Skip to main content

ONLINE APPLICATION CHUNGCHANG ZIRHO

ONLINE APPLICATION CHUNGCHANG ZIRHO : Nimin khan DEO hnuaia zirna in hrang hranga zirtir tute tan Scheme thar Online Application of Scholarship Scheme chungchang Govt Champhai College Multipurpose Hall-ah zirho a ni. Pu P. Lalhmingliana, Principal, Govt. Champhai College chuan tun hma chuan scholarship ti turin awlsam takin a tih theih mai thin a, khawvel changkang zelah tunlaiah chuan tun hma ang mai maia tih theih a ni tawh lova, Online-a Scholarship form dah khah a ngaih tawh avangin Computer leh Online a tih theih hrang hrang te hi kan thiam a ngai a ni a ti a, la hmang thiam lo te pawh intuaihriam zel a, Internet hmanga tih theih hrang hrang te hi thiam vek tum turin zirtirtu kalkhawm te chu a chah a, mi inzir peih te tan thiam theih loh hi a awm tak tak lova, kum upa lam tawh tan pawh zir peih phawt chuan thiam theih a nih thu sawiin Seminar chu a hawng a ni. Mizoram Scholarship Board Secretary Pu JH. Zoremthanga chuan, Scholarship chu naupang harsa zawkte tanpuina anih avangin …

Champhai Tualchhung

ni 12.5.2014 (thawhtanni)



CHAMPHAI DAMDAWI IN A HUL LO :

    Tunlai a ruahsur nasa ah Champhai District Hospital sak thar chu a phui lo nasa hle a, damdawi in chhungah tui a lut nasa hle.
    District Hospital hi NGO Co-ordination leh Champhai Thalai Pawl te chuan Inrinni khan a hmunah enin, hmalak dan tur an sawi ho nghal a. Damdawi In chhung hi RCC hmanga chhun a ni a, a phui that loh avangin in chhungah hian tui a lut nasa hle a ni. Champhai NGO Coordination Committee leh Champhai Thalai Pawl te hian Inrinni vek khan thil awmdan hi Pi K. Ropari, Director hnenah report an pe nghal a, K. Ropari chuan a rang lama hma lak a tum thu a lo hrilh niin thu kan dawng.
    Champhai District Hospital hi tun thla ni 22 hian hawn tum a ni a. Tun dinhmunah chuan Damdawi Ina damlo awmte tan harsatna a thlen ang tih a hlauhawm hle.



AIENG HER TAN :

    Tlangsam Turmeric Growers` Society chuan Aieng herna khawl bun felin tunah hian an her chho mek a, quintals 5 vel zet chu her tawhin he society ah hian chhungkaw 90 zet an awm niin thu dawn a ni.


HSSLC A CHAMPHAI DINHMUN :

    HSSLC result tihchhuah takah, Champhai a School hrang hranga Letter hmute a hriat ta a. English Subject ah mi 4, Geography ah mi 3, Political Science ah mi 6, History ah mi 3, Education ah mi 2, Chemistry, Physics, Biology leh Mizo ah mi 1 theuhin letter an hmu bawk.
    Govt. GM HSS a Arts zirlai Cicily VL Ruatpuii d/o F. Vanlalliana, Champhai Vengthlang chu Distinction ah pass in Mark khat lekin Top 10 a tling pha lo.



TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 70.39)
    Diesel : Free Sale (Rs. 54.88)


champhai tualchhung chanchin 

Comments