Skip to main content

ONLINE APPLICATION CHUNGCHANG ZIRHO

ONLINE APPLICATION CHUNGCHANG ZIRHO : Nimin khan DEO hnuaia zirna in hrang hranga zirtir tute tan Scheme thar Online Application of Scholarship Scheme chungchang Govt Champhai College Multipurpose Hall-ah zirho a ni. Pu P. Lalhmingliana, Principal, Govt. Champhai College chuan tun hma chuan scholarship ti turin awlsam takin a tih theih mai thin a, khawvel changkang zelah tunlaiah chuan tun hma ang mai maia tih theih a ni tawh lova, Online-a Scholarship form dah khah a ngaih tawh avangin Computer leh Online a tih theih hrang hrang te hi kan thiam a ngai a ni a ti a, la hmang thiam lo te pawh intuaihriam zel a, Internet hmanga tih theih hrang hrang te hi thiam vek tum turin zirtirtu kalkhawm te chu a chah a, mi inzir peih te tan thiam theih loh hi a awm tak tak lova, kum upa lam tawh tan pawh zir peih phawt chuan thiam theih a nih thu sawiin Seminar chu a hawng a ni. Mizoram Scholarship Board Secretary Pu JH. Zoremthanga chuan, Scholarship chu naupang harsa zawkte tanpuina anih avangin …

Champhai Tualchhung

ni 10.4.2014 (ningani)



ROBERT-A CHAMPHAIAH :

    Nimin zing khan MP Inthlan lo awm tura Independent candidate Pu Robert Romawia Royte chuan Public meeting nei in, MP Danglam nih a tum thu a sawi.
    Nimin zing dar 7;00 khan Pu Robert Romawia Ralte Independent candidate chuan DK Traffic point bulah public meeting a nei a. He hun hi Pu HS. Lalfakzuala UDF Campaign Committee Chairman chuan a kaihruai a, Pu C. Lalremliana ZNP MLA Candidate chuan hunserh a hmang.
    He hunah hian Pu Robert Romawia Royte chuan thusawiin “ Tun kan sawrkar hnuaiah hian corruption a nasa em em a, corruption-ah India ram mai ni lo world record kan siam a ni a ti a, Central-ah sum tam tak ba sa in kum thar kan kai leh dawn chu a ni a, a manganthlak viau a ni, chu mi lak ata chhan chhuak tur chuan Central sawrkar hi ka be eih thei ang tih hi ring ngam rawh u” a ti a, Congress hruaitu te pawhin Central-ah pawh Congress an sawrkar an rin bik lo thu sawiin, Congress hruaitu te thleng thleng pawha min vote tum an awm hi an at vang a ni lo, an fin vang zawk a ni a ti bawk . Pu Robert Romawia Royte chuan, Champhai khawpui hi ka naupan tet atang tawh a, ka lo hrait lar leh ka lo ngaihsan khua a ni a, Mizo khua dik tak, hnamdang tui pawlh loh khuaa hun ka rawn hmang thei hi ka lawm hle a, India Sawrkarin Khawchhak lam te nen insumdawn tawnna tha tak kan neih theih nan hma a la mek a, he Look East policy-ah hian Champhai hi a kailawn pawimawh ber te zinga mi a ni dawn a, Khawchhak lam te nen insumdawn tawnna kawngah Kan thenawm state MP te chuan nasa takin hma an la a, Engatinge keini hi kan ngawihreng tih zawhna hi kan zawh ve a hun tawh a ni” a ti a. MP election campaign chungchangah thudik leh dawt an indo thu a sawi a, UDF campaingner te chuan thudik chauh an sawi thu sawiin, Congress campaignerte chu dawt hmanga campaign-ah puhin thudik chu a tawpah a dingchang thin angin, MP inthlanah hian a tlin ngei a rin thu a sawi bawk.
    Pu Robert Romawia Ralte chuan, “ Mizoram hian hruaitu tha leh chhanchhuaktu a mamawh a, Thi beh lo chung pawha state pahnih tan hma nasa tak ka la thei a nih chuan, thi beh ve -ah min siam ula, Mizoram tan hian hian nasa takin hma ka la ngei ang a ti bawk. Independent candidate UDF ten an thlawp Pu Robert Romawia Ralte chuan Thlan tlin a nih chuan MP danglam tak nih a tum thu leh Deputy Director chunglam te chuan Budget 2 an nei a ni tih an hriat vek theih nan hma a lak tur thu a sawi bawk.
    Pu Robert Romawia Royte hi Political Party General Hqrs hruaitu thenkhat, Pu Laldinliana BJA Vice President, Lalthansanga MPC Treasurer, Lalmuanpuia Punte, ZNP Secreatary, C. Lalhmachhuana MNF Jt. Secy. bakah TC. Pachhunga MNF Secreatary ten an rawn tawiawm a, Pu Robert Romawia Royte hian nimin khan Thenzawl ah Public Meeting nei lehin Aizawl panin a kir leh a ni.



