Skip to main content

Champhai - Tualchhung Chanchinthar ni 25.5.2018 (zirtawpni)

CHAMPHAI THALAI PAWLTE THUKHAWM :
Nimin chawhnu dar 3 khan Champhai Thalai Pawl ten Kahrawt YMA Hall-ah an thukhawm.
He thukhawmah hian Champhai Thalai Pawl hmalak dan turte ngaihtuahin hun remchang hmasa berah Champhai khawchhung Office hrang hrangte tlawh kuala an harsatna te zawh pahin thawhpuiah sawm nise, hemi pah hian mipuite tana Office hunchhung vawng dik hram hram tura ngen nghal nise an ti a. Champhai-a Political Party hrang hrangte hnenah thuneih sang (Hqrs.) nei tura ngen nise an ti bawk. 
Tin, Champhai Nature Conservancy te hmalakna Project Tlaizawng leh Champhai Zawl humhalh kawngah Champhai Thalai Pawl chuan a thlawpin hlawhtling ngei turin duhsakna a hlan a ni.

MAXI CAB NEITUTE LEH ZOKHAWTHAR INREM :
Champhai leh Zokhawthar Sumo chuan man chungchanga hun rei tak chhung Zokhawthar khawtlang leh Champhai to Zokhawthar Maxi Cab Service pawl pahnihte an inrem theih loh hnuah nimin zing khan inremna an siam fel ta.
Nimin zing khan Zokhawthar YMA Hall-ah Zokhawthar NGO hruaitute l…

Champhai Tualchhung

ni 7.3.2013 (zirtawpni)



CHAMPHAI DISTRICT MJA CONFERENCE :

    Nimin khan Mizoram Journalist Assn. Champhai District chuan 26 Annual Conference Champhai Press Club ah an hmang
    MJA Conference hi Session thuma then a ni a, Session 1na hi Pu ZD Dengliana Vice President chuan kaihhruaiin Pu Lalhmingmawia Pachuau President chuan thusawiin, MJA Champhai District-a a thawhpui zawng zawngte an thawhrimna leh an inlungrualna ah lawmthu a sawi a, MJA Champhai District mawina leh changtlun zelna kawngah mawhphurtu an nihna te hrethar a, chhawm nung zel turin kalkhawm te a sawm a, tunhma lam atanga he pawlin kalhung alo neih tawh angin mimal ngaihdan leh duhdan ni lovin, thawkho an nihna anga inrawn tlang zel turin a chah bawk a ni. President chuan, memberte karah thawhhona tha chhunzawm an chhunzawm zel anih chuan, he pawl zahawmna hi humhim a ni anga, a ngelnghet deuh deuh dawn a ni tih a sawi bawk. Pu Lalhmingmawia Pachuau chuan, Khawvel inlumlet chak tak karah Journalist te chu tunlai khawvel changkang zel leh chin dan thar bakah thil thar tam tak lo chhuak ah hian thangtharte leh rual u zawkte inkara Generation Gap lo awm thin siamrem zung zung thei turin mahni kan inzir zel tur a ni a ti, Journalist te chuan an tih tur leh tihloh turte, taimak a tul ziate bakah hun hltu zia leh hman tangkai a tul zia an hriat thar a pawimawh hle a ni a ti. Hei bakah hian President Pu Lalhmingmawia Pachuau chuan, OB te leh member zawng zawngten tha taka an tawiawm avangin lawmthu a sawi bawk ani. Session khatna ah hian General Secretary leh Fin. Secy hnen atangin Report ngaihthlak a ni a, Sitting Allowances sem a ni bawk.
    2nd Session hi Pu Lalhmingmawia Pachuau President chuan kaihruaiin, Rorel a ni a, Rorel ah hian Kum 2014 chhunga Champhai District MJA Holiday atan kum danga an kalphung pangngai an pawm a, hei bakah hian MJA Member nih diltu mi 2 te chu Gen. Hqrs lamah recommend nise an tih bakah Sitting Allowance te an ennawn bawk a ni.
    Rorel ah hian Resolution 2, Mizoram District hrang hrangte zingah Tele Communication lama hnufual ber kan ni reng hi pawi kan ti a, hemi avanga Mobile Phone leh Internet Signal mumallo fo hian mipuite harsatna a thlen nasa tawh hle a, Champhai District mipui ten BSNL Service tha zawk kan neih theih nan PGCIL Tower hmangin OFC a rang mala min thlunsak turin kan ngen a ni tih leh
    Central Sorkarin Look East Policy a kalpui hi lawmawm kan ti a, he policy ang hian Mizoram khawchhak lam hawia Hmasawnna han chak zawka kalpui tur leh a bik takin National Highway min siam sak turte, Zokhawthar kaltalnga Indo-Myanmar Border Trade puitlinna tura hmabak la awm apiangte min tih puitlinsak thuai turin Mizoram Sorkar an ngen a ni tih te Resolution an passed takah chuan an tarlang.
    3rd Session ah Kum 2014-2016 chhunga MJA Champhai District hruaitu turte Pu C. Lalremsiama SDHO kahhruaina hnuaiah thlan nghal a ni a, President ah Pu Lalhmingmawia Pachuau, Vice President ah ZD Dengliana leh Treasurer ah Pu C Lalhnunpui a te thlantlin an ni a, hei bakah hian Executive member atan DK Lalhruaitluanga, R. Lalfakawma, Lucas Thangmangliana, Lalhmingliana leh C. Lalrinsanga te thlantlin an ni bawk a ni

