Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Champhai Tualchhung

ni 28.3.2014 (zirtawpni)


LARSAP -IN CHAMPHAI CHHUAHSAN :

    Nimin chawhma lam khan Mizoram Larsap Pu Vakkom Purushothaman chuan Shelter Home a tlawh hnuah Aizawl panin a kir leh Zan hnih riaka Champhaia rawt tlawhtu Mizoram Larsap Pu Vakkom Purushothaman chuan vawin chawhma lam khan Shelter Home a tlawha, harsatna an tawh mekte lo sawi puiin Larsap chuan heng an harsatna lo thlen te hi tih hlawhtlinsak thei tura theihtawp chhuahsak a tum thu a sawi.
     Mizoram Larsap Pu Vakkom Purushothaman chuan nimin chawhma dar 11:00 khan Aizawl panin a kir leh a ni. Mizoram larsap hian Champhai a cham chhung hian Zokhawthar, Tlangsam Winery, genesaret Home leh shelter Home-te a tlawh a, Champhai khuain hmaansawn zel theihnana a theih ang anga hmalak a tum thu Larsap hian a sawi a ni.

INTHLAN INBUATSAIHNA NEI MEK :

    Nimin chawhma dar 11 khan PS-II ah Lok Sabha inthlan lo awm tura Presiding Officer te training pek an ni He hunah hian Duties & Responsibilities Of Polling Party leh SMS Based Monitoring Communication Plan tih chu Pu Benjamin Lalzama leh K. Lalngaihzuala, AE. NIC ten an zirtir a, Postal Ballot chungchanga hriattur pawimawh te Pi V. Lalmuanpuii SDC chuan zirtir bawkin, Form pawimawh chi hrang hrangte chu Pu ZOremthara Ralte BDO leh Rochuangkimi Khenglawt SDC ten an zirtir bawk. Nimin training hi hmun thumah then a ni a, session 4 athen niinm Presiding Officer te an kal tha hle

PLAYER SELECTION :

    Vawiin hian New Champhai Field ah thla thara Champhai in a thlen tur MFA Cup-a Champhai District aiawh tur player selection neih a ni dawn a, player trial nei duhte vawiin chawhm dar 11 hian kim tur a ni ang tih thu kan dawng.

FINAL KHEL DAWN :

    Champhai Dist.  Tennis Assn. buatsaih New Champhai a Tennis Tournament neih mek chu tukin hian Semi Final khel zovin, chawhnu lamah final khelh a ni ang a; hemi hnu hian zawhfel a ni tawh ang.

LAWI 16 THI :

    Tiau leh Tuithoh dunga tunlai hian Lawi thi 16 vel a awm nia thudawn a ni a. Heng lawi thi te hi seng hawi loh a nih avangin a bulhnaia kal pawh a hrehawm thu kan thudawnna chuan a sawi.

TUIALHTHEI DINHMUN :

MIZOFED : (6:00 AM - 7:00 PM)
    Petrol : Tanky Full (Rs. 72.41)
    Diesel : Tanky Full (Rs. 54.88) 


ni 27.3.2014 (ningani)



LARSAP IN ZOKHAWTHAR LEH WINERY TLAWH :

    Nimin khan zan hnih riaka Champhai a lo zin Mizoram Larsap Vakkom Purushothaman chuan Zokhawthar leh Tlangsam Winery a tlawh.
    Zokhawthar ah hian Zokhawthar VC ten Mizoram Larsap hi lo dawngsangin, Zokhawthar Tourist Lodge ah inkawmhona hun an hmang a. Zokhawthar khawtlang hruaitute chuan an khuaah damdawi in changtlung tak a awm theih nan leh inbiakpawhna tha zawk a awm theih nana hma laksak turin Mizoram Larsap hi an lo ngen a, Mizoram Larsap chuan theihtawp chhuaha Mizoram sawrkar hnena hmalakpui a tum thu a hrilh. He hunahhian Zokhawthar VCP Khuahluma chuan hetiang khaw kilkhawr, khaw pawimawh tak ni bawk a rawn tlawh chu lawmawm a tih thu sawiin Zokhawthar hmasawnna  intanna a nih a beisei thu a sawi a, ngaihhruaina thilpek a hlan a ni.
    Mizoram Larsap hian nimin tlai lam dar 3:30 khan Tlangsam Winery tlawh lehin Winery Concern Dept. Excise, Horticulture Dept. leh Champhai Grape Growers Society ten an lo dawng sawng a. Champhai Grape Growers Society chuan kut hnathawktuten rim taka an thawhchhuah, mantlawm taka hralh a ngai chu pawi a tih thu sawiin, an harsatna chi hrang hrangte chu sutkian a nih theih nan theihtawpa hmalak a tum thu a sawi.
    Mizoram Larsap hian vawiin chawhm dar 10 hian Shelter Home a tlawh ang a, Aizawl panin a liam thal zui nghal tawh dawn a ni.

