimin kan nun kan hmang tur a ni a ti a,hlawhtling theia min siamtu Pathian hrerenga hmalam pan zel turin a chah bawk a ni. North Khawbung Zone Football Tournament Champion Neihdawn hian khawtlang huapin Champion an lawm a, zaithiam zai ngaihthlak a nih bakah Champion Football Players te chawimawina hun an hmanga, tlaiah ruai an theh nghal bawk ani.

RURAL GODOWN SCHEME FOR BANKERS :

    Vawiin chawhma dar 10 hian I&PR Auditorium CHANEM Buliding ah NABARD bultumin, Awareness Programmes On Rural Godown Scheme for Bankers & Govt. Dept. Officials neih a ni dawn.

TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 71.41)
    Diesel : Free Sale (Rs. 54.31)
RD PUMP : (6:00 AM - 5:00 PM)
    Petrol : Free Sale (Rs. 79.21)
    Diesel : Free Sale (Rs. 57.65)


ni 26.2.2014 (nilaini)



BANK HOTUTE THUKHAWM :

    Nimin chawhma dar 11:00 khan DC Conference Hall Keifang Tlangah DCC/DLRC meeting neih a ni.
    Addl DC Pu Zoengsanga kaihhruai he meetingah hian Kum 2013 chhunga Champhai District huamchhung bank hrang hrangte hmalakna leh hmasawnna sawi ho a ni a. September quarter meetinga minutes sawi ho niin pawm a ni a. bank hrang hrangte’n financial Literacy camp thla tin vawihnih tal nei thei tura RBI in a tih angin Bank hrang hrangte report ngaihthlak a ni a. MRB-in Financial literacy Camp hi an kalpui that viau laiin bank dangte erawh chuan nasa zawka hma an lak a tul thu sawi ho a ni bawk a, December Quarter Report atanga a lan danin Champhai District ah Financial Literacy Camp (FLC) Campaign MRB Hliappui Branch in Camp nei ngun berin vawi 5 an nei thei a, Champhai khawchhung branch ah MCAB chauhin FLC nei theiin Vawi 1 an nei bawk a ni.
     Bank hrang hrangte’n loan an pek chhuah dan CD Ratio sawi ho niin Bank zawng zawng te’n 60% tal an deposit atangin Loan pechhuak tura tih an nih angin Chairman chuan Bank zawng zawngte’n a tlem berah 60% tal pe chhuak theuh turin a ti bawk. bank hrang hrang te hmalakna leh hmasawnna te ngaihthlak niin HDFC bank chuan tan lak zual an ngaih thu sawi a ni bawk.
    He meetingah Agriculture leh Industry lampanga bank hmalakna kawng chi hrang hrang leh tun ai nasa zawka hma an sawn theih dan tur an sawi bawk a. KCC Loan kalpui dante sawi ho niin tun aia tam zawk leh tangkai zawk a mipuite’n an chhawr theihna tur sawiin HDFC bank in KCC an kalpui ve theih loh chhante an sawi a, Agriculture leh industry loan-te pechhuak ve thei tura hmala tura tih an ni bawk a ni. December Quarter Report atanga a lan danin Kisan Credit Card KCC ah MRB Champhai Branch in KCC an pe tha ber a, Target 70 neiin KCC 87 an pechhuak a, SBI Champhai Branch in Target 70 ah 60 pechhuakin, MCAB Champhai Branch in Target 60 atangin KCC 16 an pe a, HDFC in target 60 neiin engmah an pechhuaklo a ni
     He meeting ah hian PMEG chungchang pawh tarlan niin bank tin ten an target ang tal loan pechhuak tur a tih an ni bawk a, PMEGP ah hian MCAB Champhai Branch in Target ngah berin 11 an nei a, tunah hian Appliction 30 dawng tawhin , SBI Champhai Branch in target 10 neiin dilna 20 an dawn tawh bakah MRB Champhai branch in Target 4 atangin dilna 16 an dawn tawh bawk. He meetingah hi Bank hrang hrang aiawhte bakah BDO, APM, NABARD, AMFU leh Dept hrang hrangte an tel thei a ni.

THINKING DAY HMAN A NI :

    Nimin chawhnu dar 1 khan I&PR Auditorium CHANEM Building ah Scouts & Guides Thinking Day hman a ni
    He hun hi Pu C. Lalrizapa District Commissioner Scout chuan kaihruaiin, Pi H. Lalthianghlimi District Commissioner Guide chuan hunserh a hmang a, Pu C. Lalrizapa chuan, Scouts & Guides a tui tak chu zirna leh thildangah pawh an hmantlak thin a ni a ti a, zirtirtu pawh Scouts & Guides a a tui phawt chuan a zirtirna a tha a, kohhran leh khawtlangah an hmantlak thin a ni tih sawi bawkin, zirlai naupangte pawh khawtlang tana hnawksak an ni ngailova, nu leh pa chawimawitu an ni zawk thin a ni a ti a, tun aia Scouts & Guides a thahnemngai a, theihtawp chhuah zui turin a chah a ni
    He hunah hian Pi K. Lalsiamliani SDEO, Headquarter Commissioner Guide chuan Lord Baden Powell-a chanchin a sawi a, Genesaret Home School leh Govt. Hmunhmeltha MS ten Special Item an neih bakah mi 6 te hnenah State Award hlan an ni a, Long Service Decoration hi Lalthantluangi hnenah hlan niin, Medal Of Merit hi RC Zahlira Cub Master, Lawmawma DEO Dist. Chief Commissioner, Saihmingthangi Colney Guide Captain, VL Rochhari Guide Captain leh H. Lalthianghlimi District Commissioner Guide hnenah hlan an ni bawk a, R. Lalnunmawii DOC Guide chuan lawmthu sawiin he hun hi khar a ni.
    Scouts & Guides hmuchhuaktu Lord Robert Stephenson Baden Powell hi kum 1889 February ni 22 khan a piang a, hemi ni denchhen hian khawvel pumah Scouts & Guides ten Feb. ni 22 hi an serh thin a, Guide te chuan Thinking day tia vuahin, Scout te chuan Founders Day tiin an vuah thung a, he ni hi Khawvel puma Scouts & Guides ten inngaihsakna ni atan hmangin Greeting Card te an inthawn thin a, kuminah erawh chuan February ni 22 hi Holiday anih avangin nimin Feb ni 25 hian hman a ni ta thung a ni.

ZENG HRI DANNA PE :

    Nimin khan Mizoram hmundangte rualin naupang kum 5 chin hnuailam te hnenah Zeng Hri danna pek beihpuithlak thawh hnihna chu tan a ni Zeng Hri danna pek beihpuithlak thawh khatna chu zawh a ni tawh a, Champhai Main Centre ah naupang 6,010 hnenah pek tur niin, naupang 6222 te hnenah pek an ni thung a, Booth ah 5889 pek niin Field visit atangin naupang 533 te hnenah pek a ni. Champhai District chhungah, thawhkhatna ah naupang 16343 pek tura ruahman niin naupang 16,000 hnenah pek a ni a, Booth ah naupang 15,201 pek niin Field Visit atangin naupang 799 pek an ni bawk. Thawh hnihna hi ni 3 chhung kalpui tur a ni a, Main Centre ah 6,010 target neiin hei hi ni 3 chhunga pek zawh an tum dawn a ni.

 TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 71.41)
    Diesel : Free Sale (Rs. 54.31)
RD PUMP : (6:00 AM - 5:00 PM)
    Petrol : Free Sale (Rs. 79.21)
    Diesel : Free Sale (Rs. 57.65)
 


ni 25.2.2014 (thawhlehni)



SATHAR RUANG VUILIAM :

    Nimin zing khan Zote Branch YMA chuan Sathar ruang an chhar chu urhsun takin an vuiliam
    Vuina inkawm hi Zote Branch YMA President Pu RC. Rodawla chuan kaihhruaiin, hetianga an thil humhalh leh an roh em em thahsaka a awm leh ta mai chu hriatthiam har a tih thu a sawi a, hun rei tak atanga an lo humhalh tawh niin, mi kutpalh pawh an tuar khat hle a ni a ti a, tuna mi kut tuara an thi ta mai chu an ui thu a sawi. He hunah hian Zote Branch YMA Vice President chuan a thih dan leh a ruang an chhar dan a sawi a, mi kutpalh tuar ni ngeia an hriat thu a sawi a, Sathar kham ah hian Mulukawlh an tam em avanga ruang a awm ringhlelin an dap ta a, Sathar ruang hi an hmu ta niin a sawi, he hunah hian Pu K. Lalsawia Zote Branch YMA Senior Adviser chuan thu sawiin, Sathar an humhalh hi Zote khawtlangin an hlut em em thu a sawi a, Mizoram sorkarin nungcha humhalh min zirtir changchawia humhalh kan ni a ti a, nungchate humhalh kawnga hma la ve turin mitinte a sawm a ni. He hunah hian Pu C. Lalhnunpuia honorary Wildlife Warden pawhin thu sawiin, mikuthlei ten nungchate chunga kut an thlak leh thin hi pawi a tih thu a sawi a, sorkar leh vantlang hruatu, entawn tur leh mite kaihhruaitu tur zawkin silai huma kan ramchhuak leh thin chu pawi a tih thu a sawi a, he chhiatna hi vanduai thlak viau mah se, nungcha humhalh kawng hma min ti sawntu a nih ngei a beisei thu a sawi bawk a ni. He hunah hian Pu Muanzova Forest Beat Officer pawh thu a sawi ve bawk a ni.
    Zote Branch YMA hian Sathar hi nasa taka humhalhin an ei tur thingte pawh an phunsak thin a, sathar khamah hian sathar 20 rual la awm anga an rin thu an sawi a, kum 2011 khan helai hmuna sathar pakhat chu thang hmanga awh alo ni tawh a, hemi tum pawh hian urhsun taka vui niin, a lung te pawh an phun a ni. Zote Branch YMA President chuan, tunkar atang hian duty an insiam tawh tur thu a sawi.

PHULLEM PHAHNA TLAWH :

    Nimin zing khan Parliamentary Secy. Pu TT Zothansanga chuan Chhangphut Field tlawhin an hmalak dante a enpui
    He hunah hian Pu TT ZOthansanga hi CDFA hruaitute leh Block hruaituten an tawiawm a, Chhangphut field ah phullem phahna tur ruahman mek chu a hmunah enin, College lama Gallery siam dan tur bakah, DC Road a Motor parking na tur hmun leh LM School atang tuihawk luankawr lo chhuk, side drain a mumal taka paih dantur te a en nghal bawk a ni. Chhangphut field a phullem phah tur zinga thenkhat chuan Champhai rawn thleng tawhin, Roll 21 a lo thleng a, tunah hian a dang pawh rawn kalpui mek a nih thu JE chuan a sawi a, Phullem hi phah theiha field peih a nih veleh a phahtu tur Limonta Company an lo kal tur thu a sawi bawk

ZO-WINE THUN TAN TA :

    Champhai Winery Tlangsam ah tunlai hian Zo Wine Bottling neih mek a ni Kan palai zawhna chhangin Lab Assistant chuan, tunah hian Case 400 chuang an thun tawh thu a sawi a, Zo Wine an thun zawh hian Zawlaidi an thun leh nghal tur thu a sawi bawk. Winery chung tlang zawlah hian mikhual thlenna tur pawh sak mek a ni bawk

INPEIH TA :

    Kristian Thalai Pawl (KTP) General Conference, Diamond Jubilee lawmna ninghal tunkar ningani atanga March ni 2 thlenga Khawzawla neih tur atan ngawrh taka inbuaitsaih a ni.
    KTP hruaitute hnen atanga thu dawn danin tunah hian Pandal lian tawk, mi sing 1 vel len theihna tur, a dung feet 288 a vang feet 160 chu Khawzawl Vengthar Field No 1-ah sak zawh thawkhat a ni tawha, tunah chuan a chhung chei hna tlemte leh thil dang thenkhat zawhfel mai thieh turte chauh a awm tawh a, a pannga kawng chei leh Ceiling siam hna te chu tunhnai khan zawhfel an ni. KTP General Conference-ah hian thupui atan- “ Thola eng rawh “ tih thlan a nia, he thupui hmang hian KTP hruai tu hlui pahnih, Rev H. Lalrinmawia leh Rev Lalzuithanga te leh Upa C Ngurthantluanga ten Pathian thuchah an sawi thin dawn a ni. He Thalai khawmpui-ah hian Thalai tana tangkai tur, Multiplex Programme – Thupui 4 nei hman a ni dawna, chutah chuan Upa Lalbiakzuala, Central YMA President ni bawk hovin Thalaite hmathlir- Zu leh Ruihhlo chungchangah tih zirho a ni anga, Central KTP Asst. Secy. Pu Lalmuanchhana hovin – Thalaite hmathlir- Globalization leh Social Media-ah tih zir a ni anga, tupui pathumna, Thalaite hmathlir-Harsatna hmachhawn chungchangah tih chu Mout Everent lawn chhuaktu-Pu David Zohmangaiha hova zir a ni anga, thupui hnuhnung ber, Thalaite hmathlir- Thalaite hmathlir- Hlemhletna – Corruption chungchagah tih chu PUC a Assistant Professor, Tv Lalthlamuana hoa zir ho a ni ang.
    He Conference-ah hian KTP Diamond Jubilee lawm nghal tur a nih avangin March ni 1-ah Diamond Jubilee Concert ropuitak neih tum a nia, he tah hian tunlaia Zaithiam te bakah hranghlui thahnem tak zai tura beisei a ni. He Conference ah hian tun thla ni 28 Zirtawp zing ah kum 2014 atanga kum 2016 thlenga hruaitu thar tur thlanna neih a ni ang, hemi ni hian chhun lamah rorel palai ten agenda ngaihtuahin ro an rel dawn a ni. He thalai khawmpuiah hian Zaipawl pui, Bial zaipawl zawng zawng infinkhawm in Jubilee lawm nan Pathian fakna hla tum 2 an rem dawn a ni.

TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 71.41)
    Diesel : Free Sale (Rs. 54.31)
RD PUMP : (6:00 AM - 5:00 PM)
    Petrol : Free Sale (Rs. 79.21)
    Diesel : Free Sale (Rs. 57.65)
 


ni 22.2.2014 (inrinni)



MJA TEN SILVER JUBILEE LAWM :

    Mizoram Journalists’ Association, Champhai District chuan nimin khan an din cham kum 25-na, Silver Jubilee chu I&PR Auditorium, CHANEM Building-ah an lawm a. Pu TT Zothansanga, Parliamentary Secretary chu khuallian a ni.
    He hun Pu Lalhmingmawia Pachuau, President MJA Champhai District kaihhruaiah hian khuallian Pu TT Zothansanga chuan thu sawiin, MJA Champhai District in kum 25 a thleng ta chu lawmawm a tih thu a sawi a. Chanchinbu hlutna phakhat leh, a that leh that loh tehna pakhat chu editorial hi a ni, editorial quality hian chanchinbu hi a hril thui hle a ni, a ti. Democracy-ah hian lungphum pawimawh tak tak a awm a - Kohhran, Lal leh a khawnbawl te, Mipui vantlang te hi estate tiin an ko thin a. Anni ang bawk hian chanchinbu leh a buatsaihtute hi a pawimawh a ni tih hriain, Fourth Estate tia koh an ni, tih tarlangin, chanchinbu hian khawtlang leh mipui sukthlek hi a hruai nasa hle a, Horace Greely leh Benjamin Franklin te hian chanchibu hmangin America ram sukthlek an lo tidanglam tawh a, Benjamin Franklin phei hi chuan chanchinbu hi America zalenna sual kawnga hmanrua angin a hmang hial a ni, a ti.
    Khuallian Pu TT Zothansanga chuan, chanchinbu hian thlei bik nei zawng leh awn lam nei zawnga an berih ran chuan thudikin hmn chang lovin dawt leh zeldin thu hmangin mipuite kawng ni lamah min hruai thei a. Yellow journalism an tih thin, thu a nihphung bak hreta kalpuina ngei pawh Mizoramah hriat tur a awm leh thin a, thil tipunlun zawng leh a tha lo zawngin, chanchinbu hralh tla nih duh vang ngawta dikna leh rinawmna hnuaichhiah a, thudik chanve-a thu kalpui thin hi a pawiin mipui rilru sukthlek pawh a tidanglam thei a ni, a ti a, chanchinbu mi kalkhawmte chu dikna ngai pawimawh ber turin a chah bawk. Khuallian hian Jubilee monument a hawng nghal bawk.
     Khualzahawm Pu Jim K.Chozah pawhin thu sawiin, media te hi chi ang an ni a. Chaw kan ei a, chi a tel loh chuan a kim lo thin ang hian media tel lo chuan mihring nunah hmasawnna leh bengvarna a awm lova, mihring nunphung hi media te hnathawh tel lo hi chuan a kim thei lo a ni, a ti a, chanchinbu mite chu thuziakmi in nih angin chanchinbu-a in thuchhuah reng reng chu record-ah a awm tawh thin a, chu chu hrerengin thuchhuak kawngah fimkhur a tul a. Thudik, mipui sawpui tur leh thatpui tur ngaihtuah a ngai hle a ni, tiin a sawi.
    Khualzahawm hian MJA Champhai District Silver Jubilee Souvenir a tlangzarh nghal bawk. Thusawitu dang Champhai District Bawrhsap Pu Zoengsanga pawhin MJA te sorkar nena thawhhona tha tak an neih zel theih theih a beisei thu sawiin, mipui rawngbawl an nih anga an hnathawh kawnga tan la lehzual turn a fuih bawk a.
    MJA Champhai District Silver Jubilee lawmnaah hian MJA General Hqrs President Pu C.Lalrambuatsaiha leh te pawhin thu an sawi bawk a, MJA member hlun chawimawina leh member boralte sunna hun an hmang a, tlaiah chawhlui an kilho nghal a ni.

FIRE PREVENTION WEEK :

    Nimin chawhma dar 11 khan Venglai Community Hall ah Fire Prevention Week Hawnna neih a ni a, he hunah hian Pu Vumngaihthanga Kanan Veng chuan a silai a tung
     He hun Pu Vanlalchuailova Divisional Forest Officer kaihhruaiah hian thusawiin Khuallian, District Level Fire Prevention Committee Chairman, Champhai DC Pu Zoengsanga chuan, kumtinin ram tikanglo tur leh nungchate humhalh turin kan inzirtir thin a, amaherawhchu, nimin ni thleng hian a hlawhtlinna hmuh tur a la tamlo hle a ni ati.
    DC chuan, kalkawng dunga han kal a, ram kang hmuh tur a awm leh thin chu pawi a tih thu sawiin, sorkarin NLUP hmangin lo neih tihbona turin hma a la a, mahse, tunah hian awmzia ala nei manglo tih a sawi a, mipuite inenlet a ngai a ni ati. Kalkhawmte chu, Champhai neitu kan ni a, tumahin min enkawl sak dawnlo tih sawiin, kangmei mai nilo, thildang vang pawha kan khaw venhim hi kan tihmakmawh a ni a ti. Nimina Fire Prevention Week Hawnna ah hian Pu Vumngaihthanga Champhai Kanan veng chuan a silai, DBLS No. MR-248, Licence No. 992/OD/A-12/96 chu a tung a, he hunah hian Pu C. Lalhnunpuia Hon. Wildlife Warden pawhin thusawiin, Ozone pawpin a rawn thlen ni zung natna chi hrang hrang tuartute zing ami a nih thu a sawi a, heng natna hlauhawm leh tihdam har tak takte hi thing leh mau kan humhalh thatloh chu mitin hian kan la tuar thei a ni tih a sawi
    Pu Vanlalchuailova DFO chuan, kangmei lo chhuah chhante, ram kangin chhiatna a thlen te, thilnung leh nunglo thlenga kan tawrh dan te kan hre tawh a, kan thil hriatte a taka kumin atanga hmang tan turin kalkhawmte a fuih a, tun thal atang chuan in leh lo, bungrua, huan thlai leh mihring nunna hial a hun hmaa lak bova a awm tawhlohna turin ramkang thelh a, ram leh hnam humhalhtu ni theih turin a chah bawk a, Pu GLK Thanga R.O Champhai chuan lawmthu sawiin he hun hi khar a ni

VODAFONE MINI STORE HAWNG :

    Nimin chawhma dar 10:30 khan Venglai Pu Zamliana building a VMS Vodafone Mini Store chu Pu Lalnunmawia Govt. Champhai College Principal chuan a hawng He hun hi Pu Samuel Malsawmtluanga Channel Sales Manager Mizoram chuan kaihruaiin, VMS hmanga hnathawh dan leh mipuite tana a tangkai dante a sawi a, Pu Lalnunmawia chuan he dawr hi a hawng a ni. VMS Vodafone Mini Store ah hian Post paid leh Prepaid Connection a tih theih anga, customer te leh retailer tena vodafone service a harsatna neite tana zawhfiahna hmun tura ruahman a ni. VMS hawnna hunah hian retariler tithate bakah khuallian hnenah thilpek an hlan bawk a ni

HIV/AIDS AWARENESS CAMPAIGN :

    Nimin chawhma dar 11 khan Parish Hall Bethel ah Zoram Entu Pawl St. Marys Dispensaries buatsaihin HIV/AIDS Awareness Campain hun hman a ni He hun Pu Donatus Thangliankima kaihhruaiah hian Dr. Lorence L. Ralte chuan zirtirna hun a pe a, he hunah hian Zokhawthar, Melbuk, Ruantlang, Tlangsam leh Vengthar atangin VC leh YMA bakah MHIP hruaitute kohkhawm an ni a, inven dan chi hrang hrang leh anatna enkawl dan te zirtir an ni.

 TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 71.41)
    Diesel : Free Sale (Rs. 54.31)
RD PUMP : (6:00 AM - 5:00 PM)
    Petrol : Free Sale (Rs. 79.21)
    Diesel : Free Sale (Rs. 57.65)
 


ni 21.2.2014 (zirtawpni)



MJA TEN SEMINAR NEI :

    Nimin khan MJA Champhai District tan Information & Communications Technology (I&CT) Department leh MJA Gen. Hqrs. tangkawpin I&PR Conference Hall-ah ‘One Day Seminar on e-Governance & Social Media for Journalists’ neih a ni.
    MJA Gen Hqrs. Vice-President Pu Vanlalrema Vantawl kaihhruai Seminar-ah hian MJA Gen. Hqrs. President Pu Lalrambuatsaiha chuan chanchinbumite chu mipui zirtirtu leh thil/thu thar fahtu (public educators) an nih angin sorkar hmalakna hrang hrang an hmelhriat a tul a, chuvangin Mizoram sorkarin e-governance a kalpui dan tur chungchang pawh an belhchian a, mipuite an hrilhhriat a pawimawh a ni, a ti. Seminar-ah hian ICT Dept. atangin Er.Lalengzuala-in thupui pahnih - ‘e-Governance’ leh ‘Social Media’ - hmangin sawizauna leh zirtirna hun a hmang a ni.
    He hunah hian e-governance kalpui tura I&CT te hmalakna hrang hrang bakah, mipuiin an chhawr theih tur te tarlan a ni a. e-governance hmang hian thingtlang kilkhawr ber atanga District office te dawr ngai lovin internet kaltlangin awlsam takin a tih theih dawn a ni, tih te, office te pawh tunah hian computerised vek thei tura hmalak mek a nih thu te tarlan a ni a.
    Hei bakah hian chanchinthar lakhawmtute tana social media hman tangkai dan leh, social media laka fimkhur dan turte tarlan tel a ni bawk. Training hi Pu Lalhmingmawia Pachuau, President MJA Champhai District chuan lawmthu sawiin a khar a ni.
    MJA Champhai District hian vawiin chhun dar 12 hian I&PR Auditorium-ah Silver Jubilee an hmang dawn a, Pu TT Zothansanga, Parliamentary Secy chu khuallian a ni ang a, Pu Jim K.Chozah chu khualzahawm a ni ang.