ADHOC ZIRTIRTUTE TAN TRAINING :

    Nimin chawhma dar 10 khan I&PR Auditorium CHANEM Building ah Champhai District chhunga Adhoc Aided H/S SMDC memberte tan training neih leh a ni
    He hun Pu C Hualrikhuma Dy DPC RMSA chuan kaihhruaiin, RMSA kalphung leh hmalak dante sawiin khuallian Pu Lawmawma DEO leh DPC RMSA ni bawk chuan Zirtirtu aikal la leh thawktha peihlo ten zirna an tichhiat thu sawiin, hetiang an awm a nih chuan dan anga an chunga action lak a nih theihna turin hotute hnenah hriattir thin turin an ngen bawk a ni.
    Pu Lawmawma chuan, Vaihlo leh a kaihhnawih reng reng school atanga Yard 300 aia hnaiah zawrh phal a nilo angin zirlai naupangte pawh vaihlo leh a kaihhnawih lei tur pawhin an tir tur a nilo tih a sawi a, hei bakah hian zirtirtute chu naupangte tan incheina kawngah entawntlak tak in ni tur a ni ati a, Thawmhnaw mawlmang tak kan ha mai mai tur a nilo tih sawiin, track suit leh sleeper nen mai mai class room ah zirtirna kan pe tur anilova, uluk leh zahawm takin kan inchei tur a ni a ti. Pu Lawmawma chuan, thlen chin atanga hmasawn turin kalkhawmte a fuih a, nimin training atanga hma sawn a, rilru thar nena hna thawk theuh turin Champhai District chhunga Adhoc Aided H/S Zirtirtu kalkhawmte a chah bawk a ni.
    Nimin training ah hian chawhma lama Dr Lalsangliani Co-ordinator chuan RMSA kalphung leh thiltum a sawi a, chawhnu lamah Samuel Lalrinzuala Chhangte Co-ordinator Finance and Accounts in Finance leh a kaihhnawih thil a zirtir bawk.

INTERNATIONAL WOMENS DAY HMANG :

    Nimin chawhma dar 11 khan Kahrawt YMA Hall ah MHIP Champhai Sub Hqrs buatsaih, International Womens Day denchhenin Legal Awareness Campaign hun hman a ni He hun Laldingngheti President MHIP Sub- Hqrs Champhai kaihhruaiah hian Pi Lalduhawma CJM chuan zirtirna hun a pe a, hmeichhiate dikna leh chanvo humhalh anih dan leh hmeichhiate misual laka an invenna leh inhumna tur dan hrang hrangte a zirtir bawk a, Vinty Vanneihtluangi Advocate pawhin thusawi bawkin zawhna leh chhanna hun hman ani bawk. He hunah Champhai Town Branch MHIP te an kal tha hle.