CHANA LEH ANTAM CHI KUTHNATHAWK TUTE HNENAH SEM CHHUAK :

    Champhai Agriculture Dept. chuan tunhnai khan Motor Chana Qtls. 126 leh Antam chi Qtls. 5 kuthnathawktute hnenah an semchhuak.
    Heng thlai chite hi Luangdar leh Phaizau ah a hlawma semchhuah a ni a, tunah hian kuthnathawktuten ching tawhin, Motor Channa hi chu hlawhtling takin an ching mek a. An tam erawh chu a chi a danglam deuh avangin beisei a phakloh tur thu DAO Lalthanzuala chuan a sawi a. Hei bakah hian Thekpui khua chu Agriculture Model Village a siam tuma hmalak mek a nih thu pawh sawiin, tunah hian chak taka hmalak mek a ni, a ti a; Ti lakna leh lei leh hna pawh nasa taka thawh mek a ni, a ti.
    Zawhna chhangin DAO chuan, loneituten hlawk zawka thlai an chin theihna tura hmalak zel a ni tih a sawi a, Tractor hman man to lutuk leh loneitute hlawkna dal thei apiangah hma an lak tur thu a sawi a; loneitu harsatna neite tan zawhfiah theiha an inhawn reng thu pawh a sawi tel bawk.

ELECTION TRAINING :

    Kumin Lok Sabha inthlanpui neih tura Polling Official te tan Champhai ah training buatsaih a ni dawn a. Vawiin leh  2.4.2014 ah Presiding Officer te tan Govt. PS II Vengthlangah neih a ni ang a; naktuk leh ni 3.4.2014 ah Asst. Presiding Officer te tan a hmun ngaiah bawk hian neih a ni ang. Polling Officer te tan ni 4.4.2014 ah Venglai Community Hall ah neih a ni bawk ang.

TLANGVAL CHHUANAWM :

    NEEPCO Company chuan Ritchawichhak TBC Lalchhanhima s/o TBC Lallianzuala, Ruantlang chu Mizoram a Infiammi tha berah a thlang.
    NEEPCO Company hian niminpiah khan lawmman an hlan a, he lawmman hian sumfai Rs. 1,00,000 a keng tel a ni. NEEPCO Company hian Mizoram mipa infiammi tha berah TBC Lalchhanhima hi thlangin hmeichhia ah Lalenkawli Lawngtlai Boxer chu thlan a ni bawk a. International Level ah Gold 2 leh Bronze 3 a la tawh a ni. TBC a hian nikum November thla khan Malaysia a Commonwealth Championship ah India ram tan Weightlifting ah Gold a la a, August thla a Youth Olympic lo awm turah India ram aia awh leh dawn a ni.
    Romuanpuii Zadeng, Literature & Writer Education Department Khawzawl hnenah pawh he chawimawina hi hlan a ni bawk.

PARL. SECY IN TLAWH :

    Nimin chawhnu lam khan Hmingdailova Khiangte, Parliamentary Secretary, S&YS, etc. chuan Zotlanga Stadium changtlung tak sakna hmun tur chu a hmunah kalin a en a, District Sports Comtt. hruaitu ten he hunah hian an tawiawm a ni.

VAWIIN DOCTOR DUTY TURTE :

    Vawiin Champhai District Hospital Doctor te Duty dan tur -
    OP ah Dr. C. Vanlalhlua Surgeon; Dr. Zodinthara Medical Officer; Dr. Lalbiaktluangi, Eye Specialist leh Dr. Thangsailova Colney Dental Specialist te an thu ang. Dr. B. Lalduhawma Gynaecologist chu OT ah a thu ang a, Dr. LT Lawta Medical Officer chu Ultra Sound lamah a thu bawk ang.

