Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Champhai Tualchhung

ni 3.4.2014 (ningani)



SYS FOOTBALL TEAM TUR TRIAL :

    Nimin chawhnu dar 1 khan Mizoram District dangte tih veloh SYS Football Team a tel turte tan Selection Trial New Champhai Field ah neih a ni
    He hunah hian thusawiin Pu C. Lalremsanga DSYO chuan, Champhai ah hian infiammi tam tak an lo chhuak tawh thin a, naupang, talent nei tha leh thiam tak takte pawhin zirna mumal an neihloh avanga an zuihral leh mai thin chu ngaithiamlovin, hetiang football Coaching hi kalpui tura rel a nih thu a sawi a, Regular taka zir chhoh a, anmahni a theihna leh thiamna awmte haichhuah chu an tum ber a nih thu sawiin, Champhai District mai nilo, India ram tana an thiamnate phochhuah anih theihna tura training pek leh an theihna phochhuahsak chu an tum a nih thu a sawi. DSYO chuan, thuawihna leh inpekna a pawimawh thu sawiin, thuawihna leh inpekna tello chuan tuna an team din tur hi a hlawhchham tur thu sawiin, DSYO chuan Coach te ang tluka pawimawh chu nangmahni in ni tih tarlang bawkin, theihtawp chhuaha anmahni nena tanghoa an hmasawn theih ngeina tura hmalak chu an tum anih thu a sawi bawk         

SYS Football Coaching hi Sports Department hnuaiah Champhai DSYO Office bultuma buatsaih a ni a, kum khat chhung a thlawnin football coaching mumal taka neih a ni ang. Mizoram hmun dangah Aizawl ah tihloh chuan Champhai hi an tihna awmchhun ala ni a, Champhai infiammite hnena Theihna awm haichhuahna tur liau liaua he thil hi buatsaih an nih thu DSYO chuan kan palai a hrilh a, Aizawl lama alo hlawhtlinpui tawh dante sawiin, SYS Football Team hian Champhai ah mai nilo Mizoram ah pawh hnuhma lian tak a neih tur thu a sawi
    Nimin Selection Trial ah hian Champhai District khaw hrang hrang atangin infiammi 151 an kalkhawm a, Kum 17 leh kum 19 hnuai lamah mi 40 thlanchhuah an ni anga, mumal takin a thlawnin Football coaching pek an ni ang a, Team anga dingin CDFA hnuaiah an in registered anga, Tournament pawh an khel ve thei dawn a ni




TRAINING THAWHHNIHNA :

    Nimin chawhma dar 11 khan PS-II ah Lok Sabha inthlanpui lo awm tura Presiding Officer te chu a thawhhnihna atan training pek an ni He hunah hian Duties & Responsibilities Of Polling Party leh SMS Bqased Monitoring Communication Plan tih chu Pu Benjamin Lalzama leh K. Lalngaihzuala, AE. NIC ten an zirtir a, Postal Ballot chungchanga hriattur pawimawh te Pi V. Lalmuanpuii SDC chuan zirtir bawkin, Form pawimawh chi hrang hrangte chu Pu ZOremthara Ralte BDO leh Rochuangkimi Khenglawt SDC ten an zirtir bawk. Nimin training hi hmun thumah then a ni a, session 4 athen niin Presiding Officer te an kal tha hle



MHIP INKHAWMPUI :

    Vawiin atang hian Venglai Community Hall-ah MHIP Sub-Hqrs Champhai chuan conference vawi 13-na an hmang tan dawn.
    MHIP Sub-Hqrs Champhai confenrence hi Pi Lalnipuii, Chairperson Women Commission, Govt. of Mizoram chuan khuallian niin a hmanpui dawn a. Ningani hian palai rorel neih tur niin agenda atan inthlan kuma conference an neih thin ang chauh hian kal ni tawh se, a kum kar laka special committee hi neih tawh loh nise tih te, block conference hi kum khat danah nei ni tawh rawh se tih te, chhiatniah hian hmeichhia emaw nu ten pawnfen feng lovin puan bih theuh tura inzirtirna neih nise tih te, ran khuahkhirh chungchangah tun aia nasa lehzuala hmalak ni rawh se tih te, faina chungchang hi tun aia nasa lehzuala inzirtir nawn leh nise tih te, MHIP member kohhran dan thianghlima pasal neite lawmpui dan tur chungchang te, inneih nia mo incheina hi Mizoram puma rualkhai zawka hman ni rawh se tih te, Sub-Hqrs in budget kum khat atan a siam thin hi term khat angin siam ni tawh rawh se tih te, Sub-Hqrs conference ah hian a thlengtu tur in ruai buatsaih tawh loh nise tih te, Gutkha Sub-committee hi Sub-Hqrs hian din zui zel rawh se tih te, MHIP Sub-Hqrs hruaitu te hian an term chhungin thingtlang branch tinte tlawh chhuah thin nise tih te, coordination committee din leh nise tih te, Sub-Hqrs Budget hi budget pharh kum December thla ral hmain branch tin ten pek fel vek ni rawh se tih leh, kum 2015 ah VC thlan turah Branch tin atangin VC member pakhat tan nei thei tura Branch tin ten tanlak theuh nise tih te chhawp chhuah a ni.
    Conference hi zirtawpni thlenga hman tur niin a tawp ni-ah hian kum 2014-16 chhung hruaitu thlan nghal tur a ni a, hruai atan hian Darchhungi, Venglai; C.Tharmawii, Vengthar; C.Rozari Vengsang; K.Lalnuntluangi, Kahrawt; Lalngaizuali, Venglai; Laldinngheti, Bethel; Lalhmachhuani, Bethel; Laltlanthangi, New Champhai; Lallawmzuali, Vengthlang; Lalzarliani, Zote; Sailothangi, Ruantlang; VL Duhawmi, Vengthlang; VL Rochhari, Vengthlang ‘N’ leh Zothanzami, Vengthlang ‘N’ te chu nominee an ni.
    Conference-ah hian lengkhawm zai hmangin branch tinte an intihsiak dawn a ni.