ELECTION CHUNGCHANGAH IN HRILHFIAHNA NEI  :

    Nimin chawhnu dar 1 khan DC Conference Hall Keifangtlang ah Election Expenditure Monitoring leh Model Code Of Conduct chungchangah Press Briefing neih a ni
    He hun hi Pu Benjamin Lalzama SDO (Sadar) Champhai DC Charge la mektu chuan a kaihruaia, Lok Sabha inthlan kan hmachhawn turah hian Press mite chu mipuite tana rawngbawl an nih angin vote thlak chungchangah leh mipuite hriattur puanzar kawnga tanpuiah a sawm a, MLA inthlan aia Lok Sabha inthlan a vote thlak kan chhe thin chu mipuite insiamthatna tur pawimawh tak a ni ati a, Lok Sabha inthlan chungchanga hriattur pawimawh hrang hrangte a sawi bawk
    Hei bakah hian Pu R. Vanrengpuia Election Officer chuan, May ni 28 thleng Code Of Conduct Rule in a huam tur thu a sawi bakah, mipuite kan aiawh thlan kawnga thahnem ngai taka thawhchhuah a pawimawh thu a sawi a, Media te chu mipuite hrilhhriat kawnga tanla turin a ngen bawk a ni. MP inthlan hi March ni 15, Notification tihchhuah atanga March ni 22 thleng Nomination File a ni anga, March ni 24 ah Scrutine neih anih dawn bakah March ni 26 thleng inhnuhdawh theih a ni bawk anga, April ni 9 ah vote thlak a ni anga, May ni 16 ah Vote chhiar a ni dawn a ni.
    Niminpiah Chawhma dar 10:30 atang khan Election Model Code Of Conduct chu puan a ni a, hei hian May ni 28 thleng ahuam dawn a, hemi chhung hian Party leh candidate te chu chi leh chi, hnam leh hnam inkarah emaw Sakhaw biak leh tawng inanglote karah emaw inhuatna tichhuak thei thil tihnaah an tel tur a nilova, mi tumahin mahni party mite ngei pawh, an remtihna lo chuan an inah emaw, an ramah emaw party flag te, banner te hriattirna thuziak te tartir tur a ni lova, mimal zalenna tibuai zawnga thiltih engmah phal a ni lo. Police hotute hriattir hmasa lo chuan party leh candidate reng rengin punkhawmna siam phal a ni lova, aurinna leh thil dang, phalna hmuh ngai thil hman tur a nih chuan phalna an la hmasa tur a ni bawk. Kawngzawh huaihawttute chuan Police an hriattir hmasa tur a ni a, mipuite chu buaina tichhuak thei chi hmanraw lek lo turin an thunun tur a ni, tihte leh thildang tam tak Election Commission chuan mipuite zawm tur dan a siam bawk a ni.
    Chawhnu dar 2:30 khan Political Party aiawhte kohkhawm niin Campaign hun chhunga motor an hman man chi hrang hrangte leh hriatur pawimawhte hrilhhriat an ni bawk a, MP Election ah hian EVM Bharat Electronic Limited siam hman a nih tawh dawn bakah balot unit 198 leh control unit 188 hmuh a nih tawh thu sawi a ni bawk a, EVM First level checking hi March 11&12 ah neih a ni dawn a, he hunah hian Politcal party aiawh zo mi 3 tal kal turin an ngen a, a kal tur list hi Party hruaituten Thawhtan ni hian DC Office ah thehluh vek tur a ni.

