Skip to main content

MIZORAM KAILAWN CHAMPHAI AH

MIZORAM KAILAWN CHAMPHAI AH : Nimin khan Government Champhai College Multipurpose Hall-ah Mizoram Kailawn-2019: Business Plan Contest hmanga Entrepreneurship chawikanna leh inelna buatsaih tur chungchanga  inhrilhhriatna leh zirtirna hun hman a ni a. He hunah hian Entrepreneurship lama tui mi te, Self Help Group, Sumdawnna lama tuimite, NGO aiawh, College Zirlai leh mahni kutkawih thiamna hmanga eizawnna ngelnghet din tumte an tel tha hle a ni.
He hun Planning and Programme Implementation Department, IIM Calcutta leh Mizoram Consultancy Group-te tangkawp buatsaih hi Pu Zoremthara Ralte, SDO Sadar chuan a kaihruai a.  Mizoram sawrkar leh IIM Calcutta-te hmalakna hmanga Entrepreneurship inzirtirna hun leh infuihtharna hun neih a ni chu lawmawm a tih thu a sawi a. Entrepreneurship chu sumdawnna bultanna thar, chona thar hmachhawna  kalphung bik neia awmze nei taka eizawnna siam tuma bultanna a ni, a ti a. Sawrkar hnain mi a daih vek tawh loh avangin mahni thiamna leh theihna hmanga intodel…

Champhai Tualchhung

ni 8.3.2014 (inrinni)



CHAPCHAR KUT HMANG :

    Nimin khan Champhai ah Chapchar Kut ropui leh hlimawm tak hman a ni a. He hunah han YMA Branch hrang hrangten Mizo hnam lam leh Mizo hnamze phochhuak thei thil hmuhnawm takin an entir a. MHIP leh MUP ten hlado leh tlangtlir bakah Mizo hnam nunphung lantir thei tur hmuhnawm tak tak an entir bawk. He hunah hian Champhai bakah District chhunga YMA Branch thenkhat ten Mizo hnam lam leh zai te an entir bawk a. MHIP Sub-Hqrs. Champhai chuan Miss Chapchar Kut thlangin, Miss atan hian Zoremmawii Bethel an thlan bawk. Mipui lam pawhin ke Kut hi an hlut hle.

KARATE PLAYER TE LO HMUAK :

    YMCA Nandanam, Chennai a thla hlui Feb. ni 22-23 chhunga 8th National Karate & Kabudo Championship 2014 neih zawh taka Mizoram aiawha kal AMKA Champhai District player te chuan nimin tlai khan Champhai lo thlengin anmahni lo hmuahna hun hi Vengthlang YMA Run ah District Sports Committee kaihhruai in neih a ni.
    Tarlan tawh angin India ram pum huap Karate inelna neih zawh takah hian AMKA Champhai District chuan Player 5 kal tirin heng player-te hian Gold 3, Silver 2 leh Bronze medal 3 an rawn hawn a. Mizoram tana Gold Medal latute hi H. Lalruatdiki d/o H. Sangdawngliana, Venglai; Lalruathlui d/o R. Ramluaha, Bethel leh Lalchhuanliana s/o Lalthuama, Bethel te an ni. Heng Karate zirlaite hi an Coach Lenghmingthanga hovin an mahni kaihruaitu midang 2 te nen mi 8 an kal a, nimin khan Champhai lo thlengin anmahni lo lawmna hi lo buatsaih a ni.

IN KANG :

    Nimin chawhma dar 11 vel khan Khawbungah Assam Type In 1 chu bungrua engmah chuh han lovin a kangral vek a, in kan chhan hi hriat theih a ni rih lo a ni. He in hi Pu TBC Lalnuntluanga in a ni a, vanduaina awk chhungkua te tanpui nan hian MHIP in vehbur an khawn a, nimin vek khan kangmeiin a tihchhiat senghawi hnatlang koh nghal a ni.

TUIALHTHEI DINHMUN :

MIZOFED : (6:00 AM - 7:00 PM)
    Petrol : Tanky Full (Rs. 72.41)
    Diesel : Tanky Full (Rs. 54.88)
RD PUMP : (6:00 AM - 5:00 PM)
    Petrol : Free Sale (Rs. 79.80)
    Diesel : Free Sale (Rs. 59.96) 


champhai tualchhung chanchin 

Comments