 TUIALHTHEI DINHMUN :

MIZOFED : (6:00 AM - 7:00 PM)
    Petrol : Tanky Full (Rs. 72.41)
    Diesel : Tanky Full (Rs. 54.88)


ni 26.3.2014 (nilaini)



GOVERNOR CHAMPHAI LO THLENG :

    Nimin chawhma dar 11:00 khan Mizoram Governor Pu Vakkom Purushothaman chuan Champhai a thleng a, a lawmna leh hmuahna Champhai Circuit House tualah neih a ni.
    Larsap Pu Vakkom Purushothaman chu thu sawiin, Champhai DC, SP, NGO, Official leh amah hmuak tura kalkhawm te chibai bukin, tun aia hmaa Champhai-ah a kal thei lo chu mipui hriatthiamna dilin, tunah hian Mizoram District dang zawng zawng chu a tlawh chhuak vek tawh a, Champhai chu a tlawh hnuhnun ber a ni, a ti a. Champhai khua chu Mizoram mai nilovin India ram tan khaw pawimawh tak  anih thu sawiin, tuna an mamawh ber pakhat National Highway chungchang pawh sorkar official te sawipui a tum thu a sawi a ni. Mizoram hi Pathian nung awmna ram a ni a, chuvang chuan Pathian malsawmna pawh an thil tih na kawng tinrengah an dawng a ni a ti. A bikin tun Santosh Trophy-a Mizoram Team te India ram champion an ni chu a chuan thu a sawi a, Mizoram hi a awmna ram Kerela State tih lovah chuan Literacy-ah a sang ber an ni a, lehkhathiam an pung zel a, Sorkarin hna a pe seng bawk si lova, chuvang chuan tuna Mizoram tana pawimawh ber chu Industry lam ngaihtuah a nih thu sawiin, tun dinhmunah rih chuan Industry lian din ngaihna a la awm lova, a la tih theih awm chhun chu Handloom leh Handicraft bak a la ni rih lova. Chuvang chuan a bikin zirlaite chuan an zirna an zawh hnuah Kerela rama an tih angin India ram leh Khawvel hmundangah hna zawng tura inzarpharh a pawimawh a ni a ti.
    India ram hi Khawvel Democracy ram lian ber niin, mirethei ber leh mihnuaihnung ber pawhin dinhmun sang ber a chelh theih thu Mizoram Larsap chuan sawiin, chung zingah chuan India ram President 10-na K.R. Narayanan pawh hnam hnuaihnung leh mirethei chhungkua atanga rawn chawrchhuak a ni a. Dinhmun pawimawh hrang hrang India President nihna thleng a chelh theih thu a sawi a, a bikin zirlai kalkhawmte chu thawhrimna nen thil an ti a nih chuan an duh apiang anni thei a ni a ti bawk. Tun tumah hian Champhai khaw harsatna engemawber chu official te nen an sawi anga, sutkian sak a tum thu a sawi bawk a ni.
    Larsap hmuahna inkhawmah hian Pu Sangdingliana IAS, District Bawrhsap chuan lawman thu  sawiin, Champhai khua in thil ropui tak lo hlan tur neilo mahse, an nihna ang anga mipuiin an lo lawm thu sawiin, Champhai khua chu Indo-Myanmar Border a awm a ni a, a khua hi tlangram leh lui ten a hual vel leh sik leh sa boruak nuam tak a ni a, chuvang chuan Governor chu Chaphaia a cham chhunga nuam taka hun hmang turin duhsakna a hlan a ni.
    Pu K. Lalmawia, Chairman, Champhai Joint VC pawhin Larsap lawman leh thusawina hun neiin, hetiang ang hun chep tak kara Governor in Champhai a tlawh chu a lawmawm bakah a thlamuanthlak a ni a ti a. Champhai khua hi India ram tan kulh pawimawh tak leh ral hmatawng a ni a, chutih rualin India ram hmel lanna pakhat a nih avangin, Sorkar hian National Highway leh Border Trade changtlung zawk siam tura a duh thu leh, Mizo hnam thil hlu tun thlenga Champhai khua in a la neih chu vawngim tura a duh thu leh, ramri a awm a nih avangin venhimna lamah tun aia famkim zawka Champhai chu thuam a ngaihthu te Larsap hnenah hian a thlen bawk a ni. Champhai khaw boruak chu Larsap pawhin nuam a tih ve ngei a beisei thu sawiin a kal zelna torah duhsakna leh damreina a hlan bawk a ni.
    Nimina Larsap lawmnaa Special Item neitu - Sub-Hqrs YMA Champhai, Sub-Hqrs MHIP Champhai te leh MZI Champhai Hqrs. te chu Larsap hian lawmnan thilpek tangkafai a hlan theuh a ni.
Governor Pu Vakkom Purushothaman hian Champhai-a zanhnih hun a hman chhungin NGO te, Department Head te leh chanchinbumite a kawm bakah vawiin lamah Zokhawthar, Tlangsam Winery leh Hnuchham In te a tlawh dawn bawk a ni.