FINANCIAL MANAGEMENT CHUNGCHANG ZIRHO :

    Nimin Chawhma dar 10 khan CMO Office Champhai huaihawt WORKSHOP/ TRAINING ON FINANCIAL MANAGEMENT chu I & PR Conference Hall, Champhai ah neih a ni.
    He hun hi CMO Dr.C.Zirliana kaihhruaiah hian Financial Management chungchanga Sub-Centre hnuaia Fund hrang hrang dawn thin hmandante leh a kalphung hrang hrangte Lallawmkima, Account Manager NHM in a sawi a. Fund report chungchang leh Account vawn dan te C.Vanlalrinawma Account Clerk NHM in a sawi bakah an account book checked na hun hman a ni bawk. He Workshop ah hian Health Worker 55 an kal thei a, zawhna leh chhanna hun hman a ni bawk.
    Hemi bakah hian NHM/NRHM Monthly Report HMIS (Health Management Information System) leh MCTS (Mother/Child Tracking System) chungchang ah TR. Lawmthara DEO, NHM leh Vanlalpeki Ralte E.A hmalakna thar tur hrang hrang leh Report pek dana dik tawklo leh kimlo sawi langin tih dan dik zawkte in hrilhfianna an nei bawk.

VAWK NATNA LENG MEK :

    Nimin khan Champhai District Bawrhsap charge la mektu Pu Benjamin Lalzama chuan tunalaia vawk natna PRRS leng mek chungchangah thuchhuah a siam Champhai DC chuan, Sa ser tur reng reng ten an veng chhung VC te hriatpuina chauhin an talh tur a ni a, vawk thi neitu reng rengin an veng chhung VC te hriatpuina chauhin an phum tur a ni a, Ram dan Myanmar atangin mi tumahin vawk leh vawksa atanga thil siam natna hri leng thei tur chi reng reng Champhai District huamchhungah an la lut tur a ni lo tiin thuchhuah a siam a, he thuchhuah zawmlotu chu IPC Section No 188 hmaangin hrem theih an ni anga, he thupek hian nimin atanga thla 6 chhung a huam ang

RATE TIH SAN TUM :

    Tunhnai khan Champhai PORTER Assn chuan thilman lo sang chho zelah Dawrkai leh sumdawng bungrua an thiar vel man rate tihsan ve tula an hriat avangin thuchhuah an siam Porter Assn chuan tunlaia thilman lo sang chho zelah Dawrkai leh sumdawng bungrua an thiar vel man rate tihsan ve tula hria in darkai leh sumdawng hausate pwahin hna hnuai hnung tak tak thawktute hrethiam a, a rate an tihsan hi pawmpui turin an ngen a, rate thar hman tur hi dawrkai te hnena sem vek an tum thu an thuchhuah ah chuan an tarlang a, Champhai khawpui chhung leh a chhehvela Proter Assn memberte reng rengin tunthla ni 8 atanga rate thar anga bungrua thiar tawh turin an hriattir bakah assn dan zawmlo leh rate hlui anga hnathawk manchhuah an nih chuan assn in an chungah action ala a nih pawhin an sawisel theilovang tiin an thuchhuah ah chuan an tarlang

TUIALHTHEI DINHMUN :

MIZOFED : (6:00 AM - 7:00 PM)
    Petrol : Tanky Full (Rs. 72.41)
    Diesel : Free Sale (Rs. 54.88)
RD PUMP : (6:00 AM - 5:00 PM)
    Petrol : Free Sale (Rs. 79.80)
    Diesel : Free Sale (Rs. 59.96)



champhai tualchhung chanchin 

Comments

Popular posts from this blog

Champhai - Tualchhung Chanchinthar ni 22.5.2018 (thawhlehni)