INHRUI PAWH :

    Nimin chawhma dar 10 khan Champhai District Tug Of War Competition vawi 9 na chu kanan Veng field ah khuallian Pu Zaithanzama President Mizoram Tug Of War Assn. Gen. Hqrs. chuan a hawng Intihsiak tan hma a hawnna hun tawite buatsaih hi Pu C. Chawngthansanga chuan kaihruaiin, he intihsiaka lo tel te chungah lawm thua sawi a, Champhai Champion hian Aizawl a Champhai ai an awh tur thu pawh a sawi a, inbuatsaihna hun tlemte chhunga tel theia an awm chu lawmthu a hrilh bawk a ni
    He hunah hian Pu Lalkhumliana Secy chuan technical Report pe in hma an lo lak tawh dante a tarlang a, kum 2005 ah Aizawl ah Tug Of War Assn. hi din niin, 2006 ah Champhai ah pawh din ve anih thu a sawi bawk. He hunah hian khuallian Pu Zaithanzama President Mizoram Tug Of War Assn. Gen. Hqrs. pawhin thu sawiin khuallian atana an sawm chu lawmawm a tih thu a sawi a, hetianga Tug of war chawisanna tura Champhai District Tug Of War Assn ten intihsiakna an siam chu lawmawm atih thu a sawi bawk a ni. Khuallian chuan, Tug Of War Assn hi Assn naupang tak la ni mah se, chungchuan record nei tha tak kan ni a ti a, Senior level ah India ram pumah mipa vawi 2 bakah hmeichhia vawi 1 an champion tawh tih sawiin, senior level a champion thei awmchhun kan la ni a ti.
    Khuallian chuan a sawi zelna ah, March thla a Mizoram pum huap intihsiakna thlir turin a chah a, Mizoram Champion hian Mizoram aiawha an kal tur thu leh, Mizoram hi India ram hmun dangte huphurh ber an nih thu a sawi a, hemi kawngah hian Champhai hian thlensan theihna remchang kan ngah hle thu a sawi bawk a ni
    Champhai District Tug Of War Competition vawi 9 na ah hian Team 4, Hmunhmeltha team 2, Kahrawt leh Electrict Vengte telin Hmunhmeltha Team 1 championin Rs 6,000/- leh Certifiacate an dawng a, Hmunhmeltha Team 2 te pahnihna niin Rs 4,000/- leh Certificate an dawn bakah a tel te hian Participation Prize Rs 1,500 leh Certificate an dawng bawk a ni. He hunah hian Champhai Founder Chairman Boral ta Pu C. Vanlalzawma sunna hun hman a ni bawk a ni

SUB-HQRS. YMA CHAMPHAI THUKHAWM :

    Nimin chawhma dar 10:30 khan Sub Hqrs. YMA Office Tlangrawt ah Champhai Sub-Hqrs YMA executive Committee pawimawh tak neih a ni.
     He hun hi Pu PC Zohlira Sub-Hqrs YMA President chuan kaihruaiin, Sub Hqrs YMA Conference chungchang bakah Chapcharkut chungchang ngaihtuah a ni a, Rorel tan hma hian Chairman sawm angin Secretary chuan Tentative Programme duanlawk sawizauna a nei a, Chairman in Pathian hnenah tawngtaina hun neiin rorel tan a ni a, Sub Hqrs YMA Conference atana Programme duanlawkte thlirhoin siamrem ngaite an siam tha a, a bak chu Programme Committee kutah an dah zui a, khuallian neih nise an tih bakah, detailed committee din tha an ti a, Pu VL Chama Hnamte kaihhruaina in memberte an ruat fel nghal bawk a, heibakah hian Chapcharkut leh Chhaktiang kutpui hman dan tur chungchang pawh a ngaihtuah nghal bawk ani.
    Hei bakah hian Executive Meeting chuan, Zion Veng VC leh YMA ten an dil angin YMA Park Zion venga mi chu laih zawl a infiamna hmun atana hawh an dilna pawh ngaihtuah a ni a, OB ten hma la a, Committee leh a ngaihtuah atan an dah a ni. Sub Hqrs YMA Coference hi Khawhai ah April ni 2-4 hian neih tur a ni

CHENG NUAI 10 DAH :

    Nakuma Mizoram pum huap Diocese Catholic Thalai Pawl, inkhawmpui Champhai Parish Catholic Kohhran ten an thlen turah nasa taka inbuatsaih mek a ni Inkhawmpui thlenna tur hian Rs 10,00,000/- budget siam a ni a, Champhai Parish Catholic Thalai pawl pawh nasa taka inbuatsaihin, he inkhawmpui lian thlenna tur atan hian Chhura hmuna Brother te awmna hmun chu ruahman a ni a.

LUNGDAWHTHLENG HMUCHHUAK :

     Niminpiah chawhnu khân Lungdawhthlêng hnimin a bawhbo, Khawbung Mubu ram ami chu hai chhuah/tlawh chhuah a ni.
    Khawbung Branch YMA te chuan Khawbung Mubu rama mihring sulhnu hlui upate’n an sawi - Lunga milem ziak maksak tak awm thin an tih chu nikum 2013 June thla vel khan an zawng chiam tawh a, chutiang lung chu tun thleng hian la hmuhchhuah a la ni lova. Niminpiah chawhnu khan upa titi atanga mihring sulhnu lungdawhkan niawm tak a awm thu an sawi chu enfiah turin mi 3 an intir a.
    He lungdawhkan hi hniminpiah a bawh bo vek avang leh leiin a chhilh bo then tawh avangin an hmu lawk lova, nimin tlai 2:30pm khan he lungdawhkan hi an hmu fuh ta a ni. He lungdawhkan, Dolmen hi tute sulhnu nge ni ang tih chu zirchian ngai a la ni. Neolithic hun tawp lam Megalithic cultures zingah Dolmen hriat lar pawl tak a ni. Lungdawhkan hi Mizo thlang tla hmasate sulhnuah hmuh tur a awm em? tih te, Mubu ram ami hi engti anga hun rei tawh nge, Mizo thlangtla hmasate’n lung awm remchan vanga an siam a ni ang em tih te chu zirmite zir chian tur a nih thu Lungdawhkan hmutute chuan an sawi.

TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 71.41)
    Diesel : Free Sale (Rs. 54.31)
RD PUMP : (6:00 AM - 5:00 PM)
    Petrol : Free Sale (Rs. 79.21)
    Diesel : Free Sale (Rs. 57.65)
 


ni 20.2.2014 (ningani)



NLUP HMALAK DAN LEH HMACHHAWP THLIRHO :

    Nimin khan DC Conference Hall ah Champhai Addl. DC Zoengsanga kaihhruaina in District Level NLUP Implementing Committee neih a ni a, he hun hi State NLUP Implementing Board Chairman JH Rothuama`n a hmanpui a, NIB Chairman hi Chief Media Officer Pu David Thangliana`n a rawn tawiawmm a ni.
    Champhai Addl. DC & District Level NLUP Implementing Committee Chairman Pu Zoengsanga chuan Champhai District chhungah NLUP hamthatna dawngtu chhungkaw 17,544 an awm mek thu leh heng hamthatna dawngtute hnenah Line Department 8 atangin First leh Second Phase sem zawh tawh a nih thu leh Third leh Fourth Phase kalpui mek pawh engemawzat pek tawh anih thu tarlangin, sawrkar in VLNC a dinthar tak vang leh he Committee dinthar hian hma a lak zui dawn vangin sawrkar lam ngaihchan mek a nih dan a tarlan bakah Champhai District chhung Line Department 8 zingah District Industries Deptt. leh Fisheries Deptt. in Vehicle anla neih loh thu a sawi a. Thawktu indaihlohna avang leh Contingency fund a tlem deuh vangin Field visit na kawngah harsatna an tawh thin thu a sawi.
    State NLUP Implementing Board Chairman Pu JH Rothuama chuan NLUP chu State Flagship Programme a nih angin Mizoram a chhungkaw khawsak harsate khaichhuahna tura chak taka hmalak a nih thu a sawi a, he Programme tih hlawhtlinna kawnga Line Department 8 te hnathawh dan chu fakawm a tih thu leh theih tawp chhuah chhunzawm turin a sawm nghal.
    Pu JH Rothuama chuan NLUP hamthatna dawngtute thar chhuah sawngbawlna turin sawrkarin Zawlnuam Ice Plant (Cold Storage) Sangha dahthatna tur leh Red Oil Palm herna khawl Rs. 14 crores vel senga sak mek a nih thu a sawi.
    He Meeting ah hian Line Department hrang hrangten Champhai District chhunga an hmalakna tarlangin, hlawhtling leh zuala NLUP kalpui a nih theihna tur leh harsatna an tawh mek chungchang pawh tarlan a ni bawk.

RUIHHLO TI KOKHAWM :

    Nizan hmasa khan Kahrawt branch YMA chuan an vengchhunga Ruihhlo (No. 4) a fihlim lote YMA Hall ah ko khawmin Meeting an neihpui a. YMA Member an nihna anga YMA thil tihna hrang hranga tel thin turin an fuih a, ruihhlo tih an bansan lo a nih pawha chhungte thawhchhuah sa ring loa intodelh tum tura fuihna te, veng tana hnawksak zawnga che lo turin an ngen bakah invaukhanna te an nei pah bawk. Hemi tuma kallo, zinbo leh dam lote pawh remchang hmasaah kohkhawm leh an tum

LO HAWNG :

    Vawiin hian Parliamentary Secretary Pu TT Zothansanga chu a lo haw dawn a, naktuk MJA Champhai District in Silver Jubilee an lawmna turah khuallian a ni ang.

MJA CHANCHIN:

    Vawiin hian MJA Gen. Hqrs. Aizawl leh Information & Communication Technology Deptt. tangkawp buatsaihin Journalist-te tan One Day Seminar on e-Governance and Social Media tih buatsaih a ni dawn a. MJA Member zawng zawngte kim taka kalturin kan in hriattir a, dar 10:30 AM a tan tur a ni.
    Hetihlai hian naktuk maia MJA Champhai District in kum 25 an tli champha, Silver Jubilee lawm turin ruahmna pawh peihfel a ni ta. MJA hian Jubilee lawm tur hian hu nrei tak atang khan inbuatsaihna an lo kalpui tawh a, naktuk chhun dar 12 hian I&PR Auditorium, CHANEM ah Jubilee lawmna hi an bautsaih dawn a ni.

PENSION THLAH DAWN :

    Vawiin chawhnu dar 1 hian SE Quarters, New Champhai ah Lalmalsawma Sailo SE, PHED Champhai pension a chhuak tur thlahna hun buatsaih a ni dawn.

DAWR THEIH DAWN LOH :

    District Project Office (SSA) Staff te chuan naktuk nileng hian programme pawimawh an neih dawn avangin naktuk hian DPC (SSA) Champhai Office chu dawr theih a ni dawn lo tih thu dawn a ni.

 TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 71.41)
    Diesel : Free Sale (Rs. 54.31)
RD PUMP : (6:00 AM - 5:00 PM)
    Petrol : Free Sale (Rs. 79.21)
    Diesel : Free Sale (Rs. 57.65)


ni 19.2.2014 (nilaini)



INSPIRE AWARD SCHEME CHUNGCHANG ZIR HO :

    Nimin chawhma dar 10:30 khan I&PR Auditorium SCERT Mizoram leh DST New Delhi buatsaihin Orientation Cum Training on E-Management of INSPIRE Award Scheme for School Authority neih a ni
    Nimin training ah hian thusawiin Champhai DEO Pu Lawmawma chuan, hun chep tak kara an sawmna leh ngenna tihlawhtlinga training tura zirtiirtu an kalkhawm chu lawmawm atih thu a sawi a, kohna leh hriattirna semchhuah kawngah a hmulo an awm chu pawi a tih thu leh a hun taka function an tan theilo chu pawi a tih thu a sawi. DEO chuan, Inspire Award diklo taka zirtirtuten an lo cut thin chu pawi a tih thu leh hetiang hi tun hnuah thleng tawhlo se a duh thu a sawi bawk ani
    He hunah hian Rajendra Singh Chauhan, Dy. Director SCERT leh State Nodal Officer Inspire Award Scheme ni bawk pawhin thu sawiin, nimin training chu hlawk taka hmang turin a chah a, he award dawng tura Online hmanga tih a ngaih tawh thu te, Online a ti tur chuan Account neih a ngaih dante a sawi
    Nimin training ah hian F. Lalliansanga chuan zirtirna pe in Internet Online hmanga Inspire award dil dan leh a kaihhnawih thenkhat te a zirtir a ni Inspire Award hi Dept. Of Science & Technology, Govt. Of India hmalakna a sem thin a ni a, he scheme ah hian zirlai naupangin Rs 5000/- zel an dawng thei a ni, He scheme hi India in Science & Technology a hma a sawn zel theihna tura tana ruahman a ni a, Online hmanga dilna thehluh dan leh a tihdan kimchang zirtir an ni a, he hun hmang tur hian Dy Director RS. Chauhan bakah, F. Lalliansanga Science Consultant, Vanlalhruaii Asst. Programmer leh Lalbiakngura te an lokal a ni.

JOINT VC TE INHMUKHAWM :

    Nimin chawhma dar 11 khan BNRGSK Building Vengthlang ah Champhai Joint VC Executive Committee neih a ni.
    He hun hi Pu K. Lalmawia Chairman Champhai Joint VC chuan kaihruaiin, VC te chu khawtlang thatna kawnga sul sutu pawimawh tak kan ni a ti a, mahni hna tul leh eizawnna thlenga kalsan a ngaih chang a awm thin a, chuatiang taka mi pawimawh kan nih avangin, kan thurel leh kan hna hi a sang hle a ni ati. Pu K. Lalmawia chuan, vengchhung that leh chhiatah mawhphurtu langsar tak kan ni a ti bawk a, dawngdah tak leh thlahdah taka thawk thei kan nilo tia member te fuihin, hmalakna hrang hrangte a tarlang bawk a ni.
    He meeting ah hian Agenda tam tak ngaihtuah a ni a, Champhai Town Area Joint VC OB Term thla 6 chhung a lo tawp tak avangin OB Post chungchang sawiho a ni a, nimin meeting hian Term thar a OB tur ruat nghalin, Chairman ah K. Lalmawia Vengthlang VCP, Vice Chairman- H. Lianruma Electric Veng VCP leh R. Chalhnuna Venglai VCP, Secy- Vanlalenga Khiangte Vengthlang North VCP, Asst. Secy- Lalsanglura Zote, Bethel VCP, Treasurer- C. Lalawmpuia Vengsang VCP leh Fin. Secy- F. Lalrinnunga Kahrawt VCP te ruat an ni a, OB hna hi VCP te chelh tura ruat a ni bawk a ni
    Hei bakah hian Executive Committee chuan tunhnaia Lung Rate tihsan chungchangte, Retailer ten buhfai ‘Black’-a an hralh to lutuk chungchangte, Gas semchhuah buk tlinglo tam lutuk chungchanga hmalak dan turte an sawihova, RSBY & Health Care Scheme chungchanga mipui harsatna bakah Champhai District Hospital atanga MR Bill harsa lutuk chungchangah District dang anga kan kal theih dan turte sawih nghal a ni bawk.    
    Hei bakah hian, VC ten Residential Certificate leh Income Certificate an pekchhuah thinah form man pakhat zelah Rs 10 lak thin bakah Vai Permit siam thar leh tihnun tharna atan seal an pekna ah pakhat zelah Rs 200 lak thin tawh tur a ni anga, heng sumte hi VC inenkawlna atan leh khwatlang hmasawnna atana hman tur a ni ang tiin Executive Committee chuan thu a titlu bawk a ni.

EXAM CENTRE SUPERINTENDENT FUIHTHAR :

    Nimin chawhma dar 10 khan DEO Office Chamber ah Examination Centre Superintendent te tan infuihtharna hun hman a ni He hun DEO Pu Lawmawma kaihhruai ah hian Centre Superintendent te chu exam an conduct chungchanga hriattur pawimawh leh tul te hrilhhriat thar leh an ni a, an tih tur leh tihloh turte sawikhawmna hun an hman bakah, exam atana pawimawh hmanruate semchhuah a ni bawk

THINKING DAY HMANDAN TUR REL :

    Nimin chawhnu dar 1 khan DEO Pu Lawmawma kaihhruaiin a Office Chamber ah Scout & Guide Thinking day hman dan tur ngaihtuahin meeting neih a ni He hun Pu Lawmawma kaihhruaihah hian Scout & Guide Thinking Day hman dan tur relho a ni a, tunthla ni 25, thawhlehni hian I&PR Auditorium ah hman ni se an ti a, he hunah hian Special Items Geneserat School leh Govt. Hmunhmeltha MS hnen atangin beisei ni se an ti bawk. Scout & Guide Thinking day ah hian Award sem tur 6 awm bawkin, Long Service Award 1 leh Medal Of Merit Award 5 sem tur a awm bawk a, nimin meeting chuan Programme kimchang an ruahman nghal bawk a ni

TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 71.41)
    Diesel : Free Sale (Rs. 54.31)
RD PUMP : (6:00 AM - 5:00 PM)
    Petrol : Free Sale (Rs. 79.21)
    Diesel : Free Sale (Rs. 57.65)
 


ni 18.2.2014 (thawhlehni)



PROJECT DIRECTOR ZIN :

    Champhai DRDA Project Director Pu CC Lalchuangkima chu Office hna pawimawh thawk turin Inrinni khan Champhai a chhuahsan a, tunkar inrinni hian a lo hawn beisei a ni

LEIMIN CHUNGCHANG NGAIHTUAH :

    Nimin chawhma dar 11 khan DC Conference Hall Keifangtlang ah IB Veng lei min chungchanga hmalak zel dan tur meeting pawimawh tak neih a ni.
    He meeting ah hian IB Veng a Nikum July thla atanga lei khi leh lei tawlh avanga in thiah tawh thenkhat, a structure la thiahloh chungchang ngaihtuah a ni a, District Disaster Authority in alo hriattir tawh angin, heng in structure thiahloha la awmte hi thiah tura ruahman a ni a, hemi chungchangah hian a in neitu chhungkaw 7 aiawhte kohkhawm niin, an thiah theih dawn leh dawnloh chungchang sawikhawmin, inneitute chuan, anmahni kut chuan tihtheih a nih loh tur thu an sawi.
    Hetiang anih avang hian inneitute chuan sorkarin hma laksak turin an ngen a, Disaster Committee chuan, Joint VC leh Sub Hqrs YMA te kuta alo dah tawh angin, anni hian hma an la dawn ta ani. Nimin meeting ah hian Lei tawlh in a tihbuai chhungkaw 7 aiawhte leh Champhai Joint VC President Pu K. Lalmawia te an tel a ni.

DOCTOR AWM LO:

    Med-Aim Adventist Hospital Doctor hna lam thil avanga a zinbo avangin nimin atanga nilaini thleng hian inentir a theih dawnloh niin thu kan dawng

JT VC INHMUKHAWM DAWN :

    Vawiin chawhma dar 11 hian Champhai Joint VC chuan Vengthlang VC House ah executive Committee an nei dawn a. He hunah hian Joint VC term chungchangte, Champhai Quarry Assn. in lung man a tihsan chungchangte, Retailer ten buhfai an teh dan chungchang bakah, AOC to PHE Diversion Road chungchanga hmalak zel dan turte an thlirho dawn a ni.

ZOFA GLOBAL NETWORKS CHAMPHAI-AH :

    Zofa Global Networks Hqrs hruaitute chuan nimin tlai khan Champhai an lo thleng Nimin tlai khan Zofa Global Networks Hqrs hruaitu Sangzela Tlau leh a thiante chuan CHamphai an lo thleng a, CHamphai ah hian Pu Lalhmingliana Venglai te inah Champhai Chapter hruaituten lo dawngsangin zanriah an kilpui nghal a ni. He pawl hi nikum atanga ding an ni a, tunah hian Mizoram ah Lunglei,Aizawl,. Mamit leh CHamphai ah te Branch an nei tawh a, Mizoram pawnah Burma leh Manipur ah te Branch an nei tawh bawk, Zofa Global Netwirk hian an thil tih tum ber chu khwvel ram hrang hranga awm Mizote insuihkhawm tura hmalak a ni a, kumin hian Tahan ah khawmpui lian an nei dawn bawk a ni

TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 71.41)
    Diesel : Free Sale (Rs. 54.31)
RD PUMP : (6:00 AM - 5:00 PM)
    Petrol : Free Sale (Rs. 79.21)
    Diesel : Free Sale (Rs. 57.65)
 


ni 17.2.2014 (thawhtanni)



AMBASSADOR-IN BORDER TRADE TLAWH :

    Champhai a zankhat riaka lokal Indian Ambassador to Myanmar Gautam Makhipadhya chuan Inrinni khan RIh Sector, Indo-Myanmar Border Trade Point, Zokhawthar hmun a tlawh.
    Ambassador Gautam Makhopadhaya hi Champhai Addl. Zoengsanga leh sawrkar mipawimawhten Champhai Circiut House-ah lo hmuakin, nimin chawhnu khan Border Trade POint Zokhawthar hmun a tlawh nghal a. Champhai Imports & Exports Syndicate, Central Custom leh Precentive Force, Mizoram Trade & Commerce Department, POlice Officer, DIPRO leh Zokhawthar khawtlang hruaitute nen Land Custom Station Building-ah inkawmna hun tha tak an nei. Ambassador hnenah hian inkalpawhna kawngpui tha tawk lo chu khawchhak tlangdung mipuite harsatna lian ber a nih thu tarlangin, Seling to Champhai (State highway) Road chu Double lane highway a siam tur leh Zokhawthar to Falam (Myanmar) leh Zokhawthar to Tidim (Myanmar) kawng (fair weather road), Double lane highway a laih tura ruahman tawh chu tihputlin an nghahhleh tawh thu te an lo thlen a.
    Ambassador Gautam-a chuan inkalpawhna kawngpui tha tawk lo chu a mit ngeia a hmuhpui thu sawiin, theih ang tawka hma lak a tum thu a sawi a, Myanmar ram chhunga kawngpui laih chungchangah India mipuiten an hlawkpui ngei a pawimawh tih sawiin, helaia ram pahnih insumdawn tawnna turah hian mi ram siam bungraw phurhluh nan chauh ni lova, kan ram dehchhuah bungruate a tam thei ang ber mi rama thawn chhuahna kawngpui atan hman a tul thu a sawi a. Imphal leh Mandalay inkar Bus Service tir tawh ang a thuthang chu ruahmanna chauh a la nih thu a sawilang bawk.
    Ambassador hnenah hian sumdawnna hmunpui a hlangkai tur hian Border Trade in a kentel thil pawimawh tak tak - 1) Food Teasting Laboratory, tuna Imphal leh Guwahati ah chauh bun mek chu Champhai ah dah ve a tul thu te 2) He Trade point ah hian Bank Transaction hmang turin Foreign Exchange titheitu Bank neih dun ve ve a tul rualin, State Bank of India (Champhai Branch) ah Foreign Exchange tih theih a tul thu leh Myanmar lamin ramri hrula Bank a la neih ve loh avanga harsatna awm mek te. 3) Myanmar sawrkarin Haimual (Tiau ral lehlam) ah Country of Origin Certificate signatory, Jt. Director (Trade & Commerce) in a neih  laiin kan ram chhungah dah a la nih ve loh thu te 4) Insumdawn tawnna tur bungraw chi hrang hrang 62 thlan chhuah tawh a ni chunga a taka kalpui a la nih loh dan te 5) Inbiakpawhna hmanrua (Communication facility) tha neih a tul thu te 6) He trade point kaltlanga Myanmar miten zalen taka India ram an tlawh theih laiin, insumdawn tawnna tur bungrua zirchiang tura Myanmar ram chhungah zin ve mai theih a nih loh avanga harsatna tawh mek a nih dante lo thlen a ni bawk.
    Myanmar ram dehchhuah Kohva (ro), Thei leh thlai chi hrang hrang, hmawmsawm leh eichawp barchawp thil bakah Buhfai te chu he Trade point kaltlang lakluh tam ber a nih thu leh Myanmar ram kutchhuak lo lut aiin Mizoram atanga bungrua thawn chhuah a tam zawk thu Ambassador hnenahhian thleng  a ni a. Kawngpui tha zawk neih hunah chuan Chini, Leichi, Damdawi, Insakna bungrua leh Lirthei chi hrang hrang pawh thawn chhuah theih beisei a nih th utarlan tel a ni a. Chini, damdawi leh leichite restricted item a nih vangin sawrkar laipuiah phalna mumal tak neih a tul thung tih he meeting ah hian sawilan a ni bawk.
    Inrinni chawhnu khan Ambassador hian Myanmar ram chhung, ramri depa inkalpawhna kawng dinhmun a enfiah nghal a, nimin khan Aizawl panin a kir thla leh ta a ni.

BIAK IN HAWNG :

    Nimin chawhma dar 111 khan Wesleyan Methodist Kohhran Biak In sak thar Champhai Vengthlang a mi chu Rev. Ben Ward, USA, Associate Director chuan a hawng. Biak In thar lawmna hi vawiin tlai dar 3 hian ruai nen lawm an tum bawk.

