Skip to main content

SAREP HALRAL

SAREP HALRAL :
Environment Forest and Climate
Change Champhai Range Staff ten ramsa rep khai 21 an mante chu Champhai DFO Pisa tualah nimin khan Champhai DFO & Territorial Wildlife Officer Lalduhthlana'n a halral.
Champhai Range Office Staff-te hian October 5, 2019 a ramsa rep zuartu Champhai Dinthar Venga Rosiami hnen atanga Sanghal sa khai 10; Tlangsam Venga Hranglianmawii hnen atanga Sanghal sa khai 6 leh Sava sa khai 5 an man halralna
hunah hian DFO Lalduhthlana chuan, Nungchate humhalhna dan tha tak a awm thu leh nungchate that emaw an sa zawrh leh ei hi dan in a phal loh thu a sawi a.
Dan bawhchhetu mi pahnihte chu danin a phut anga hremna pe a, pawisa chawitir an nih bakah ramsa rep man takte pawh halral a nih thu a sawi a. Nungchate tan ramri kham a awm ve loh avangin khawii hmun a mi pawh tih hlum emaw, a sa zawrh leh ei chu danin a phal loh vangin mitin nungcha timangtu ni lo va, humhalhtu ni zawk tura a duh thu DFO Lalduhthlana chuan a sawi a. Sa pel ching emaw nung…

Champhai Tualchhung

ni 10.5.2014 (inrinni)



SIAL AH MICRO CHIP :

    AH&Vety Minister Pu C. Ngunlianchunga chuan nimin khan Khuangleng ah Sial chhinchhiahna Micro Chip a hawng. Hetiang Micro-Chip hi sial taksa chhungah kap lutin a neituten anmahni sial an hriat hrang theihna a ni. Minister hian nimin chawhnu lam khan Champhai lo thlengin Champhai North Block I Congress hruaituten Circuit House ah nimin tlai khan an lo kawm nghal a. Champhai khawtlang mamawh chi hrang hrang nia an hriatte an lo thlen a, Minister hian a theih ang anga a bawhzui tur thu a lo hrilh a ni. Minister hian vawiin hian Champhai a chhuahsan leh dawn a ni.

BEDC MAN NUAL :

    Nimin chawhma dar 11 khan Champhai Excise & Narcotics Department, Zokhawthar Road a Duty tura kalte chuan Zokhawthar atanga lokal Maxi Cab atangin BEDC Zu Litre 70, Polythene fun 110 a dah an man. Excise Duty te hian he Maxi Cab hi Zotlang Lei pelh hretah lo phar dinga lo check in heng zu te hi an man a, a neitua puh Lalrinkuma (18) s/o Thangzuala leh Lalsailova s/o Malsawma (L) Electric Veng ve ve te chu thubuai siamsak nghal an ni.

AWARENESS CAMPAIGN NEI :

    Nimin chawhnu khan MZP Hqrs. Champhai bul tumin Govt. GM Higher Secondary School ah Awareness Campaign on Legal, Child Abuse & Drug Abuse neih a ni.
    He hun hi Remnalalnghaka, President MZP Hqrs. Champhai chuan kaihruaiin hetiang Awareness Campaign hi thi ltul tak a nih thu a sawi a, hmun hrang hrang an kal hualnaa an thil hmuh leh tawn hrang hrangte bakah zirlaite hmakhaw ngaia an thawhna chi hrang hranga an thil hmuhte avangin dan leh hraite inzirtirna bakah damdawi hmansual kawnga inzirtirna hi thil tul tak a nih thu a sawi a, hetiang hun an hmang thei chu lawmawm a tih thu a sawi bawk.
    He Awareness Campaign ah hian Vinty Vanneihtluangi, Advocate; R. Lalrinchhani, DCPO; VL Chama Hnamte, President Sub-Hqrs. YMA leh Pi Vanlalzawni SDPO ten zirtirna an pe a, zirlai naupangten hlawk thlak an ti hle.

TUIALHTHEI DINHMUN :

MIZOFED : (6:00 AM - 7:00 PM)
    Petrol : Tanky Full (Rs. 70.39)
    Diesel : Free Sale (Rs. 54.88)

 

champhai tualchhung chanchin 

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…