9ee8f597df54c5665b0d7e28b99c2dea9baf6977 www.champhai.net Skip to main content

Posts

Showing posts from March, 2014

VANGPUI DAY PUALIN THISEN PE

VANGPUI DAY PUALIN THISEN PE :
New Champhai chuan Vangpui an
lawmna tur pualin damlo mamawhten a thlawna an hman turin Inrinni khan New Champhai-ah thisen an pe.
New Champhai khawtlangin Vangpui an lawmna tur pualin, damlo mamawhtuten a thlawna thisen an dawn theihna turin New Champhai MHIP Branch bultumin Corner Stone School-ah thisen hi pek a niin, District
Hospital atangin Blood Bank Officer Dr. R. Vanlalchhuangi leh Technician-ten an kal chilh a.
Thisen petute hi mipa 21 leh hmeichhia 7 niin, thisen Unit 28 an pe a ni. New Champhai khawtlangin October 31 leh November 1, 2019 a Vangpui a lawmna turah khawtlang tana tang kai thawkin, Zirtawpni khan mi 500 chuang thawk chhuakten Veng chhung thenfai hnatlang an nei a. Ni hnih-awh Vangpui lawmna atan hian veng chhung mi tlawmngai ten Bawng 2 leh Vawk 1 an thawh bakah sumfai Rs 2,00,000 chuang an thawh khawm bawk a. Intih hlimna chi hrang hrang leh ruainen ropui taka hun hman an tum a ni.

Champhai Tualchhung

ni 31.3.2014 (thawhtanni)

MCPA SUB-HQRS. CHAMPHAI ASSEMBLY :    Zirtawpni chawhma khan Kahrawt YMA Hall ah Mizoram Vicel Pensioners Assn. Sub-Hqrs. Champhai chuan General Body Meeting vawi 10-na an hmang a, he hun hi lalhmingmawia Pachuau, MJA President chuan khuallian niin a hmanpui.
    He hunah hi K. Vanlalzuata President MCPA Sub-Hqrs. Champhai chuan a kaihruaiin tlaiah kum 2014-2016 hruaitu thlanna neih a ni a. President atan K. Vanlalzuata, Kahrawt Vice Pre : C. Keikhuma, Vengthlang; Treasurer atan Lalbiaktluanga, Vengthlang te thlan an ni.
BEST ATHLETE ROPUI TAKIN HMUAK :    Inrinni tlai lam khan Mizoram Athletics Competition Vawi 25 na leh Mizoram Junior Athletics Competition Vawi 13-na Best Athlete leh Mizoram Record Vawi 4 lai siamtu Lalbiakhlui chuan Champhai a lo thleng a, Lalbiakhlui lo hmuahna hun Champhai District Athletics Assn. buatsaihin Vengthlang YMA Runah neih a ni.
    Lalbiakhlui hian Mizoram Athletics Meet neih zawh takah Medal 11 a la a, Junior intihsiaknaah metre…

Champhai Tualchhung

ni 28.3.2014 (zirtawpni)
LARSAP -IN CHAMPHAI CHHUAHSAN :    Nimin chawhma lam khan Mizoram Larsap Pu Vakkom Purushothaman chuan Shelter Home a tlawh hnuah Aizawl panin a kir leh Zan hnih riaka Champhaia rawt tlawhtu Mizoram Larsap Pu Vakkom Purushothaman chuan vawin chawhma lam khan Shelter Home a tlawha, harsatna an tawh mekte lo sawi puiin Larsap chuan heng an harsatna lo thlen te hi tih hlawhtlinsak thei tura theihtawp chhuahsak a tum thu a sawi.
     Mizoram Larsap Pu Vakkom Purushothaman chuan nimin chawhma dar 11:00 khan Aizawl panin a kir leh a ni. Mizoram larsap hian Champhai a cham chhung hian Zokhawthar, Tlangsam Winery, genesaret Home leh shelter Home-te a tlawh a, Champhai khuain hmaansawn zel theihnana a theih ang anga hmalak a tum thu Larsap hian a sawi a ni.

INTHLAN INBUATSAIHNA NEI MEK :    Nimin chawhma dar 11 khan PS-II ah Lok Sabha inthlan lo awm tura Presiding Officer te training pek an ni He hunah hian Duties & Responsibilities Of Polling Party leh SMS Based Mon…

Champhai Tualchhung

ni 22.3.2014 (inrinni)
AMKA CHAMPHAI DIST. TEN KUM 14 TLIN LAWM :    Nimin chawhnu dar 3 khan Champhai Tourist Lodge Conference Hall ah AMKA Champhai District kum 14 tlin lawmna leh National Level Medal lak lawmna hun hman a ni a, he hun hi Champhai District Bawrhsap Pu Sangdingliana IAS chuan khuallian niin a hmanpui
    He hun Pu Lucas Thangmangliana kaihhruaiah hian Khuallian Champhai District Bawrhsap Pu Sangdingliana IAS chuan thusawiin, kum 14 chhunga an hmasawnna hrang hrang chu lawmawm a tih thu a sawi a, player te chu chhuanawm a tih thu sawiin, Instructor leh AMKA Champhai District hruaitute inpekna leh thawhrimna chu a fakawm thu a sawi. Hei bakah hian Champhai DC chuan, AMKA Champhai District chu an kal zelna turah duhsakna hlanin, tanpui an ngaih hun apianga tanpui a inhuam thu a sawi a, hruaitute chu inthlahrung lova an harsatna neih ang te a hnena sawi hrehlo turin a chah a, National Level a hetiang zat medal an la thei chu lawmawm a tih thu sawiin, duhsakna a hlan a ni
  …

Champhai Tualchhung

ni 8.3.2014 (inrinni)

CHAPCHAR KUT HMANG :    Nimin khan Champhai ah Chapchar Kut ropui leh hlimawm tak hman a ni a. He hunah han YMA Branch hrang hrangten Mizo hnam lam leh Mizo hnamze phochhuak thei thil hmuhnawm takin an entir a. MHIP leh MUP ten hlado leh tlangtlir bakah Mizo hnam nunphung lantir thei tur hmuhnawm tak tak an entir bawk. He hunah hian Champhai bakah District chhunga YMA Branch thenkhat ten Mizo hnam lam leh zai te an entir bawk a. MHIP Sub-Hqrs. Champhai chuan Miss Chapchar Kut thlangin, Miss atan hian Zoremmawii Bethel an thlan bawk. Mipui lam pawhin ke Kut hi an hlut hle.
KARATE PLAYER TE LO HMUAK :    YMCA Nandanam, Chennai a thla hlui Feb. ni 22-23 chhunga 8th National Karate & Kabudo Championship 2014 neih zawh taka Mizoram aiawha kal AMKA Champhai District player te chuan nimin tlai khan Champhai lo thlengin anmahni lo hmuahna hun hi Vengthlang YMA Run ah District Sports Committee kaihhruai in neih a ni.
    Tarlan tawh angin India ram pum huap Karate inelna…