POWER LINE CHHIA :

    Nizan thim hlim khan Champhai lamin Power Supply kan chawk luhna ber Bukpui (Serchhip bul) leh E. Lungdar inkarah power line a chhia a, engemawchen chhung kan thim a. Champhai Power Circle SE David C. Zahmuaka hmalakna in nizan khan Saitual lam atanga lakna tur line siam a ni a, zan dar 9 rik hma deuh hlek khan power supply kan neih leh thei ta tih thu kan dawng.

TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 71.41)
    Diesel : Free Sale (Rs. 54.31)
RD PUMP : (6:00 AM - 5:00 PM)
    Petrol : Free Sale (Rs. 79.21)
    Diesel : Free Sale (Rs. 57.65)


ni 15.2.2014 (inrinni)



RUIHHLO MAN :

    Nimin zing dar 4 vel khan Champhai Excise & Narcotics Department te chuan Melbuk khaw bulah No. 4 hawng 4 leh BEDC thahnem tak an man No. 4 hi Hmingthansanga kum 42, Biakliana (L) fapa Zokhawthar a mi ta a ni a, Khawmawi atanga Rs 40,000/- a lak niin Aizawla kenthlak tura a lak a ni thu Hmingthansanga hian a sawi a, heng No.4 te hi Local Market rate a chhut in Rs 1,60,000/- man hu vel nia chhut a ni a, nimin khan Court ah hruai niin Champhai District Jail ah dahluh nghal a ni. Champhai Excise & Narcotics Department te chuan No. 4 an man rual hian Burma Zu BEDC Fun 40 an mantel bawk a, Heng zu te erawh hi chu Lalremsanga kum 18 Zahmingthanga (L) fapa leh Laledenthari kum 18, Lalchhuana Fanu Champhai Electric Veng ve ve te ta a ni thung a, heng zu te hi Khawmawi atang veka an lak niin, Fun khat Rs 40 a an lak niin an sawi a, Local market rate a chhutin Rs 24,000/- man vel nia chhut a ni bawk. an phurhna scooty pawh man tel nghal niin, Lalremsanga leh Laledentharin te hi nimin vek khan Champhai District jail ah dahluh ve nghal an ni bawk.

A THLAWNIN NAUPANG EN:

    Nimin chawhnu khan Genesaret Gospel Home ah MS Drug Centre Aizawl bultumin Free Clinic neih a ni He free Clinic a damdawite hi Pu Rela Bungkawn Vengthar, MS Drug Centre Neitu rawn tum a ni a, Med Aim Doctor Dr Benjamin hoin naupang damlote an en a, Genesaret Gospel Home a naupangten damdawi a thlawna an neih theih bakah an natna te en sak an ni bawk a ni.

HIGH SCHOOL 30 AWM :

    Champhai Dist Education Officer (DEO) hnuaiah Govt. High School 30 a awm a, Adhoc Aided H/s hi 27 an awm bawk a,Lumpsum Aided hi 1 a awm a, JNV hi khawzawlah 1 a awm bawk a,RMSA hi H/s hi 5 a awm bawk a ni. A vaiin Private H/s tiam lohvin, H/s hi 64 an awm a, heng H/s ah te hian zirlai an vaiin 3873 an awm a, Mipa-1967, Hmeichhia-1906 an awm a, Zirtirtu hi an vaiin 465 an awm bawk. Tihian H/s pakhatah chawhrualin, zirlai 61 vel ang theuh awm ang an ni a, Zirtirtu pakhat hian chawhrualin zirlai 8 ang zel nitin zirtir ang an ni. Zirtirtu leh Zirlai in-khuang rual lo zual deuh deuh H/s-ah Lianpui H/s-ah hian Zirlai 18 awmin, zirtirtu hi 8 an awm a,Tuipui RMSA H/s-ah hian zirlai 17-ah, zirtirtu 6 an awm a, Govt Khawbung H/s-ah hian Zirlai 127-ah, zirtirtu-3 chiah an awm thung. Govt Ngur H/s-ah leh Govt Oriental H/s Leisenzo-ah hian Zirlai 17-ah, zirtirtu 5 ve ve an awm bawk. Govt TM H/s Zote-ah hian Zirlai 14-ah, zirtirtu-5 an awm bawk.Govt Vanzau H/s-ah zirlai 18-ah, zirtirtu 3 an awm bawk a ni.Private H/s hi an vaiin, 17 an awm a, hetah hian zirlai an vaiin 825 leh zirtirtu 105 an awm.Tihian Private-ah hian H/s pakhatah zirlai-49 zel awm ang an ni a, zirtirtu pakhatin nitin zirlai-8 ang zel zirtir ang an ani. Private H/s-ah hian BC Lalthla-muana English Academy chuan zirlai ngah berin, zirlai-137-ah, zirtirtu-8 an awm a, Bethel Mission Sikul chuan dawtin, zirlai-71-ah zirtirtu- 5 an awm ani.

CHAMPHAI NORTH MLA IN THISEN PE :

    Association For Voluntary Blood Donation (AVBD) huaihawt, Valentine’s Day puala thisen pek runpui “Blood For Your Valentine” chu nimin khan Govt. Mizo HSS Hall, Macdonald Hill, Aizawl-ah neih niin, Pu TT Zothansanga, Parliamentary Secretary chu khuallian a ni.
    He thisen pek runpui hawnna inkhawm hi Dr. Lalmalsawmi Sailo, Principal Director, MSACS in a kaihruai a. Khuallian Pu TT Zothansanga chuan hmangaihna lanchhuah tir nana rawng sen hman a ni ang a, chumi milh chiah a thisen rawng nen inchawih taka Valentine’s Day-a blood donation camp Association For Voluntary Blood Donation-in an huaihawt chu ropui a tih thu leh zawngchhang tlak a tih thu a sawi a. Mizo nuna ropui ber fo chu thian chhan thih ngam a nih thu sawiin, damlo mangang te hman tura thisen pe tura kal khawm thalaite chu chhuanawm a tih thu a sawi a, hei hi zo nun ze mawi lanchhuah tir zeltu a ni, a ti. Thalai te chu an nun kawng zawh mek a duhthlang theia an awm laiin, kawng dik tak zawh tur leh nun thianghlim taka hmang turin a chah a ni. Kum 2012 atang khan AVBD leh MSACS bul tumin Valentine’s Day apiangin Blood Donation Camp hi huaihawt a ni ta a. Thupui atan Zikpuii lo vuah tawh sa “Blood For Your Valentine” chu hman chhunzawm zel a ni.
    Nimin hian Aizawl Civil Hospital leh Synod Hospital blood bank a thawk ten thisen hi a mamawh apiangte hman turin an la a. Nimin hian mi pathum; Blood For Your Valentine bultumtu a ngaih Zikpuii, Mizo hmeichhe zinga thisen pe hnem ber, thisen vawi 33 zet pe tawhtu Rebecca Saimawii leh Mizo mipa zinga thisen pe hnem ber, thisen vawi 53 zet pe tawhtu C.Lalremruata; te hnenah chawimawina hlan an ni.

AWARENESS NEI :

    Ningani khan NABARD Consultancy Services (NABCONS) bultumin Awareness Programme on commodity future market training leh awareness campaign chu Zokhawthar YMA Hall ah neih a ni a, Apex Bank Chief Manager Pu C. Lalthanpuia chuan khuallian niin a hmanpui
    He hunah hian JD Traite, APM NABARD Champhai chuan kalkhawmte chibai bukin, mipuite tana a hlawkna turte a sawi a, Commodity future market hi kuthnathawktute tan ah platform tha tak niin, hmalakna turah an thlai tharte an man tha zawka hralh thei tura ruahmanna an neih theih nante commodity future market hian a kawhhmuh thei a, hei hian loneitute an thlaichin tur thlan lawk theihna atan leh harsatna an tawhlohna turin a pui thei a ni tiin, JD Traite chuan a sawi. He training Programme ah hian Chief Guest Pu Lalthanpuia Chief Manager, Apex Bank Champhai chuan commodity future market hi Mizoram tan chuan thil thar a ni a, hemi tihlarna tur hian Forward Markets commission chuan India ram zawng zawngah hma a la tan tawh a, NABARD Consultancy services kaltlangin hemi programme hi buatsaih a ni ati.
    Pu Thanpuia chuan, Commodity futures market chu loneitute tan leh mipuite tan pawh hriatchian leh zual a pawimawh thu a sawi bawk a ni. He hunah hian khual zahawm pu Pradip Nandi, Chief Manager State Bank Of India, Lead bank Office Champhai pawhin mipuite chu future market pawimawhzia leh kuthnathawktute leh thlai thar a sumdawng thinte tana a tangkai zia a sawi bawk. He training Programme ah hian bungraw hmanga insumdawn tawnna awmzia te, hun ruat lawka sumdawnna leh loneitute tana tangkaina a neih theih dante, NABARD in marketing lamah hmalak a tum dante leh NABCONS kaltlanga hma a lak dante, thlai tharte hun lokal leh tura hlawk zawka sumdawn theih dante zirtir an ni a, thlai thar leh bungraw hmanga sum dawn dan ‘Kal Ki Soch’ tih film tawi chu mipuite entirin he training programme hi hman a ni

RAM KAN CHUNGCHANG NGAIHTUAH :

    Ningani chhun khan Champhai DC Conference Hall-ah Champhai Addl. DC Pu Zoensanga kaihhruaina in District Level Fire Prevention Committee thutkhawm a ni.
    He hunah hian Chairman Pu Zoensanga chuan chhiatna chi hrang hrang 30% chu kangmei vanga thleng a nih thu leh kawng hrang hrang ; Lo hal, tul lova ram tih kan, thingtuah lak leh meihawl rawh vangin ramngaw nasa taka tih chereu a nih vangin tuihna a tlem tial tial a, sik leh sa a inher danglam phah bakah khawlum leh vawt pawh kan tuar na tial tial a ni a ti.
    He thutkhawmah hian nikum lama District Level Fire Prevention Committee thuchhuak thlirletna neih a nih rualin, Sorkarin kangmei laka invenna tur kawng hrang hrang a duante leh Fire Prevention Week 2014 a ruahman chu Champhai District-ah pawh hman nise a ti. State sorkarin kumin March 15 ral hma ngeia huan/ram hal felvek tura a tih chu Champhai District ah tih hlawhtlin a nih ngei theih nan Champhai District chhunga Village Council tinte hriattirna pek nise a ti a, hemi chungchang lo bawhzui tur leh Huan/Lo ram vat tuten meilam tha taka sial theuh turin hriattirna siam tur hian Champhai DLAO chu ruat a ni. Village Council tin ten an huam chhungah MGNREGA hmanga Huan/lo ram meilam sial tur leh ram kang vengtu (Fire watcher) pawh dah a nih theih nan tih dan kawng dap tha tih a ni a, MGNREGA kal phungin ramngaw humhalhna atan hman remtih anih vangin koritu zawka kalpui anih theihnan District Level Afforestation Monitoring Cell din tha tin a ni a, hemi chungchang lo bawhzui tur hian Addl. D.C, Project Director leh DFO te ruat an ni.
    Kawngpui kam thing humhalh (Safety road reserve) in kawng chhak leh kawng thlang feet 24- ve ve huam tir anih angin he dan hi khauh taka kenkawh tha tih a nia, kawngpui kam huan/lo neiten kawngpui kam thleng vah anih loh nan District chhung VC te an mahni huam theuhah hmala tura hriattirna siam nise Committee chuan a ti bawk. Ramkang palh a awm pawha rang taka thelh a ni theih nan khawtin VC leh YMA Branch te ngen tha tih a ni a, mipui hnenah kangmei chungchang a zirtirna “Slogan” Local TV” a chhuah bakah Banner siam nise, District chhung Daily News paper a kangmei chungchang Article ziak tha hnenah lawmman siam nise a tih bakah kangmei chungchang inzirtirna zirna in hrang hrang bakah kohhran tinah ngenna siam nise Committee chuan a ti bawk.

 TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 71.41)
    Diesel : Tanky Full (Rs. 54.31)
RD PUMP : (6:00 AM - 5:00 PM)
    Petrol : Free Sale (Rs. 79.21)
    Diesel : Free Sale (Rs. 57.65)
 


ni 12.2.2014 (nilaini)



TRACTOR CHESUAL :

    Nizan hmasa dar 6:30 vel khan Ngur khawhchhungah ah Tractor a accident a, he motor ah hian mi pathum chuangin hliam an tuar vek a, thi erawh an awmlo thung.
    He motor hi thingphur a ni a, zan dar 6:30 vel khan kawngthlang ah tlanliamin metre 30 vel a lum a ni. He motor a chuangte hian hliam an tuar vek a, driver Lalruatmawa kum 30, Pu Vanlalngena fapa chu Aizawl ah refer niin Nizan hmasa khan tlanthlakpui nghal a ni a, ngaihtuahawm erawh a nilo niin an sawi, driver bakah Ricky Lalthansanga kum 31, Pu C. Laimawia fapa leh Challianmawia kum 27, Pu C. Vanlalvena fapa te chuan hliam tenau tuar bawkin Champhai District Hospital ah enkawl an ni. Nimin khan khawtlang mipuite chuan he motor accident hi an hnukchhuak nghal a ni

GENERAL BODY MEETING :

    Champhai NGO Coordination Committee chuan tun thla ni 20 hian General Body Meeting an nei dawn a, hemi huna ngaihtuah tur Agenda neite chuan February ni 17 ral hmai DK Enterprise ah emaw L&K Variety Store Dawr Vengah emaw ziaka thehluh theih a ni dawn a, khawtlang tana hmasawnna tur thu thawh tur neite chuan huntiam chhunga thehlut turin an ngen a ni. NGO Coordination Committee chuan tun hnai khan kum upate zahna lantir a nih lehzual theihna tur leh RSBY anihna anga hman anih theihna turin thuchhuah an lo siam tawh a ni

MIDDLE SCHOOL 28 AWM :

    Tunah hian Champhai Circle chhungah hian Govt. M/S hi 28 an awm a, Deficit hi Sikul hi 1 a awm bawk. Adhoc-Aided hi 3 an awm a, SSA sikul hi 4 awm bawk.
    Tihian Champhai Circle-ah hian a vaiin, Middle School hi 36 a awm a, hetah hian zirlai nau-pang hi an vaiin, 2429 an awm a. Zirtirtu hi an vaiin, 344 an awm bawk a ni. Tihian Zirna in pakhatah hian Zirlai 67 ang zel awm ang an ni a, zirtirtu pakhat-in naupang7 ang vel zel nitin zirtir ang an ni.
    Zirlai leh naupang inkhuang rual lo deuh deuh School zingah Govt. Kahrawt M/s-ah hian zirlai 13 awmin, zirtirtu hi 12 an awm a, Mizoram State M/s Schhol Hnahlanah hia zirlai 22 awmin, zirtirtu 10 an awm bawk a, Genesaret SSA Sikulah hian Zirtirtu 13 awmin, naupang 29 an awm bawk a, Chhungte SSA School-ah zirtirtu 10 awmin, naupang 16 an awm bawk a ni. Zirtirtu leh naupang inkhuang rual zingah Tlangsam M/S-ah hian Zirtirtu 10 awmin, zirlai 111 an awm a, Hnahlan M/s-ah Zirtirtu 10 bawk awmin. naupang 129 an awm a, Zokhawthar Adhoc Aided Sikul-ah hian nau-pang 130-ah zirtirtu 7 an awm bawk. Holy Cross M/s-ah hian zirlai 172-ah zirtirtu 8 an awm bawk a ni. Middle School Norms ang chuan Naupang 60-ah Zirtirtu-2, 61-90 inkarah, zirtirtu-3, 91-120 inkarah zirtirtu-4, 121-200 inkarah, zirtirtu-5, 150 naupang awm chinah, zirtirtu-5 leh Head-1 an awm tur a ni.

SLAUGHTER HOUSE :

    Ran tlahna hmunpui, Sluaghter House sak mek chu chak taka hmalak mek a ni a, tunlai hian tuah thing an lak thin avangin tui hna a chat mai a hlauhawm niin thawktute chuan an sawi. Slaughter House hi tunah hian retaining wall leh sa talhtute quarters tur sak zawh thawkhat a ni tawh a, tunah hian sa tlahna tur In pakhat chu a ban phun leh ni tawhin a san zawng 20ft, leh a zau zawng 30 ft leh 60 ft a sak tur a ni a, tanky leh retaining wall te pawh siam mek a ni, helai hmuna hnathawk a awm te chuan tuahthing tur an lak nasat aangin tui hna hi a chat mai an hlauh thu an sawi a, dept. hotuten hmala thuai se an duh thu an sawi bakah, mipuite pawhin helai rama thingte pawh hi la tawhlo se an duh thu an sawi bawi a ni. Slaughter House hi contractor engemaw zatin an thawk a, tunah hian thenkhat chuan a hmunah riahchilhin ruahtui a tlak tam hma a hmanraw mamawh ang inchhawp hman an beisei thu an sawi. Hna pawh a chak thei ang bera thawh an tum bawk.
   

THUTNA TUR PAWT DAWN :

    C. Denga Colony kawtkam vela Bazar inpho te chuan Traffic tan harsatna leh Motor chetsualna siam thei dinhmunah an ding nia ngaiin, Elelctric Veng VC leh UD&PA Dept. hmalaknain C. Denga Colony chhukthla dinglamah insuan thla vek tura an lo hriattir tawh chu Electric VC te chuan Inrinni khan hmalain Bazar inpho ho chu Seat an pawh tir. Tuna alandanah chuan Bazar chhukthla hi Seat 30 ah siam ani ang. An Seat pawh angin tun Ningani atang hian VC te chuan thut tantir an tum a, a in relbawl fello te chu an license pawh hlihsak an nih dawn thu Electric VC te chuan an sawi.

TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 71.41)
    Diesel : Beisei (Rs. 54.31)
RD PUMP : (6:00 AM - 5:00 PM)
    Petrol : Free Sale (Rs. 79.21)
    Diesel : Free Sale (Rs. 57.65) 


ni  11.2.2014 (thawhlehni)



AIRCEL TOWER SIAMTHA TURIN HRIATTIRNA CHHUAH :

    Nimin chawhnu 2:30 khan Champhai District Disaster Management Authority chu Champhai DC Conf hall ah an thukhawm.
    He thutkhawm hi an Chairman Addl DC Pu Zonengsanga chuan a khaihruai a, he hunah hian Aizawl kawng, Kanan kawng chhia chu tun fur hma hian buaina lian zawk a thlen lohna turin side drain mumal tak siam nise an ti a, hei bakah hian Champhai kalka kawng dang pawh siamthat tura hmalak nise an ti bawk.
    Vengsang Aircel tower awmna retaining wall chungchang pawh he meeting hian relin, a bulhnaia chengte tan a hlauhawm theih avangin Disaster Management Act 2005 in Disaster Management Authority Committee thuneihna pek angin a rang thei ang bera siamtha turin he tower neitu, GTL te nawr nise an ti bawk.
    Hei bakah hian hian DM Team hrang hrang 8 te chu chak taka hma la tura nawr nise an ti bawk. Fire Awareness campaign pawh a rang lama neih nise tiin he meeting hian a rel bawk. Nimin thukhawmah hian member DFO, PWD, PHE EE, SP, sawm bikte, VCP, MJA member leh Sub-Hqrs YMA hruaitute an tel thei a ni.

RAN TLAHNA HMUN :

    Ran talhna hmunpui, Slaughter House sak mek chu chak taka hmalak mek a ni a, tunlai hian tuah thing an lak thin avangin tui hna a chah mai a hlauhawm niin thawktute chuan an sawi.

 TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 71.41)
    Diesel : Beisei (Rs. 54.31)
RD PUMP : (6:00 AM - 5:00 PM)
    Petrol : Free Sale (Rs. 79.21)
    Diesel : Free Sale (Rs. 57.65)


ni 10.2.2014 (thawhtanni)



HEALTH CARE SCHEME :

    Inrinni khan Ministry Of Labour & Employment, Sorkar laipui hnuaia chhungkaw inziaklutten dawmdawiin a inenkawlna senso Rs 30,000 thleng man chawilova kum khata an hman theihna RSBY leh Health Care Scheme 2014 Enrollment chu Champhaia veng pathumah kalpui leh a ni. RSBY leh Health Care Scheme 2014 enrollment hi Inrinni khan Vengthlang, Dinthar Veng leh Ruantlangah te kalpui a ni a. Inrinni chhun lama power supply a mumal loh avangin enrollment hi heng veng pathuma kalpuitute chuan a thawh hleitheih loh thu an sawi. Tarlan tawh angin RSBY hi Ministry of Labour & Employment in mi harsa zawk ten a thlawna an inentir theihna tura ruahman a ni a , sum neihloh avanga inenkawl theihlo ten harsatna an tawh tawhlohna turin mitinin an hmanthiam theihna tura zirtirna pek zel an ni a. He scheme hmang hian MSHCS zawmpui damdawiin ah te an inenkawl theih dawn a ni.

BANK DINHMUN :

    December Quarter thlenga Bank hrang hrang dinhmun a hriat ta a, Champhai District chhunga Brank hrang hrang zingah SBI Champhai Branch chuan Deposit an dawn hnem ber
    SBI Champhai Branch hian Maktaduaih 66.44 an dawng a, heta tang hian Makataduaih 36.79 chu loan ah pechhuakin an CD Ratio chu 55% an ni. Hetih lai hian Champhai khawpawn a branch hrang hrang zingah SBI Khawzawl branch chuan deposit dawng hnem berin maktaduaoh 13.21 an dawng bawk a ni.
    Champhai khawchhung Branch pali zingah MCAB Champhai Branch chu a dawng hnem ber dawt niin Maktaduaih 34.55 an dawng a, heta atang hian Maktaduaih 23.36 loan ah an pe chhuak a, an CD Ratio chu 68% a ni thung. MRB Champhai Branch chuan maktaduaih 24.28 deposit atang hmu in Rs Maktaduaih 11.48 Loan an pechhuak bawk a ni. Hetih lai hian Agriculture Loan bika target khum Champhai District chhungah SBI Champhai branch chiah awmin, Nuai 155 ah Nuai 158 an pechhuak thung a, MRB Champhai Branch in Nuai 91 target neiin Rs nuai 75.13 an pechhuak bawk a, MCAB Champhai Branch in Rs nuai 90 neiin Rs 49.95 an pe a, HDFC Champhai in Rs nuai 90 neiin Crop Loan engmah an pe lo thung. Kisan Credit Card KCC ah MRB Champhai Branch an sang ber a, Target 70 neiin KCC 87 an pechhuak a, SBI Champhai Branch in Target 70 ah 60 pechhuakin, MCAB Champhai Branch in Target 60 atangin KCC 16 an pe a, HDFC in target 60 neiin engmah an pechhuaklo a ni. PMEGP bikah chuan MCAB Champhai Branch in Target ngah berin 11 an nei a, tunah hian Appliction 30 dawng tawhin , SBI Champhai Branch in target 10 neiin dilna 20 an dawn tawh bakah MRB Champhai branch in Target 4 atangin dilna 16 an dawn tawh bawk a, March thla chhunga tihfel tura ruahman a ni. Champhai District chhungah Financial Literacy Camp (FLC) Campaign MRB Hliappui Branch in Camp nei ngun berin vawi 5 an nei thei a, Champhai khawchhung branch ah MCAB chauhin FLC nei theiin Vawi 1 an nei bawk a ni

RUKRU HUANGTAU :

    Karhmasa khan Vengthlanga Nepnawi dawr pakhat chu tu tih hriat loh ten an rawk.
    Kan thudawnnain a sawi danin he nepnawi dawr atang hian thil hrang hrang Rs.4000 man vel lak a ni a, dawr rawktute hi mi 7 vel niin an dawr rawk lai hi hmeichhe pakhatin a hmuh hnuah man hman lohvin an tlanchhe zui ta a ni. Heng dawr rawktute hi mita hmutu an awm a, rawlthar 7 vel a ni a, jumper lukhum awm ha-in an lu an khuh a, rawmawl hmangin an hmai an tuam bawk a, mi pahnihin invenna tur hmanrua kengin pahnih velin ipte an ak bawk a.
    Champhai vengchhak lam atanga rawn kalin Awmpuiphei leh Dawr dung thlaah hian dawr rawk tur an zawng kual nia a lan thu sawiin, an chet danah hian an vawikhat tihna a ang lo hle niin an sawi bawk. Tunlai hian dawr leh in rawk hi Champhaiah sawi tur a tam hle a ni.