POLLING PARTY 13 CHHUAK :

    Nimin zing khan Lok Sabha inthlan lo awm tura duty tur Polling Party 13 te chuan an duty na hmun tur panin Champhai an chhuahsan
    Nimin zinga chhuakte hi Polling Party 13, 21-Lengteng A/c huamchhung ami Chiahpui, Khawkawn, Mimbung-I & II, Hrianghmun, NE. Khawdungsei I&II, Teikhang, Kawlbem leh 22-Tuichang A/c huamchhung ami Tlangmawi leh Tlangpui a duty turte bakah 25-East Tuipui A/c huamchhung ami Thekpui leh Thekte a duty tur ten Champhai an chhuahsan a, Sector Magistrate hmun hla vil tur pawh nimin khan an chhuak ve nghal a, naktuk hian Polling Party dangten an duty na hmun an pan leh dawn a ni.
    Champhai District Election Officer Pu Sangdingliana IAS chuan thuchhuah siamin vote thlak ni tur a chawlh a lo puan tawh chu GAD order anga cancelled a nih thu leh vote thlak ni tura ruahman that ni 11 hi zirna in leh office chawlh a puan a nih thu a sawi a, engemaw vanga inthlan that a ngaih chuan ni 14 hi chawlh a nih tur thu a sawi.



RUIHHLO MAN :

    Nimin zing dar 8 khan Champhai Excise & Narcotics Dept te chuan Ruantlang dai, Tiau Road ah Heroin Grams 13 an man Heroin hi Lalrinnunga Kum 30, Thangzika fapa Zemabawk Lungbial veng nia insawi ta a ni a, Thawhlehni zan  khan Tiau tlang tur Night Bus ah lo chho in, Tiau a mi Heroin Grams 13 chu Rs 44,000/- in a va la a, nimin zing khan Sumo ah lo pheiin Champhai Excise & Narcotics Dept te hian Ruantlang Dai ah an lo man ta a ni. Lalrinnunga sawi dan chuan Heroin hi a nau tih tur bakah tlema zawng alo hlep theih takin tiin Zemabawk atanga la tura lokal niin a in sawi a, Local market rate a chhutin Rs 1,00,000/- man hu nia chhut a ni a, nimin khan Champhai Excise & Narcotics Dept te hian 21(b) of ND&PS Act 1985 hmanga thubuai siamsakin Champhai District Jail ah dahluh nghal a ni


SIPAI LA DAWN :

    Tun thla ni 14-17 chhung hian sipai lak runpui neih a ni dawn a, zing tin dar 5-ah intlar thin a ni ang. Chmphai District atanga intlarte tan ni 15 hian screening leh medical neih a ni dawn a, hrechiang duh tan DEO Office ah ngaihven theih a ni tih thu kan dawng.


TUIALHTHEI DINHMUN :

MIZOFED : (6:00 AM - 7:00 PM)
    Petrol : Reserve for MP Election (Rs. 71.23)
    Diesel : Reserve for MP Election (Rs. 54.88)
 



champhai tualchhung chanchin 

Comments