Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Champhai Tualchhung

ni 16.4.2014 (nilaini)


VOTE THLAK DAN HRIATKIM TA :

    Lok Sabha inthlan pui neih zawh taka Champhai District vote tlak dan a hriatkim ta a, Champhai District chhunga Voters 78,317 atangin mi 47,311 ten vote an thlak a, 25-East Tuipui Assembly constituency ah vote tla tha berin, vote awm zawng zawng atanga za a 62.38 a tla Puan tawh angin Lok Sabha inthlan neih zawh taka Champhai District a vote tlak dan percentage chu 60.41 % a ni a, 21-Lengteng A/c huamchhungah voters 16,317 awmin heng zinga mi 10,084 ten vote an thlak a, 22-Tuichang A/c huamchhungah voters 15,042 awmin mi 8,358 ten vote an thlak a, Champhai District chhunga vote tlak chhiatna ber a ni. 23-Champhai North A/c huamchhungah voters tam berin voters 17,115 atangin vote 10,652 a tla a, voters 15,787 awmna 24-Champhai South A/c ah mi 9,449 ten vote an thlak bawk a, 25-East Tuipui A/c ah vote tla tha berin voters 14,056 an awm a, mipa 7,044 atangin mi 4,507 ten vote an thlak a, hmeichhe voters 7,012 atangin mi 4,261 ten vote an thlak a, voters awm zawng zawng 14,056 atanga mi 8,768 ten vote thlakin vote za a 62.38 a tla a ni. Polling station awm zawng zawng 133 atangin 25-East Tuipui A/c huamchhunga 25/6 Zawngtetui Polling Station, voters 114 awmna ah vote tla tha berin vote 105 a tla a, za zela 92.11 tla in, Champhai District chhunga Polling station vote tlak thatna ber a ni a, 21-Lengteng A/c huamchhunga 21/8 Teikhang Polling Station, voters 524 awmna ah vote tla chhe berin voters 367 ten vote an thlak a, za zela 36.44 a tla a ni.
    Tunah hian EVM leh VVPAT te chu chhiar theih turin uluk taka venhimna hnuaiah Strong Room ah dahthat an ni a, strong room te hi thuah hniha ven a ni a, A pawn berah State Police awmin a chhung zawkah CRPF ten an veng a ni. Election Officer Pu. R. Vanrengpuia chuan, mipui ten vote thlak an ngaipawimawh chu lawmawm a tih thu sawiin, kum 2009 Lok Sabha inthlan ah vote za zela 53.28 a tlak thu a sawi a, kumin inthlan a nasa taka kan khum chu lawmawm a tih thu a sawi bawk

CDFA THUKHAWM :

    Nimin chawhnu dar 3 khan Champhai District Football Assn chuan Sr. Vice President Pu C. Lalremsiama inah Executive Meeting pawimawh tak an nei
    He hun Pu C. Hualrikhuma CDFA President kaihhruaiah hian Champhai a MFA Cup nghah tur chungchanga thil tul hrang hrangte ngaihtuah a ni a, organising Committee chungchang sawi hoin, Champhai DC thurawn lak nise DC thurawn ang hian kal nise an ti a ni, sub committee hrang hrang siam tur pawh Organising Committee kutah dah ni se an ti bawk.
     Hei bakah hian Tlangsam Lal Thanghlianga Memorial Tournament neih tura Champhai Football Club players te tel phal anih dawn leh dawnloh chungchang pawh ngun taka ngaihtuah a ni a, inhliam leh thildang harsatna a thlen hlauhthawn thu-ah tel phalloh mai ni se an ti bawk.
    Nimin meeting chuan May thla chawlhkar hnihna a MFA Cup neih tur chungchangah Chhangphut Field pawh a nihna tur ang taka peih a nih theihna turin hnathawktute pawh biakrawn nise an ti bawk.

TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 71.23)
    Diesel : Tanky Full (Rs. 54.88)


ni 15.4.2014 (thawhlehni)



MFA CUP ATAN INBUATSAIH TAN :

    MFA Cup Champhai in a thlen tura Champhai aiawh turte chuan nimin atang khan Training an tan
    MFA Cup ah hian Mizoram hmun hrang hrang atangin team engemawzat lo tel tura beisei an ni a,MPL Club te pawhin lo tel an tum thu an sawi tawh bawk. MFA Cup ah hian Champhai aiawh turin mi 27 thlan an ni a, vawiin zing hian training chhunzawm leh a ni ang. Champhai District Football Assn chuan MFA Cup denchhena Dist Sports commt ten New CHamphai Field an chei tha chu lawmawm an tih thu an sawi. Vawiin tlai dar 3 hian CDFA Executive Meeting neih tum a ni bawk a ani



