Skip to main content

SAWRKAR UISA THIAMTEN NIHNIH CHHUNGIN RUIHHLO NUAI 7 MAN

SAWRKAR UISA THIAMTEN NIHNIH CHHUNGIN RUIHHLO NUAI 7 MAN : Champhai Police-te chuan nihnih chhung lekin Champhai Town huam chhungah Ruihhlo Cheng Nuai 7 man zet an man. Champhai Police hotute hnen atanga thu dawn danin, Police leh CID (SB) tangkawpte chuan nimin-zing khan New Champhai-ah rinhlelh thila an dapna lamah Lalthluaii kum 48, Kaphnawka fanu, Aizawl Bawngkawn ni a inchhal hnen atangin Heroin Hawng 6 (Gram 176) an man a. Champhai Police Station-ah ruihhlo neitu a puh hi ND&PS Act tlawh chhanin thubuai an siam sak a ni. Ruihhlo leh a neitu a puh hi nimin khan District Court-a hruai a nih hnuah Champhai District Jail-ah dahluh nghal a ni a. Ruihhlo (Heroin) man tak hlut zawng hi tualchhung hralhna a chhutin Cheng Nuai 3 (Rs. 300000) man a ni  Nimin chawhma khan Police Petrolling chuan Springdale School piah, Zotlangah Zokhawthar atanga Champhai pana tlan, Taxi MZ04 4049 atangin heroin Hawng 3, Gram 42, tualchhung hralhnaa chhutin Cheng 1,50,000 man chu an man a, a neitu ni-a…

Champhai Tualchhung

ni 31.3.2014 (thawhtanni)



MCPA SUB-HQRS. CHAMPHAI ASSEMBLY :

    Zirtawpni chawhma khan Kahrawt YMA Hall ah Mizoram Vicel Pensioners Assn. Sub-Hqrs. Champhai chuan General Body Meeting vawi 10-na an hmang a, he hun hi lalhmingmawia Pachuau, MJA President chuan khuallian niin a hmanpui.
    He hunah hi K. Vanlalzuata President MCPA Sub-Hqrs. Champhai chuan a kaihruaiin tlaiah kum 2014-2016 hruaitu thlanna neih a ni a. President atan K. Vanlalzuata, Kahrawt Vice Pre : C. Keikhuma, Vengthlang; Treasurer atan Lalbiaktluanga, Vengthlang te thlan an ni.

BEST ATHLETE ROPUI TAKIN HMUAK :

    Inrinni tlai lam khan Mizoram Athletics Competition Vawi 25 na leh Mizoram Junior Athletics Competition Vawi 13-na Best Athlete leh Mizoram Record Vawi 4 lai siamtu Lalbiakhlui chuan Champhai a lo thleng a, Lalbiakhlui lo hmuahna hun Champhai District Athletics Assn. buatsaihin Vengthlang YMA Runah neih a ni.
    Lalbiakhlui hian Mizoram Athletics Meet neih zawh takah Medal 11 a la a, Junior intihsiaknaah metres 100, 200 leh metres 400 inthlansiak ah leh Triple Jump ah te Gold a la a, Long Jump ah Broze medal a la bawk. Metres 100 leh 200 intlansiakah hian Mizoram Record thar a siam bawk a ni. Lalbialhlui hi Open ah leh Junior ah Best Athlete atan thlan kawp ve ve a ni bawk. Mizoram Athletics Meet ah hian Champhai District Athletics Association chuan infiammi 14 tir chhuakin Gold 13, Silver 10 leh Bronze 13 a vaiin medal 36 an rawn hawn a. Lalbiakhlui hi Hmunhmeltha chuan khawtlang huapa ropui takin an lo hmuak.

KEIFANGTLANGAH LIRTHEI LIAN KAL KHAP :

    Champhai District Bawrhsap Sangdingliana IAS, Champhai District Magistrate ni bawk chuan Govt. Complex kawngpui siam mekah thuchhuah a siam. Champhai DC chuan mihringte himna tur leh kawngpui a lo tlo zawk theihna turin tun a chinah Govt. Complex, Keifang Tlang area chhung kawngpui Falkawn leh Chehrepkawn inkar tlangdung kawng chhoah Tata Ace, 207, Pick Up, Motor Lian leh LPK bakah a aia lian motor reng reng kaltlang khap a ni a, heng motor hi Keifangtlang Govt. Complex pawn lama vantlang kawngpui pangngai Truckable Road a kal zawk tura beisei leh hriattir an ni tiin thuchhuah a siam.

MELBUK-AH BUNGRAW CHUH HMAN LOIN IN KANG :

    Nimin chawhnu lam atanga Zokhawthar panna kawng Melbuk leh Authangkhawk inkar ah kangmei a chhuak a, kangmei avang hian Melbuka a Lallianthanga In, Assam Type chu engmah chuh hman lovin akangral.
    Thusawnna sawi danin, kangmei tichhuaktu hi Zokhawthar atanga Bike a chuang Champhai pana kal nia hriat a ni.

TUIAH TLA HLUM :

    Champhai a Expo chhima kal mek hnamdang pakhat Pune a mi chu Rihdil ah a tla hlum a, a ruang hi chhar ni tawhin, vawiin khan postmortem niin an khaw lam panpui nghal a ni.

 TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 72.41)
    Diesel : Tanky Full (Rs. 54.88)


champhai tualchhung chanchin 

Comments