CLUB DIN DAWN :

    Mipa naupang kum 14 - 19 inkar tan Sports Deptt. Football Club, Champhai ah din tum a ni a, thla thar April ni 2-3 chawhnu dar 1 atangin New Champhai Field-ah Selection neih a ni dawn a, naupang a duh apiang tan tel theih a ni tih thu kan dawng.

SIALHAWK CHAK BER :

    Tuichangral Football Tournament, Biate a neih mek chu nimin khan Final khela zawhfel a ni ta. Final ah hian Sialhawk chuan Tlangpui chu 3-1 a hnehin an Champion a, a kharna hunah hian CDFA President Pu Hualrikhuma chu khuallian niin CDFA OB leh Zone hruaitu ten an tawiawm a ni.

TUIALHTHEI DINHMUN :

MIZOFED : (6:00 AM - 7:00 PM)
    Petrol : Tanky Full (Rs. 72.41)
    Diesel : Tanky Full (Rs. 54.88)


ni 25.3.2014 (thawhlehni)



CHAMPHAI AH WORLD TB DAY HMANG :

    Nimin Champhai District Hospital Eye Ward ah World TB Day hman a ni.
    He hun hi Dr. C. Zirliana CMO Champhai chuan kaihruaiin, khuallian Sangdingliana IAS, Champhai District Bawrsap chuan thusawiin, TB avang hian mi ropui leh chhuanawm tak takten nunna an lo chan tawh a, hetianga natna tihbaiawm tak venna leh kan ram atanga tihbo a nih theihna tura Dept. hmalakna chu fakawm a tih thu a sawi a. Damdawi reng reng, a nih dan tur ang taka ei hi dam hmana leh dam hlenna a ni tih sawiin course la zo ngei ngei turin TB vei mekte chu a chah bawk a ni.
    He hunah hian Pu Lalhluta, Chuap TB vei dam tawh pawhin thu sawiin, a thawktute chu dakawm a tih thu sawiin, mipuiten a nih dan tur ang taka damdawi ei hi kan bat a ni tih a sawi a. Natna tihbaiawm leh tihdamtheihloh ang hiala an sawi TB hi damdawi tha taka ei chuan thla 6 chhungin a dampui theih a ni, a ti a, thuawihna avanga dam a nih thu a sawi bawk.
    He hunah hian Dr. R. Lianmawia, District TB Officer chuan Revised National TB Control Programme report a pe a, he programme ah hian damlo in damdawi a nghei thiang lova, damdawi an mamawh ang an hmu ngei ngei tur a ni tih a sawi a. Damlo zawng zawng 85% ten damna an chang tur a ni a, an damlo a nih chuan he programme hi a fail a ni, a ti. RNTCP hi kum 2008 atanga Champhai District a kalpui a nih tih sawiin, damlo 1543 an enkawl zingah mi 1300 ten damna an chan tawh thu leh, kum 2014 atang chuan damlo an en zawng zawng za a 90 ten an dampui a beisei thu a sawi bawk.

TENNIS TOURNAMENT KHEL TAN TA :

    Nimin chawhnu lam khan Champhai District Tennis Association buatsaihin C. Thangbuta Memorial Tennis Tournament chu Champhai Tennis Court, New Champhai ah CC Lalchuangkima, DRDA Project Director chuan a hawng.
    Hawnna inkhawm Chalzama, Champhai District Tennis Assn. President kaihhruaiah hian thu sawiin khuallian chuan Champhai District chu Mizoram a player nei tha ber an ni thu a sawi a, nu leh paten fate tawiawm that a tul tih sawiin chhungkua tanrual a tul thu te, Infiamna chu thian siamna tha tak a ni tih a sawi bawk.

KHAWBUNG KTP JUBILEE LAWM :

    Khawbung Branch KTP chuan a dincham kum 60 Diamond Jubilee chu Pathianni zan khan an khar. He hun hi Central KTP atangin K. Lalramnghaka leh Samuel Laldingliana ten an hmanpui.

GOVERNOR CHAMPHAI AH :

    Vawiin hian zanhnih riaka Champhai rawn tlawh tur Mizoram Governor Vakkom Purushothaman chuan Champhai a rawn thelng dawn.
   

CTP OB MEETING :

    Nimina Champhai Thalai pawl OB Meeting chuan KTP General Conference 2016, Champhai in a thlen tur denchhenin Mizoram Sawrkarah khawchhung kawng siamna tur dil nise. District Vigilance & Monitoring Committee ah Champhai District chhunga MLA ten tun aia ngai pawimawh tura ngen nise, an ti.