THUBUAI ZIAH LUH ZAT :

    Thla kalta March thla chhung khan Champhai Excise & Narcotics Dept te chuan MLTP Act Case 15 ziaklutin mi 10 an man Heng an thil man zingah hian Zu tam berin litres 575 an man a, Burma zu Um 15, Beer Bottles 60 leh Can 489 an man bawk a, Zu bilhlai tin 115 leh zu bel 16 bakah motor 1 an man bawk a, avaiin case 15 ziaklutin mi 10 an man a ni Champhai Police Station ah pawh Case 15 ziahluh a ni a, Ruk ruk thubuai 3, mi inrawk 5, Pawngsual 1, Silaia Inkaphlum 1, Mi kutthlak 1, Silai 1, Bomb 1 an man a, Tang tlanchhuak thubuai 1 leh Diklo taka invauna thubuai 1, avaiin thubuai 15 ziahluh a ni bawk. Champhai Traffic Police te chuan March thla chhung khan Two wheeler 23, Taxi 4, Maxi Cab 5, LMV 4 leh Rickshow 1 an man bawk a, heng an motor man atang hian Rs 9,950/- an hmu bawk a ni



MOTOR INZIAH LUH DAN :

    Champhai District ah motor a pung zel a, March thla chhung khan Champhai DTO Office ah Motro 112 register thar a ni Heng motor zingah hian Two Wheeler tam berin 60 registered a ni a, Auto Rickshow 1, Maxi Cab 2, Motor Car 13, Jeep, Bolero leh Gypsy 5, Taxi 5, Truck 25 leh Excavator 1, avaiin motor 112 ziahluh a ni He bakah hian Tax leh Fee chi hrang hrang atangin Rs 12,23,563/- hmu bawkin Passenger phur chi motor atangin Rs 56,000/-, Bungraw phur chi motor atangin Rs 1,43,550/-, Road Tax atangin Rs 7,93,253/- leh MV Fee atangin Rs 2,30,760/- an hmu bawk a ni



RAN ENKAWL DINHMUN :

    March thla chhung khan Champhai AH&Vety Hospital ah Ran damlo March thla chhung khan AH&Vety Hospital ah ui 89, vawk 106, Ar 20 hnenah damdawi pek a ni a, Artificia Insemination, Bawng kahrai 22 awmin, Kah tawh kah nawn leh 6 a awm bawk a, March thla chhung khan Bawng kahrai tawh zawng zawng atangin a note, a pa pathum leh a nu pathum an piang bawk a, bawng vulh lai 17, a nu 12 leh a pa 5 an nei mak bawk



TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 71.23)
    Diesel : Tanky Full (Rs. 54.88)
 



champhai tualchhung chanchin 

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Sermon

Ringtute Hi Khawvel Eng Kan Ni
Chang thlan : Matthaia 5 : 14 - 16
Eng tel lo chuan khawvela nunna neite hi an dam khawchhuak thei lo. Eng hmanga chaw siam thei chauh vek an ni. Thil, a nihna ang taka kan hmuh fiah theihnan pawh eng a ngai a, eng awm lohna ah chuan kan chetvelna pawh a buai zo vek a nih hi. Thimah chuan kawng kan hmu thei lo va, hlauhawm leh hlauhawm lo kan thliar thei lo va, kan mit kan chhawr tangkai thei hek lo. Eng tel lo chuan kan khawsa thei lo a ni
Khawvel Eng - Isua : Isua hi khawvel eng a nih thu Johana 1:9, 8:12 ah te kan hmu. Isua tel lova khawvela nun kan hman chhung chuan thimah kan cheng tihna a ni. Nuamsa takin awm mah ila, Kawng leh Thutak leh Nunna Isua kan neih loh chuan kawngbo kan ni tho. Kan hlawhtlinna te, ropuina leh hmingthatna te pawhin kan damchhung bak a daih lo. Tin, kan nunna atana tha leh tha lo pawh kan finna atangin kan teh ang a, a dik zik tluak chuang lo . Kan hlimna leh lawmna pawh hian tawp chin a nei a, lungngaihn…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…