KOHHRAN HUN HMAN DAN :

    Presbyterian Kohhran hnuaia pastor bial hrang hrang Kohhran Hmeichhe inkhawmpui chu nizan atanga Pathianni zan chhung hian bial chhung hmun hrang hrangah neih a ni.
    Zirtawp zanah bial tin secretary te hnen atangin report ngaihthlak a ni a, inrinni khan nilengin palai rorel neih a ni. Inrinni zan atanga Pathianni zan chhung hian Pathian thuchah ngaihthlak thin a ni ang a, Pathianni Chawhnu hian Lalpa zanriah sacrament kilho a ni ang.
    Champhai leh a chhehvela Pastor bial hrang hrangte inkhawmpuina hmun chu, Vengsang Pastor bial chuan Ramthar Kohhranah nghatin thupui, ‘Ram chu Lalpa ta a ni,’ tih chu Upa Sanglianthanga an a sawi ang. Kahrawt Pastor bial chuan Hmunhmelthaah nghatin ‘Danglamna’ tih thupui chu bial hruaituten an sawi dawn a ni. Bethel Pastor bial chuan Vengtharah nghatin, ‘Nangmahni leh in fate tan tap rawh u,’ tih chu Speaker Laltindawla hnen atangin an ngaithla dawn a. Kanan Pastor bial chuan Kananah nghatin ‘Nangmahni leh infate tan a tap rawh u,’ tih chu Upa C.Thangchhunga leh bial hruaituten an sawi ang a. Zote Pastor bial chuan Ngur ah nghatin, ‘Kohhran Pathian khawpui,’ tih chu Speaker Upa Lallawmsangan a sawi ang. Vengthlang pastor bial chuan Vengthlang Kohhranah nghatin, ‘Krista hnena midangte hruai,’ tih thupui hmangin Rev.Lalramdinthara Colney hnen atangin Pathian thuchah ngaihthlak thin a ni ang. Zokhawthar pastor bial chuan Hruaikawnah nghatin ‘Siamtharlehna’ tih thupui hmangin Pathian thu anngaithla ang. Ruantlang pastor bial chuan Mualkawiah nghatin ‘Min tichaktu Lalpaah chuan engkim ka tithei,’ tih chu Rev.Vanlalhriatan Pathianni Chawhmaah a sawi dawn bawk a ni.
    UPC District Mission Director Rev.HL.Dawngliana chu Pathianni hmang hian Champhai Pastor bial a rawn tlawh a. Inrinni zan atanga Pathianni zan chhung hian Kohran hrang hrangah hun a hmang dawn a ni.
    Bible Society of India, Champhai Circle Meet chu ni 14-16 Feb`14 chhung hian Hermon Khazawl Presbyterian Kohhranah neih a ni dawn a. Meet chhung hian, ‘Tho la, eng rawh,’ tih thupui hmangin Rev.C.Rosiama, IBSTA member hnen atangin Pathian thuchah ngaihthlak thin a ni ang. Champhai Circle hnuaiah hian Champhai North Branch, Champhai South Branch, Khawbung Branch, Khawzawl Branch, Ngopa Branch te an awm a. He hun hmang tur hian Kohhran pawl hrang hrangte beisei an ni bawk.
    Baptist Kohhran Zokhawthar chuan ni 6-16 Feb`14 chhung hian Pro Pastor Andrew Lalhmachhuana Fanai speaker a hmangin hovin Chhandamna camping an nei mek.

KAR HMASA DAMDAWI IN REPORT :

    OPD a inentir zawng zawng chu mi 450 an ni a, damlo admit 85 awmin damlo refer 1 a awm a, damlo boral 4 an awm bawk. Zaipui tawk mi 3 an awm a, mi 15 in zai tenau an tawk bawk. Mit zai 2 awmin nau nei 15 an awm a, tunah damlo 25 an awm mek. Ningani khan Hliappui leh Saichal-ah MMU clinics neih a ni.

TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 71.41)
    Diesel : Free Sale (Rs. 54.31)
RD PUMP : (6:00 AM - 5:00 PM)
    Petrol : Nil (Rs. 79.21)
    Diesel : Nil (Rs. 57.65)
 


ni 8.2.2014 (inrinni)



GRAPE CHINGTUTE ZIRTIRNA PE :

    Nimin khan Vengsang YMA Hall ah Horticulture Dept hmalakna in Grape chingtute tan Training neih a ni
    He hun Pu H. Lalremsiama Sub Divisional Horticulture Officer kaihhruaiah hian SDHO chuan, kan grape tharte alo hlawk zawk nan leh rah an chhuah hma theih zawkna turin damdawi hmanga hmalak tum a ni a, he damdawi hi damdawi thar a nih avangin a hman dante uluk taka inzirtir a ngai a ni ati a, Scientist ten kan ram leilung leh sik leh sa uluk taka an zirchian tawh hnua he damdawi hi an siam chhuah a ni tih sawiin, a hman dan leh a enkawl dan uluk takin kan zirtur a ni ati a, chumi denchhena training ko an nih thu a sawi.
    He hunah hian Pu HKL Thanga Champhai Grape Growers Society Vice Chairman pawhin thu sawiin, hruaitu leh hotu chak tak kan nei chu a lawmawm hle a ni ati a, SDHO hmalakna avanga hetiang training hi neithei an nih thu a sawi a, grape ching tuten hlawk zawk leh tha zawka grape an tharchhuah theihna turin society chuan training hi department ah an dil tih sawiin, an dilna tihlawhtlingin Society lamin senso leh thil tul dangte engmah ngaihtuahbuai ngai lovin SDHO hmalakna zarah hetiang hi kan ti thei a ni ati. Pu HKL Thanga chuan, Grape chungchanga pawl ho hmalakna sorkar lama a kal chakloh chungchang sawilangin, pawl hian mimal kan tluklo a ni ati a, pawl leh society angin hma la thin mah ila, mimal duhsak zawng an awm zel avangin society hian hamthatna kan dawng tak tak theilo a ni tiin, mimal an tlukloh thu a sawi. Hemi avang hian Society chuan nasa takin hma a la a ni tih tarlang bawkin, Rs 2Lacs vel chawibelhin society chuan grape ching tute tan DAP 50% subsidy in a sem dawn a ni tih a sawi a, society hian grape chingtute tan theihtawp a chhuah zel tur thu a sawi bawk a ni
    He hunah hian Pu K. Zonunsanga HEO chuan tuna an damdawi thar Hydrogen Cynamite hman dan tur chungchangah training a pe a, damdawi thar a nih avanga hriat tur pawimawh te sawiin, mihriang taksa a harsatna thlen thei a nih avanga fimkhur a ngaihdante a sawi bawk a, tun aia hlawk zawk leh tha zawka grape ching tuten grape an thar theihna tura hriattur pawimawh hrang hrangte a hrilh nghal bawk a ni.
    Hetiang ang training hi Champhai district ah February ni 15 hma a tihchhuah tum a nih thu Pu. H. Lalremsiama SDHO chuan a sawi bawk a, ruahmanna an neih dan ang chuan, karleh thawhtan atanga zirtawp inkarah hian Hnahlan, Tualcheng, Lungphunlian, Ngur leh Mualkawi ah te training an nei leh dawn a ni

PAWISA NEI LO

    Champhai District huamchhunga chhungkaw tinte kangmei laka kan lo him theihna turin Champhai Forest Division hnuaia R.O 8 te chu hma la tura hriattir an ni
    Champhai Divisional Forest Officer Pu Vanlalchuailova chuan tun february thla chawhma lam hian RO te chu hriattir an nih tawh thu leh RO thenkhat chuan meilam te pawh kangmei chhuah awlsamna laiah chuan an sial tawh thu leh, a thente chuan VC te kokhawmin hmalak dan turte an rel tawh thu a sawi a, kum dang angin kumin hian dept in pawisa a neihloh avangin Kumdanga Branch YMA hrang hrang hnena kangmei veng tura lawmman pawisa an sem thin chu an tih theihloh tur thu a sawi bawk a ni. DFO chuan, tunah hian District Level Committee chu hemi chungchang ngaihtuah tur hian an la thukhawm lova, State Level Committee thu an nghah mek thu a sawi, Fire Prevention Week hawnna erawh chu neih tum a nih thu sawiin, kangmei ven chungchanga Editorial ziah thate hnenah lawmmawn tangkafai sem tum a nih thu a sawi bawk a ni

 TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 71.41)
    Diesel : Free Sale (Rs. 54.31)
RD PUMP : (6:00 AM - 5:00 PM)
    Petrol : Nil (Rs. 79.21)
    Diesel : Nil (Rs. 57.65)
 


ni 7.2.2014 (zirtawpni)



AIRCEL TOWER HLAUH AWM :

    Champhai Vengsanga Aircel Tower chu min hlauhawma a awm avangin tunlai hian a khawl Off thin a ni a, Aircel signal a chhiat phah hle
    Tunlai hian Aircel Signal a chhe hle a, hei hi a chhan nia lang chu Vengsang a Aircel Tower thuthmun lungrem chu min hlauhawma a awm avangin tunah hian a khawl Off thin a ni a, hei hian signal a tichhe hle ni a hriat a ni.
    He tower hi global Telecom Ltd. ta niin a hmangtu Aircel pawhin anni hnenah hian he harsatna chungchang hi an thlen tawh nia sawi a ni a, GLT lam hian tun thla chhung ngeia hmalak an intiam avangin dan pangngai anga hman theihin nizan khan siam a ni. He tower hi Champhai biala tower pawimawh ber, signal pechhuaktu a nih avangin signal awmin lang thin mah se, hman theihloh in a awm thin bawk a, he tower hi nikum, kum laihawl khan CCN palai chuan a hmunah kalchilhin, tower bulhnaia cheng, mahni inlum luah ngamlo te pawh a kawmchiang tawh a, Sorkar thuneitu lam pawhin an en tawh thu lo sawiin, amaherawhchu, tun thleng hian he tower bulthut, min hlauhawma awm hi siamthat ala ni chuanglo a, chhungkaw pakhat phei chu nikuma he tower bulthut a khik tirh atang khan insuanchhuakin, tun thleng hian he in hi an la rauhsan a ni.
    Hetihlai hian Aircel Tower, Vengsang VC ten an off thin anga sawi chungchangah Vengsang VCP chuan hemi chungchang hi engmah an hriat loh thu leh, a off thin tute an nih loh thu kan palai a hrilh a. Tower hnuaia lungrem khi hian chhiatna a thlen theih dawn avangin a rang lama hmalak nise a duh tih a sawi bawk. Hei bakah hian Champhai District Disaster Management & Rehabilitation Authority chu karleh Thawhtanni hian hemi chungchang ngaihtuah hian an thukhawm dawn a ni.

RAN DAMDAWI IN LAM :

    Niminpiah khan AH&Vety Dept chuan Ngur ah Animal Health Free Clinic neiin ran damlo 799 hnenah damdawi a thlawnin an sem.
     AH&Vety Dept te hi DVO hoin zing kar atangin Animal Health Free Clinic hi an nei a, he Animal Health Free Clinic ah hian bawng damlo 154 hnenah damdawi a thlawnin an sem a, Lawi 82, sakawr 20, vawk 236, Ui 35, Ar 260 leh Zawhte 2 hnenah damdawi pe bawkin, HSBQ vaccine hi bawng 91, leh Lawi 82 hnenah an pe bawk a ni

HNARUAK :

    DP&AR hnuaia Assistant hna post 15 a ruak a, Graduate chin, a dil duh chuan DC office ah dilna form ngaihven theih a ni tih thu kan dawng.

CHAMPHAI COURT LAM :

    Champhai Police chuan kumin January thla chhung khan IPC Case 23 Champhai  Court ah an thehlut a IPC Case 13 an chin fel tawh niin. MLTP Act hnuaiah Champhai Police chuan Case 8, Excise Case 6 Champhai Court ah thehlut in Case 9 an chingfel tawh a ni. ND&PS hnuaiah Police Case 1, Excise Case 1 Champhai Court ah thehlut in Case 2 an chingfel tawh bawk a ni.
    Champhai Court ah Civil thubuai 18 ziahluh a ni a, Case 13 an chingfel tawh bawk. Heng bakah hian Forest Dept. hnuaiah Wildlife Protection Act. thubuai 1 ziahluh a ni bawk.

KAWNG DINHMUN :

    Champhai PWD EE, Pu Lalkima chuan Champhai - Khawbung kawng siamna LOC ngaihtuaha Aizawl a kal chu kar hmasa Nilaini khan Champhai a lo thleng, tun tumah hian a vaiin, cheng nuai 240 vel Champhai - Khawbung kawng siamna tur a rawn hawn nia hriat a ni. Champhai - Khawbung kawng hi tunah hian 70% vel zawh tawh a ni a, pawisa hi 40% vel pek tlak tawh a ni, Champhai - Khawbung kawng siam nan hian Sawrkarin nuai 300 a phalsak a, heta tang hian nuai 250 vel chu senral tawh a ni a, a taka Financial Payment chu 40% vel a ni, a bak zawng hi ba an la nei a ni.
    Tun tum cheng nuai 240 a rawn hawn atang hian ba te an pek fel chuan cheng nuai 150 vel chiah hman tur a la nei dawn niin EE chuan a sawi.
    Champhai PWD EE Pu Lalkima kum 1 leh thlaruk vel leh champhai ah a awm chhung hian cheng nuai 650 man Project a thawk zo hman tawh a ni. Tunah hian Work Schedule tharah Selluaia Point- College Road, Vengthlang YMA Run - College Road, Selluaia Point - Darthangvunga, Electric - Vaihmun Road te siam leh tum a ni a, hemi siam nan hian a vaiin cheng nuai 130 vel ruahman a ni.

TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 71.41)
    Diesel : Tanky Full (Rs. 54.31)
RD PUMP : (6:00 AM - 5:00 PM)
    Petrol : Nil (Rs. 79.21)
    Diesel : Nil (Rs. 57.65)


ni 6.2.2014 (ningani)



CHAMPHAI BAWRHSAP THLAH :

    Nimin chawhnu dar 1:30 khan Champhai DC Pu Lalthangpuia Sailo IAS chu DC Conference Hall ah thlahna hun hman a ni
    He hun hi Pu R. Vanrengpuia Election Office chuan a kaihruai a, Pu H. Sangkhuma HA chuan hunserh hmangin he hun hi Pathian hnenah a hlan a, DC Office aiawhin Pu Vanlalhuma Superintendent chuan thusawiin, DC paruk a hrawn tawh zingah pa tha leh zaidam, mi ngilnei hlemhletna chungchanga mi fihlim a thawhpui thei chu a lawmawm atih thu sawiin, a hnuai ami te tan mi dik leh tha, Pathian tih mi anihna alang hle a ni ti a, hetianga thawhpui nuam an thawhpui thei chu lawmawm atih thu a sawi. Pu Vanlalhuma chuan Pu Lalthangpuia Sailo chu sorkar bungrua leh hmunhma humhalh kawnga mi tha tak a nih thu a sawi a, sorkar thil, mahni ta ang maia enkawl thei mi a nih thu asawi a, DC Staff te tan Channa nasa tak a nih piahlamah a kal zelna turah DC Office aiawhin duhsakna a hlan bawk a ni.
    Pu Zothanmawia DRDA Project Director kalchhuak pawhin thu sawiin, kan hotu atan chuan, mi te ber atanga mi lian ber thlenga kan mamawh min hriatthiampui leh kan mamawh te kan thlen ngamna hi hotu atan an tha tih sawiin, PU Lalthangpuia Sailo chu chutiang mi chu a nih thu a sawi a, hna sang zawk chelh tura min kalsan tur chu a lawmpuiawm hle a ni tih sawiin, service ala ngah a, nakin ah Mizoram tana chhawrnahawm zawk leh tawnhriat ngah zawkin ala rawn let dawn tih sawiin, chumi hun thlirthiam a, duhsak taka thlah theuh turin kalkhawmte a chah bawk a ni.
    Champhai DC Kalchhuak, Pu Lalthangpuia Sailo IAS chuan, Champhai a a awm chu vannei a intih thu a sawi a, thil tam tak a zir bakah, a thawhpuite pawh thawhpui nuam, tlinlohna laia mi veng thiam leh kawng engkima mi tha an nih thu a sawi a, a hnuaia mite thawh en sa ah nuam takin a awm ve mai a ni tih sawiin, kawng engkima an thlawpna ah lawmthu a sawi bawk a, Champhai mipuite chu englaipawha tawngtaipui zel turin a chah bawk a ni
    Nimin a DC thlahna hunah hian DC Staff Welfare ten ngaihhruina thilpek an hlan bakah MHIP Sub Hqrs leh Govt. Champhai College Staff welfare ten ngaihhruina thilpek an hlan bawk a, Champhai Officer leh NGO hruaituten thusawiin, Champhai DC chu a kal lehzelna turah duhsakna an hlan bakah Champhai a a awm chhunga a thil tihthatte an theihnghilh tawhloh tur thu leh mi ngilnei, mi dik leh tawngtai mi a nihna an sawi tam ber a ni
    Champhai DC kalchhuak Pu Lalthangpuia Sailo IAS hi New Delhi a awm dawn a ni.

CHHUANAWM :

    Niminpiaha Hindi Matric result chhuakah khan Laldingpuii d/o H.Vankhawpuimawia(L) Rabung khua, Champhai District chu first Division ah pass in Mizoram pumah pakhatna a ni.
    Laldingpuii hi tunah hian BA 6 Semester HBC zirlai a ni bawk.

MJA THUKHAWM :

    Nimin chhun khan MJA Champhai District chu an press club-ah silver Jubilee an lawm tur thlirin General Body meeting an nei. He hun hi Pu Lalhmingmawia Pachuau, President chuan a kaihhruai a, tun thla ni 21-a an pawl din cham vawi 25-na, Silver Jubilee an lawm tur chungchang ngaihtuahin hmalakna hrang hrang an thlirlet a, hmachhawp awm hrang hranga hmalak dan tur an sawiho bawk a ni. He hunah hian Silver Jubilee lawm dan tur programme pawh a tlangpui chu an ngaihtuah tel nghal bawk.

CHAMPHAI NORTH MLA CHAWIMAWI :

    Nimin khan MSU Shillong chuan Shillong atanga zir chhuak MLA tling te an chawimawina kal zelah Parliamentary Secretary Pu T.T. Zothansanga chu a pisa ah chawimawina thuziak (citation) an hlan a.
    Parliamentary Secretary chuan chawimawina an pek chungah lawmthu sawiin, Shillong a zirlai te chu nun uluk tak chunga an zirlai theuhvah taima takin leh puitling ngei tura zir turin a fuih a ni. He hunah hian Shillong MSU President R. Lalramluahpuia’n Citation hi hlanin, chawimawina an hlante hi chawimawi phu tak tak, Shillong an awm lai atang tawha hruaitu tling tak tak an nih thu leh, Shillong MSU chuan an chhuan thu a sawi bawk.

JJB SITTING :

    Nimin khan Champhai District Juvenile Justice Board chuan District Child Welfare Comt. Office ah Sitting neiin Principal magistrate Lala Sakachep hovin an thukhawm a. He hunah hian thubuai an dawn 2 chungchang an rel bakah tun thla ni 18 khian Sitting hi neih zui leh nise, an ti.

TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 71.41)
    Diesel : Beisei (Rs. 54.31)
RD PUMP : (6:00 AM - 5:00 PM)
    Petrol : Nil (Rs. 79.21)
    Diesel : Nil (Rs. 57.65)
 


ni 5.2.2014 (nilai)



DC THLAH DAWN :

    Champhai DC Lalthangpuia Sailo, IAS chu Delhi a awm tura sawn a ni a, a hmun ruak luah tur erawh hriat theih a la ni lo. DC hi vawiin chawhnu dar 1:30 hian DC COnf. Hall ah Officer leh Staff te chuan a thlahna hun hi an hmang dawn a. Thu dawn danin DC hi tun thla ni 12 a Delhi a Joining Report pe tura tih a nih avangin tunkar Zirtawpni vel hian Champhai a chhuahsan ang.

BLOCK HRUAITU :

    Nimin khan Champhai North-I leh Champhai South Block Congress chuan an hruaitu tur an thlang a, Champhai North Block-I hian Champhai Town Hall ah thlangi chuhtu awm lovin hruaitute hi tlinga puan an ni, Champhai South Block hian Mangkhaia Hall ah an inthlang ve thung.
    Champhai North Block - I :
    President : H. Lalzawmliana, Kahrawt
    Vice Pre : K. Valbuanga, Vengthlang North
    Treasurer : B. Lalthanpuia, Hospital Veng
    NCM : R. Lalhmingthanga, Kahrawt
    Champhai South Block :
    President : Vanlalchhuanga Varte, Zotlang
    Vice Pre : C. Lalrintluanga, Bethel
    Treasurer : C. Lalnghinglova, Kanan
    NCM : Khawmpuithanga, Ruantlang

 TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 71.41)
    Diesel : Nil (Rs. 54.31)
RD PUMP : (6:00 AM - 5:00 PM)
    Petrol : Nil (Rs. 79.21)
    Diesel : Nil (Rs. 57.65)


ni 5.2.2014 (nilaini)



HEALTH CARE SCHEME CHAMPHAI-AH :

    Mizoram State Health Care Society hnuaia RSBY leh Healh Care Scheme 2014 Enrollment chu nimin khan Mizoram hmun dang rualin
    Champhai ah pawh hawn a ni Champhai ah chuan TNT ah hawnna hun hman niin Dr. Lianmawia’n hawngin hemi rual hian TNT camp leh Shelter Home a tawmte leh thawhtu te a thlawnin RSBY scheme ah hian ziahluh an ni a, Smart card an neihna atan Biometric Enrollment tihsak vek an ni bawk. Hawnna hunah hian Dr. Lianmawia chuan thusawiin, RSBY hi Ministry of Labour & Employment in mi harsa zawk ten a thlawna an inentir theihna tura ruahman a nih thu a sawia, sum neihloh avanga inenkawl theihlo ten harsatna an tawh tawhlohna turin mitinin kan hmangthiam tur a ni ati. He scheme hmang hian MSHCS zawmpui damdawiin ah te an inenkawl thei tawh dawn a, Champhai district damdawiin zawng zawngah RSBY Healh Care scheme hi hman theih tura ruahman a ni.
    He hunah hian Lalawmpuia District Co-ordinator pawhin thu sawiin, BPL/AAY leh Job Card nei chhungkua ten RSBY Smart card hi an neih theih tur thu a sawi a, smart card hamng hian eng natna pawh tuar ila kan inenkawlna kan bill thei tawh dawn a ni ati, BPL/AAY leh Job card neilo chhungkua ten APL Enrollment an ti thei anga, natna khirhkhan an tawrh chauhin an bill theih tur thu a sawi, RSBY ah hian chhungkaw member 1 atanga 5 tan Rs 30, member 6-10 tan Rs 60, member 11-15 tan Rs 90 chawia inregister tur a ni ang. BPL/AAY ten RSBY a an in ziaklut ten Smart card pakhat zelah Rs 30,000- Rs 2,70,000 thleng Health Care ah inenkawlna senso an hmulet thei ang ati. Pu Lalawmpuia chuan, Job Card nei, List a awmte chungchang pawh sawiin, RSBY a inziaklut ten smart card pakhat zelah Rs 30,000 bakah Job card APL a inziaklut ten Rs 70,000-2,70,000 thleng inekawlna senso an laklet theih tur thu a sawi bawk. Above Poverty Line APL a inziaklut ten an policy azirin Rs 1-3 Lakhs thleng an bill theih tur thu a sawi baw. November leh a hma lama damdawiina awm ten mahni awmna damdawi in theuh ah bill leh a chhuah leh chhuhahloh ngaihven theih a ni ati bawk.
    Nimin vek khan Champhai Vengsang leh Vengthlang North ah te kalpui leh niin Smart card an neih theihnan Biometric Enrollment tih ve nghal a ni bawk a ni. He policy thar hi April ni 1 atanga hman tan tur niin March 31 2015 thlang hman theih a ni dawn a, hrechiang duh tan CMO Office ah emaw Sub Centre ah emaw zawhfiah theih a ni bawk

MOTOR IN ZIAK LUT 110 :

    Champhai District Transport Office chuan thla kalta January thla chhung khan Motor 110 ziaklut in heng zingah hian two wheeler a tam ber January thla chhunga motor ziah luh zawng zawng 110 zinga 66 hi two wheeler a ni a, Auto rickshow 2, car 10, Bolero, Jeep, Gypsy 7, Taxi 10, Truck 13, elh Excavator 1 ziahluh thar a ni a, hei bakah hian Tax chi hrang hrang atangin Rs 11,26,860 hmuh ni bawkin, Passenger phur chi motor atangin Rs 49,400, Bungraw phur chi motor atangin Rs 1,14,072/-. Road Tax atangin Rs 7,46,825/- leh MV fees atangin Rs 2,16,825 hmuh a ni bawk a ni

RAN ENKAWL DINHMUN :

    AH&Vety Dept chuan thla kalta January thla khan Ran chi hrang hrang enin, Bawng 32 kahrai an ni bawk AH&Vety Dept hian ran an en zawng zawng zingah hian Ar tam berin 1273 hnenah treatment an pe a, Bawng 94, Sakawr 5, Vawk 260. Ui 117, Zawhte 10 entir a ni a, Ui a hri danna hi ui 33 hnenah pek niin Bawng Pul hri danna hi bawng 60 hnenah an pe bawk a, Vawk pul hri danna hi vawk 30 hnenah an pe bawk a ni. Hei bakah hian vawk tillak 3 awmin, Ui tillak 2 leh Zawhte til lak 1 a awm bawk a, Vawk chhul 8 leh Ui chhul 2 an la bawk a, January thla chhung khan Artificial Insemination (Bawng kahrai) 32 an awm bawk a ni

DS&YD IN HARSATNA TAWK :

    Champhai District Sports & Youth Deptt chu Office puitling a la nih loh avangin harsatna hrang hrang an tawk. DSYO Office hian sum hmanna tur a awm hrim hrimah Aizawla thil an tihfel phawt a ngai a, tuna an kal danah hi chuan Aizawl site office ang chauh niin kan palai chuan thu a dawng a, hei hian hmalakna tur hrang hrangah harsatna a siam nasa hle a. Hei bakah hian hnathawk zingah pakhat chiah a nghet an la awm bawk a ni. Tunhnaia Sports fund tlem anga sawi chungchangah sorkarin department sum hman tur zawng zawng chu a titlem vek a. Sports fund bikah hian a chanve dawna tihhniam a nih vang a ni. Mizoramah hian Aizawla Sports directorate tih lohah chuan Lunglei District chauhvin Office puitling hi an la nei a, office puitlinga hlangkai tur hian mipui lam atanga nawrna chuan awmzia a nei hle tura ngaih a ni.

TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 71.41)
    Diesel : Nil (Rs. 54.31)
RD PUMP : (6:00 AM - 5:00 PM)
    Petrol : Nil (Rs. 79.21)
    Diesel : Nil (Rs. 57.65)
 


ni 3.4.2014 (thawhtanni)


DC SAWN DAWN :

    Champhai DC Pu Lalthangpuia Sailo, IAS chu Champhai atanga sawn chhuah tura Order a chhuak tawh nia hriat a ni. Pu Lalthangpuia kal hun tur hi a la chiang lo a, Mizoram pawn lamah a awm dawn nia hriat a ni. A aiawhtu tur pawh ruat fel a la ni loa, DC Charge hi Addl. DC Pu Zoengsanga`n a la hrih ang.

PARL. SECRETARY CHHUAK ANG :

    Parliamentary Secretary Pu TT Zothansanga chuan a lawmthu sawi bial dan Programme a hman zawh hnuin tukin zing khan Aizawl a pan leh dawn a, hun engemaw chen chu Office a thutchilh ang.

BSI ANNUAL MEET :

    Nimin Pathianni Chawhnu leh Zan hmangin Vengthlang North Biak Inah Bible Society of India, Champhai North Branch chuan Annual Meet an hmang a, he hunah hian Chief Patron Member mi 70 chuang hnenah Certificate hlanna neih a ni.

PD THLAH DAWN :

    Champhai DRDA Project Director Pu Zothanmawia thlahna chu naktuk hian neih a ni dawn. Pu Zothanmawia hi Home Dept. ah Dy. Secretary in a awm dawn a, tun thla ni 6 khian a aiawhtu tur Pu C. Lalchuangkima nen charge an inhlan ang.
    Naktuk chhun dar 12 hian Office Chamber a thingpui inpui turin Champhai a Chanchinbu Editor te chu a sawm a, Chawhnu dar 1 ah a Staff te chuan amah thlahna hun hi DRDA Meeting Hall, Keifangtlangah an buatsaih zui leh dawn bawk a ni.

KHAWMPUI LIAN CHAMPHAI-AH BAWK :

    Nakkuma Mizoram pum huap Catholic Thalai Inkhawmpui thleng turin Catholic Thalai pawl, Champhai Parish te chu an inbuatsaih chho tan mek a, sum leh pai mamawh turte ngaihtuahin an hruaitute chuan hma an la chho mek zel a ni.

TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 71.41)
    Diesel : Tanky Full (Rs. 54.31)
RD PUMP : (6:00 AM - 5:00 PM)
    Petrol : Nil (Rs. 79.21)
    Diesel : Nil (Rs. 57.65) 

ni 1.3.2014 (inrinni)



CHAMPHAI DIST.-IN HMASAWNNA NGAIHTUAH TU MLA PAKHAT CHIAH NEI :

    Champhai District Vigilance & Monitoring Committee chu vawiin chawhnu dar 1:30 an chairman pahnih Pu CL Ruala, MP Lok Sabha leh Pu Lalhmingliana, MP Rajya Sabha hovin an thukhawm.
    He thutkhawmah hian Pu CL Ruala, Chairman chuan District Vigilance & Monitoring Committee thukhawm hi sorkar kumah chuan kumin atana a hnuhnung ber tur a nih thu sawiin, MP inthlan hmaa thutkhawm hnuhnung ber tur a ni bawk, a ti a, sorkar inthlak thin mah se kalkhawm sorkar hnathawktute chu sorkarin hmasawnna tura ke a penna kawngah a hmanraw awmchhun an ni a, chuvangin theihtawp chhuah a, tanlak a tul a ni, a ti a, sorkar hnathawkte hmalakna hi thingtlang mai ni lovin, ram pumin a chhawr thin a, kum a thar angin sorkar hnathawkte pawh rilru thar leh inpekna thar nena hna thawk tura a duh thu a sawi tel bawk.
    Nimin Vigilance & Monitoring Committee thutkhawmah hian Champhai District chhunga central sorkar atanga hmalakna rawn kal, DRDA, PWD, PHE, P&E leh IDCS hmalakna hrang hrangte thlirho a ni a. MGNERGA bikah kumin Champhai District chhunga job card nei chhungkaw 27916 te tan ni 62 inhlawhna tihchhuah a ni tawh a, tunah hian ni 15 inhlawhna tur sum ruahman niin ni 10 hnathawh tur hi proposal thehluh fel a ni tawh a. February thla hi chuan thawh theih tawh beisei a ni tih tarlan a ni a, MGNREGA atanga fund lokal chu hnathawk hlawhah za zela 60 leh material component ah za zela 40 a hman dan ngaihtuah lehzual a tul thu te, thal laia ramkang venna atan a tul anga sum hman nise tih te leh ram ngaw chhe tur ven kawnga hmalakna ngaih pawimawh nise tih te an rel a, NREGA hnuaiah hian kawnglaih chu tun hnaiah Sorkarin sum ruahmana za zela 30 bak thawh a remtih tawh loh thu tel tarlan a ni bawk.
    Hei bakah hian BNRGSK building chu Champhai District-ah sak zawh vek tawh a nih thu sawi a ni a, IWDP pawh tunah intelfel mekin IWMP pawh kalpui tan mek a ni a, Chhawrtui khuaa kel vulhtu chu a hmalakna tha an tih thu te tarlan tel a ni bawk. Hei bakah hian PWD, Champhai Division in PMGSY an kalpui mekah Khuangleng leh Bungzung inkar kawng siam hna thawktu contractor chu duh anga a hna a thawh chak loh avangin he kawng siam hna hi fund awm thei te dap a, hna chak zawka kalpui a nih theihna turin hmalak nise an ti a, PHE, P&E leh ICDS te hmalakna an thlirho nghal bawk a ni.
    Nimin District Vigilance & Monitoring Committee ah hian chairman pahnihte bakah Champhai North Bialtu MLA, Parliamentary Secy Pu TT Zothansanga leh committee member te an tel tha hle a. Hetihlai hian sorkar kum kal mekah hian Vigilance & Monitoring Committee thutkhawmah hian Champhai District chhunga MLA term hlui a mi, term thara thlan tlin leh zingah Pu Lalrinliana Sailo, Tuichangral bialtu, Pu H.Rohluna, Lengteng bialtu leh Pu JH Rothuama, Champhai South bialtute chu an tel miah lo a ni.

ZU MAN :

    Nizan hmasa dar 6 khan New Champhai Branch YMA te chuan Tlangsam kawngah Local Zu litres 280 vel an man Heng zu te thlama thlawr niin Polythene a fun a niin, fun 29 a ni a, fun khatah hian litres 10 awm anga chhut a ni. Hei bakah hian a thlawrna bel 5 leh bel mawngpawp 2 an man tel bawk a, nizan zankhua khan YMA hruaitute hian a neitu hi an chang a, an chang chhuak lo thung. A neitu tunah hian man tuma zawn mek a ni a, heng zu te hi Local market a chhut hcuan Rs 59,000/- man hu vel nia chhut a ni. New Champhai Branch YMA te hian kumpuan Ram leh Hnam humhalh tih bawh zuiin theihtawp chhuah in ruihhlo laka an veng a lo thianghlim lehzualna turin chhun zan zawmin an duty thin a ni. Nimin vek khan heng an zu mante hi an tiral nghal a ni.

PARL. SECRETARY-IN CHAMUL TLAWH :

    Nimin chawhma dar 10 khan Champhai North Bialtu MLA, Parliamentary Secretary ni bawk Pu TT Zothansanga chuan Chamul hotute kawmin an harsatna te a sawipui CHAMUL hi Pasturizer a thatloh avangin tun thla ni 23 atang khan hna thawk thei lovin an awm tawh a, hemi chungchang hi Parliamentary Secy hnenah hian lo thlenin, Bawng chaw lama an buainate pawh lo thlenin, NLUP ah mi engemaw zatin bawng an thlang leh a nih chuan kawng hrang hranga harsatna an tawh chhunzawm danturte CHAMUL hotute chuan an sawi a, Parliamentary Secy chuan theihtawpa hmalak pui a tum thu a sawi a, hetih rual hian a enkawltute pawhin theihtawp kan chhuah tur a ni tih sawii, sorkar in sum tam takin hma lak sak mah se, a enkawltuten ram leh hnam tan’ tih rilru pu a kan thawh a ngai a ni ati a, hlawhtlinna bul pakhat chu mihring inrintawnna a ni tih sawi bawkin, Board member te chu an hnathawhna kawng hrang hrangah inpui tawna thawhhona tha tak nei zel turin a chah bawk a ni

CHAMPHAI  BAZAR :

    Tunlai hian Champhai Bazar ah Parbawr tam berin Champhai bazara thlaite hi Phai lam atanga lokal an ni hlawm Champhai Bazar ah hian khawchhak lam atanga lokal chu Maite niin an sawi a, Maite hi Kg 1 70 in an zuar chhuak thin a, alu kg 1 30, tomato 50, zikhlum 40, Antam tel khat 20, bawkbawn, hmarchapui, bean lhe carrot te hi Kg 1 80 a zawrhchhuah a ni bawk, bazara thlai zawrh zingah Purun var chu a to berte zing ami niin, Kg 1- Rs 160 a zawrh thin a ni a, purun sen 60 a ni thung, Champhai Bazar le Tuipui bazar hi a rate a inan reng thu an sawi a, Sa rep tul 1; 200 a zawrh a ni a, sa hring kg 1 250, Ar kg 1, 260, bawngsa kg 1, 200 leh a ti 250 a zawrh chhuah a nih bakah sangha kg 1 200 a zawrh a ni bawk

 TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 71.41)
    Diesel : Free Sale (Rs. 53.75)
RD PUMP : (6:00 AM - 5:00 PM)
    Petrol : Free Sale (Rs. 79.21)
    Diesel : Nil (Rs. 57.65)
 


ni 30.1.2014 (ningani)



CHAMPHAI DISTRICT VOTER 78,347 AWM :

    Nimin khan DC Office-ah Champhai District chhunga Final Electoral Roll tarchhuahna hun hman niin, Special Summary Revision a Voter punna hi 1065 a ni.
    DEO Pu Lalthangpuia Sailo chuan he Final ER tarchhuah tur hi pho chhuakin, Final ER (1.1.2014) a A/c 5 ah voter awm zawng zawng hi 78347 a ni. Voter mi 7,347 ah hian mipa 39,001 leh hmeichhia 39,346 an awm a. ER a thunluh dil mi 2,749 zingah mi 2,132 thunluh thar an ni a, mitthi, pem leh hmun hnih a vote nei mi 1067 paih an ni thung.
    A/c 5 ah 21 Lengteng bial punna sang berin voters 312 in an pung a, za zela a punna chu 1.94% anih laiin a hniamna ber 22 Tuichang bialah 59 a pungin za zela 0.39 in a pung thung a ni. Champhai North ah Draft roll hmasa ah voters 16858 awmin nimina final roll tihchhuah takah hian voters 244 a punbelhin voters 17102 an awm a, Champhai South ah draft roll hmasa 15,590 atangin 205 a oun belhin voters 15,795 an awm bawk a, East Tuipui ah 245 a punbelhin voters 14,070 an awm ta bawk a ni.
    Champhai District chhungah hmun hnih a vote nei (Double entry) mi 578 an awm tih tarlan a ni a, heng zinga voter 278 te chu Champhai District chhung, an awmna hmunah awm zui an duh zawk a, voter 300 te chuan Champhai District pawn a an awmna hmunah awmzui an duh zawk vangin paih an nih thu Election Officer Pu R. Vanrengpuia’n a sawi.
    He Final ER tarchhuahna hunah hian ERO, AERO, IPRO leh thuthar thehdarhtute an kal a, Hriat fiah loh laite zawt a inhrilh fiahna hun hman zui nghal a ni bawk.

THISEN PE :

    Nimin khan New Champhai Branch YMA chuan an kum 25 na lawm nan thisen an pe Thisen petute hi mipa 15 leh hmeichhia 5 an vaiin mi 20 an ni a, Hospital a thawkte hi Blood Bank Officer Dr. Lalramchhuanga hova kalin New Champhai Community Hall ah thisen hi an la a ni. New Champhai Branch YMA hian April ni 9&10 hian Silver Jubilee lawm an tum a, hemi denchhen a thisen pe an nih thu kan palai an hrilh a, Silver Jubilee pual hian infiamna chi hrang hrang hmanga hun an lo hman tawh bakah thildang hmachhawp an la neih thu pawh an sawi. He hun hi Sub Hqrs YMA Secretary Pu VL Chama Hnamte pawhin a hmanpui bawk a ni

LUNG VANGIN HARSATNA TAWK :

    Chhangphut Field a phullem phah tura ruahman mekah duh anga lung an hmuh theihloh avangin hna a kal chaklo
    Nimin khan kan palai chuan Chhangphut field hi tlawhin an hnathawh dante a zawtchiang a, tunah hian boulder 37-50mm chu phah mek niin duh angin lung hi an nei chaklo tih an sawi a, 37-50mm phah chhuah a nih hnuah 12-25mm phah chhuah leh tur a ni a, hemi chungah hian balu phah leh tura ruahman a ni. Tunah hian Chhangphut Field siamtu Lushai Engineers te hian quarry 2, Varte leh Jonas Quarry atangin lung an la thin a, tunah hian an duh ang chanve pawh an la neih loh thu an sawi a, March thla a zo tura ruahmanna awm sa chu lung lamah harsatna an tawh avangin April thla bawra zawh hman an inrin thu an sawi a, hna kalchak duh avanga hmanraw chhia hman erawh an tumloh thu Lushai Engineers hotute chuan an sawi bawk a ni. Kan palai zawhna chhangin JE chuan, pipe phum zawh thawkhat a nih tawh thu an sawi a, tui pawh tha taka a paihchhuah theih thu sawi bawkin, tunah hian side drain an siam mek a, an harsatna tawh ber chu duh anga lung an hmu thalo hi a nih thu a sawi bawk a ni

FREE CLINIC :

    Niminzing zing atanga tanin nimin nileng khan AH&Vety Dept chuan Tlangsam ah Free Animal Health Camp an buatsaih
    Nimin Free Animal Health Camp ah hian DVO leh Staff te chuan zing dar 8 atangin ran damlo leh enkawl ngaite an en nghal a, ran chi hrang hrang 480 chuang an en a, vawk chhul engemaw zat an lak bakah, vawk damlo, jection ngaite a hmunah kalin an jection bawk a, Tlangsam mipuite chuan AH&Vety Dept chungah lawmthu an sawi bakah an hlawkpui ngei an rin thu kan palai an hrilh bawk a. AH&Vety Dept hian kar hmasa khan Mualkawi, Melbuk leh Zokhawthar ah te Free Animal Health Camp hi an lo buatsaih tawh bawk a ni.

TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 71.41)
    Diesel : Free Sale (Rs. 53.75)
RD PUMP : (6:00 AM - 5:00 PM)
    Petrol : Free Sale (Rs. 79.21)
    Diesel : Nil (Rs. 57.65) 


ni 29.1.2014 (nilaini)



PARLIAMENTARY SECRETARY IN HAWNG :

    Champhai North Bialtu MLA, Parl. Secy. TT Zothansanga chuan nimin khan Hnahlan Zone Football Tournament a hawng. Hemi hnu hian Diltlang leh Ngur a tlawh nghal a, tuki nhian Tualpui tlawhin, Rabung tlangdung zankhat riakin a fang zui leh ang.

BUS CHUAN MAN :

    Champhai SDO (S) chuan DC Office Bus chuan man a hnuaia mi ang hian bithliah thar - Office Staff tan vawi khat kal Rs. 5; School naupang 1 tan thla khatah Rs. 50 (Unau 2 leh 3 tan Rs. 100) midang tan vawi khat kal man Rs 20 a ni ang.
    DC Bus hi zing dar 8 ah Keifangtlang atangin Selluaia Traffic Point; dar 9 ah Selluaia Point atangin Hospital Road lamah Keifangtlang panin a kal thin a, tlai lamah dar 4:30 ah Keifangtlang atangin Hospital Road lamah Selluaia Point; tlai dar 5:30 ah Selluaia Point atangin Keifangtlang a pan ve leh thung ang.

E/ROLL TICHHUAK ANG :

    Champhai District chhunga Electoral Roll ennawn zawhfel tak, Final Electoral Roll, 2014 chu hunbi ruat angin vawiin chawhm dar 11 hian Champhai DC Office Chamber ah tihchhuah a ni ang.

 TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 71.41)
    Diesel : Beisei (Rs. 53.75)
RD PUMP : (6:00 AM - 5:00 PM)
    Petrol : Free Sale (Rs. 79.21)
    Diesel : Nil (Rs. 57.65)


ni 27.1.2014 (thawhtanni)



REPUBLIC DAY HMANG :

    Nimin zing dar 8 khan India Republic Day vawi 64-na chu Champhai Kahrawt Field ah hman a ni a, Lalthanpuia Sailo IAS, Champhai District Bawrhsap chu khuallian a ni. Republic Day lawmnaah hian parade contingent 8 ten Hnam puanzar chibai an buk chu a chhang let a ni.
    District Bawrhsap chuan India ram in kum 60 chuang zet chhunga hma a sawna hrang hrang sawiin Mizoram ngeiah pawh kawng tam takah hmasawnna sawi tur thahnem tak a awm thu te, Champhai pawh District a nihna kum 15 lai lo tling ve ta in district dangte ke pen rualin hmasawnna kawngah ke a pen ve zel a ni, a ti.
    Chhangphut Field a phullem phah mek chu 60% vel thawh tawh a nitiin, Vanlallawma Indoor Stadium pawh hawn a ni tawh a, Polytechnic building, Tlangsam a sak pawh hawn mai theih tura ruahman mek a nih thu leh Economics & Statistics in Champhai District tan a District Research Office a rawn hawn thar leh RUral Water Supply Scheme hmangin NRDWP Champhai ah thingtlang khaw 92 ten tui hnianghnar an hmuh theihna hmun 14 a hnathawh chu zawh thuai beisei a ni Verty Dept. chuan ran talhna In sa turin Tuipui hnarah hma a la mek tih a tarlang bawk.

VOTERS DAY HMANG :

    Zirtawpni chawhma dar 11:00 khan I & PR Auditorium, CHANEM Building-ah 4th National Voters’ Day lawmna hun hman a ni.
    He hun hi Pu R.Vanrengpuia Election Officer,Champhai chuan a kaihruai a. Chief Election Commission of India thuchah power point presentation hmangin tihlan a ni a. Hemi hnu hian Pu Zoremthara Ralte, AERO/BDO chuan Chief Election Commission of India thuchah hi Mizotawngin a chhiar chhuak a. Pu Alan Lalthanzara, SDC kaihhruaiin kalkhawmte chuan National Voters’ Day Thutiam (Pledge) intiamna an nei a ni. Pu Lalthangpuia Sailo IAS, District Election Officer/DC, Champhai District chu 4th National Voters Day hmanna ah hian khuallian niin National Voters’ Day hmannaa lokal zawng zawng te chibai a buk a. Thu sawiin Khuallian chuan India ram chu khawvela democracy ram ropui leh lian ber a ni a, chu kan nihna chu vawng nung a, democracy kalphung tichaka, tithangliana, tinghettu ni turin Voters’ Day lawmnaa kal zawng zawngte chuan mawhphurhna an nei vek ani a tih sawiin, Mipui rorelna kalphungah chuan khua leh tui, kum tling tawh zawng zawngte electoral roll-a an chuan a, vote thlak huna vote thlak vek hi kan innghahna lungphum a ni a. Chuvangin he ni kan hman lai hian India khua leh tui, kum tling tawh zawng zawngte electoral roll-a an chuan theihna tura hmalak chu mitin mawhphurhna ani tih hre thar leh turin khuallian chuan kalkhawmte chu a chah a ni. Kum tling tawh si, Electoral Roll-a inthunluhna chang hre lo leh a tihdan tur hre lo an awm thei a. Chung mite chu zawng chhuak a, E/Roll-a thun theih chin zawng zawngte a bo a bang awm lova an luh vek theihna tura theihtawp chhuah turin ka sawm che u a ni, tiin khuallian chuan kalkhawmte chu a sawm a. Mahni awmna hmun theuh atanga theihtawp chhuah tlan hian E/Roll dik, kim leh felfai a hring chhuak ang. Vote nei thei tura E/Roll-a inthun mai piah lamah Democracy lungphum innghahna, kan aiawh roreltu thlan huna vote thlak ngei hi khua leh tui tha kan nih anga kan chanvo leh mawhphurhna a ni a ti bawk. He hunah hian Pu Zothanmawia, ERO/ PD, DRDA pawhin thu sawiin, Ram siam kawngah Voter tinte hi kan pawimawh vek a, EPIC hi kan rohlu neih pawimawh tak a ni. Kan pawimawhna tilang turin vote nei ten vote kan thlak ngei tur a ni a, kan pawimawhna leh mawhphurhna hi kan hriat chian a, tihhlawhtlin hi a pawimawh tak zet a ni a ti. Zirtawpni National Voters Day ah hian Constituency 5 huam chhunga BLO titha thlanchhuah mi 5-te hnenah lawmman, Citation leh Rs. 3000 theuh hlan an ni. Vote nei thar zinga thlanchhuah mi 10-te hnenah EPIC hlan a ni bawk a, Khuallian in heng lawmman leh EPIC-te hi a semchhuak bawk a ni. Zirtawpni Voters’ Day hmanna huna Champhai District chhunga Assembly Bial 5 atanga BLO tha thlanchhuah lawmman latute chu:- Champhai North – Pu K.Lalbiakenga, Neihdawn BLO, Champhai South – Pu F.Vanlalrosanga, Mualkawi BLO, Tuichang – Pi Zopari Renthlei, Lungtan BLO, East Tuipui – Pu R.Lalngura, Khawbung-I BLO, Lengteng – Pu Lalnunmawia Hnamte, Dulte BLO, Inkhawm kaihruaitu Pu Vanrengpuia, Election Officer chuan Voters ID nei tharte hnenah an mawhphurhna leh fuihna thu a sawi a, Pu Alan Lalthanzara, SDC chuan MP inthlan kan hmachhawn leh turah vote thlak theuh tura sawmin SVEEP chungchang zau zawka hrilhfiahna hun a hmang bawk a ni.

