Skip to main content

SAREP HALRAL

SAREP HALRAL :
Environment Forest and Climate
Change Champhai Range Staff ten ramsa rep khai 21 an mante chu Champhai DFO Pisa tualah nimin khan Champhai DFO & Territorial Wildlife Officer Lalduhthlana'n a halral.
Champhai Range Office Staff-te hian October 5, 2019 a ramsa rep zuartu Champhai Dinthar Venga Rosiami hnen atanga Sanghal sa khai 10; Tlangsam Venga Hranglianmawii hnen atanga Sanghal sa khai 6 leh Sava sa khai 5 an man halralna
hunah hian DFO Lalduhthlana chuan, Nungchate humhalhna dan tha tak a awm thu leh nungchate that emaw an sa zawrh leh ei hi dan in a phal loh thu a sawi a.
Dan bawhchhetu mi pahnihte chu danin a phut anga hremna pe a, pawisa chawitir an nih bakah ramsa rep man takte pawh halral a nih thu a sawi a. Nungchate tan ramri kham a awm ve loh avangin khawii hmun a mi pawh tih hlum emaw, a sa zawrh leh ei chu danin a phal loh vangin mitin nungcha timangtu ni lo va, humhalhtu ni zawk tura a duh thu DFO Lalduhthlana chuan a sawi a. Sa pel ching emaw nung…

Champhai Tualchhung

ni 9.4.2014 (nilaini)



LAWMTHU SAWI :

    Darkar 72 chhung awh tur Mizoram pum huap Total Bandh chu nimin chawhnu dar 1:30 khan tihtawp a ni Tripura Transit Camp a Tuikuk ten vote an thlak duh loh zia lantir nan leh vote hi chhiar a nih loh nana darkar 72 chhung awh tur,Mizoram puma Total Bandh neih chu nimin chawhnu dar 1:30 khan tihtawp a ni. Central YMA Gen. Secy. in Election Commission Of India a NGO aiawha lehkha a thehluh chu chhan niin, hun lokal zel turah Tripura Transit camp a Bru awm ten Mizoram chhung ngeia vote an thlak theihna tura hmalak an tum thu dawn a ni. NGO duhdan Mizoram Sorkar ah thlen a ni a, Tripura Transit camp a Bru awmte hi tun inthlan vote chhiar zawh anih atanga thla thum chhunga sengluh tura ruahman niin, heta lo lut duhlo te chu Roll atanga hming paih turin sorkar leh NGO te chuan thu an titlu a, hetiang anih avang hian Total Bandh neih chu tihtawp a ni ta a ni.
    Sub-Hqrs. YMA Champhai chuan mipuiten an thlawp avang leh MUP, MHIP, MZP leh MSU te nena theihtawp chhuah ho avangin lawmthu an sawi.



PU ROBERT-A CHAMPHAIAH :

    Vawiin zing dar 7 hian Lok Sabha Inthlan lo awm tura Mizoram chhunga Tangrual pawl Candidate Pu Robert Romawia Royte chuan Champhai a lo thleng dawn Vawiin zing vek hian Pu Robert Romawia Royte hian DK Traffic Point a Tangrual pawl te buatsaih,Public Meeting ah thu a sawi anga, Public Meeting neih zawh hian Thenzawl ah Public Meeting nei leh turin Thenzawl a pan leh nghal dawn a, DK Traffic Point a Public Meeting hi CCN chuan Live in a pechhuak


CHHUAH HUN :

    Lok Sabha inthlan lo awm tura Polling party, ni 7 a chhuak tura ruatte chu Ni 9 a chhuah tur a ni a, ni 8 a chhuak turte chu ni 10 a chhuak tura an chhuah hun siam danglam a ni. A chhuah hun darkar erawh chu a pangngai hman tur a ni a, chhuah hun darkar khat aia hma-ah DC Office a thleng vek tura hriattir an ni


KAWNG SIAMNA SUM :

    PWD Champhai Division chuan tunlai hian State Plan atangin nuai 122.5 hmuin,khawchhung leh a chheh vel kawng siamthat hna an thawk mek a. Hemi bakah hian Additional Central Assistant atangin Cheng nuai 138 hmuh a ni bawk. PWD EE Pu Lalkima chuan Election zawh ve leh hian sum tam zawk dil turin Aizawl lam kal a tum nia thudawn a ni.


HOSPITAL A DUTY TUR :

    Vawiina Champhai District Hospital Doctor te duty dan tur hetiang hi a ni OPD ah Dr. J. Lalramchhuanga Medicine Specialist, Dr. Zodinthara M.O, Dr. LT Lawta M.O leh Dr. Thangsailova Colney Dentist te an thu anga, Zai Tenau ti turin B. Lalduhawma Gynaecologist a thu anga, Endoscope ah Dr. C. Vanlalhlua leh OT ah Dr Lalbiaktluangi eye Specialist te an thu ang. Champhai District Hospital thuneitute chuan mipui ten damlo kan hun ngaipawimawh se an duh thu an sawi a, a hunloa luh tumte hian thawktute an tihbuai thu an sawi bawk.


TUIALHTHEI DINHMUN :

MIZOFED : (6:00 AM - 7:00 PM)
    Petrol : Tanky Full (Rs. 71.23)
    Diesel : Free Sale (Rs. 54.88)

 

champhai tualchhung chanchin 

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…