C. VANLALNGHAKA (VLa) NIGHT CUM ELITE LEAGUE TIP OFF :
Zanin dar 8 ah hian C. Vanlalnghaka Night cum Elite League Tip Off chu Vengsang YMA Hall ah neih a ni dawn.
He hun hi Malsawmtluanga, MBBA President chuan khuallian niin a hmanpui ang a. T. Ramthanmawii, Miss Mizoram 2018  chu khual zahawm niin a hmanpui bawk ang. C. Vanlalnghaka (fam) zahna leh a puala hun hman a ni ang a. PC Ramnunsiama, Secy, Elite Board hnen atangin thusawi ngaihthlak a ni bawk ang. Lalhriatpuii Fanai kaihhruainain CLub tin te Jersey phochhuahna hun hman a ni ang a, (www.champhai.net) T. Ramthanmawii hnen atanga thusawi ngiahthlak ni bawkin Malsawmtluanga kaihhruaiin Tip Off hun hman ani ang. Champhai District Basketball Association buatsaih a Samsung Mary` Elite League 2018 ah hian CLub 5, Kahrawtians BC, Venglai Tribal Sonic, Vengsang Boars, Bethel Minikins leh Vengthlang Fredys Memorial te an tel dawn a ni.
Nilai zan dar 7 atangin Samsung Marys Elite League 2018 hi khelh tan ani ang a, match hnih awmin Match h…

Champhai - Tualchhung Chanchinthar ni 21.5.2018 (thawhtanni)

SYMA TEN PALAI HNA THAWK DAWN :
Inrinni chawhma khan Sub-Hqrs. YMA Hall, Tlangrawtah Sub-Hqrs. YMA Executive Committee neih a ni.
Vice President F. Lalrinmuana (www.champhai.net)kaihhruaiah hian ni 16.4.2018 a Khawmawi khua in kang tuarte tanpuina tura thuthmun branch YMA ten tanpuina tura vehbur an khawn tlingkhawm Rs. 3,13,520 chu a hlan dan tur an rel a. He tanpuina sum tlingkhawm hi ni 23.5.2018 (Nilaini) tlai dar 4 ah DC Vanlalngaihsaka hovin Sub-Hqrs. OB te leh SEC Cremchangte leh Disaster Sub-Comt. OB te nen hlan nise an ti a.
Thuthmun Branch huamchhungah ramdang mi leh hnamdang mi sumdawng awmte mahni Branch huamchhung a mite theuh dapchhuaka hemi kawnga hma la tura hriattirna lo chhuah tawh chu tun aia thahnemngai (www.champhai.net)lehzuala ramsang mi leh hnam dang mi sumdawng mahni huamchhung theuhah an awm a nih chuan a zawn chhuah hna thawk a June ni 15 hmaa hma la theuh turin Branch tinte an ngen a ni.
Sub-Hqrs. YMA Library Bulding, BADP hnuaia sak mek, mimal hnna hna chhunza…

Champhai - Tualchhung Chanchinthar ni 25.5.2018 (zirtawpni)

CHAMPHAI THALAI PAWLTE THUKHAWM :
Nimin chawhnu dar 3 khan Champhai Thalai Pawl ten Kahrawt YMA Hall-ah an thukhawm.
He thukhawmah hian Champhai Thalai Pawl hmalak dan turte ngaihtuahin hun remchang hmasa berah Champhai khawchhung Office hrang hrangte tlawh kuala an harsatna te zawh pahin thawhpuiah sawm nise, hemi pah hian mipuite tana Office hunchhung vawng dik hram hram tura ngen nghal nise an ti a. Champhai-a Political Party hrang hrangte hnenah thuneih sang (Hqrs.) nei tura ngen nise an ti bawk. 
Tin, Champhai Nature Conservancy te hmalakna Project Tlaizawng leh Champhai Zawl humhalh kawngah Champhai Thalai Pawl chuan a thlawpin hlawhtling ngei turin duhsakna a hlan a ni.

MAXI CAB NEITUTE LEH ZOKHAWTHAR INREM :
Champhai leh Zokhawthar Sumo chuan man chungchanga hun rei tak chhung Zokhawthar khawtlang leh Champhai to Zokhawthar Maxi Cab Service pawl pahnihte an inrem theih loh hnuah nimin zing khan inremna an siam fel ta.
Nimin zing khan Zokhawthar YMA Hall-ah Zokhawthar NGO hruaitute l…