BIAL KTP CONFERENCE :

    January 24 -26 chhung hian Presbyterian Kohhran hnuaia Pastor Bial hrang hrangah Kristian Thalai Pawl ten Bial Conference an nei ang. Bial thenkhatah chuan January 31 - 2 February chhunga hman tum a ni bawk. Conference chhung hian Zirtawpni-ahpalai rorel lehhruaitu thlante neih a ni tlangpui a, Inrinniah variety programme te hmangin Pathianni hian Pathian biak inkhawm neih a ni ang. Hriattheih chinah Bethel pastor bial chuan Vengthar Kohhran Biak In ah Conference an hmang a, Upa Zothanmawia Speaker a ni ang. Zote pastor bial chuan Ngur Vengsangah hmangin, ‘I kawngzawhlai kha chhut ngun rawh,’ tih thupui bial hruaitute leh bialtu pastor B Lalthlamuana ten an sawi ang. Kanan pastor bial chuan Inrinniah an branch kum 10 an tlinna Tin Jubilee lawmna an hmanga, thupui, ‘Sim hmin g pu tlakin rah rawh u,’ tih chu Speaker Vanlalvuana, Synod Revival hnen a\angin ngaihthlak \hin a ni ang. Zokhawthar pastor bial chuan Hruaikawn North-ah hmangin thupui, ‘|halaite leh Kristian nun,’ tih chu Speaker K Lalhunpuia, Synod Revival hnen a\angin an ngaithla ang. Ruantlang pastor bial chuan Mualveng ah hmangin, thupui, ‘Tunlai thil awmzia,’ tih chu Upa Lallawmsanga, speaker Synod revival in a sawi ang. Vengthlang pastor bial chuan Electric Kohhan Biak In ah an hmang thung ang. Vengsang pastor bial chuan Ramthar Kohhranah an hmang anga, thupui atan K|P thiltum ‘Isua Krista rinna leh amah anna kawnga \halaite hruai, Kohhran kutke ni tura \halaite buatsaih, Kohhran hnathawh tihpuitlin, Krista chanchin\ha puandarh,’ tihte chu bial hruaituten an sawi \hin ang. Kahrawt pastor bial chuan North Khawbungah hmangin ‘lal Isua a lokal leh dawn,’ tih thupui hmangin bialtu pastor C.Lalngaihthanga leh bial hruaituten Pathian thuchah an sawi ang.

BSI :

    February 1-2, 2014 chhung hian Bible Society of India, Aizawl Auxilliary Champhai South Branch chuan Annual Meet vawi 5 na, Kelkang Presbyterian Biak In ah an hmang ang. He hunah hian Upa Denghmingthanga ARP, Kulikawn Aizawl hnen a\angin Pathian thuchah ngaihthlak \hin a ni ang. Kum 2012-2013 chhunga hruaitute; President: T Upa H.Zothangmura. Vice President: Upa Lalremsiama (Sr), Upa SH Lianchhunga, Upa Dorikhuma Hlawndo. Secretary: Upa C Laldingliana. Asst Secy: Upa C Malsawma. Jt. Secy: Upa H sangkhuma. Treasurer: Upa Vanlalnghaka. Fin Secy: Upa SC Lalsangliana.

AG INKHAWMPUI :

    Assembly of God, Champhai pastor bial chuan ni 24-26 Jan`14 chhung hian Bethzatha Biak In, Hnahlanah inkhawmpui an hmang mek. Inkhawmpui thupui atan, ‘Sualngam che in awm suh,’ tih a ni anga, Inrinniah hruaitu thar thlan nghal a ni bawk.

NEW CHAMPHAI KOHHRANAH RAWNGBAWLNA :

    Presbyterian Kohhran New Champhai chuan Speaker atan Upa C.Lalrintluanga, Thakthing Dam Veng, Aizawl ruaiin ni 14 Jan`14 a\anga rawngbawlna hi nei \anin tunkar pawh hian neih chhunzawm zel a ni Chhunlamah sermon inkhawm zing lam dar 10:00 Am ah neiin zan lamah dar 6:15 Pm ah sermon inkhawm neih \hin a ni bawk. sermon inkhawm zawh apiangin \awng\ai, damlo khawih leh hriakthih rawngbawlna neih \hin a ni. Nun tuihalte leh Pathiana damna beiseite tan rawngbawlna hi chhim theih reng a ni e.

TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 71.41)
    Diesel : Free Sale (Rs. 53.75)
RD PUMP : (6:00 AM - 5:00 PM)
    Petrol : Free Sale (Rs. 79.21)
    Diesel : Nil (Rs. 57.65)
 


ni 25.1.2013 (inrinni)



REPUBLIC DAY LAWM DAN TUR :

    Tun Pathianni a India ni pawimawh Republic Day lawmna tur atana  inbuatsaihna kal mekah nimin khan March Pass Final Reharlsal neih a ni Kumin Republic Day hi chawlhni anih avangin zing dar 8 ah function hman tan tur a ni a, Kahrawt Field ah hman tur niin contingents 8 atangin March pass thlirho a ni anga, Khuallian atan Champhai DC Pu Lalthangpuia Sailo IAS a ni ang. He hunah hian Republic Day puala infiamna buatsaih chi hrang hrangte lawmman sem a ni bawk ang.

ZIRTIRTU PUAL TRAINING THAWH THUMNA :

    Champhai District huam chhunga High School leh Higher Secondary School 84 zirtirtute puala Adolescence Education Programme Training thawh thumna chu nimin khan I&PR Auditorium, CHANEM building-ah chhunzawm leh a ni. He training hi Mizoram State Aids Control Society leh DEO Champhai te tangkawpa buatsaih a ni a, Tleirawlte nunkawng dik zirtirna, AEP Training, thawh thumnana hawnna hi Pu C. Hualrikhuma, Dy. DPC, RMSA, Champhai district chuan a kaihruai a, he hunah hian thusawiin Pu Lawmawma DEO, DPC RMSA ni bawk chuan, Champhai leh a chheh vela ruihhlo ti hluar ta lutuk kara hetiang training buatsaih a ni chu lawmawm a tih thu a sawi a. Tleirawlte enkawl hi hna hautak leh hna tul tak a ni ati a, kan ram hmachhuan thalaite nunkawng dika hruaitur hian nu leh pate bakah zirtirtute hi an pawimawh hle a ni tih sawiin, Zirtirtu kalkhawmte chu training atanga hlawkna puak chhuah ngei tuma inzir turin a chah a, Pu Lawmawma chuan, AIDS veite enkawl leh la veilote venhim kawngah theihtawp kan chhuah tur a ni a ti a, kan school naupangte nun kaihhruai kawngah hian nu leh pate nen kan mawhphurhna a inang reng tih a sawi bawk a, an nitin hun hmanna School ah hian nungchang tha leh nun dan dik kan zirtir tur ani tiin,tun atanga theihtawp chhuah a AIDS darh zel venna kawngah pawh tanla turin a chah bawk a ni Puan tawh thin angin Adolescence Education Programme (AEP) hi sawrkar laipui, Ministry of Human Resourse & Development leh National AIDS Control Organization (NACO) ten kum 2005 khan duangin nikum atang khan Mizoramah MSACS leh School Education Department ten thawhdunna an siam a. January ni 20-25 chhunghian Champhai bakah Lawngtlai, Lunglei, Serchhip, Aizawl leh Mamit District-ah te High & Higher Secondary School 252 atangin Principal/Headmaster & zirtirtu 2 te tan training kalpui a ni a, nimin khan Champhai District tana AEP Training chu zawhfel a ni ta a ni

MJA COMMITTEE :

    Nimin chawhnu dar 1 khan MJA Champhai District chuan Press Club-ah General Body meeting an nei. He hun, Pu Lalhmingmawia Pachuau kaihhruaiah hian MJA General Hqrs atanga lehkha an dawn, District Hqrs te hruaitu thlang tura tih chungchanga an ngaihtuah a. Silver Jubilee lawm tura inbuatsaihna kal mek lai a nih avangin MJA Conference leh hruaitu thlanna hi Silver Jubilee lawm zawh lamah neih nise, chumi tur chuan General Hqrs ah dilna thlen nise an ti a. Silver Jubilee lawmna tura an inruahmanna hrang hrang pawh thlirin, vawiin hian a tul angte thawkin awm ni khama hnatlang neih nise tiin an rel bawk a ni. Tarlan tawh angin MJA Champhai district hian thla thar ni 21 hian kum 25 an tlin lawmna hi an hmang dawn a ni.

 TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 71.41)
    Diesel : Free Sale (Rs. 53.75)
RD PUMP : (6:00 AM - 5:00 PM)
    Petrol : Free Sale (Rs. 79.21)
    Diesel : Nil (Rs. 57.65) 


ni 24.1.2014 (zirtawpni)



KHAWBUNG BRC HALL AH TRAINING :

    Khawbung Block Resource Centre huaihawtin Zirtirtu hna kaihhnawih leh Zirna lam kaihhnawih tlangpui inzirtirna “Training on Pedalogical Issues & General Areas of Education” chu niminpiah khân Khawbung BRC Hall-ah Khawbung Block huam chhunga Primary leh Middle School zirtirtu 75 ko khawmin hlawhtling taka training hi neih a ni.
    He training-ah Resource person atân Dr.Lalbiakdiki Hnamte, Asst. Professor, Dept of Education, MZU a ni. Dr.Lalbiakdiki Hnamte leh a hnuaia Research Scholars te chu Champhai District chhunga SSA hmalakna leh fund dawn hrang hrangte a dawngtu schoolte’n ‘an hmang tha em tih te, an fund dawn chu an hmang dik em’ tih endik tura Central-in a tirh niin BRC lam hotute chuan an sawi a.         SSA hnuaiah hian Midday Meal, Civil Work, Free Distribution - Uniforms & Textbook, School Grant leh Maintenance Grant an dawn leh an hman dana duhthusâm lo laite chu Resource person hian tarlangin Zirtirtute’n harsatna an tawh hrang hrang zawhfiah duh an neihte sawina hun a hawng a. Midday Meal bikah buhfai refilled leh tha tawk lo Retailer hnena an dawn thin dan leh Zirlai naupangte ham thatna turin Retailer te chuan ngaihtuahna an seng tawk lovin an dah pawimawh thiam lo niin an sawi.
     Dr Lalbiakdiki Hnamte chuan, “kan file pawimawh ber chu naupangte hi an ni” tiin an zirtir chhuakte chu eng hna pawh thawk se, an hnathawhah mi rintlâkin an chher chhuak em’ tiin Zirtirtu kalkhawmte chu a chah a. Zirtirtute chu an hna hnehsawh tur leh naupangte pawh chian hle turin a chah bawk a ni. enrolment hrang hrang awm thin chu buaithlak a tih thu sawiin enrolment chu dik taka kalpui tuin a chah a. Funds dawn theihnaa enrolment leh school enrolment enrolment danglam thin chuan harsatna tam tak a thlen thin a ni a ti bawk.

IN ENTIR THEIH DAWN LOH :

    Vawiin hian AH&Vety Deptt. Champhai chuan Mualkawi leh Melbukah Free Animal Clinic an buatsaih dawn a. Hei vang hian hemi ni hian DVO Office leh Vety Hospital-ah Doctor rawn tur a awm dawn lo a ni. Free Animal Clinic hi a ruala neih tur niin Vety staff te chu thuang hnihah an insem dawn a, Mualkawia kalte hian Zokhawthar-ah Animal free clinic hi an nei nghal dawn a ni.

MJA THUKHAWM DAWN :

    Vawiin hian MJA Champhai District chuan Press Club-ah hruaitu thlan chungchang leh an Silver Jubilee lawmna tura hmalakna hrang hrangte thlirin meeting an nei dawn.

BUDGET PHAK TUR HRIAT LOH :

    Taxation Dept chuan kum 2013-2014 chhunga an budget Rs nuai 269 chu an phak tur leh phak tur loh an sawi theilo
    Kum kalta December thlenga an tax hmuh tawh zawng zawng chu Rs nuai 205 a ni a, Champhai Taxation hian mipui te hnen tanga a chhiah lakna ber chu Prof. Tax, VAT leh Entertainment te a ni a, heng zingah hian Canle Operator 4, khawzawl atangin 2 leh Champhai atangin 2 te chu an lakna lian ber anih thu an sawi a, Taxation hotute chuan kum 2013-2014 chhunga an budget tur hi an phak tur leh turloh an la sawitheilova, sorkar hi mipuite chhiah pek atanga kal a nih avangin mipuiten thahnem ngai leh zual se an duhthu kan palai zawhna chhangin an sawi

PHED TE HNAHLANAH :

    PHE Dept chuan tunlai hian Hnahlan chawmtu tur Tui lakna buaipuiin theihtawp an chhuah mek         PHE Dept chuan tunlai hian Hnahla tui pekna tur Tuithing hnar khuah hna an thawk meka , hemi zawh anih hunah Reservior te siamin Hnahlan khua a a mamawh zualte tan tui connection pek an tum thu an sawi a, Tuithing hian Hnahlan khua a mimal in zawng zawng a chawm theih dawnloh avangin Private Tui connection erawh an pek theih dawnloh thu an sawi. PHE Dept hian kum kalta december ni 14 khan Melbuk khaw chawm tur tui pawh Hringlangtlang atanga an lo commission tawh thu an sawi

BILL PASS VEK TAWH :

    Champhai Treasury chuan kum 2013 January atanga November thla chhunga bill zawng zawng chu an passed vek tawh thu an sawi Tunah hian Treasure Office hian December thla bill awmte an buaipui leh mek a, bill siam leh thawnte te hi computerised vek a nih tawh avangin power lamah harsatna an tawk tih an sawi a, hei hian December thla bill pawh a timuangchang niin an sawi. Tunah hian Bill thar siam tur LOC thehlut department an la awmlova, hei vang hian bill thar buaipui tur erawh an la neihloh thu an sawi

SOUTH BLOCK IN HMALAKDAN TUR NGAIHTUAH :

    Tunkar tir lam khan Champhai South Block Congress Committee chuan Chief Minister hoa thukhawmin NLUP Village Level Implementing Committee leh Village Level Monitoring Committee thiat a, Village Level NLUP Committee (VLNC) din tura ruahmanna an lo siam tawh bawhzui dan tur relin an thukhawm Champhai South Block huamchhungah hian VLNC chu bawhzui tura hmalak a ni a, hei hi Group kaihhruaina hnuaia kalpui nise an ti a, group awmlohna ah chuan Unit kaihhruaina a neih nise an tih bakah, congress VC member te sawmtel nive se an ti. Champhai South Block Congress committee chuan, VLNC member te chu January ni 24 aia tlai lovah Pu C Lalnghinglova Champhai South Block Congress Committee secretary hnenah thehluh ni se an ti bawk a ni. VLNC hi in 300 chin khua ah Chairman leh Secretary bakah member 5 an awm ang a, in 500 chinah Chairman leh Secretary bakah member 7, in 500 aia tam ah Chairman leh Secretary bakah member 9 ruat tur an ni anga, Hmeichhia pakhat tal an tel ve bawk tur a ni, VLNC te hian tun atang chuan NLUP hlawhtlin leh hlawhtlinloh bakah NLUP dawngte hmalak dante a hmunah kalin Champhai DC kaihhruaina in an kalpui twah dawn a ni

CHAMUL CHAWL HRILH DAWN :

    Champhai leh a chhehvela nitina bawnghnute min hluitu CHAMUL chu an khawl siamthat a ngaih avangin hun engngemaw tih chhung a khaihlak dawn. Mipuite hriatthiamna an dil.

TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 71.41)
    Diesel : Free Sale (Rs. 53.75)
RD PUMP : (6:00 AM - 5:00 PM)
    Petrol : Free Sale (Rs. 79.21)
    Diesel : Nil (Rs. 57.65)
 


ni 23.1.2014 (ningani)



ADOLESCENCE EDUCATION PROG. TRAINING NEI :

    Champhai District huam chhunga High School leh Higher Secondary School 84 zirtirtute puala Adolescence Education Programme Training chu nimin khan I&PR Auditorium, CHANEM building-ah chhunzawm leh a ni.
    He training hi Mizoram State Aids Control Society leh DEO Champhai te tangkawpa buatsaih a ni a, Tleirawlte nunkawng dik zirtirna, AEP Training, thawh hnihna hawnna hi Pu C. Hualrikhuma, Dy. DPC, RMSA, Champhai district chuan a kaihruai a, Pu Hualria chuan, Champhai leh a chheh vela ruihhlo ti hluar ta lutuk kara hetiang training buatsaih a ni chu lawmawm a tih thu a sawi a. Zirtirtu kalkhawmte chu training atanga hlawkna puak chhuah ngei tuma inzir turin a chah a, AIDS veite enkawl leh la veilote venhim kawngah theihtawp kan chhuah tur a ni a ti a, khawdanga a zinchhuah chungchanga Champhai hmingthatna chu chhuanawm a tihloh thu a sawi a, hetianga AIDS a darh zel chuan nakin lawkah chuan Champhai mipuite hi khawdangah kan la hnawng mai dawn a ni tih sawiin, tun atanga theihtawp chhuah a AIDS darh zel venna tura tan la turin a chah bawk a ni.
    He hunah hian MS. Dawngliana Asst Director pawhin thusawiin, Principal leh Headmaster ten an training an ngaipawimawh chu lawmawm a tih thu sawiin, hmun thenkhatah chuan zirtirtu ten an tui em em thin a, amaherawhchu, school lama hma han la zui tur hian an hotu lamten an lo tuipui ve thinlo chu thil buaithlak a nih thu sawiin, nimin training a school hotute an kal tha chu lawmawm a tih thu a sawi AEP hi sawrkar laipui, Ministry of Human Resourse & Development leh National AIDS Control Organization (NACO) ten kum 2005 khan duangin nikum atang khan Mizoramah MSACS leh School Education Department ten thawhdunna an siam a. January ni 20-25 chhunghian Champhai bakah Lawngtlai, Lunglei, Serchhip, Aizawl leh Mamit district-ah te High & Higher Secondary School 252 atangin Principal/Headmaster & zirtirtu 2 te tan training runpui a kalpui mek a ni.

DPC CHARGE LA :

    SSA District Project Co-ordinator suspended a nih avangin Champhai SDEO Pi K.Lalsiamliani BA B.Ed chuan DPC SSA Charge a la a, tunkar khan Order pawh tihchhuah nghal a ni. Hetih lai hian Pu H. Lalhminghlua Dy DPC SSA chu Plan & Project siamin Aizawl ah a thang mek a, tun thla tawp hian lo hawn a tum nia thu dawn a ni

FREE CLINIC :

    Naktuk ni 24.1.2014 (Zirtawpni) hian AH&Vety Deptt. Champhai chuan Mualkawi leh Melbukah Free Animal Clinic an buatsaih dawn a. hei vang hian hemi ni hian DVO Office leh Vety Hospital-ah Doctor rawn tur a awm dawn lo tih thu dawn a ni.

 TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 71.41)
    Diesel : Free Sale (Rs. 53.75)
RD PUMP : (6:00 AM - 5:00 PM)
    Petrol : Free Sale (Rs. 79.21)
    Diesel : Nil (Rs. 57.65) 


ni 22.1.2014 (nilaini)



SUB-HQRS. YMA CHAMPHAI IN THLANTHARNA HUN HMANG :

    Nimin chawhma dar 10:30 khan Sub Hqrs YMA chuan kumthar atana inhlantharna hun an hmang
    He hun hi Pu PC Zohlira Sub-Hqrs YMA President chuan a kaihruai a, Pu Lalnunmawia chuan hunserh hmangin, fuihna thu a sawi nghal bawk, Pu Lalnunmawia chuan, YMA hruaitu kalkhawmte chu YMA thiltum leh Motto an chiang tur a ni tiin a chah a, heng tihlawhtling tur hian YMA hruaitu an nihna ah chiang a, Pathian tihna tak tak nena an thlen chin atanga hmasawn zel turin a fuih bawk. YMA thuthlung sawi bawkin, YMA hruaitu chu mi tlawmngai, Pathian tih mi, aia upate zah thiam, zu leh ruihtheih thil laka fihlim mi a ni tur a ni a ti. Pu Lalnunmawia chuan, hausakna leh lehkhathiamna avanga YMA hruaitu nih ngawt hi thil ni thei a nilo tih sawiin, politics a kan inhmang a nih pawhin Party politics hi YMA ah kan senglut tur a nilo ati. Pu Mawia chuan a sawi zelna ah, pawl thianghlim a nih angin a hruaitute pawh kan nun leh kan chezia engkim ah thianghlimna kan vawngnung tur a ni a ti a, mi ten engtinnge min ngaih ang tih ngaihtuah chung leh kan hming an sawi huna a tha zawnga an rilrua kan awm theihna turin kan nun kan uluk tur a ni a ti a, YMA nihna tak tak tarlang chunga kum thar atanga thlen chin atanga hmasawn a, Pathian tihna nen Mizo hnam alo mawi lehzual theihna tura tanla turin Champhai Sub-Hqrs YMA Thuthmun Branch Office Bearers kalkhawmte chu a chah bawk a ni.
    He hunah hian Pu C Vanlalnema Executive Member pawhin thu sawiin, thuthmun branch te hi Sub Hqrs YMA neitu tak tak an nih thu a sawi a, Champhai Sub-Hqrs YMA mawina hi thuthmun branch ah a innghat thu hle tih a sawi.
    Nimin inhlanthar hunah hian Sub Hqrs YMA Champhai chuan kum kalta November ni 23 a Tuikuk hel ten Mizo pahnih leh hnamdang an rukbo chungchangah thuchhuah siam nghalin, Sanglianthanga leh Lalzamliana te rubova a tlanna sum Rs Vaibelchhe 5 Mizoram sorkar a an phut avanga thla hnih dawn hrehawm taka an hreng chu an ngaihthiamloh thu an thuchhuah ah chuan an tarlang a, tuna an rawn chhuah ta hi lawmawm an tih rualin an ruala an rukbo Deep MAndal an la hren zui pawh intiamkamna leh phut engman nei lova a rang thei ang bera chhuah nghal tura an phut thu te, hetiang thil hi tun hnuah Mizo lakah leh Mizoram chhungah ti tawhlo tura an hriattir thute an thuchhuah ah chuan an tarlang bawk a, Mibote chhanchhuahna kawnga a tul anga hman atan Central YMA ah Rs 10,000/- an pe bawk a ni. Inhlantharna neih zawh hian Sub-Hqrs YMA Office bula vantlang zunin siam chu Pu C Vanlalnema chuan a hawng nghal bawk a ni

PARLIAMENTARY SECRETARY IN FIELD TLAWH :

    Nimin chawhma dar 10 khan Champhai North Bialtu MLA, Parliamentary Secretary ni bawk Pu TT Zothansanga chuan Chhangphut Field tlawhin an hmalak dante a hmunah a en Ama puala inkhawm tawi buatsaih Chhangphut Field a neihah hian Pu C Hualrikhuma CDFA President chuan sorkar hmalakna ah lawmthu a sawi a, district dangte aia tha zawk Champhai District in kan nei thei tur chu lawmawm a tih thu a sawi a, CDFA hruaituten a tir atanga theihtawp chhuah a hma an lak thute, tha leh nuam taka zawh a nih theihna tura a tawp thlenga tan lak an tum thute a sawi a, siam zawh a nih hnuah Mizorama inelna lian berte zing ami MFA Cup 2014 thlen an tum thute a sawi bawk a, Parliamentary Secretary hnenah hian Sanctioned a tello Side Drain siam chungchangte, VIP Toilet chungchang leh Field fencing chungchang lehkha in an thlen bawk a ni. He hunah hian Lushai Engineers JE Pu Hriata chuan an hnathawh tawh dan report pein tunah hian 70% zo a an inngaih thu a sawi a, tunah hian Artificial Turf pawhin Kolkatta a rawn thlen tawh thu pawh sawiin, Chhangphut Field hi FIFA Approved a siam tum a nih thu pawh a sawi a, siam zawh a nih hnuah FIFA hotute chah luh an tum thu a sawi bawk. Parliamentary Secretary Pu TT Zothansanga hian Chhangphut Field a tlawh zawh hian Bethel Field, Zotlang leh New CHamphai Field te a tlawh leh bawk a ni

PUAKTHEI THIL MAN :

    Niminpiah tlai dar 4 khan Zokhawthar Police te chuan Tiau Lei atanga thlang lam 200metres velah puakthei thil hlauhawm tak Cortex Metres 4,000 an man Zokhawthar Police te chuan niminpiah tlai dar 4 khan Tiau Lui thlang lamah Aizawl tanga lokal, Myanmar lama phurh tur Bomb Hrui tia mizoten kan hriat Cortex metres 4000, Gelatin tlawn 200, safety fuse metres 100, Raldosanga kum 37, Lalrothanga fapa leh Zosangpuia kum 21, Tharlawmsiama fapa te hnen atangin an man a, nimin khan court ah hruai an ni a, Jail ah dahluh nghal an ni. A hriate sawi danin Zokhawthar Police te thil man hi thil hlauhawm tak a nih thu an sawi a, Bomb siamna hmanraw tha tak anih thu an sawitel bawk. Raldosanga leh Zosangpuia te hian Tiau atanga Burma 5000 hlawh tura phur an nih thu an sawi a, engatana hman tur nge a nih an hriat bikloh thu an sawi

AIDS CHUNGCHANG SAWI HONA HUN HMANG :

    Nimin khan I&PR Conference Hall ah Champhai District Action Plan under National AIDS Control Program neih a ni. He hunah hian Dr.Zothankhuma, DAPCU Nodal Officer, MSACS DACO chuan sawi hawnna neiin khuallian Pu Lalthangpuia Sailo, Champhai District bawrhsap hnen atanign thusawi ngaithlak a ni a. Dr.Zonunmawii DPM, DAPCU hnen atangin DAAP chungchang ngaithlak niin NACP hmalakna hrang hrang Dr.Rebecca Sinate, RPA, NERO, Guwahati chuan a sawifiah ve bawk a ni. Hei bakah hian Champhai District-a AIDS darh zel tur venna kawnga hmalakna tur hrang hrang te ngaihtlak a ni bawk. Champhai District Action Plan siamnaah hian Dr.C.Zirliana CMO Champhai pawhin thu a sawi bawk.