SEM DAWN :

    AMFU Champhai chuan vawiin atang hian an Office CHANEM building ah an member te hnenah Vaimim leh Bean chi tha an sem dawn a, a la tur ten AMFU Br. President leh Secretary te hriatpuina lehkha keng turin an ngen.

WORKERS MEET :

    Vawiin chawhma dar 10:30 atang hian Champhai South Block Congress huathawtin Venglai Community Hall ah MP inthlan neih tur atana inbuatsaihna atan Workers Meet neih a ni dawn a. He hun hmanpui tur hian MPCC Secretary Lalhmingliana leh hruaitu dangte an lokal .

TUIALHTHEI DINHMUN :

MIZOFED : (6:00 AM - 7:00 PM)
    Petrol : Tanky Full (Rs. 72.41)
    Diesel : Tanky Full (Rs. 54.88)  



ni 24.3.2014 (thawhtanni)



CHAMPHAI BOXER TE LO HMUAK :

    Mizoram Inter District Boxing Championship Zirtawpni a zawh taka Junior Division a Champion Sub Junior a 1st runner up leh Senior Women a 1st runner up ni bawk Champhai Team te chuan Inrinni khan Champhai lo thlengin Vengthlang YMA Runah District Sport Committee leh CHADBA buatsaihin lo hmuah an ni.
    He inelna neih zawh tkah hian Champhai hi an che tha hle a. Gold Medal 11, Silver 2 leh Bronze 4 an rawn hawn a. Anmahni lo hmuahna hunah hian Boxer nu leh pate pawh an tel tha hle.

EXPO HAWNG :

    Inrinni tlai lam khan Chhura Hmuna International Trade Expo buatsaih mek chu Champhai Addl. DC Zoengsanga chuan khuallian niin a hawng.
    Addl. DC chuan Champhai hmuna hetiang Expo buatsaih a ni chu a lawmawm tih thu sawiin Champhai District mipuiten helai hmuna an thil phochhuah  te lei mai piah lamah he Expo hi tangkai taka kan chhawr theih nan mipuiten ngaihtuahna seng turin a chah a. A buatsaihtute chu Champhai District chhunga miten an hlawkpui zawk theih nan an thil dehchhuahte pholang ve thei tur leh Myanmar lamah pawh buatsaih theiha Mizoram atanga kan thil dehchhuahte phochhuah a nih theih nan hmala turin a duh tih a sawi. Expo buatsaihtute chuan Champhai mite pawh an thil dehchhuah pho tura an sawm thu sawiin, Myanmar lamah pawh hetian ghi buatsaih a nih theih nan hmalak an tum tih an sawi bawk.
    He Expo neih mekah hian India ram hmun hrang hrang bakah South Africa, Pakistan leh Thailand lam atangin an thil dehchhuah hrang hrangte lei theihin an phochhuak a ni.

 TUIALHTHEI DINHMUN :

MIZOFED : (6:00 AM - 7:00 PM)
    Petrol : Tanky Full (Rs. 72.41)
    Diesel : Tanky Full (Rs. 54.88)

champhai tualchhung chanchin 

Comments

Popular posts from this blog

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Champhai

MZP TEN CHAWIMAWI : Nimin khan MZP Champhai Hqrs te chuan MZU-in Under Graduate result a tih chhuah taka Govt Champhai College atanga Top ten-a langte chawimawina hun an hmang. He hun Govt Champhai College Seminar Hall-a neih hi Lalthanfela MZP Hqrs Champhai Secretary chuan kaihhruaiin Asscociate Prof. Lalchhanhimi Khiangte, Principal Govt. Champhai College chuan khuallian niin a hmanpui a. Khuallian chuan thusawiin zirlai titha chawimawi nachang kan hre chho zel hi hmasawnna nasa tak a ni a, hetiang zirlai chawimawi tlak Govt. Champhai College-in kan nei pawh hi thil ropui tak a ni tiin an kal zelna turah duhsakna a hlan a. College zawhah hian zirna tak tak a intan chauh thu sawiin zirlai ngawr ngawr piah lamah hriatna tizau thei zawnga tan la turin fuihin zirna kawngah hian a tawp kan khar that hi a pawimawh hle a ni a ti. Govt. Champhai College chu nasa taka hma sawnin a zahpui awm tawh lo hle a ni a ti a, zirna lama hming lang thei zirlai nei turin tan a la chho mek a ni a ti ba…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…