Skip to main content

Champhai Tualchhung Chanchinthar

MYANMAR A HMEICHHE THAWN TUMTU TLANCHHUAK :Bangladesh-a Rohingya raltlan hmunpui atanga ruk chhuaha Myanmar lama hruai chhoh tur ni a rin Rohingya Muslim, kum 15 leh 16 bawr vela upa, hmeichhe 8 chu Thawhtanni khan Police te'n Champhai district-a Dungtlang khuaah an chhanchhuak. DIG (Northern Range) Lalbiakthanga Khiangte sawi danin he'ng an tleirawl chhanchhuahte hian Hindi leh tawng dang pawh an thiam lo va. Bangladesh atanga rawn ruk chhuah ngei an nih rin a ni a ti. Heng hmeichhe 8 te hi nimin khan Chief Judicial Magistrate hmaah hruai niin Child Protection Home, Champhai ah dah an ni. Heng hmeichhe tleirawl 8 te la chhawng tu tur Jonathan (23) s/o Thathawmliana, Khawthlir Myanmar leh Nguntindawnga (25) s/o Thabuantaia, Tahan Myanmar nia insawi te chu Saikhumphai man nghal an ni. Nguntindawnga chuan heng hmeichhia te hi Malaysia, Singapore leh Indonesia a hruai tur an nih thu a sawi a. Zokhawthar Gateah Mizo te anga hnamdang tan permit lak a theih loh avangin Saikhumphai lam…

Champhai Tualchhung

ni 11.4.2014 (zirtawpni)



MZP IN KUMTAWP THUTKHAWM NEI :

    Nimin khan MZP Hqrs. Champhai kum tawp Committee leh Kum 2014 - 2015 chhunga hruaitu thar thlanna an nei. He hun hi I&PR Auditorium, CHANEM ah neih a ni a, Lalsiammawia Sailo, President chuan kaihhruaiin he meeting ah hian HSLC leh HSSLC Exam a passte chawimawi dan tur ngaihtuah a ni a. HSLC Distriction a pass te bakah HSSLC 1st Division a pass te chawimawina hlan nise an ti a, School 100% pass te hnenah chawimawina hlan nise an tih bakah topper an awm a nih chuan a hrana lawmpuina hlan nise an ti bawk. Tun tuma zirlai tithate chawimawina hunah hian Champhai Hqrs. huam chhunga zirna Ia pass te chauh chawimawi tur an ni ang a, Champhai mi leh sa, khaw hran atanga passte hnenah chawimawina hlan loh mai nise an ti bawk. Hei bakah hian meeting chuan Govt. Champhai College a zirtirtu indaih lohna chungchang pawh relin kan mamawh dante sawrkarah thlen nise an ti a, hei bakah hian College zirtirtu class la tha peih lote chu a hrana lenchilha titipui nise an ti bawk. Champhaia hnam dang awmte chungchang pawh relin vai census neih tura ruahman a ni a, Selam PS ten zirtirtu  an neih loh chungchang pawh a tul anga hmalak nise an tih bakah Khankawn HS Office, Party Worker ten an sak tur pawh tha taka sak a nih thei hnan MZP Hqrs. hminga hma lak nise an ti bawk a ni. Chawhnu lamah Adviser te hmalaknain kum 2014-2015 chhunga MZP Hqrs. Champhai hruaitu tur thlan a ni a, heng mite hi thlan chhuah an ni.
    President    :    Remnalalnghaka
    Vice President    :    Lalsiammawia Sailo
    Secretary    :    H. Lalramhluna
    Asst. Secretary    :    Lalthlengliana
    Treasurer    :    Lalhmachhuana Chhawnchhek
    Fin. Secretary    :    Isaac Lalduhawma
    MZP Hqrs. Champhai hian tunah hian Sub-Hqrs. pathum Farkawn, Khawbung leh Hnahlan ah te nei mekin Branch 6 - Tlangsam, Zote, North Khawbung, Bethel HS, Vengsang HS leh R. Hranga HS ah te an nei mek a ni.



BADMINTON ZIR THEIH :

    Champhai District Badminton Association chuan Under 16 tan Free Coaching a buatsaih dawn a, he free coaching a tel duhte chuan karleh nilaini ral hmain Secretary K. Lalchhuanawma hnenah in report tur a ni.


TUIALHTHEI DINHMUN :

MIZOFED : (6:00 AM - 7:00 PM)
    Petrol : Reserve for MP Election (Rs. 71.23)
    Diesel : Reserve for MP Election (Rs. 54.88) 

 
 



champhai tualchhung chanchin 

Comments