MJA TEN SILVER JUBILEE THLIR LAWK :

    Niminpiah khan MJA Champhai District chuan Press club-ah committee an nei a, thla thara Silver Jubilee an lawmna tur thlirin hmalakna tur hrang hrang te an sawiho a. He hunah hian MJA Friendship Tour-a kal Pu Lalhmingmawia Pachuau, President chuan an zin report tlangpui a pe bawk a ni.

TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 71.41)
    Diesel : Free Sale (Rs. 53.75)
RD PUMP : (6:00 AM - 5:00 PM)
    Petrol : Free Sale (Rs. 79.21)
    Diesel : Nil (Rs. 57.65)

ni 21.1.2014 (thawhlehni)



PARLIAMENTARY SECRETARY IN BIAL FANG :

    Nimin chawhma dar 11:00 khan Champhai D.C Conference Hall ah Parl.Secy Pu T.T.Zothansanga’n Champhai District a Head of Offices te meeting a neih pui.
    He meeting Pu Lalthangpuia IAS, Champhai DC kaihhruai ah hian thu sawiin Pu T.T.Zothansanga chuan Champhai a officer awm te chu an awm tan atanga Champhai hmangaitu an ni thei zel chu lawmawm a tih thu sawiin Champhai hmasawnna atana thahnemngai taka hna an lo thawh tawhnaah lawmthu a sawi a, Champhai District hmasawnna tura fin chhuah zel turin a sawm nghal. Champhai a an awm chhunga hriatreng tlak thil tha an hnathawhna ah hnutchhiah theuh turin a chah a, office file reng reng eng file pawh nise pending awm lo a chak taka kaltir nghal zel tura ngenin department tinin an plan neih ang te rang taka bawhzui anih theih nan a hnena copy pe ve thin turin a chah bawk ani.
    Pu Sangtea chuan, Department hrang hrang te hnathawh chu a chhungril leh anih dante hre ve kilh kelh lo mah se, an thiamna te champhai hmasawnna atana hmang tangkai zel turin a ngen a, hotu lian lamahhmalak pui zel a tum thu sawiin sawrkar department te leh ama mawhphurhna chu thil inang reng a ni a ti. A sawi zel naah Pu T.T. Zothansanga chuan zingkar interview neih thin chu an office hun a tihbuai avangin sawrkar hmasa atanga tih tawp chu tun sawrkar ah pawh hian chhun dar 12:00 thleng neih chhunzawm zel tur anih zawk avangin department hotute leh mipuite pawhin hretiam turin a ngen zui bawk.
    Nimin meeting ah hian Champhai District chhunga department hrang hrang hotute an tel tha hle a, an department hnathawh hlawhtin tawhna te leh hmachhawp mek, an harsatna te leh an mamawh te Parl.Secy hnenah hian an thlen nghal a ni.
    Hei bakah hian chawhnu dar 1:00 khan I & PR Conference hall CHANEM Building ah Pu T.T.Zothansanga hian Champhai a NGO hruaitute a kawm leh nghal a, tlai dar 3:00 hian pawl hruaitu hrang hrang a kawm leh nghalin, a bial chhung mai bakah Champhai khaw tana theihtawp chhuah a, District hmingthatna tura inpumpek turin a chah bawk a ni

STIPEND LAK THEIH :

    SJSRY Cell. UD&PA Dept hnuaia BPL member trade hrang hranga trainingte tan tun thla ni 21-23 inkarah Office hun chhungin Stipend a lak theih a, hei bakah hian training centre thlan ten an trainees te hruaiin hun tiam chhung hian Attendante Register kengin training centre fee a lak theih bawk ang a, centre fee leh stipend la tur ten aiawh intirh phal a nilo tih thu District Officer hnen atangin thu kan dawng

TRAINING NEI :

    Champhai District huam chhunga High School leh Higher Secondary School 84 zirtirtute puala Adolescence Education Programme Training chu nimin khan I&PR Auditorium, CHANEM building-ah tan a ni.
    He training hi Mizoram State Aids Control Society leh DEO Champhai te tangkawpa buatsaih a ni a, Tleirawlte nunkawng dik zirtirna, AEP Training, ni hnih chhung awh tur hawnna hi Pu Hualrikhuma, Dy. DPC, RMSA, Champhai district chuan a kaihruai a, Pu Hualria chuan, Champhai leh a chheh vela ruihhlo ti hluar ta lutuk kara hetiang training buatsaih a ni chu lawmawm a tih thu a sawi a. Zirtirtu kalkhawmte chu training atanga hlawkna puak chhuah ngei tuma inzir turin a chah a, a bikin H/S zirtirtute chu an nauangte Drugs leh AIDS chungchanga veng uluk turin a chah bawk a ni.
    AEP hi sawrkar laipui, Ministry of Human Resourse & Development leh National AIDS Control Organization (NACO) ten kum 2005 khan duangin nikum atang khan Mizoramah MSACS leh School Education Department ten thawhdunna an siam a. January ni 20-25 chhunghian Champhai bakah Lawngtlai, Lunglei, Serchhip, Aizawl leh Mamit district-ah te High & Higher Secondary School 252 atangin Principal/Headmaster & zirtirtu 2 te tan training runpui a kalpui mek a ni.

CDFA THUKHAWM :

    Nimin khan Champhai District Football Assn Executive Meeting chu an President Pu C Hualrikhuma kaihhruaina in neih a ni He meeting ah hian vawiina Parliamentary Secretary Pu TT Zothansanga’n Chhangphut Field a phullem phah a tlawh tur chungchang an thlirho a, hmalakna tur chi hrang hrang leh hma lo lak tawh dante sawipui nise an tih bakah, CDFA OB ten tawiawm nise an ti bawk a, hei bakah hian tun thla ni 28 a Hnahlan Zone Football tournament ah an rawn sawm angin kal ve nise an ti bawk a ni

FOMTU IN THUCHHUAH SIAM :

    Tunhnai khan Federation Of Mizoram Trade Union (FOMTU) District Headquarters Champhai chuan thuchhuah an siam FOMTU District Headquarters Champhai chuan, state dang atanga dan ang thlap a Mizoram a hnathawk tura lokal ten engemaw changa kan ram chhunga harsatna an tawk thin chu thalo a ti a, Champhai khawpui chhung leh a chhehvelah pawh hnam dang hnathawktu engemaw zat an awm tawh a, hetih rual hian an hnena Donation khawn an awm leh thin chu pawi an tih thu an sawi a, hetianga vai hnena donation khawn hi Labour Law kalh anih thu an tarlang. Fomtu chuan dan ang thlapa hnathawk tura lokalte hi dan in a humhalh tlat a, state dang atanga lokal, hnathawktute reng reng Inner Line Permit ILP in a huam chin chauh thawk turin an hriattir bawk a, Mizoram hi state pawn atanga ILP neite chauh in hna an thawh theihna hmun a nih avangin state dang atanga lokal ILP neilo chuan Mizoram hi chhuahsan turin FoMTU chuan a ngen a, FOMTU hi hnathawktute tana ding anih ang ngeiin hnathawktute dikna leh chanvo hi a humhalh zel dawn a ni tiin an thuchhuah ah chuan an tarlang.

 TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 71.41)
    Diesel : Free Sale (Rs. 53.75)
RD PUMP : (6:00 AM - 5:00 PM)
    Petrol : Free Sale (Rs. 79.21)
    Diesel : Nil (Rs. 57.65)
 


ni 18.1.2014 (inrinni)



KAWNG ZAUH TURAH PUBLIC HEARING NEI :

    Nimin chawhma dar 11 khan Mangkhaia Hall Zotlang ah Champhai leh Zokhawthar inkar kawng laih zauh chungchangah Mizoram Polution Control Board buatsaihin Public Hearing neih ani
    He hun hi Pu Zoengsanga Addl. DC chuan kaihruaiin, Champhai leh Zokhawthar inkar kawng hi State Pwd chuan an lai tha dawn a, double lane a siam a nih dawn avangin kawng laih in a tihchhiat tur ram neitu zawng zawngte kohkhawm a ni a, an ngaihdan sawina hun siamsak an ni.
    He hunah hian Chairman Pu Zoengsanga Addl. DC chuan, Border Trade hi hmathlir pawimawh tak a nih thu tarlangin, he border trade hi a nihna tur anga tangkai leh tha a a chhuah theihna tur chuan kawng tha a pawimawh hmasa a ni tih sawiin, he kawng laih tur hi a hlawhtlin theih ngeina turin mipui ten kan ngaihtuahna kan tizau tur a ni ati. Add. DC chuan, mipui, ram neitu kalkhawmte chu zangnadawmna chungchangah rilru tibuailo turin a fuih a, chu chu an kalkhawm chhan a nilo tih sawi bawkin, Land Aquisition Act hmanga ngaihtuah that ala nih tur thu leh, mipuite pawhin chumi hunah hian kan duh zawng leh tha kan tih zawng sawichhuahna hun a la awm tur thu pawh a sawi a ni.
    He hunah hian Dr. Lalramnghaki Pachuau, Scientist B chuan Introductory Remark neiin kalkhawmte chu an kalkhawm chhan leh thil nihphung te chiang takin a hrilh a, Champhai leh Zokhawthar inkar kawng laih tur hi Development a nih vang ringawtin sorkar hian hma a la ngawt theilo a ni tiin, he hna thawh a nih huna a nghawng theih, in leh lo bakah huan, lo ram neitute ngaihdan hi sorkar hian a ngaipawimawh hle a ni a ti a, kalkhawm zawng zawngten an ngaihdan zau taka sawi turin a chah bakah an puala he hun hi buatsaih a nih thu a sawi bawk ani. Dr. Lalramnghaki Pautu chuan, tunah hian he kawng laih tur chungchangah hian Scoping leh Screening tih zawh anih tawh thu a sawi a, tunah hian Public Consultation tih zawh anih hnuah stage 1 chiah a awm tawh thu pawh tarlang bawkin, a taka hmalak thuai anih tur thu pawh a sawi a ni.
    Er. Laltlanthangi Ralte in Technical Report pein he kawng siam anih huna buaina hrang hrang awm theite power point presentation hmangin a hrilhfiah a, kawng siam a nih dan tur leh a nghawng tur thil tam tak a sawi bakah, ram kan tihmansawn a nih pawhin a nghawng thalo zawng, a tlem thei ang bera tih a ngaih thu a sawi a, world bank hian kawng siam leh kawng tha neih ngawt hi a tum a nilo tih sawiin, ei leh bar kan zawnna kawngah kawngpui awmsa tih that leh kawng zim laite Double lane National Highway standard a tihchangtlun hi a tum a nih thu asawi bawk a ni.
     He hunah hian Champhai leh Zokhawthar inkara ram neitu ten an ngaihdan an sawi a, zawhna an zawh duh te leh kawng laih a nih huna an tana harsatna awm thei tur thilte an sawi bawk a, thusawi leh zawhna zawng zawngte hi a nihna anga record vek a ni a, heng an record te hi Ministry ah tidanglam lovin an thawnthla leh dawn a ni.

EXCISE TE CHET VELNA :

    Kum kalta 2013 chhung khan Champhai Excise & Narcotics te chuan MLTP Act hnuaiah Case 152 ziaklutin mi 144 an man
    MLTP Act hnuaia an man zingah hian Local Zu tam berin Litres 5979 an man a, hei bakah hian Beer Canned 4168 an man bawk, Champhai Excise & Narcotics te chuan MLTP Act hnuaiah kum kalta 2013 chhung khan Zu thlawrna tur buhfai tin 2898, dawidim kg 101, sap zu um 47, beer um 565, zu leh ruihhlo phurhna motor 28 an man a, NDPS Act hnuaiah hian Pseudoephedrine man hnem berin mum 33,25,150 an man a, heroin grams 153.150, Ganja grans 18 an man bawk a ni. NDPS Act hnuaiah hian case 56 ziahluh niin mi 43 an man bawk a, hei bakah hian Champhai Excise & Narcotics te hian kum 2013 chhung khan damdawi hlauhawm taka an sawi Methamphetamine grams 60 an man bawk a ni.

TRUCK CHESUAL :

    Nimin zing dar 7:30 khan Champhai Mizofed Petrol Pump bulah leichi phur Truck a chesual.
    Leichi (DAP) phurtu Truck AS-01DC-7225 hian Mizofed Filling Station ah deasil thun atum chu kawngchho ulh-ah tlanchhuak zo lovin, kawng thlangah a tawlh liam a, feet 70 vel a lum hnuin Pu Khaikhenthanga (Jail Veng) in chu a zu delh a. Pu Khaikhenthanga te chhung hian tukthuan an ei lainiin, vanneih thlak takin tumah hliam an awm lova, lirthei khalhtu Shahrul kum 22 (Silchar) erawh alu lamah hliam a tuar a, Champhai District Hospital-ah dahluh nghal a ni a, ngaihtuahawm a nih loh thu Doctor te chuan an sawi, handiman erawh chetsual hma hian a zuangthla hman a, hliam a tuar lo thung. Champhai Mizofed Petrol Pump panna kawng hi chhuk chho ulh tak anih vangin tuna chetsualna hmunah hian Tank Lorry leh Medium Truck pawh an chesual tawh a, helai kawng hi cheithat anih loh chuan chetsualna dang ala thlen fo theih an rin thu he chetsualna hmuna kalte chuan an sawi

JAIL TANG MI 670 :

    Kum kalta 2013 chhung khan Champhai Dist Jail ah mi tang 670 awmin heng zinga 137 te hi hmeichhia an ni.
    Kum 2013 chhung khan Police Case atang mi 480 awm hmanin heng zinga mi 415 te chu mipa niin mi 65 te chu hmeichhia an ni a, Excise & Narcotics case a tang, mi 190 zinga 118 te chu mipa an nih laiin mi 72 hmeichhia an awm bawk a ni.
    Champhai District Jail hi November ni 30, 1990 khan hawn tan a ni a, Mizoram a Jail zingah Volley Ball court nei tha ber an ni bawk. Champhai DIst Jail hi mipa 112 leh Hmeichhia 18 te tan theihna tura siam a nih laiin, nikum November ni 11 khan Mipa 137 leh Hmeichhia 24 an tang a ni.

ZANAH INKHEL :

    Nizan dar 6:30 khan Vanlallawma Indoor Stadium ah Republic Day puala Tournament buatsaih chu tan a ni ta. Republic Day pual hian Basketball leh Table Tennis hmanga intihsiakna hi neih tur a ni a, nizan dar 6:30 khan hawn a niin khelh tan nghal a ni bawk. Basketball ah hian Team 6, Ngopa, kahrawtians, ballerz, terminator, chief Lusei, The Dreamers an tel.

TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 71.41)
    Diesel : Free Sale (Rs. 53.75)
RD PUMP : (6:00 AM - 5:00 PM)
    Petrol : Free Sale (Rs. 79.21)
    Diesel : Nil (Rs. 57.65)
 


ni 17.1.2014 (zirtawpni)



CHAMPHAI KAWNG THALO:

    Nikum lama Champhai khawpui buaina Kanan Veng leh IB Veng leiminna hmun chu tun dinhmunah BRTF hnathawh dan in duhthu a sam lo hle. Ruahtui a tlak leh hun hunah Champhai mipuite kan buai eh ngei dawnin a lang. Kanan VC te chuan helai hmuna hnathawh dan chungchang hi vawi engemawzat BRTF hotute pawh an sawipui tawh a, mahse hei hian awmzia a nei thei lo a, khawtlang hruaitute buaina liamtham a rawn thlen hmain hma la thei se an duh hle.
    Hetihlai hian a helna tur Zotlang leh Pu Lalhlira Road bakah Pu TT Zothansanga`n MLA Fund atanga kawng a laihte pawh ruah a tla a nih chuan Black Top a nih loh avangin Motor kal thei lo tura ngaih a ni.

HRIATTIRNA CHHUAH :

    PHE Department chaun Tuipui Tui Pump khawl No. 1 chu Major Repair a ngaih dawn a vangin ni 15 January atanga February thla chhung mipui mamawh ang zat tui an sem thei dawn lova. Mipuite hriatthiamna an ngen.

POLYTECHNIC ZO THUAK :

    Tlangsam Polutechnic sak hna kal mek chu tunah hian 95% vel theuh zawh tawh a ni a, Final Bill pawh an pek chhuah vek tawh thu kan dawng.
    Polytechnic Tlangsamah hian Block 4, Food Processing Block, Mechanical & Engineering, Multi Prupose cum Library leh Administrative Block te an awm a, Champhai tana hman mai theih tuin a sakna hna hi chak taka kalpui a ni. PWD Dept. hian thla ruk chhung an enkawl zui phawt ang a, chumi hnuah a building sak chungchangah sawisel tur leh siam nawn ngaite a awm a nih loh chuan Higher & Technical Dpet. kutah an hlan tawh dawn a ni. Tlangsam Polytechnic sak nan hian sum 8 crore vel ruahman a ni.

CHAMPHAI SDC :

    Lalhruaitluangi w/o Zomuankima, Champhai Bethel veng tun hnaia MPSC Combined Competitive Exam a buatsaih MCS a Mizoram pumpuia 3-na chu Champhai ah SDC a awm tura tihfel a ni. Mahruaii hi tunkar tawp lamah Champhai a lo chho dawn a ni.

TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 71.41)
    Diesel : Free Sale (Rs. 53.75)
RD PUMP : (6:00 AM - 5:00 PM)
    Petrol : Free Sale (Rs. 79.21)
    Diesel : Nil (Rs. 57.65)

 


ni 16.1.2014 (ningani)



CHAMPHAI AH YOUTH CONVENTION HMANG :

    Nimin chawhm akhan Venglai Community Hall ah Nehru Yuva Kendra buatsaihin Youth Convention neih a ni a, he hun hi Zoengsanga, Champhai Addl. DC chuan khuallian niin a hmanpui.
    He hun MC Zohmangaiha, NYC Volunteer kaihhruaiah hian thusawiin khualian Zoengsanga, Addl. DC chuan, thalaite kan harhthar a ngai a ni, a ti a. Hnathawh hreh neih a pawizia sawiin, mahni inchawm zo ngei tura tanla turin a fuih a, tunlai khawvel changkang zelah thawhchhuah neilo, phone tha leh changkang tak nei si, top up leh Internet Pack man chhungte dil reng ngaia thalaite an awm chu pawi a tih thu a sawi a, mahni nitin mamawh ang chu thawkchhuak ve thei tura tan la turin a fuih a ni. Addl. DC chuan, zuk leh hmuam tih pawizia sawiin, kan nun nen pawh a inmil lo a ni, a ti a. Nunphung changkang tak, fai leh nalh taka inchei chung si a zial kan zu leh tlat thin chu thil inhmehlo a ni tih tarlangin, kan pawnlam lan dan a thianghlim ang bawk hian kan chhungril pawh kan ti thianghlim tur a ni, a ti. Zialzuk hi a zutu chauh  ni lo, mi zuk khu  lo tuartute tan pawh thil pawi a ni tih sawiin, keimahni tan mai nilo mite tan pawha harsatna thlen theitu zuk leh hmuam do zel turin thalai kalkhawmte chu a chah a ni.
    He hunah hian Hmingthankimi, NYC Volunteer chuan kalkhawmte lawmna thu a sawi a, Sarah Lalremruati, Champhai Dist. Co-ordinator Mizoram State Tobacco Control Society  chuan Power Point Presentation hmangin vaihlo thatloh zia zirtirna a pe bawk a ni.

MRF DEALER :

    Motor ke siamtu Company lar tak MRF Exclusive Dealer, Ringi Tyres chu Thawhtanni chawhnu khan Pu C. Ralkapzauva Building ah hawn thar a ni. hawnna hunah hian Rohit Mondal District manager MRF leh Lalthanzuala, Ringi Tyres neitu ten thu sawiin, tun dinhmunah AIzawl aiin za ah pakhat (1%) bakin a to chhuang lovang, an ti a, motor ke te hi hrhalhchhuah theih nghal a ni h thu an sawi.

 TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 71.41)
    Diesel : Free Sale (Rs. 53.75)
RD PUMP : (6:00 AM - 5:00 PM)
    Petrol : Free Sale (Rs. 79.21)
    Diesel : Nil (Rs. 57.65)


ni 14.1.2014 (thawhlehni)



PHULLEM PHAH KALPUI ZEL :

    Chhangphut Field a Artificial Turf phah tur chu chak taka hmalak a ni a, nimin khan Aizawl atangin surveyor lokalin, a hmun te a rawn tehkual

MOTOR 93 ZIAK LUT :

    Kum kalta 2013 December thla chhung khan Champhai District Transport Office ah Motor 93 registered a ni a, heng zingah hian two wheeler a tam ber Motor regiser zawng zawng 93 atanga 48 hi Two wheeler a ni a, Autor Rickshow 8, Maxi Cab 5, Car 9, Jeep, Bolero, Gypsy 3, Taxi 10, leh Truck 9, avaiin 93 a ni a, hei bakah hian Tax chi hrang hrnag atangin Rs 8,75,698 hmuh niin, Passenger phur chi motor atangin 47,800/- bungraw phur chi atangin 68,175/- Road Tax atangin 5,63,033/- leh MV Fee atangin Rs 1,96,690/- hmuh a ni bawk a ni

FOOTBALL TOURNAMENT :

    Vawiin chawhma dar 10 atang hian Champhai District Football Assn buatsaih 2nd Division Screening Tournament chu New Champhai Field ah khelh tan a ni dawn He tournament a tel tur team te hi pool 2 a then niin, Pool A ah, Tlangsam S/c, Zotlang II, Vengthar S/c leh Ruantlang SC te an awm a, Pool B ah Zotlang I, New Champhai SC, Bethel SC leh Vengsang SC te an awm a ni. Vawiin chawhma dar 10 hian khelh tan tur a ni a, Tlangsam SC leh Zotlang II ten an khel hmasa ber anga, dar 11 ah Vengthar SC leh Ruantlang SC ten khel lehin dar 12 ah Bethel SC leh Vengsang SC ten an khel anga, a hnuhnung berah Zotlang I leh New Champhai ten an khel bawk dawn a ni He screening tournament ah hian 2nd division club te leh kum 2013 1st division atanga Relegate team te chauh an khel thei anga, inkhelh kual vek hnua point hmusang 2 ten 1st division an kai dawn a ni. He tournament hi league a khelh tur a ni a, pool league a point hmusang pahnihte hian semi final an khel anga, semi final hi cross leg a khelh tur niin chuta chak zawk te chuan final match khel lovin 1st division an lut dawn a ni.

NEHRU YUVA KENDRA :

    Sports & Youth Affairs hnuaia Nehru Yuva Kendra chuan Nilaini chawhma dar 11:30 hian Venglai committee hall ah District Youth Convention a buatsaih dawn a, he hun hi Addl DC Pu Zoengsanga chuan khuallian niin a hmanpui ang.

CDBBA HMA LAK :

Kar hmasa Zirtawpni zan khan Champhai District Basketball Association executive committee neih a ni a, he hunah hian Republic Day Basketball tournament chungchang thlirin, he tournament hi Vanlallawma Indoor Stadium ah zan lama khelh leh nise tiin an rel a, tournament hmanpui tur hian Mizoram State Sports Council-a chief Coach Pu Lalremsanga chu an beisei bawk. CDBBA hian nikum khan District Hospital Poor Fund ah Rs.10000 an chhunluh thu he committee ah hian tarlan a ni bawk.

TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 71.41)
    Diesel : Free Sale (Rs. 53.75)
RD PUMP : (6:00 AM - 5:00 PM)
    Petrol : Free Sale (Rs. 79.21)
    Diesel : Nil (Rs. 57.65)
 


ni 13.1.2014 (thawhtanni)



MIBO RUANG HMU :

    Robert Laltlanzova (30) Hnahlan khua Farkawna hnathawka awm mek ni 5.1.2014 zinga chin hriat loha bo chu Inrinni chawhma dar 10:30 vel khan khan Farkawn thlanmual bul Pu Huliana Leilet ah thi a hmuh a ni. Kan thudawnna in a sawi danin Robert Laltlanzova hian thihpui tham khawp hliam a tuar lova, eng vanga thi nge a nih tih hi a la chiang thei lo a ni. Robert Laltlanzova hi Pathianni zing khan a riahnaah theihnghilh a neih avangin a let leh a, a rawn haw har deuh avangin Farkawn khawtlang chuan an zawng nghal a, Hnahlan pawhin Thawhlehni atang khan zawngin Inrinni khan a ruang hi an hmu ta a, Inrinni chawhnu dar 2:30 vel khan Farkawn atang hian Hnahlan lam panpui nghal a ni.

INPUANG :

    Khamkhannanga (K.K Nanga) kum 45, s/o Ngulkhansuma, 1109 Truck Driver December ni 20 atanga bo, January ni 9, zing dar 9 vela a ruang chhe tawh tak hmuh tak chungchanga mawhphurtua rinhlelh, K.K. Nanga nau, Kamsiansanga (Sanga) kum 25 chu Inrinni khan Police hmaah a inpuang.

SIAM MEK :

    Nikum lama IB Veng leikhi chu tunlai hian dalna tur atana retaining Wall siam chu chak taka thawh mek a ni.

TUIPUI LUI DUNG HMUNHALH ZEL DAWN :

    Inrinni khan Tuipui luidung in a huam chin YMA Branch 8 te chuan Tuipui ah Joint Committee an nei a, kum 2014 chhung atana hruaitu tur an thlang nghal bawk Joint Committee chuan adviser atan Pu Vanlalchuailova DFO Champhai leh Pu VL Chama Hnamte Sub Hqrs YMA Secretary chu an ruat nghal bawk a, Joint Committee chuan Tuipui lui hnar lamah PHE Tui pump thleng leh lui mawng lamah Tualte lui chhuah thleng an humhalh tlat thu an sawi a, tuipui lui dungah hian Tur leh Chinai lam chi hman te, Current hmanga sangha man te, Ru hmanga sangha mante an khap tlat a, September ni 20 atanga Oct ni 20 chhung a sangha fuan ven leh eng hmanraw hmang maha sangha man an phalloh thu an sawi a, tilui man an nih chuan Joint committee in dan alo siam tawh angin a na thei ang bera an chunga action lak a nih tur thu pawh an sawi a, mipui ten an ngenna ngaipawimawh tur leh tuipui lui dunga nungchate suasam lo tur leh man lo turin an ngen a ni. Inrinni Joint Committee chuan kum 2014 chhunga hruaitu turte an thlang nghal a, President ah Phairosiama Tuipui Branch YMA President, Vice President C Lalruatmawia Tualte Branch YMA President, Gen. Secretary- A. Zonunsiama Tuipui, Asst Secy- Lalzidinga Tualte, Treasurer Lalhmingzauva Kelkang Vengthar, Fin. Secretary- CS Lalchhanzela Kelkang Vengthar, Joint Secretary- Tlangrinmawia Dilkawn leh C Lalkhawhluna Chhungte te thlan an ni a, Tuipui Luidung Joint Committee ah hian YMA Branch 8, Tuipui, Tualte, Kelkang, Kelkang Vengthar, Buang, Neihdawn, Chhungte leh Dilkawn Branch YMA te an tel a ni

PAWNGSUAL TUM :

    Tun hnai khan Champhai-ah officer pakhatin hmeichhe pakhat chu pawngsual tumin kut a thlak ni-a thu dawn a ni. Champhai police-te hnen atanga thu dawn danin, Champhai SSA-a officer pakhat lakah a hmeichhe pakhatin ni 8 tlai khan FIR a thehlut a, he hmeichhia hian ni 7-a chaw an ei khawmna-ah he officer hian khawih a tum a, a lo invenna lamah kut a thlak ta niin a FIR-ah chuan a ziak a, he officer hi hrem a phut a ni. Police-te chuan, SSA officer hi an kawl tawh a, thu an zawt fiah mek niin an sawi.

SIPAI A TANG DUH TANPUI :

    Army tangturte training leh an kawng kawhhmuhna Block Development Office, Khawbung RD Block leh 14th Assam Rifle, Khawbung Camp tangkawpin an buatsaih chu Inrinni khan zawh fel a ni. Border Area Development Programme hnuaia Capacity Building Scheme hmangin Army Pre-Recruitment Rally Programme chu Khawbung RD Block leh 14th Assam Rifle, Khawbung Camp tangkawp buatsaih chu Inrinni khan zawh fel a ni a. Khawbung RD Block hmar lam khaw hrang hrang atangin mipa kum 17½ -23 inkar mi 40 vel an tel a ni. Zirtawpni Jan 10 khan Heng thalai rualte hi an document te enfiah sakin, document thil tel ngaite chu Khawbung RD Block BNRGSK Hall-ah an inhrilhfiah a. Taksa sawizawina chi hrang hrang tangkai turte an tih tir a. Sipai atana an pianphung leh taksa hriselnate pawh enfiah sak an ni bawk a ni. Block Development Officer Pu Lallawmawma chuan Bial kilkhawr atanga sum tam tak senga Sipai intlar tura mi tam tak an kal thlawn fo chu pawi a tih thu sawiin chutiang harsatna chu engemaw chen pumpelh a nih theih nana he programme hi buatsaih a nih thu a sawi a. “Sipai chu ram tana tha leh zung kan thawh theihna sang ber pakhat a nih bakah mahni leh chhungkaw tan pawh hlawkthlâk tak a nih thu a sawi bawk a ni. Army Pre-Recruitment Rally Programme hmanpui tur hian Serchhip atangin Capt.Joshi chu Khawbungah kalin Army tangtura kalkhawmte chu an that tawk thu leh engkim an tihnaa a tha chungchuang bik (Excellence) nei thei turin a fuih bawk a ni.

TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 71.41)
    Diesel : Free Sale (Rs. 53.75)
RD PUMP : (6:00 AM - 5:00 PM)
    Petrol : Free Sale (Rs. 79.21)
    Diesel : Nil (Rs. 57.65)

ni 10.1.2014 (zirtawpni)



MIBO RUANG CHHAR :


    Nimin chawhma dar 10:30 vel khan nikum December ni 20 atanga chin hriatloha bo Khamkhawnanga ruang chu an motor chhiatna zawn kawng thlang lam metre 57 velah thi a hmuh a ni Sawi tawh angin Khamkhawnanga hi 1109 Truck Driver niin a nau Sanga nen Kanhmun panin December ni 20 khan an chhuak a, Keifang thlen hma kms 10 ah an motor a chhiat avangin Mechanic ko turin a chhuak a, hemi ni atang hian a chanchin hriatzui a nih takloh avangin khawtlang hruaitute leh mi tlawmngai thenkhatte chuan niminpiah khan an chhiattawhna hmun thlithlai turin Champhai an chhuahsan a, nimin khan Keifang YMA te nen zawngin an motor chhiatna zawn kawng thlang lam metre 57 ah thi a hmuh a ni ta a ni. Mita hmutute chuan Khamkhawnanga hi mi kuttuara thi ni ngeia an rin thu an sawi a, an motor bulah lu a chhutna ni awma hriat lung, thisen kai pawh hmuh a ni tiin kan thudawnna chuan a sawi. Khamkhawnanga hi nizan khan vuiliam nghal a ni ang.

REPUBLIC DAY CHUNGCHANG :

     Nimin chawhma dar 11 khan DC Conference Hall ah Champhai DC Pu Lalthangpuia Sailo IAS kaihhruaina in Republic Day 2014 lawmdan tur rel a ni He hun ah hian Champhai khawpui chhunga Head of Office te bakah Journalist leh NGO hruaitute an tel tha hle a, kumin Republic day hi chawlhni a nih dawn avangin zing dar 8 ah Kahrawt Field ah function tan nise tiin an rel a, khuallian hi sorkar in a rawn dah dawn anihloh chuan Champhai DC a ni anga, march pass contingent 8 hnen atana beisei nise an tih bakah, Republic day puala infiamna neih turah Basket Ball leh Table Tennis nise an ti bawk a ni. Hei bakah hian Dept hrang hrang ten Republic day a an chanvo turte ruat fel a ni bawk

CASE 316 ZIAK LUT :

    Kum kalta 2013 chhung khan Champhai Superintendent Of Police Office ah Case 316 ziahluh a ni a, heng zingah hian Rukruk thubuai tamberin thubuai 88 ziahluh a ni Case ziahluh zawng zawng hi 316 a ni a, heng zingah hian IPC Section ah tualthah tum thubuai 5 ziahluh a ni a, rukruk thubuai 88, in rawk thubuai 39, pawngsual 12, mi rukbo thubuai 1, tharum thawhna thubuai 5, accident 9 leh thubuai tenau dang 30 ziahluh a ni a, Non- IPC section ah Arms Act 4, ND & PS 59, Foreigner case 5 leh Zu case 59 avaiin Non-IPC Section a thubuai ziahluh zat chu 127 niin IPC leh Non- IPC Section ah thubuai 316 ziahluh a ni. Hei bakah hian kum 2013 chhung khan lirthei chetsualna vawi 9 thlengin mi 8 an thi a, mi 35 an hliam. Motor accident zingah hian Truck, Two wheeler leh JCB te tam berin vawi 2 accident a chhinchhiah a ni a, kum 2013 chhung khan truck vawi 2 accident in mi 2 in nunna an chan a, two wheeler pawh vawi 2 accident ziahluh niin mi 2 in nunna an chan bakah mi 1 in hliam a tuar a, JCB vawi 2 accident in mi 2 in nunna chanin mi 1 a hliam bawk a, Pick Up vawi 1 accident in mi 1 in nunna a chan a, mi 1 in hliam a tuar bawk a, bus vawi 1 accident in mi 1 in nunna an chan a, mi 31 in hliam an tuar bawk a ni. Hei bakah hian Maxi Cab accident 1 awm bawkin mi 1 in hliam a tuar a ni. Kum 2013 chhunga Champhai Distric Police ten motor accident a case an ziahluh zawng zawng chu 9 niin heng zingah hian mi 8 in nuna an chan a ni.

BIRTH & DEATH CHUNGCHANG ZIRHO:

    Nimin chawhma dar 10 khan BRC Trainng Hall SSA ah Champhai District huamchhunga Economics & Statistics hnuaia Registrar of Birth & Death Training neih niin he hun hi Champhai DC Pu Lalthangpuia Sailo IAS chuan khuallian niin a hmanpui He hun Pu C. Rohmingliana DRO kaihhruaiah hian khuallian Champhai DC chuan, kalkhawm te chu hna pawimawh tak thawktu an nih thu a sawi a, an hna uluk a, sorkarin a phut anga dik taka ti turin a fuih a, hna uluk lo leh namnul chingte chuan ram an tibuai thei tih tarlang bawkin, inchimralna thlenga nghawng thei thil a nih avangin uluk taka thawk turin a chah a ni. He hunah hian Pu Lalrikhuma Sailo Jt. Director pawhin thu sawiin, kalkhawm te chungah lawmthu a sawi a, hun chep tak kara an kohna ngaipawimawha an kal chu lawmawm atih thu a sawi. Jt. DIrector chuan, naupiang leh mitthi chhinchhiah hi Mizoramah kum 1985 atanga kalpui tan a nih thu a sawi a, India sokarin a ngaihpawimawh tak a nih thu a sawi a, naupiang leh thi 100% record tura hmalak mek a nih thu pawh tarlangin, thawktu ten tan an lak piahlamah mipui ten hmalak pui turin a sawm bwak a ni. Jt. Director chuan, Border a awm kan nih avangin hna uluk zual an ngaih thu pawh a sawi a, birth certificate pekchhuah chungchangah pawh mi diktak chauh pe turin a chah bawk a ni. He hunah hian zawhna leh chhanna hun hman anih bakah sawihona hun te hman a ni bawk

TUIPUIRAL ZIRLAI PAWL INHMUKHAWM :

    Tuipuiral Zirlai Pawl General Conference Vawi 29-na Jan ni 7-9 chhunga Vaphai a neih chu nimin khan zawh fel a ni. Tuipuiral Zirlai Pawl General Conference chuan niminpiah khan resolution 2 passed-in an resolution passed-te chu: 1. Kum 2014-2015 academic session tan hma ngeiin Tuipuiral huam chhung school hrang hrang a Zirtirtu indaih lohna hi sawrkarin min dah khah sak rawh se". tih leh 2. Tuipuiral huam chhung kawngpui te hi sawrkar kum thar chhung ngeiin siam that ni rawh se" tih te a ni. Khuallian leh Bialtu MLA ni bawk Pu T Sangkunga chuan amah vote tute MLA nilovin East Tuipui Constituency MLA a nih thu leh Bial chhung hmasawnna atana theih tawp chhuah ho turin TZP member te chu a sawm a. A bial chhunga Border Area Development Programme hnuaia fund lo kalte chu dik leh fel taka hman a nih chuan Bial chhung tân hmasawnpui tham nia a ngaih thu sawiin Tiau dep khaw hrang hrangte chu BADP sum hian Tiau Lui Balu tha tak awmna chu laih pawh vek a duh thu te, Bial chhung khaw inkarkik tak tak te chu inkalpawhna siama hnai taka intlawhpawh zung zung theih a nih thu te sawiin heng harsatna hi BADP sum hmanga siam theih a nih thu a sawi bawk. Tuipuiral Zirlai Pawl General Conference Vawi 29-naah hian East Tuipui huam chhung khaw 25 atang Zirlai thahnem takin an chhim a ni, Nimin khan hruaitu thar thlanna neiin chung hruaitu tharte chu: President : T. Lalrindika (Farkawn) Vice President : Vanlalvena (Sazep) Gen Secretary : C Lalnunkima (Khawbung) Asst G Secretary: K Lalnunzama (Khuangleng) Treasurer : Nangsawmthanga (Sesih) Fin Secretary : Zairimawia (Vangchhia) te an ni. Bialtu MLA Pu T Sangkunga chuan a Bial chhung khaw hrang hrangte tlawh kualin lawmthu a sawi pah a. Nimin hian Farkawn, Khankawn, Thekte, Thekpui te tlawhin vawiin hian Vangchhe Branch YMA-in Platinum Jubilee an lawmna hun a hmangpui ang.

TUIALHTHEI DINHMUN :


MIZOFED : (6:00 AM - 7:00 PM)

Petrol : Free Sale (Rs. 71.41)
            Diesel : Free Sale (Rs. 53.75)
RD PUMP : (6:00 AM - 5:00 PM)
            Petrol : Free Sale (Rs. 79.21)
            Diesel : Nil (Rs. 57.65)
 


ni 9.1.2014 (ningani)



KHEH MUM 1432720 MAN TAWH :

    Kum 2013 chhung khan Champhai District huamchhungah damdawi KHEH mum 14,32,720 man a ni.
    Champhai District huamchhunga Police Station hrang hrang ten SP Office a report an pek danin kum kalta 2013 chhung khan Damdawi Pseudoephedrine mum 14,32,720 man a ni a, Ganja Kgs 494 leh Heroin Kg 1. 108 gram an man bawk a, hei bakah hian Zu Local litres 686, BEDC fun 261, zu bilhlai tin 22, zu thlawrna hmanrua tin 8, sap zu um 144, beer cans 581 leh China dawidim fun 10 an man bawk a, traffic dan zawmloh avanga man engemaw zat awmin Rs 78,990 hmuh a ni bawk a ni

13th FINANCE HMANGIN KAWNG SIAM :

    Vengthlang North VC te chuan Thirteen Finance Commission atanga an sum hmuh atangin an veng huamchhunga kawng pawimawh siam tha in hna an thawk

MIBO ZAWNG ZEL :

    Nimin khan Khamkhawnanga kum 46, 1109 Truck Driver Vengthar ami, thla hmasa ni 20 atanga bo chu zawng turin YMA te an chhuak Khamkhawnanga hi 1109 Truck Driver niin a nau Sanga nen Kanhmun panin December ni 20 khan an chhuak a, Keifang thlen hma kms 10 ah an motor a chhiat avangin Mechanic ko turin a chhuak a, hemi ni atang hian nimin thlengin a chanchin hriatzui a nih takloh avangin khawtlang hruaitute leh mi tlawmngai thenkhat te chuan an chhiattawhna hmun thlithlai turin nimin khan Keifang an pan a ni

VETY HOSPITAL :

    December thla chhung khan AH&Vety Hospital Champhai ah ran chi hrang hrang 2266 enkawl leh hri danna pek an ni Heng zingah hian Ar tam berin Ar 1900 hnenah hri danna leh vitamin pek an ni a, bawng 18 entir niin, ui 33, vawk 189 entir an ni bawk a, ui til lak 1 awmin ui chhul lak 1 a awm bawk a, vawk til 6 lak niin vawk chhul 4 lak a nih bakah zawhte chhul 1 lak a ni bawk a ni, December thla chhung khan ui a hri danna ARV hi ui 13 hnenah pek a ni a, vawk vaccine hi vawk 100 hnenah pek a ni bawk

BIRTH & DEATH CHUNGCHANG ZIRHO DAWN :

    Vawiin chawhma dar 9:30 hian BRC Training Hall SSA ah Champhai District huamchhunga Economics & Statistics hnuaia Registrar of Birth & Death Training neih a ni dawn

REPUBLIC DAY CHUNGCHANG :

    Vawiin chawhma dar 11 hian DC Conference Hall ah Champhai DC Pu Lalthangpuia Sailo IAS kaihhruaina in Republic Day 2014 lawmdan tur chung chang ngaihtuahin Champhai khawpui chhunga head of Office leh Chanchinbu mite bakah NGO hruaitute an thukhawm dawn.

 TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 71.41)
    Diesel : Free Sale (Rs. 53.75)
RD PUMP : (6:00 AM - 5:00 PM)
    Petrol : Free Sale (Rs. 79.21)
    Diesel : Nil (Rs. 57.65)
 


ni 8.1.2014 (nilaini)



PU TT ZOTHANSANGA`N OFFICE LUAH TA :

    Champhai North Bial atanga thlantlin Mizoram Sawrkar thara Parliamentary Secretary mawhphurhna pek tak Pu TT Zothansanga chuan nimin chhun khan a Office a luah tan ve ta a. Pathian hnena hlanna leh hunserh Rev. Laldailova, Vengthlang Bialtu Pastor hlui chuan a hmanpui a ni. Parliamentary Secretary chuan a tun hma nun sawiin rethei taka seilian leh inhlawhfa chunga lehkha a zir dan te, Pathian ven leh awmpuina avanga he dinhmun a luah theih avanga a lawmthu leh mipui leh sawrkar zara mawhphurhna sang tak a chelh chu dik tak leh Pathian duhdan a ram rawngbawlna hna thawh a tum thu a sawi a ni.

CDFA TEAM FEHCHHUAK :

    MFA Under 19 Inter District Football Tournament Aizawl-a khelh turah CDFA aiawh Venglai SC te chuan nimin zing khan Aizawl panin Champhai an chhuahsan a, naktukah hian an match hmasa berah Serchhip District nen an inkhel dawn a ni. An group ah hian Serchhip bakah Lunglei leh Saiha an awm bawk.

TANPUINA SEM :

    Ni 7.1.2014 (Thawhtanni) zan khan Vengthlang Branch YMA OB te chuan Krismas leh Kumthar vuakvet a mi inphal leh Charity Concert atang a pawisa an hmuh te chu a sem chhuak. An veng theuhah kal chilhin heng vengah te hian Rs. 2000 theuh sem a ni Vengsang a chhungkaw 3, Dinthar Veng a chhungkaw 3, Zion Veng a chhungkaw 3 leh Vengthar a chhungkaw 3.

TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 71.41)
    Diesel : Free Sale (Rs. 53.75)
RD PUMP : (6:00 AM - 5:00 PM)
    Petrol : Free Sale (Rs. 79.21)
    Diesel : Nil (Rs. 57.65)

 


ni 7.1.2014 (thawhlehni)



MIBO :

    @ Keifang leh Dulte inkara December ni 20 zana bo 1109 Truck Driver Khamkhannaga (KK Nanga) kum 46 mi chu tun thlengin a awmna chin hriat a la ni lo. Champhai Vengthar YMA hruaitute sawi danin KK Nanga hi Dulte thlen hma Km 10 vel atangin a truck chhia siam tur Mechanic ki tura kal a bova, amah hi feet 5.4 vel, ngo cher lam deuh a ni a. Tun thlengin chin hriat loh in a bo ta a ni.

    @ Robert Laltlanzova (30) Hnahlan khua, Farkawn a Supply dept. a thawk chu nimin 05.01.2014 zing atangin Farkawn ah chin hriatloh in a bo a. Niminpiah lamah khawtlang in an zawng tawh a, an la hmuh mai loh avângin vawiin ah zawn chhunzawm a ni. Nimin ah hian khaw thenawm Samthang, Vaphai, Chawngtui 'E', Khankawn, Thekpui leh Thekte ten mibo zawn hi an puih dâwn bâkah Hnahlan atang pawh in mi 30 zet chu nizan hmasa khan Farkawn an thleng tawh bawk.

PARL. SECY ZIN:

    Pu TT Zothansanga, Parliamentary Secretary chuan tun Krismas leh Kumthar inkar chho khan Hnahlan, Rabung leh Ngur ah te lawmthu sawiin a tlawh a, nimin khan a Office tur buaipui in Aizawl a pan. Pu TT-a hian a Office a luahluh hun tur tak erawh hriat a la ni lo.

ZOKHUA FANG DAWN :

    MJA Member te chuan Manipur leh Myanmar a Mizo awmna hmun tlawhin Press Tour an nei dawn a, vawiin hian Aizawl atangin Churachandpur an pan ang a, Manipur ah hian Loktak, Imphal, Moreh/Tamu an dan hnuin Myanmar an lut ang a, Mizo khaw hrang hrang an fan hnuah Halkha lamah Zokhawthar panin an lo let leh ang. Press Tour a kal tur hian Champhai District MJA atangin President Pu Lalhmingmawia Pachuau leh Gen. Secy Pu Lalhmingliana te chuan nimin khan Aizawl panin Champhai an chhuahsan tawh a ni.

TANPUINA SEM ANG :

    Zanin hian Vengthlang Branch YMA chuan january ni 1 a tanpui ngeite puala Charity Concert an buatsaiha sum tling khawmte chu Champhai Veng hrang hrang - Vengsang, Dinthar, Zion Veng leh Vengthar a chhungkaw 15 te hnenah an sem dawn.

 TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 70.45)
    Diesel : Free Sale (Rs. 53.19)
RD PUMP : (6:00 AM - 5:00 PM)
    Petrol : Free Sale (Rs. 79.21)
    Diesel : Nil (Rs. 57.65)



  
2014

Comments

Popular posts from this blog

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai

MZP TEN CHAWIMAWI : Nimin khan MZP Champhai Hqrs te chuan MZU-in Under Graduate result a tih chhuah taka Govt Champhai College atanga Top ten-a langte chawimawina hun an hmang. He hun Govt Champhai College Seminar Hall-a neih hi Lalthanfela MZP Hqrs Champhai Secretary chuan kaihhruaiin Asscociate Prof. Lalchhanhimi Khiangte, Principal Govt. Champhai College chuan khuallian niin a hmanpui a. Khuallian chuan thusawiin zirlai titha chawimawi nachang kan hre chho zel hi hmasawnna nasa tak a ni a, hetiang zirlai chawimawi tlak Govt. Champhai College-in kan nei pawh hi thil ropui tak a ni tiin an kal zelna turah duhsakna a hlan a. College zawhah hian zirna tak tak a intan chauh thu sawiin zirlai ngawr ngawr piah lamah hriatna tizau thei zawnga tan la turin fuihin zirna kawngah hian a tawp kan khar that hi a pawimawh hle a ni a ti. Govt. Champhai College chu nasa taka hma sawnin a zahpui awm tawh lo hle a ni a ti a, zirna lama hming lang thei zirlai nei turin tan a la chho mek a ni a ti ba…