Skip to main content

MIPUITE TAN DAMDAWI MANTLAWM

MIPUITE TAN DAMDAWI MANTLAWM : Mipuiten man tlawm zawka Damdawi an lei atheihna tura Sorkar laipuiin ruahmanna a siam, Pradhan Mantri Bhartiya Jan Aushadhi Kendra (PMBJAK) hmanga Champhai District tana Champhai Town Multipurpose Cooperative Society (CTM-PACS)-in Generic Drugs Store a siam chu nimin zing khan Champhai District Senior Medical Officer Dr. R. Lallianmawia'n a hawng. Champhai Vengthlang Pu Chalbawia Building-a CTM-PACS Variety Store sira he Generic Drugs Store hawnna hun hi PACS Chairman HS Vanlalfakzuala'n kaihruaiin, Senior Medical Officer Dr R. Lallianmawia chuan, Sorkar laipui ruahmanna anga Champhai District mipuiten man tlawm zawka Damdawi an lei theihna tura Generic Drugs Store hawn a ni ta chu lawmawm a tih thu a sawi a. 'Nang malsawmna ni ang che' tih thupui a hmangtu Champhai Town Multipurpose Co-operative Society-in hetiang Dawr a hawng hi thil inhmeh tak leh mipui tana vanneihna rahbi thar a ni, a ti. SMO Dr. R.Lallianmawia chuan Generic Drugs S…

Champhai Tualchhung

ni 8.4.2014 (thawhlehni)



YMA SUB-HQRS. CHAMPHAI HRUAITU TEN CHARGE INHLAN :

    Nimin khan Kum 2013-2014 leh Kum 2014 - 2015 chhunga Sub-Headquarters YMA Champhai hruaitute chuan Sub-Headquarters YMA Conference Hall Tlangrawtah charge an inhlan fel ta.
    He hun PC Zohlira, President kalchhuak turin a kaihhruaiah hian hruaitu thlan tharte leh hruaitu chawlta te hnenah thusawiin PC Zohlira chuan Total Bandh neih avanga hun chep tak kara charge inhlan a ngai chu pawi a tih thu a sawi a. Hun rei tak chhung alo chen tawhna YMA hruaitu nihna chawlhdan a ngai ta chu lunglenthlak a tih thu sawiin, hruaitu thar tha tak tak hnungzui tur erawh chu an awm zel tur thu a sawi a.
    Hruaitu thlan tharte hnenah thuchah sawiin PC Zohlira chuan Zam hauh lova, Sub-Hqrs. YMA kaihruaina hna thawk turin duhsakna a hlan a. Pathian rawn chung zela YMA kaihruai a, hma lam pana kal zel turin a chah a, thawhhona tha tak an neih theih nan duhsakna a hlan bawk. YMA hruaitute hi miin an en sang a, khawi hmunah pawh zahawm taka awm a, mite zah tur leh incheina pawh uluk taka vawng turte, awmna hmun apianga insiam rem zung zung thei turin leh intih hotu a ngaihna hmunah pawh zam hauh lo turin hruaitu thlan tharte chu a chah a. Sub-Hqrs. YMA Office chu mahni in ang mai a en a, uluk taka vawng zui zel turin a chah bawk a ni.
    YMA Sub-Hqrs. Champhai hruaitute charge inthlanna hunah hian hruaitu kalchhuakte chuan hruaitu thlan tharte hnenah YMA chu pawl zahawm tak a nihna ang taka an kalpui zel theihna turin duhsakna an hlan bawk.
    Tarlan tawh angin Kum 2014-2015 chhunga Sub-Hqrs. YMA hruaitu atan hian President: VL Chama Hnamte, Kahrawt; Vice President: H.Laltuliana, Zotlang; Secretary : F.Lalrinmuana, Vengthlang; Asst. Secy: PC Lalrawnliana, Vengthlang North; Treasurer : R.Lalchhuanawma, Vengsang; Fin Secy: K Lalramhluna, Tlangsam  te thlan an ni.

BANDH THLAWP :

    Nimina total Bandh huaihawt chu nimin zing atang khan kalpui tanin YMA, MHIP, MUP, MZP leh MSU te chu Champhai kawn hrang hrangah Duty in he Total Bandh  hian thlawp a hlawh hle. Champhai khaw chhung bikah chuan nimin khan thil duhawm lo thleng hriat tur a awm lova, DC Office atanga Polling Party chhuak tur erawh nimin zing atang khan dan niin, Falkawnah Polling Party te dang tur hian YMA Branch hrang hrangte chu a inchhawk a duty tir niin, zan lamah tlaivarin zirlai pawlte an duty ve thung.

CHHUANAWM :

* Pu R. Zarzosanga s/o Upa R. Khawbula (L) tunah LAD leh Revenue Dept. a Joint Secretary hna chelh mek chu Addl. Secretary-ah a kai sang.
* Dr C Lalthanpara S/o C Laldanga, Kahrawt Veng chuan CMC Vellore atangin Post Graduate Diploma in Family Medicine first class ah a pass thar.
* Vanlalhruaitluanga Bochung s/o C. Lianzova tuna Hyderabad a Engineer Final Year zir mek chuan Gate Exam All India-ah a in ziak tling a,he Exam ah hian mi 1,30,000 vel in an bei a, mi 20,000 vel an tling.
Champhai in hetiang mi chhuanawm kan nei hi a lawmawmin kan chhuang hle.

 TUIALHTHEI DINHMUN :

MIZOFED : (6:00 AM - 7:00 PM)
    Petrol : Tanky Full (Rs. 71.23)
    Diesel : Free Sale (Rs. 54.88)

 

 
 



champhai tualchhung chanchin 

Comments