MJA TE AIZAWLAH ZIN :

    Vawiina Mizoram Journalist Assn ten General Conference an neih tura tel turin nimin khan Champhai MJA Member te chuan Aizawl an pan
    He General Conference hi Assemble Annexe Conference Hall a neih tur niin Home Minister R. Lalzirliana chuan a hmanpui dawn a, MJA hian kum 2014-2016 chhunga an pawl hruaitu tur an hlang nghal ang. He hun hmang tur hian nimin khan Champhai District MJA member mi 16 te chuan Champhai an chhuahsan a, Conference hi sakhaw ni pawimawh Good Friday nen a inzawm nghal avangin vawiin atanga tunkar chhung chanchinbu a chhuak dawnlova, mipuite hriatthiamna an ngen a ni. MJA member te hi tunkar ningani hian Champhai pana lo hawn an tum a, karleh thawhtan atangin Chanchinbu a chhuah chhunzawm tur thu pawh an sawi bawk



LAWI TIH BELH ZEL :

    Khawzawl Darngawn ram, Tuichang hnar vela Lawi dah chu kar hmasa atang khan chhan hriatlohin an thi Kar hmasa khan Law 3 thiin nimin khan Pakhat a thi bawk a, Lawi thite hi nimin khan Khawzawl Vety ah endik tura lak an ni a, Lawi pul hri leng vang nge Tur vanga thi tih hriat anilo


TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 71.23)
    Diesel : Tanky Full (Rs. 54.88)
 


ni 12.4.2014 (inrinni)



INTHLAN NEIH ZAWH A NI :

    Lok Sabha Inthlanpui chu Zirtawpni khan tluang taka neih a ni a, hriat theih chinah Mizoram pumah Champhai District vote tla percentage a tha ber.
    Zirtawpni zing dar 7 atangin vote hi thlak tan a ni a, tlai dar 5 khan khar niin, hriattheih chinah Champhai district chhungah harsatna leh buaina thleng a awmlo a, boruak muanawm tak hnuaiah vote thlak a ni a, Mizoram pumah Champhai District ah vote tla tha berin, vote awm zawng zawng atanga za a 60.45 a tla a, Champhai District ah 21-Lengteng A/c ah vote 61.84 a tla a, 22-Tuichang A/c ah 55.56, 23-Champhai North ah 62.24, 24-Champhai South ah 59.89 a tla a, 25-East Tuipui ah Vote tla tha berin 62.54 a tla a ni.
    Vote thlak ah hian Champhai District chhungah EVM pakhat leh VVPAT Printer 1 thlak a ni a, 24-Champhai South huamchhunga 24/7 Venglai I Polling Station a VVPAT Printer chu a thatloh avangin Mock Poll neih hmaa thlak a ni a, 21-Lengteng A/c huamchhunga 21/14 Lamzawl Polling Station a EVM chu vote 72 a tlak hnuah a chhia a, thlak nghal niin, harsatna a thleng zui tawhlo a ni. Tun MP inthlan ah hian Champhai District chhunga Polling Party te kal vel nan motor 127 hman a ni a, Maxicab 76, Bus 12, Taxi 5 leh Lirthei dang 34 hman a ni a, VVPAT hi Polling station 27 ah hman niin, 22-Tuichang A/c ah 8, 23-Champhai North ah 9 leh 24-Champhai South ah 10 hman a ni. MLA General Election 2013 a vote za a za tlakna 21-Lengteng A/c huamchhung, voters 48 Taitawkawn Polling Station ah mi 34 ten vote an thlak thung a, hriattheih chinah Champhai District chhungah za a za vote tlakna polling station a awmlo a ni.
    Zirtawpni tlai dar 5 a Polling Station khar a nih veleh, Polling Party te chuan Champhai District Election Office an pan nghal a, Champhai District Election Office a thawktute chuan hemi zan hian Polling Party lo thlengte hi an lo nghak a. EVM te hi strong room-ah dah luh a ni a. Vote chhiar hma chu force in an veng zui nghal dawn a ni. Vote te hi May ni 16 ah chhiar a ni ang.



VAWIIN OPD DUTY :

    Vawiin Champhai District Hospital Doctor-te duty dan tur hetiang hi a ni OPD ah Dr J. Lalramchhuanga Medicine Specialist, Dr. B. Lalduhawma Gynaecologist, Dr Zodinthara MO, Dr. LT Lawta MO leh Dr. Thangsailova Colney Dentist te an thu anga, OT ah Dr. Lalbiaktluangi a thu anga, Dr. C.Vanlalhlua Surgeon chu Endoscope ah a thu bawk ang


TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 71.23)
    Diesel : Tanky Full (Rs. 54.88) 

 
 



champhai tualchhung chanchin 

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…